打印

【PolyU 新生必看】常見問題 FAQ

【PolyU 新生必看】常見問題 FAQ E-mail 此主題給朋友

[隱藏]
雖然下面d資料不是最新的,
但年年都應該差唔多 ~
引用:
目錄:
1) 2010-2011年度 校曆表 Academic Calendar
2) 學生手冊 Student Handbook
3) 過去交學費之紀錄網 Student Account Information
4) 校園地圖 Campus Map
5) 常用網址
6) 有POLY OFFER後要做既野

A. POLY基本資料
B. o camp問題
C. 住hall問題
D. 揀科問題(專門詳细解答Reg科/add/drop/timetable問題)
E. Society問題
F. GRANT LOAN/學費問題
G. 2009 PolyU 手提電腦展
H. PolyU 鬼故
<~ 新 加 ~>

2010-2011年度 校曆表 Academic Calendar:
http://www.polyu.edu.hk/as/students/AC.pdf

學生手冊 Student Handbook:
https://www2.polyu.edu.hk/as/Polyu/STDHBK/Handbook1011/Student_Handbook_2010-11_Full_Version.pdf

過去交學費之紀錄網 Student Account Information:
https://www29.polyu.edu.hk/fostudacc/


如需要入數紙交學費, 可到以下地方出示學生證拎取:
1) 7-11旁邊的財務部  或
2) M core樓下1樓的教務處


校園地圖  Campus Map:
http://www.polyu.edu.hk/fmo/eMap/CampusMap.pdf

常用網址:
1) http://www28.polyu.edu.hk/ASPage/ ASPage, check時間表/GPA用
2) https://my.polyu.edu.hk/portal/html/login/login.html MyPolyU, check電郵用
3) http://webct2.polyu.edu.hk/webct/public/home.pl WEBCT, DOWNLOAD NOTES/功課用
4) http://www.polyu.edu.hk/sao/locker/ REG LOCKER用,每個新生會有一個locker比你,8月尾可以上去REG,如果有人肯同你調LOCKER,都係呢個網度搞
5) https://www29.polyu.edu.hk/fostudacc/ 用黎CHECK下有咩費用要交
6) https://www29.polyu.edu.hk/saosport/login.htm book sport facilities,除左免費時間外,其餘時間要去邵逸夫運動場入左錢先可以book
7) http://www.polyu.edu.hk/sao/csp 報輔學課程用,類似中學既課外活動,上至天文下至地理上至語文下至相學都有得報,$50一個課程,如果出席率達八成就會出番張cert比你
8) http://lep.polyu.edu.hk/ 報語文課程用,有中文同英文
9) https://uhsappt.polyu.edu.hk// PolyU睇醫生網上預約系統


<~ 轉 貼 ~>

有POLY OFFER後要做既野:

1.對住個OFFER開心, 慶祝 ,傷心 ,痛哭

2.o係deadline前,按JUPAS系統入面既指示交$5000.可以選擇用E-BANKING(東亞,匯豐,恆生,帳單類別13),現金(東亞各分行,帳單類別13,帳單編號係自己個hkid連括號內數字,或直接交去港大JUPAS OFFICE),抄低呢D資料交比東亞就得
Name of Account: Joint University Programmes Admissions System (JUPAS)
Account No.: 176-40-03002-6
Bill Type No.: 13 ($5,000)
HKID:
或者直情print呢張form出黎
http://www.jupas.edu.hk/jupas/main_round_2008/course_info/mr_ps_3.pdf

3.o係31日或之前,去http://www.polyu.edu.hk/admission 睇下自己邊日,幾點去reg

4.Reg day當日,去方樹泉堂,領取offer letter

5.之後就會去方樹泉堂另一邊(未必同一時間,可能會隔一陣),拎一份資料,入面有隻碟,notebook 冊子,student handbook之類既野,連埋你張學費既debit note

6.排隊等影學生證相,記得執好D先影,影得樣衰你就要對住呢張野起碼3年,之後去申請defer 交學費(if applicable),否則八月中要交第一期萬六蚊

7.轉去另一邊,整學生會證(佢假設所有人都會申請SU會籍,但多數人都唔會唔申請,唔申請你有好多福利都冇左,例如冇得報OCAMP,冇得報SOC,冇得用福利專門店),填問卷(都係問你D資料,HEA填就得),同埋比幾張你係咩DEPEARTMENT,FACULTY既貼紙你貼住,方便人地埋SELL你去報O CAMP

8.填完問卷後,就會去到邵逸夫運動場,去到做體適能既地方,有度高磅重,做運動後量脈搏/血壓,量皮下脂肪等測試,做完後過多一個月左右就可以上網睇下自己fit唔fit

