註冊 登入



打印

[港超] 東方今季 (2017-18) 攪邊科?

[隱藏]


「不是看到希望才去堅持,而是堅持了才會有希望。」這句名言相信大家都耳熟能詳,但真正做到的,又有幾多人呢?東方龍獅後衞吳偉超花了13年青春,於中國球壇打滾,闖出自己一片天。2016年12月回流香港加盟東方龍獅,至今出場時間並不多,上輪聯賽後備上陣頂入加盟以來第一個入球,助球隊以3比0擊敗強敵香港飛馬。訪問當日,「超哥」多次重複上述名言,希望以此鼓勵年輕球員做好準備:「球員未必個個都係正選,你冇得踢嗰陣要更加努力!」 

「跌低」係變得更強嘅機會 

踏入職業生涯尾聲,36歲的吳偉超覺得球員生涯已無憾:「得到嘅已經比我想像中多,自己盡咗最大努力,做到比初時定嘅目標好,已經冇乜遺憾。真係要講缺失的話,可能係未贏過中超冠軍,但係一個香港球員可以喺其他聯賽踢到十幾年,已經係最大嘅肯定。」一路走來,有兩場比賽至今仍深深烙印在「超哥」心中:「07年我一個失誤令球隊輸波,有一年都冇機會出場,之後好努力去加強自己。08年再對番同一個前鋒,我發揮特別好,幫助球隊贏波,自此我就知道,其實跌得最低唔係一件壞事,反而係你變得更強嘅機會。」 

「啱教練口味都要有準備」 

自己走過冤枉路,吳偉超希望憑藉自己的經驗,成為本地年輕球員的「人生導師」,幫助他們成長:「你間中踢得好,我唔會畀掌聲你,因為我覺得可以更加好,但你踢得唔好、灰心時,我會鼓勵你,提高對自己嘅要求,慢慢進步。」面對現今眾多入籍兵,「超哥」寄語年輕球員要先做好自己:「唔好成日覺得有入籍兵就冇機會,入籍兵都要等7年時間,如果你提升到自己,無論你對咩對手,你都可以贏佢。」他還打趣說:「好似食嘢咁,每個人都有唔同口味,呢個教練冇畀機會你,你只可以做好自己等待機會,如果啱下一個教練口味,畀機會你,但你一路冇準備、上場冇表現嘅話,其實任何一個教練,對你嚟講都一樣。」 

訪問當日,「超哥」收操後還自發與謝敏榮一同鍛煉體能和頭槌,年齡沒有淋熄他追求進步的火燄,對於外間批評聲音,他一笑置之:「就算你做咩都會有人讚有人批評,唔需要太上心。就同自己講,你永遠都有做得更好嘅地方。」 

感激超嫂撐足13年 

吳偉超足球生涯在上海登上高峰,亦在這片福地遇上另一半。與太太度過13載,吳偉超感激身邊人體諒:「喺香港做球員嘅女朋友、老婆,可能無乜特別,因為都係喺香港。但喺其他地方就比較辛苦,球員成日要走嚟走去,見面時間比較少,但冇辦法,呢份係我職業。」 

人生未必能事事如意,「超哥」幸得賢內助一直支持:「好多謝佢咁多年嚟嘅支持,無論生活、起居飲食,甚至足球上,我唔如意嗰陣,佢都鼓勵我,同我講加油。」



實用相關搜尋: 香港 女朋友

回覆 引用 TOP




回覆 引用 TOP



港超聯東方龍獅總監梁守志證實,守衛李志豪已與球會解約,並已取消他在足總的註冊。

今日有網民發現足總網站內,東方龍獅專頁中李志豪的名字在球員名單內「消失」。而梁守志接受查詢時表示,李志豪在球隊的位置與球會出現意見分歧,已於早前協議提前解約。

消息指,李志豪在菁英盃分組賽最後一戰對陽光元朗前已沒有再隨球隊操練,暫未知這名前港隊代表的去留。

早前接本報訪問時自言是「天才」、人稱「虎哥」的李志豪,去年初與中甲梅州客家解約回港重返東方,而球隊今季戰績未如理想,早前易帥,改由李健和接掌帥印,而基頓以本地球員身份回歸,其上陣機會亦減少,而這位35歲老將早前與球隊解約。






引用:
原帖由 大寶二寶 於 2018-3-26 10:31 PM 發表



港超聯東方龍獅總監梁守志證實,守衛李志豪已與球會解約,並已取消他在足總的註冊。

今日有網民發現足總網站內,東方龍獅專頁中李志豪的名字在球員名單內「消失」。而梁守志接受查詢時表示,李志豪在球隊的位置與 ...
緊係和哥要踢442
冇聽佢講踢451或541



[隱藏]
引用:
原帖由 accent55 於 2018-3-27 03:12 AM 發表




緊係和哥要踢442
冇聽佢講踢451或541
似乎係吵大穫而離開



回覆 引用 TOP



隨着足總杯出局, 東方亦正式宣告今屆四大皆空, 亦喪失來屆球會亞洲賽資格



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。