查看完整版本: 火炭銀禧花園專區

eb1815 2009-4-19 02:10 PM

火炭銀禧花園專區

本人剛成為此屋苑新業主, 大家一齊討論下早前大型維修事件鬧劇喇 ~

mentosmentos 2009-4-20 02:16 PM

乜野鬧劇呀?
我有興趣買果到呀..不過見佢未維修..都擔心緊佢維修費要比幾多呀..可唔可以比個預算我呀

vickymouse 2009-4-21 12:54 PM

死啦,我都諗住買銀禧...but:smile_24:
鬧劇...??? 維修費...???

hehehaha111 2009-4-21 02:39 PM

有咩維修鬧劇呀...???
我淨係聽過商場開老人院姐...:smile_13:

eb1815 2009-4-21 10:08 PM

簡單黎講業主立案法團有兩幫人.... 幫A 強烈建議盡快維修 (但維修費每戶最少要成 5-6 萬, 所以唔知個班人有咩 "私人" 原因....)
而較溫和的幫B 則建議重新招標, 質疑維修費冇理由咁貴..... 到較早前屋苑舉行大會討論維修事項, 幫A 其中一個女士一行出黎講野, 所有參與討論大會的住客一齊勁噓佢, 場面攪笑非常 ~
據我所知是次大會得出的結果好似會重新招標, 所以大家唔駛咁快擔心維修費住 ~

eb1815 2009-4-21 10:37 PM

在此屋苑住左兩年, 同大家分享一些此屋苑少少的優缺點:

缺點:
食水都幾黃下, 水喉要一陣先會清D.
得兩間餐廳 (獨市), 一個普通的晚餐要成 4 草以上, 超貴.
雖然話有個街市, 但冇人會入去買野.
樓齡超過20年.
向西北單位, 間唔中都會聽到 "轟隆轟隆" 的火車聲.
向東南單位, 10 樓打上成條吐路港的車聲好難 feel 唔到, 所以一定要關窗訓.
........................
優點:
全屋苑的人感覺都好 nice, 小朋友都好乖, 極少不良少年出現.
其實交通好方便, 好近火車站, 早上有巴士直出荃灣.
在旁駿景園有個小型商場, 有大百佳, 日本餐廳, 麥記, 日本城, 租碟晒相鋪等.
價錢唔算貴, 同一價錢只能在沙田市中心買到 400 呎單位.
...............................
純個人意見: 本人覺得全個銀禧最正是 4 - 6 座低層望泳池向東南之單位, 一來冇車聲, 二來景觀亦開揚, 三來望泳池好有泰國度假 feel, 大家有機會試試去銀禧3 樓平台由第五座望出去就知我講咩 ~

[[i] 本帖最後由 eb1815 於 2009-4-21 10:45 PM 編輯 [/i]]

shyko 2009-4-21 11:58 PM

Anyone can list all the 火炭 transportation available?

benc1998 2009-4-22 04:01 PM

本人早前都係住銀禧, 其實向西北的話, 6-8 座都幾好架, 又近駿景園商場.

師兄 eb1815 講既野好客觀, 好o岩, 食水真係一個考慮因素, 要大維修先可以解決.

地方實用, 好難再搵到咁大個廳, haha

捧場 2009-4-26 01:56 PM

商場係唔係開老人院:funk:

mike_leung 2009-4-26 06:21 PM

等我又講講啦....我都係住緊銀禧花園。
我覺得呢個屋苑有一樣野好煩,就係有幾幫人成日鬧交,好似要維護自己利益咁不停你投訴我,我投訴你.....業主立案法團班人又會派傳單話邊個邊個唔arm,一陣又有唔知咩人又會派傳單反駁......成日都好似有唔停既爭拗。就以討論大維修事件,又有兩幫人係度嘈....你又佢有私心,佢又話你有私心,一陣連管理(業)處都比人鬧埋,甚至最近有人話要開會要求撤換管理公司等等....其實我搬左黎呢度唔算好耐,都唔知佢地過去有咩恩怨,我淨係成日收到佢地d信,睇到我一頭霧水.......
不過,我覺得上次話大維修果個報價簡真係離晒譜,每戶要夾至少六萬至十三萬.........(果d報價單我仲keep住),人地其他屋苑都係整咁多野,都唔洗咁多錢。佢地報d咁既價,多人反對都係意料中事,重新招標亦都係必須要做。上次去業主大會先攪笑,大家為大維修去投票,點知張票部分選項只得「贊成」and「棄權」,居然冇「反對」呢個選項,好明顯係有party / 人玩野,或者有利益輸送!!..........

