查看完整版本 : 市集初哥,創業踏腳石分享

白雪仙姐姐 2018-1-27 01:57 PM

市集初哥,創業踏腳石分享

小妹主力係網上賣美容產品,不是自家作,是外國進口的,亦有幾個零售點寄賣,但始終大部份利潤都用作交租,至於網上宣傳主力靠IG/FB/Google Adwords,一直都有客人購買,但生意普通,未算有很大的突破…

幾個月前無意間在FB看到一些市集搞手的廣告,好似發現新大陸,大約$400-500/日租可以在商場做展銷,通常都只係星期六日,之後幾個月KEEP住一個月做1-2次展銷,主要想增加品牌知名度、直接接觸客人。

雖然整體來說,有賺有蝕,除了賺$,亦賺了人脈和經驗,認識了好多志同道合的朋友,大家都係小本經營,互相指教。當時亦有中伏的時候,蝕了場租,當交學費。

無疑市集可能是創業可考慮的踏腳石,未會拿幾十萬去開舖,不如花一千幾百試下商場市集/展銷,直接睇下客人咩反應,再檢討或調整成盤生意。

下集再分享賺$和中伏的經驗分享。

白雪仙姐姐 2018-1-27 02:26 PM

分享第一次市集展銷經驗,地點係樂富,擺了3日(星期五六日),生意額過萬,馬上燃燒左繼續擺檔的雄心,但亦只有呢次成績係咁好。

因我是第一次擺檔,好多野都唔識,閒時跟隔離檔主吹下水,佢地教左我好多資訊,包括上FB加入市集群組、邊個場旺邊個場無人流、邊到買display用品等等。

當時揀樂富係知道呢個場近地鐵,人流多,而且好多九龍塘客去樂富買野,一心想接觸一下有潛質新客人,事實係大部份人流都係師奶和阿婆,人流真係非常之多,似乎我賣的東西未必是他們的需要,而且講價都講得幾狼。

至於點解可以過萬生意,大部份源於FB/IG宣傳,大約8成購買的舊客人是看到宣傳活動,覺得好抵,專程過來買的,有個客話係屯門出來,真係好感動呀。

即係約2成是樂富的街坊,純粹經過而成功銷售,不過始終係一個好開始!

metalsteel 2018-1-27 02:33 PM

支持

白雪仙姐姐 2018-1-27 02:42 PM

又分享下最中伏的一次,就係赤柱,是大節日,租金比平時貴一倍,以前自己賣D野靚靚地,應該好吸引啦,點知....做左3日連租都唔夠交!

事後檢討下點解咁失敗,首先地點太遠,同樣在FB/IG宣傳,熟客都不會專登來。第二,美容產品算是實用/有需要才用的產品,大時大節可能大家想買D開心野/無聊野,多過想買實用野。

地點本身係有人流,雖然我無咩生意,可能係產品問題,但隔離檔非常好生意,收$收到手軟,全日有1/3時間幫佢SELL野,佢地係賣精品、公仔、飾物,係高質素的淘寶貨,大部份都係有最少5-10倍利潤的貨,尤其是赤柱遊客多,就算是香港人節日氣氛下都會比較闊綽,我簡直有衝動想轉行跟佢學野。

白雪仙姐姐 2018-1-27 03:45 PM

其實市集擺檔,一定有人喜歡有人愁,每次都見到有些檔長期好熱鬧,有些拍烏蠅,產品固然好重要,個人認為檔主的心態都好緊要。

純粹分享自己的準備功夫,擺檔前兩三天在FB/IG開始預告,有咩優惠/即LIKE即送/額外禮物等等,盡量吸引舊客和粉絲來捧場。當日就POST下現場環境,甚至會分享下隔離檔有咩靚野特別野,閒時同前後左右檔主取經,大部份都好願意互相交流,甚至互相幫襯。

雖然擺檔都會有櫈坐,但我大部份時間都係企,主動D介紹產品,誠懇D同客人Say Hello,自己著靚D,化妝精神D,盡量唔好成日睇手機,總之以最好狀態去擺檔。

領展商場人流夠,但街坊中好多公公婆婆,佢地成日係商場涼冷氣,只係行來行去無野做,亦未必會買野,試過有一個婆婆係市集一開檔約12點來回左幾次,每檔都摸下搞下,大部份檔主都唔理佢,仲有D厭惡的眼神。

婆婆行到埋嚟我前面,我同婆婆講 : 「早晨婆婆,我賣XXX架,今朝好精神來行街喎,食左早餐未呀?」,對於幾句簡單的問候,當時睇得出婆婆好開心,傾左一陣,婆婆繼續每檔去行下搞下。

第二日,婆婆帶埋個孫女來買野,同孫女講你喜歡咩就揀,嫲嫲送比你,孫女當然唔客氣啦,哈哈!!