9.如果你係跟佢個時間去REG的話,你會搵到自己果科既BOOTH,佢地見到有貼住自己果科貼紙既人,會好熱情咁去招呼你,叫你去報O CAMP
若果你有興趣,就可以即時磅水,佢比番張收據你,留低你既CONTENT NO.就可以走人,若果有興趣既,可以去報埋中O(FACULTY O)或大O(全POLY既O)

10.最後,上一層樓,會去到報HALL既地方,果度會有齊POLY八個HALL既BOOTHo係度,而且D人會熱情(?)咁去SELL你報邊個邊個HALL,你可以慢慢睇下佢地擺出黎既相,獎杯,或者去同D人傾下計, 揀好之後,佢會有張檯,擺左D表格o係度,填好表格入面D資料(報邊三個HALL,邊種ROOM TYPE,番放學時間,屋企o係邊,屋企大細,屋企人數)之後,交去SAO個COUNTER,佢就會出張debit notes比你,你要o係佢個限期(通常係一個星期)內,交$500做留位費,否則報hall資格會被取消,HALL個結果會o係八月中公佈,成功與否都會另外通知,失敗既話果$500會退番比你,若果唔諗住報HALL,可以直接走人

11.至此REG DAY完成,若果得閒既可以選擇閒逛下呢個你將會o係度生活最少三年既地方,或者視察下附近環境(張學生證要一日後先可以入到圖書館,電腦中心呢D地方,不過除左呢幾個地方外,多數建築物都可以自由出入)

注意:
A.若果有朋友一齊去,由於佢入唔到去個場地,可以叫佢去CANTEEN坐下
B.帶定大約$500-1000現金(主要係報O CAMP用),唔好去到先ATM拎,可能好多人
C.相係得做學生會證先用得著,理論上帶一張就夠,不過當然帶左幾張都無妨
引用:
To all new poly人:
如果係本身想入黎,恭喜你加入poly呢個大家庭,poly保証會帶比你地難忘既三年
如果係唔知點解碌左入黎,都歡迎你加入先,之後請睇睇呢段野:
Congratulation for those successfully enter into PolyU. No matter which subject you guys take, PolyU will bring more than expected to you. The day I know I was unable to join my targeted university but PolyU made me so depressed (cause I get a good score), I even thought of rejecting the offer. But, after one year of studying at PolyU, it gives me something I think other university can't offer to me. I can go shopping with PolyU's great location; I am much more handsome now because the guys at PolyU are very stylish, I have foung a girl friend who always support me, I have taken part in Jong, it broaden my horizon; I can go to exchange which I think is one of the advantages of PolyU's student because it is not that difficult.
(by 黃貫中,一個曾經諗住quit u既MKT生)
A. POLY基本資料 (by katie**/ATR0_0)

1. POLY入面/附近有咩食肆?
POLY入面有多間餐廳:
1) 新can: 文康大樓樓上果間美心(不用搭lift),多款揀,食物質素普遍好過舊CAN,不過日日食都好快厭
2) 舊can: 邵逸夫樓(VA)樓下果間泛亞飲食(即係大家樂),出名頹,除左焗飯/粉外,其餘食物質素認真麻麻,間野本身都有陣怪味,不過衛生尚可
3) 貴can: 在舊can行到最入仲有個細細既coffee lounge,聽過有人叫小舊can/小小can/靚can諸如此類, 食西式野既, 例如美式燒排骨呀pasta呀紅湯呀等等, 仲有d小食e.g.,三文治熱狗薯條等等等, 薯條幾好食, 成個餐咁計算偏貴($3x左右, 加d野可以去到$4x), relatively幾好食既, 雖然其實都係一般而已...
4) 東南亞: 美心樓上既東南亞美食,都係美心經營,主要賣米線,雖然間野唔大,但就算食飯時間都唔多人,味道OK但選擇唔多,而且MENU 50年不變
5) 南北小廚: 由文康大樓搭Lift上4樓,下午茶超平,食到飽埋單每人都係廿零蚊
6) 城軒: M core樓上茶樓, 比南北小廚貴少少, 但高级d, 個景觀都靚d, 有茶飲有d中菜炒飯麵, 質素還可以
7) SUPER SANDWICHES: 超貴,冇乜人會當佢係LUNCH選擇,如果o係附近上堂,買黎入課室食就OK
8) Theatre lounge: A core蔣震劇院個邊, 不過我冇去過唔知點既