不過,呢度d管理員大部分態度好好,好nice,有傾有講! 有時都會主動幫d住客手處理問題!!!

mike_leung 2009-4-26 06:30 PM

講講銀禧既優點同缺點:
優點:
1) 交通ok方便,如果你經常坐火車就一流,因為真係好近火車站
2) 夠靜(晚上雖然聽到火車經過既聲音,但唔算大聲,亦唔係好密),夜晚好少車經過
3) 治安好,冇乜飛仔/女逗留
4) 風景都算唔錯!
5) 實用率高,個廳超大......我屋企6百幾呎,個廳超過二百呎....
6) 管理費平...6百幾蚊一個月

缺點:
1) 交通選擇不夠多.....
2) 買野地方少....多數要去到駿景園先多d野賣....
3) 食肆少...銀禧得兩間....不過,好似話就黎開酒樓,希望可以多d選擇啦
4) 水質差...不過加左filter會好好多....
5) 冇會所!!
6) 個屋苑比較殘舊(希望大維修後成個屋苑可以渙然一新啦)

不過,其實成個沙田d樓都係比較舊,大部分屋苑都超過廿年.....銀禧..總括而言,都算幾好住,呎價唔貴,沙田區算抵住.....

woo007 2009-4-26 08:09 PM

這裡最大的缺點是下面的高速公路噪音極大,向馬場景靚但晚上很難睡得好。

行去火炭站,要5-10分鐘,日晒雨淋,對外巴士線極少。

mike_leung 2009-4-26 08:54 PM

我住果座好近火車站,我計過,一般速度行到火車站C-D出口,只需3分鐘!(連埋等紅綠燈)
向馬場的確係嘈d,我住向山景,晚上打開窗訓,都唔覺得好嘈,聲音一定有,但唔算大聲。晚上愈夜愈少車行,十二點後行經既車非常少.......

而家起左御龍山,落雨冇帶umbrella要淋雨既時候少左.....由火車站C-D出口,過紅綠燈時要淋一陣雨! 不過,遲D會多一個選擇,就係用接御龍山果條天橋,去到御龍山,再用扶手電梯落返去,沿途都有蓋遮頭.....一路行到去御龍山同第11座下面果個盡頭位,再快跑去銀禧閣停車場(相信應該唔洗10秒---當然太大雨就要等下先),去到銀禧閣,由三樓商場返屋企,任何一座都唔洗淋雨。

mike_leung 2009-4-26 09:03 PM

[quote]原帖由 [i]shyko[/i] 於 2009-4-21 11:58 PM 發表 [url=http://www.discuss.com.hk/redirect.php?goto=findpost&pid=200284072&ptid=9507766][img]http://www.discuss.com.hk/images/common/back.gif[/img][/url]
Anyone can list all the 火炭 transportation available? [/quote]

早上有巴士去荃灣我唔肯定......

巴士: 88K(由駿景園去沙田顯徑村)...沿途經沙田市中心及大圍
小巴: 801(去馬鞍山)、811及810(去第一城)、28K來回大埔火車站及沙田市中心
火車.......(不過有時跑馬日火車唔經火炭,可能要等多一班火車先返到屋企)