最開心唔止係賺錢,而係賺左一份情,一份欣賞。

總相信世界有恩果循環,好像回力鏢,你拿什麼出去,就會收回什麼。大家來擺檔都是求財,很多擺主都是臥虎藏龍,好有Heart好有創意的,只是商品未有知名度,本身已經打工仔,一星期返了5天工,星期六日仲要出來擺檔,甚至帶埋仔女出來,在旁邊溫書做功課,唔通佢地唔想休息,唔想享家庭之樂,只是係賺多份$,或者將自己的作品被人認同,所以以後我更會細心去行市集,覺得自己或朋友有需要盡量幫襯以行動支持,起碼幫手LIKE下FB,谷下人氣都好呀。

四季沙也香 2018-2-2 12:48 AM

支持繼續分享,我都想聽多啲新創業嘅人擺市集的見聞

唔同市集搞手有唔同規矩,講求原創性的搞手一般唔俾賣淘寶野,不過我偶然行市集都會見到有淘寶貨。。。。。

白雪仙姐姐 2018-2-2 05:34 PM

[quote]原帖由 [i]四季沙也香[/i] 於 2018-2-2 12:48 AM 發表 [url=http://www.discuss.com.hk/redirect.php?goto=findpost&pid=474712624&ptid=27209618][img]http://www.discuss.com.hk/images/common/back.gif[/img][/url]
支持繼續分享,我都想聽多啲新創業嘅人擺市集的見聞

唔同市集搞手有唔同規矩,講求原創性的搞手一般唔俾賣淘寶野,不過我偶然行市集都會見到有淘寶貨。。。。。 [/quote]


謝謝支持分享!

市集是否成功,搞手都佔好重要角色。大部份市集以手作為主,產品真係好有特色,好少係其他地方見到,咁先係發揮香港人創意。

下集分享我見過最賺錢係賣咩。

天將一統付真人 2018-2-3 04:31 PM

收藏呢個帖等學野,多謝樓主

包糟糕 2018-2-3 07:58 PM

如果有圖片更好

veonyuen 2018-2-7 12:32 PM

*** 作者被禁止或刪除 內容自動屏蔽 ***

白雪仙姐姐 2018-2-8 03:32 PM

再續.....

根據小妹粗略觀察,那裡產品比較暢銷? 大部份有關寵物的產品,包括寵物食品、衫仔、有貓狗圖案的物件(飾物、小袋、擺設、餐具等等),寵物主人不介意花錢買,就算我沒有養寵物,也很喜歡貓圖案的產品,睇下千萬女士喜歡Hello Kitty就知道,所以賣寵物相關的產品真係無得輸。

還有就是賣小朋友產品的,父母通常都用捨得洗$,例如衫褲鞋襪、益智玩具,不過有些檔主都係淘寶回來,當中更有卡通人物圖像,好可能是侵權/盜版,小心海關呀!

有次身旁就是賣益智玩具,例如PUZZLE、牌、書,總之要好用腦先可以玩到,吸引大批家長和小朋友來試玩,有些更會企係度現成個鐘,檔主不斷教客人點玩,無客人時檔主的仔女就自動行出去做媒試玩,有2個小朋友在玩,自然吸引其他真客人前來,基本上全日都人頭湧湧,旺丁又旺財。

最後分享我見過最勁的檔主,就是賣仿鑽戒,大約只是幾百蚊就可以買到幾萬蚊的鑽戒,真係閃到爆,賣的不只是仿鑽戒,更是賣虛榮心,用1/100的價錢就有一卡,客人簡直可以用排隊比$來形容,而且客人只是到檔擺時揀款和試SIZE,全部都是訂造,檔主入貨中伏機會好低,有客訂才生產,以大約$5XX一隻來計,一日起碼開幾十張單,可想而知有幾好生意。

白雪仙姐姐 2018-2-8 03:41 PM

雖然同行如敵國,好多是同一市集都會有好多檔類似的產品出現,例如 : 手工皂 & 護膚品、花茶、飾物,搞手通常會盡量將仍地分開,唔好係隔離,但有時知己知後,互相交流學習都係好事,但亦都有些人比較小器,霸多D公家位/投訴咩都有。

其實大家比心機做好自己產品,提供優質的服務,落力做宣傳,屬於你的客人自己會來找你,同行更是學習的對象,擺市集好多時都會有好多新的啟發。

白雪仙姐姐 2018-2-8 04:01 PM

繼續講下中伏危機,純粹個人意見。

(1) 戶外市集
~ 太受天氣影響,太熱/太凍/下雨/打風無人行,自己都可能捱病,但通常租金會便宜一些!