如果食POLY入面既野食到厭,出外面食,主要有三個選擇:
1) 尖東:沿住去尖東條橋行過去,有大量食肆,就有大量味道同選擇都OK,不過價錢唔平,午市最少$3x
2) 國際都會:入面有food count同埋維苑餐廳,food count所有檔口都有優惠比poly學生,$2x有交易,味道一般,勝在抵食夾大件,如果唔太揀擇都ok
3) 紅磡區,中日韓泰各美食都有,時新漢堡包都係晒呢度。而且呢區食餐晏既價錢都係$2x-$3x,部份餐廳甚至有優惠比poly學生,不過一來一回起碼半個鐘,若果冇番兩三個鐘空檔都食唔過

另外仲有個冷門選擇:
HALL CAN: 同舊CAN一樣係大家樂,食物款式差唔遠,而且食晏時間好多HKCC人會走過對面食

2.poly入面仲有咩常用簡稱?
半圓: 邵逸夫樓樓上,係學生會同各個soc既集中地
噴水池: 正門A CORE果個有校徽既噴水池,傳說掂過D池水就會GRAD唔到
福記: 邵逸夫樓樓下既福利專門店,有平價文具賣,大約係出面既2/3至3/4價錢
民主牆: o係圖書館隔離,只要寫自己個student id就可以隨便貼大字報
火車橋: POLY通去紅磡港鐵站條橋
7仔: 邵逸夫樓果間7-11,係poly入面約人既最佳地標

3. POLY附近有咩娛樂場所?
POLY位處黃金地段,吃喝玩樂應有盡有:
1) 尖東港晶NEWAY,POLY學生有優惠,唱LUNCH同HAPPY HOUR都抵
2) 黃埔YO PARK,其實即係加洲紅,都係有K唱
3) 黃埔有波樓,碌LING場,機舖

4. PolyU不同既房間號碼代表咩?
以HJ210為例,HJ即係代表左H CORE同J CORE之間,除左M,N,Y係自成一座(但同時有MN座)外,基本上其餘課室都係兩個CORE之間,用兩個字母表示,兩個CORE之間既課室一般都可以由兩邊CORE上去,POLY正門上樓梯,落隧巴或東鐵後過火車橋係PODIUM,即係2樓,上一層係3樓,落一層係1樓,如果係2字頭即係代表o係PODIUM果一層,想知晒各CORE/BLOCK既分佈,可以睇:
https://www.fmo.polyu.edu.hk/eMap/polyuMap2.html
(PS:ST111係特例,一定要由S CORE先入到去)
UMMM其實只係讚一下POLY~落雨既時候, 除非D雨係打橫衝過黎既, 如果唔係由HALL到都會到CAMPUS或者掉轉, 全程都係唔需要比雨dup既!!而o係campus入面, 雖然可能要兜d路, 但係由a點去b點去c點去d點去邊都好, 有98%既路程都係唔洗比雨dup既!!!另外幾乎個個core連起都係一個好好既design, 落堂去另一度多數唔洗落番podium就去到另一間房/lec. theatre,夏天既時候我會揀個最近既core上左去我要去既樓層, 之後先通去我想去既core, 舒服得~~~多,例如係火車橋入黎我想去CD513我可以先去E core上5樓, 之後舒舒服服咁由E去D再去CD513就掂,補充多D, 就係C,D CORE都係冇LIFT既

.

[ 本帖最後由 babybodybobe 於 2010-5-18 02:09 AM 編輯 ]



實用相關搜尋: Spa 英文 醫生 餐廳 娛樂 Notebook 運動 網上
11

TOP

[隱藏]
5. 學生證有咩用?
1) 證明自己係POLY學生
2) 如果住HALL的話,係你既宿生證+電子錢包
3) 去M BLOCK既電腦中心/LIBRARY都要拍卡先入閘

6. "學生會證"會有咩用途? 幾時會用到依張証?
主要3個用途:
1) o係指定商戶有購物優惠,到時會有list 列晒出黎有咩商戶有優惠,o係福記買野一定要SHOW證,
2) 入各個soc時都要用
3) 拎每年派一次既精美scheduler/福袋

7. POLY邊度有電腦用同PRINT野?點樣可以借NOTEBOOK?
M BLOCK 電腦中心,LIBRARY,HALL2樓(只限住HALL人士)有電腦可以用,同時有LASER PRINTER可以PRINT野, 黑白$0.2/張,彩色$3/張, 各department都有自己既電腦房,有D仲會有免費print野quota, poly本身冇官方既借notebook方法,如果想借,可以去自己個department 問下

