查看完整版本: 去東歐咩月份天氣最好呀?

去東歐咩月份天氣最好呀?

可以分享下嗎?

你想去東歐邊個國家?!

克羅地亞十六湖、奧地利、匈牙利、捷克、斯洛文尼亞、德國、波蘭...有冇邊個月份去特別靚架?

我除左斯洛文尼亞冇去過之外.. 其他都去左所以我諗我可以俾少少意見你!
(不過我係全部分開一次去一個國家, 唔係一次過遊晒架.. 所以可能唔同年份(好似今年特別凍)會有d分別!)

克羅地亞十六湖: 我係6月頭去架~ 我去左成個 croatia, 當地人話係最好既時候黎, 因為好好天~~而且唔熱唔凍..

奧地利:: 我都係6月頭去既~ o個陣夜晚會有少少凍.. 不過 austria 真係唔係d人講到咁靚 (我去左 vienna 同 salzburg)

匈牙利: 我係2月勁凍既時候去架~~ 雖然係淡季(所以好平~), 不過成個 budapest都係白色既好靚好靚! 而且budapest 係夜境靚好多架~~ (如果你6,7月去就會ok夜先天黑..) 同埋最記得係o係o個度浸溫泉.. 個天一路落超大雪.. 上身凍下身暖咁o係度捉旗...一生難忘!!

捷克: 我自己就十一月去既(都凍凍地.. around 3-10"c), prague 既 charles bridge @ sunset 係超超超浪漫~ (我唔係同男朋友去都覺得好靚~~~) 不過最佳旅遊時間應該係4/5月喇.. 6/7/8月好多人... 又貴!

斯洛文尼亞:未去過~ 唔知

德國: 你想去邊 part 先?

波蘭: 我係11月去架... 凍到飛起! 去 krakow 好喇..不過好快行完~ 唔好去 warsaw.. 完全冇野睇... 我個人勁唔 recommend 人去li 個國家旅行...

嘩, 好詳細呀, 多謝晒你~

我其實想9月去, 不過聽你咁講好似4-5月係最好....我都要再諗下~