其實,我希望御龍山入伙後,該區人流會增加....希望巴士公司可以考慮將行經大埔公路既部分巴士線增加巴士站係駿景 / 銀禧 / 御龍山....例如 74A(由太和到觀塘)、72(太和到長沙灣)等等.....
因為呢幾條行經大埔公路既巴士線,佢去到駿景路前會 U turn落去馬場旁既公路,去到近沙田市中心先再有站......加上果個位成日塞車....不如將其中一兩線巴士線改一改,唔好u turn落去馬場...改為直入駿景園,由ive果度出返沙田市中心,一方面唔會miss左原先既巴士站,又唔會行長左路程,亦可以方便到本區居民。

eb1815 2009-4-27 09:38 PM

我最希望御龍山入伙後個度會開返間 大家樂 / 美心 / 大快活

mike_leung 2009-4-28 09:59 AM

我都係咁話,希望有美心/大快活/大家樂....等快餐店,亦都希望佢開間萬寧/屈臣身氏等百貨店....因駿景已有日本城,希望呢邊都有類似既店...最好有間CIRCLE K或7仔!

masterso 2009-5-5 10:54 AM

[quote]原帖由 [i]eb1815[/i] 於 2009-4-19 02:10 PM 發表 [url=http://www.discuss.com.hk/redirect.php?goto=findpost&pid=199912267&ptid=9507766][img]http://www.discuss.com.hk/images/common/back.gif[/img][/url]
本人剛成為此屋苑新業主, 大家一齊討論下早前大型維修事件鬧劇喇 ~ [/quote]
大維修打交喺香港好普遍,唔係呢處獨有。成龍大哥話齋,『香港人係要管嘅』。管理處派咗幾十人嚟鎮壓D業主,[color=#cc0033]居家兵都出埋。用管理費打自己人就少見D。[/color]

cp168 2009-5-5 05:59 PM

我想租size644, 有沒有人有租盤

chungsy 2009-5-6 08:10 PM

我將會在5月25日收樓成為銀禧業主。:loveliness:

捧場 2009-5-7 02:16 PM

你買向西北or向東南單位?:loveliness:

vmcc27 2009-5-7 10:59 PM

我都有睇緊銀禧...可惜几間都好殘仲要成200萬度, 想問下d銀行做5做9成按...

捧場 2009-5-8 05:13 PM

我都想睇銀禧高層.但心目中price 190萬.:smile_41:

baby715717 2009-5-8 06:02 PM

我今個sunday會move去銀禧了...哈...裝修左好耐...我上年買左超高層對馬場先18x...家下買唔到了...so happy...期待中

捧場 2009-5-9 12:12 PM

超高層係唔係頂樓,你裝修how much ,:loveliness:

baby715717 2009-5-10 09:47 AM

回覆 24# 的帖子

我買左36樓...人地話36係最好既...因為38就天台...37就會曬到個頂...我裝修唔計傢私同左12萬

eb1815 2009-5-10 03:45 PM

[quote]原帖由 [i]baby715717[/i] 於 2009-5-10 09:47 AM 發表 [url=http://www.discuss.com.hk/redirect.php?goto=findpost&pid=202928853&ptid=9507766][img]http://www.discuss.com.hk/images/common/back.gif[/img][/url]
我買左36樓...人地話36係最好既...因為38就天台...37就會曬到個頂...我裝修唔計傢私同左12萬 [/quote]

咁吐路港既車聲係未好勁 ?

baby715717 2009-5-11 06:42 PM

回覆 26# 的帖子

開windows有o的...我接受到...close左幾乎無

捧場 2009-5-12 02:52 PM

36樓真係好正,12萬裝修係咪包括toilet ,kitchen and 地板, 有無換window.

baby715717 2009-5-12 05:53 PM

換左一個對馬場既windows...全屋裝修 10萬左右已包kitch & toilet反轉黎做過...買磚同wallpaper係大6買...未計傢私

eb1815 2009-5-12 07:21 PM

[quote]原帖由 [i]baby715717[/i] 於 2009-5-12 05:53 PM 發表 [url=http://www.discuss.com.hk/redirect.php?goto=findpost&pid=203277294&ptid=9507766][img]http://www.discuss.com.hk/images/common/back.gif[/img][/url]
換左一個對馬場既windows...全屋裝修 10萬左右已包kitch & toilet反轉黎做過...買磚同wallpaper係大6買...未計傢私 [/quote]

forgot to ask, which is yr size: 623  /   644   / 653  ?
頁: [1] 2 3 4 5 6 7 8 9 10
查看完整版本: 火炭銀禧花園專區