8.POLY有冇得睇平價醫生?
A CORE噴水池隔離有間大學醫療保健處,有中西醫睇,只要係POLY FT學生,唔理係HD 定DEGREE,
西醫$15 連三日藥
中醫$25連兩劑藥,煲埋再加$10
不過效用認真麻麻,樓主(ATR0_0)O CAMP後叫到把聲沙晒又狂咳,o係度睇過2次西醫一次中醫都冇效果,之後出去外面睇左一次中醫就好番晒,除左聲沙佢會開史立消,抵過出去買外,基本上傷風感冒睇呢度o係醫生係冇用,D舊生叫班醫生做獸醫

雖然醫生既評價都ok差,但我覺得都係睇你夾唔夾佢開o個d藥,就我自己黎計我覺得唔錯嫁,d藥對我幾有用,去睇可以walk-in/o係uhs門口book或者做online booking: http://www.polyu.edu.hk
睇過幾個, 覺得7號 DR. JONATHAN KONG 同埋 4號 DR. EVA AU 唔錯,幾細心幾多野問

9.POLY有冇平價牙醫?
有,o係GH020,由痚楔科包辦  X <--09-10年改咗另一間
洗牙80蚊[出面成400蚊]
補牙80蚊一隻[出面~300蚊]
X光片唔駛錢[出面100蚊一張]
如果排得太耐既話會幫你轉介去痚楔醫既其他分店

診所應診時間 :
星期一至星期五 9:00am - 6:00pm
午膳時間 1:00pm - 2:00pm
星期六 9:00am - 1:00pm
星期日 休息
不過聽講話洗得好求其,去唔去試就見仁見智喇

補充一下, 由2009年至2012年6月都會係Bayley & Jackson Dental Surgeons Limited (B&J)做service provider,呢度有新既 LEAFLET FYI
--> http:// x0b.x a n g a.com/5d7f54e766033251158325/w199399540.jpg

10.POLY有幾多個出口?
有四個
a.正門:呢個出口可以通去佐敦港鐵站,搭5/28/215X/尖東總站路線既巴士,最近呢個出口既係A CORE
b.火車橋:呢個出口可以通去紅磡區,紅磡鐵路站巴士總站,紅磡港鐵站,最近呢個出口既係library
c.往尖東既橋:沿住條橋行過去就去到港晶/新文華中心一帶,比行正門過尖東方便,最近呢個出口既係D CORE
d.往漆咸道南出口: o係Y CORE隔離,只要落到地下就出到去,沿住隧道行過去就可以去到紅磡區/歐化,不過條路好靜,而且好多地雷,夜晚單獨一個唔建議行

11. 點去poly/poly有咩車去其他地方?
poly交通四通八達,可以話係全港交通最方便既U,鐵路可以選擇紅磡站,或者行十分鐘去佐敦站,兩者分別在於10月前,佐敦搭地鐵線路可以有學生半價,紅磡搭就紅磡至九龍塘全價,地鐵線路半價,所以會比由佐敦出發貴個幾,不過十月開始,紅磡同佐敦搭港鐵都有優惠,所以可以唔駛再行咁遠,除左鐵路外,亦有多線巴士前往各區:

登車處:紅隧口巴士站
101/109/111/113 灣仔/中環/上環
102/110 天后/炮台山/北角/?魚涌/筲箕灣
103 半山/蒲飛路
104*/115/182 告士打道/中上環/堅尼地城*/西環*(特快)
106 太古城
107*/170 黃竹坑/香港仔/田灣*/華貴
108 寶馬山
112/116 銅鑼灣
117 跑馬地
118/118P(繁忙時間路線,早上→九龍 下午→柴灣)* 柴灣/小西灣/杏花村*
171 鴨利洲

登車處:紅磡鐵路站總站
11K: 竹園/樂富/九龍城/土瓜灣
11X: 秀茂坪/觀塘工業區/協和街
21: 彩虹道/新蒲崗
260X: 屯門市中心/紅橋/寶田
81C 大圍/乙明
87D 第一城/富安/馬鞍山市中心
A21 機場/海麗?(海麗→紅磡$8,紅磡→海麗$33)

登車處:紅磡鐵路站(紅隧口巴士站隔離):
268B 元朗
269B 天水圍

登車處:尖東總站(POLY正門對面):
13X 牛頭角/九龍灣/樂華/秀茂坪/寶達
26 彩虹/彩雲/順利/順天
35A 石籬/安蔭/石蔭
41A 長安/青衣
98D 寶林/坑口
208 廣播道/浸大
973 港大/薄扶林道/黃竹坑/淺水灣/赤柱