(2) 淘寶貨
~ 成本低,利潤高,但真係要小心揀優質的淘寶貨,檔主識淘寶,客人都識,唔好當人傻,明明淘寶賣$5,花園街賣$10,又話自己Handmade賣$50,呢D情況都見唔少。

(3) 侵權/盜版貨
~ 淘寶一定好多是侵權/盜版貨,香港海關好勤力架,唔好為左少少錢就被人拉呀!
~ 眼見好多賣小朋友產品都會有侵權/盜版貨,大大個Hello Kitty的衫仔賣$39,唔係日本Sanrio授權嘛...

(4) 自製食品
~ 每次都見好多聲稱自家花茶/曲奇/糖果/cup cake/蛋糕的檔,當然大部份都係網店,星期六日出來擺市集增加知名度,產品未必有食物標籤等相關証明。
~ 有次睇"東張西望"講原來流行知名的網店都犯法,大部份都是無牌經營,但要正式拎牌就要經多個部份申請,時間長、手續煩,投資一個廚房更要約最少幾十萬,當中存在好多法律灰色地帶,相信好多檔主都係自己屋企整/加工,但如果客人食左唔舒服又點追究? 
~ 政府對於監管,只限人食的,寵物食品未有相關法例。

生意五花八門,各有各做,但我認為不犯法、不騙人的良心生意,才會得到客人的尊重和認同。

WYWY1234 2018-2-9 04:19 PM

樓主分析得好徹透,我都好想創業,不過全職媽媽真系無呢個時間。😭😭

HOOKHBO 2018-2-10 12:00 PM

留名追貼,多謝分享:loveliness:

白雪仙姐姐 2018-2-10 02:42 PM

[quote]原帖由 [i]WYWY1234[/i] 於 2018-2-9 04:19 PM 發表 [url=http://finance.discuss.com.hk/redirect.php?goto=findpost&pid=475079770&ptid=27209618][img]http://finance.discuss.com.hk/images/common/back.gif[/img][/url]
樓主分析得好徹透,我都好想創業,不過全職媽媽真系無呢個時間。😭😭 [/quote]

我識好多朋友都係全職媽媽去創業,時間上總要有所取捨,但大有大做,小有小做,總會找出一條適合自己的創業路,加油!

四季沙也香 2018-2-13 04:28 PM

賣仿鑽戒的攤檔,我自己行市集都有見過,當時仲心諗:乜有人會買呢啲嚟戴㗎咩?(因為我自己唔會戴假鑽戒,應該話真鑽戒都唔會戴,覺得好俗)原來真係有,仲要好好生意。。。。。。
香港人虛榮心真係重。。。。。。

謝謝樓主分享,又知多啲市集擺檔的狀況
我都覺自製食品有灰色地帶,萬一相關部門某天心血來潮去市集執法真係無佢符。。。。。所以絕對唔會考慮做食品
依家市集真係好多淘寶貨,有時去市集諗住睇下有乜特色手作仔,結果十有八九都係熟口熟面的淘寶野,仲要檔檔賣的都係差唔多的款式&貨色,真係好無癮。。。。。
樓主有無見過啲真係手工做、又幾好賣的東西?

白雪仙姐姐 2018-2-15 10:50 AM

[quote]原帖由 [i]四季沙也香[/i] 於 2018-2-13 04:28 PM 發表 [url=http://finance.discuss.com.hk/redirect.php?goto=findpost&pid=475278335&ptid=27209618][img]http://finance.discuss.com.hk/images/common/back.gif[/img][/url]
賣仿鑽戒的攤檔,我自己行市集都有見過,當時仲心諗:乜有人會買呢啲嚟戴㗎咩?(因為我自己唔會戴假鑽戒,應該話真鑽戒都唔會戴,覺得好俗)原來真係有,仲要好好生意。。。。。。
香港人虛榮心 ... [/quote]

香港人創意無限,係市集見過好多好用心設計和製造的手工產品,但通常價錢都幾貴,在D2見過一個女仔用線勾出花花飾物,堅靚,一條頸鍊$3XX,你又可以講只係幾條線,咁就$3XX,但人地可能花左幾小時才勾出一件成品,值唔值就見仁見智。

又見過木雕產品,真係即雕,一個小擺設$2XX-3XX,會吸引好多人睇,實際會買的人又有幾多呢?