登車處: POLY正門:
5 土瓜灣/富山
28 九龍城/九龍灣/牛頭角/樂華
215X 牛頭角港鐵站/觀塘工業區(五分鐘即到EMax/Megabox)/觀塘(15分鐘即到apm)/藍田鐵路站/啟田/廣田

登車處:漆咸道南,香港理工大學:
219X 麗港城
224X(繁忙時間路線) 九龍灣工業區/麗晶/啟業

繁忙時間單向往紅磡/尖沙咀,途經POLY路線:
98P(開0750) 將軍澳康盛花園/翠林/寶林→尖沙咀東
219P(0730-0830,12分鐘一班) 油塘/麗港城→尖沙咀
260A(開0730) 屯門兆康苑/富泰/景豐/華都→紅磡鐵路站

就算開會開通頂都唔緊要,零晨時份一樣有好多車去各區

登車處:紅隧巴士站往港島 九龍/新界方向
N121 灣仔/中環/上環 土瓜灣/九龍城/牛頭角
N122 銅鑼灣/北角/筲箕灣 旺角/深水埗/長沙灣/美孚
N170 黃竹坑/香港仔/華富 大圍/沙田(快過N281)
N171 鴨利洲 旺角/深水埗
N182 中環/上環 小瀝源/第一城

登車處:紅磡鐵路站總站
N216 將軍澳(於九龍城轉N293)/油尖旺/九龍城/新蒲崗/四順/秀茂坪/藍田半山/油塘
N241 深水埗/長沙灣/荔枝角/美孚/荔景山道/葵青劇院/青衣/元朗天水圍(於美孚轉N269)/屯門(於美孚轉N260)/上葵涌(於美孚轉N237)
N271 沙田/大埔/粉嶺/上水(於沙田轉N270)
N281 大圍/沙田/馬鞍山

登車處:漆咸道南,香港理工大學
N796 九龍城/九龍灣/觀塘/將軍澳南/尚德

登車處:海防道
小巴62S 九龍灣/牛頭角/觀塘/興田/廣田

登車處:麼地道近帝國中心或彌敦道
小巴606S 屯門市中心/洪水橋/藍地/元朗

登車處:海防道或彌敦道
小巴610S 屯門市中心/洪水橋/藍地/天水圍南

登車處:彌敦道
N21 長亨/東涌/機場
N21A 長亨/東涌北/機場


B. o camp問題:

1. 一般會有幾多個o camp?
最多人報既有4種:
大o: poly學生會搞的 全校人都可以參加 會識到好多唔同科既人
中o: faculty搞既o camp,係所屬學院學生都可以參加
細o: 你個系搞既 只有你既系既學生先可以參加 識到既全部都你既同學
hall o: 如果住到hall的話就可以參加,玩既野會比以上三種o稍為癲D
另外各個soc開始招人後都會各自搞o camp

2.O camp會唔會好多變態game?
基本上成個o camp搞既所有活動/game,都要寫份proposal比SU果邊批,批左先可以搞,所以太變態既game根本唔可能過到,同埋所有O CAMP既遊戲/treasure hunt會去既地方都會經搞手親身試玩/試去,並將遊戲性同安全性調節到可接受程度先會拎出街比FRESHMAN玩
就算到時你覺得D game好變態,你都有權選擇唔玩,o camp所有節目/game都係自願性,搞手們都會驚迫人玩會出事揹鍋上報紙,所以無須擔心

3.o camp幾時搞?
大O大约8月2x-2x日舉行,而中O同細O就個個唔同,早既可能8月1x號已經搞,遲既可能遲到8月廿幾號,多數係3日2夜,而hall o就多數係9月第二個星期5,6,日搞,soc搞既o camp就係十月至11月,多數係2日1夜

4.NON-JUPAS人入唔到REG區報O CAMP,但又想玩,點搞?
可以直接聯絡相關既莊員,如果唔知點搵既,可以試下殺上半圓,或者o係呢度POST出黎睇下幫唔幫到手

5.O CAMP會唔會無啦啦比人CON?
你出街會唔會無啦啦比人打?

6.O CAMP唔去會唔會識唔到人?
除非你真係好摺果隻,如果唔係都唔會,不過如果冇其他野做就最好去啦,一黎班搞手搞得好辛苦,3日2夜既CAMP可能要用3個月時間去籌備,淨係搵SPONSOR都煩死,同埋去O CAMP始終都易識人D,尤其係D多人既programme,o camp既組員可能係第時一齊做project既組員

7. O CAMP搞黎玩新人架?
正如上面所講,搞一次O CAMP籌備時間可能係個CAMP既時間既十倍以上,搞手要犧牲好多時間,其他人去搵真銀時,佢地可能番左學校DEM GAME,開會,而且搞既所有野自己都要DEM幾次,未玩到新人先玩自己,邊會有人咁傻? O CAMP搞黎都係為左大家快D投入大學生活,識多D人


C. 住hall問題:
http://www.polyu.edu.hk/hall/

1. poly有幾多個hall?
9 個, Poly的hall係一棟過21層高, 除左頂樓係職員宿舍,地下至二樓係公共設施外,每兩層叫做一個hall,由20樓掃落去,分別係:
博彥,開元,物華,成德,務賢,勵志,學敏,利生,民殷
當中學敏係女hall,博彥係postgrad hall,其餘係男女hall,男一層女一層, 順帶一提由開元掃落去, 拎頭一個字 "開物成務 勵學利民" 係POLYU既MOTTO


2. 有幾多種房間,房間係咩設計?
2種,2人房&3人房,兩間房共用一廁,稱為一個suite,但只有2人房+2人房或2人房+3人房兩種suite,2人房兩張書檯同床打對面,床對上有支柱比你掛衫,另外每人一個衣櫃,3人房就一邊係3張碌架床,一邊係3張書檯並排,近窗有一把掛牆風扇,基本上冇位掛衫,一係掛o係消防花灑支水喉,一係掛入衣櫃

除此之外,每間房都有:
IP PHONE
LAN頭
TV頭(應該收到高清訊號)
雪櫃(二人房用單門雪櫃,三人房用雙門雪櫃)

2a. 3人房究竟迫唔迫?
亞爪說:
我地女仔住3人房好好 我覺得平d同close d添,不過男仔住3人房就幾迫 而且聽講會好臭

ATR0_0(住過一年3人房)說:
如果係細粒既男仔住3人房都OK,不過如果係中等以上既就唔好喇,一黎迫,二黎?通風極差既情況下....

2b. 申請3人房係咪易過2人房?
3人房既位唔多(女仔既層數更甚,一層只係得3間3人房),唔會話3人房易入過2人房,如果只係諗住易入D而揀3人房其實冇意思

3. 可唔可以揀同自己的fd一齊住?
可以, 無論係同房,甚至係suitemate(同你共同廁所既)都可以揀,大前提係你同你朋友都批左同一個hall,如果唔係就要入到去,等九月中過左adoptation period後先可以入紙調房,到時要你間房個ROOMMATE同埋人地間房個ROOMMATE肯先調到

4. 點樣apply?
Reg day o個日去填左form報名, 佢會俾張debit note你,要o係deadline 前交$500,如果唔交就當你自動放棄申請,如果派唔到俾你,會退返$500俾你,如果派左俾你而你又唔想要喇,可以o係deadline前同佢講(通常係結果公佈後2日內),佢就會退返$500俾你,如果唔係,冇得退,nonjupas就要直接聯絡HMS (sahall@polyu.edu.hk/電話:31590000)問下點apply,因為你地入唔到reg day hall既counter

5. hall fee?
兩人房(2+2suite/3+2suite) SEM A: $5,320/5054, SEM B: $5880/5586 $40/38/day
三人房 SEN A: $3,724,SEM B: $4116 $28/day
另加一年比一次既$500按金,check out後約一個月會autopay番比你,同埋每個sem $100既Hall Function Fee,包哂水電,到check in果日要帶最少$20,入落張學生證,張學生證係hall入面既八達通,除左出入閘外,要比以下呢三樣野既錢都係靠佢:
1.冷氣費, 計用電量 (三人房開冷氣有半價)
2.洗衣費, $5洗一機12 lbs., $1乾8分鐘, 平均要乾32-40分鐘先得
3.按摩椅, $1, 5分鐘

.

[ 本帖最後由 babybodybobe 於 2009-8-6 04:58 PM 編輯 ]



實用相關搜尋: Spa 大學 設計 獸醫 電話 醫生 遊戲

TOP

6. hall 易申請嗎?
因為hall越黎越多mainland(現時數字大約~30%,逐年上升中),結果由2008-09年起,HD人除左特殊情況外,一律唔比住,HKCC 既ASSO同HD就點都冇得住,另外其他人住過一年後,除非你住得好遠/上HALL莊/同舍監或hall莊非常熟/特殊情況,如果唔係round 1 99%都冇hall offer,最快都要六七月先批到hall,唔理係2人定3人房,男仔缺hall情況尤其嚴重,不過第一年住多數即批,除左yr1因為遲過舊生apply,變左供不應求外,如果yr1唔可以即時入,等第二年先入仲好,因為只要住多過一個sem,即使只係住一個SEM零一日,佢都當你住左成年,第二年apply hall非常不利