可能淘寶威力太大,同樣是人手造的,大陸手工製成品跟香港人親手做的成本差太多,我見過一間算幾好賣的檔,主要是小手袋/包包,聲稱是handmade,但檔主直言不是自己手工,是工廠貨,不過都是全手工產品,款式花紋都幾靚,所以都KEEP住有人買。

greentea_latte 2018-2-24 08:37 AM

[quote]原帖由 [i]白雪仙姐姐[/i] 於 2018-2-8 03:32 PM 發表 [url=http://www.discuss.com.hk/redirect.php?goto=findpost&pid=475025736&ptid=27209618][img]http://www.discuss.com.hk/images/common/back.gif[/img][/url]
再續.....

根據小妹粗略觀察,那裡產品比較暢銷? 大部份有關寵物的產品,包括寵物食品、衫仔、有貓狗圖案的物件(飾物、小袋、擺設、餐具等等),寵物主人不介意花錢買,就算我沒有養寵物,也很喜歡貓圖案的產品,睇 ... [/quote]

你帶出一個重點是我發現有人氣的檔會更易吸引人氣,沒人氣的舖會更難吸引人來看。消費者普遍心態是多人幫襯=無伏+抵買;無人幫襯-=有問題。

至於你話要熱情跟客人打招呼,唔好玩手機。我覺得又未必,睇下對象係咩人。有時我寧願自己靜靜地無壓力下睇下野,我問野時檔主會有禮貌回答就ok,太熱情我會提早走。你講阿婆個case係甘岩個阿婆好悶,想有人關心,想人聊佢講野。

greentea_latte 2018-2-24 08:42 AM

[quote]原帖由 [i]白雪仙姐姐[/i] 於 2018-2-15 10:50 AM 發表 [url=http://www.discuss.com.hk/redirect.php?goto=findpost&pid=475368275&ptid=27209618][img]http://www.discuss.com.hk/images/common/back.gif[/img][/url]


香港人創意無限,係市集見過好多好用心設計和製造的手工產品,但通常價錢都幾貴,在D2見過一個女仔用線勾出花花飾物,堅靚,一條頸鍊$3XX,你又可以講只係幾條線,咁就$3XX,但人地可能花左幾小時才勾出一件成品 ... [/quote]

真正handmade 的貨係咪真係多人買先?多數客都係行埋黎睇下,讚句幾靚,睇完價錢之後,便放低走人。之後上返淘寶買平貨。

口裡說不,身體卻很誠實。

佢地唔係真的歧視淘寶貨,係覺得俾你食價,心裡不甘啫。

cinderlailyl 2018-2-26 04:59 PM

我都想試下擺檔 請問樂富點度點book.我賣手工皂的。

白雪仙姐姐 2018-2-28 12:09 AM

[quote]原帖由 [i]cinderlailyl[/i] 於 2018-2-26 04:59 PM 發表 [url=http://www.discuss.com.hk/redirect.php?goto=findpost&pid=475943718&ptid=27209618][img]http://www.discuss.com.hk/images/common/back.gif[/img][/url]
我都想試下擺檔 請問樂富點度點book.我賣手工皂的。 [/quote]


都是有些搞手在fb group度寫出來,你可搜尋一下市集資訊及檔主經驗分享區,好多資料架!

ilovebike 2018-2-28 02:40 PM

支持樓主分享..

bestofu 2018-2-28 04:20 PM

支持樓主分享,其實香港應該多些空間俾人做小生意。

chichipig123 2018-3-2 05:26 PM

想問, 做網售要不要擺商業登記才可以賣嘢?

白雪仙姐姐 2018-3-2 08:47 PM

[quote]原帖由 [i]chichipig123[/i] 於 2018-3-2 05:26 PM 發表 [url=http://www.discuss.com.hk/redirect.php?goto=findpost&pid=476174467&ptid=27209618][img]http://www.discuss.com.hk/images/common/back.gif[/img][/url]
想問, 做網售要不要擺商業登記才可以賣嘢? [/quote]


不需要,但長遠來看,拎BR,去銀行開公司戶口,客人會較安心,生意也會做大。
頁: [1]
查看完整版本: 市集初哥,創業踏腳石分享