7. 我可唔可以報到左唔住?
可以,報左之後要交$500,你可以唔交,如果到時派唔到俾你會退返,另外如果派到俾你而你唔要,只要你同佢講返就會退返

8. 各HALL有咩特色
民殷算係較多intra-hall活動既hall,而務賢,勵志算係兩個玩得最癲既hall,利生,開元就sport勁,學敏...好靜好乾淨,其餘冇咩特別(其實整體分別都唔大,最主要分別只係樓層)

9. HALL會有咩比賽/活動?
通常會係inter-hall比賽, 例如扯大纜,COOKING,SINGING,各種sport等,intra-hall比賽好少,多數係聯誼活動例如開sem飯,過3爆4飯等,全部活動都唔會有人迫你玩,除左每個SEM會搞一次既HIGH TABLE DINNER,冇咩事的話都要出席

10. hall有乜設施?
每層樓都有:
pantry(有熱水爐,飲水機,微波爐x2,電磁爐x2)
洗衣機,乾衣機x1
電視x1(單數樓層x2)
飲品售賣機
熨斗+熨衫板

二樓設施樓層:
洗衣房x2(男一個女一個,有洗衣機同乾衣機十幾部)
電腦房,print野$0.2一張
打機房,有PS2x2(有game可以借)及按摩椅x2($1/5分鐘)
篤波房,有英式桌球檯x2,美式桌球檯x1,氣墊球x1
足球機x2
乒乓球檯x6
泳池(只會o係9月至11月頭,4月頭至6月開放)
k房(有碟可以借,亦可以自備)
琴房x2
焗爐x2

11. 可唔可能屈到蛇或者賣宿位?
冇可能,因為HALL保安極嚴,可以話係咁多間U既HALL之中保安最嚴果間,要進入HALL二樓或以上要過一度類似地鐵站咁既閘機,,宿生要拍學生證,poly人但非宿生要同宿生pair up(每個出入口外面都有部pair up機)左,先拍到卡入閘,而非poly人就要落地下登記身分證,拎張訪客卡,再同宿生pair up先入到去,有晒記錄,o係VISITING TIME(朝七晚十一)以外仲未走而未做過夜手續,就當屈蛇論,到時兩個人都好麻煩,賣位就更加冇可能,除非你連張學生證都賣埋,否則人地連閘都入唔到,就算入到,如果人地o係個HALL做左咩非法野,佢認卡唔認人

12. 我有個住hall 既fd今日番屋企,可唔可以拎佢張學生證+key card住佢間房,唔好晒左一日既租金?唔好諗住拎其他宿生張證想暪天過海,因為你拍卡入閘時,學生證個大頭相會大大個顯示o係個MON度,除非個實Q偷懶,如果唔係你同張學生證個樣唔同,實Q實CHECK你,CHECK到行使他人學生證,你地兩個都好麻煩(借証比你果個收final warning+罰$200,借人証果個就blacklist一年,唔可以申請+進入hall)

13.點樣合法屈蛇?
只要你係2人房宿生,每個月可以帶3個同性poly人住最多3晚,但每日最多只可以帶一個,要o係每晚10點前去地下reception度填份form,擺低$40 for 臨時宿生證按金+$40不可退租金,同埋第二日12點前要還卡,如果唔係按金會沒收

14.HALL小常識(by~天佑~)
三人房重有個掛衫方法,就係買支個D可以頂自兩邊牆既棍,之後頂係窗臺,前提當然係你D ROOMMATE肯啦∼同埋可以掛係床

三人房A B C床特色:
A - 通常勁近電話唔近窗臺,岩D會煲電話既朋友,但係個床會堅熱(尤其係西斜房)
B - 床最高,高人好易頂親天花板,上落唔方便,張書桌夾係A C中間,除非三個係FD,如果唔係B位唔太好住
C - 床夾係A同C中間,個人感覺問題唔大,但係個衣櫃係隱蔽式,所以唔夠高,多衫既朋友少心,書桌近窗臺可以霸多些少位放野

揀房心得(純係個人意見XD):
唔好揀近PANTRY既房,會有油煙,少心問下當值既HALL莊個個會唔會係西斜房,近COMMON既房都好住的,但有時會比較嘈
如非必要唔好住尾房,尤其08個D,因為西斜+遠,翼個方面,一幫就近橋(出口)+男洗衫房+閱讀室,另一邊近入錢機+女洗衣房+BOOK野房+電腦房,邊邊好見仁見智

各HALL特色(都係個人意見):
利生一如既往地多野玩,開元今年搞得唔錯,民殷都OK,務賢玩得,同埋今年應該會多野同勵志一齊搞,勵志,物華,成德算可玩可摺,唔太CHUR,學敏繼續地靜

關於HIGH TABLE:
唔出席係會扣宿分的,遲入HALL的朋友記得積極搵番HALL莊報番,通常遲左都重可以加位加菜

留宿:
一人一個月只可以REG三晚嫁咋!

HALL O:
個人建議一定要玩,尤其新宿生,唔玩冇可能識到人同HALL莊,市儈D講HALL莊可以之後保你入HALL,同埋住HALL唔識人=摺=唔好玩,HALL O尺度睇邊個HALL,一般來講都唔會好變態,係有些少核突,但如果係玩利生個D就預左要CHUR(不過都係唔算變態∼)


D. 揀科問題:

1. 究竟我個科使唔使自己揀堂上?
Most programme do not have to register subject in year 1 sem 1. If it is needed, it will be shown in the offer letter. Becos the letter will show which subject is taken in sem 1. Also, if subject registration is needed, there will be instructions and date for you

2. 我係咪可以自己調timetable上堂架?
係, 不過唔係乜堂都調得 通常係tut/sem/lab調group, 如果係lecture就好難調到

3. poly有冇得minor科?
大部分科得 但都有d科唔得, 例如nursing等d好專既科

4. 咩係preferred subject?
即係你想讀的科本身已經full左, 就要o係prefered subject度揀, 如果有人quit就會派俾你

5. 咩係add/drop period?
你可以o係呢段期間加(if 有位的話)或者減科, 或者改你個timetable,多數你o個group入面的tut,sem等都會有多一個上堂的時間, 你可以o係http://www.polyu.edu.hk/student
timetable> programme-stream timetable入面睇到,你可以o係呢段期間轉班,例如由tut001轉去tut0002,大前提係o個一班仲有位同埋冇同你其他班撞時間,轉班係冇限次數的

6. lec/tut/sem既分別?
Lecture係一大班人一齊上堂,包括同department唔同course的,有百幾個人,但多數唔點名,少數會hea 點(傳張紙仔點名,可以叫人幫手tick名),Tut/sem係自己班人上, 得幾十人, 多數要點名

7. POLY有冇complusory既course?
有,Full degree student讀兩個2-credits GE(通識),合共四CREDIT, china studies同broadening 各一,Sub-degree student (HD)讀一個china studies,china studies讀既都係關於china,有歷史,政治,經濟等既野讀,broadening就廣泛好多,有?係學術性例如chem/stats/econ,有D好玩D既例如電影/紅酒,甚至連sport既GE都有

8. 點揀通識科?
先上去 http://www.polyu.edu.hk/~gec/geprogramme/index.php
揀自己想讀的GE, 去睇下timetable 你想讀的GE的時間,reg GE的時候你最多可以揀十group ~但佢只會派一個俾你
注意: reg GE唔係先到先得, 而係最後電腦random抽, 所以有機會冇得讀,Reg GE period內可以任改, 就算你submit左一次之後都可以再改,到時派左俾你, 你覺得個時間唔o岩或者點都好, 唔想讀ge話可以o係add/drop period度drop左佢,今年freshmen reg GE既日期係x/8-x/9

9.幾時改時間表?
去ASPAGE個PERSONAL CHECKLIST, 睇下幾時係ADD/DROP/CHANGE GROUP PERIOD, 果段時間改


專門詳细解答Reg科/add/drop/timetable Q&A:
http://www.discuss.com.hk/viewthread.php?tid=7830546&extra=page%3D1%26amp%3Bfilter%3Ddigest

關於class timetable & notes for lessons:
http://www.discuss.com.hk/viewthread.php?tid=10293426&extra=page%3D1


E. Society:

1. 幾時揀soc?
開左學幾個禮拜先開始招人,到時會?podium度擺晒檔,可以慢慢去揀

2. 幾時上莊?
10月左右開始,各soc都會開始招莊,到時留意下email或者?soc既宣傳


F. GRANT LOAN/學費:
http://www.sfaa.gov.hk/tc/index.htm

1. grant loan應該點申請?
如果係poly本部degree或hd生,你要上sfaa個網download"資助專上學生資助計劃"果份form填,填完之後,print出黎,連埋需要既文件
到九月中左右會有幾日時間比你交番去,建議早d去交,因為越遲交,人越多,隨時排番你成個鐘

2. grant loan係咪都有分全免同半免?
唔係咁分,每個人有既grant同loan個數都唔同,有d人無grant得loan,有d人可能有幾千蚊/有半額/全額,loan到時批左會問你接唔接受 佢批左你都可以唔借,grant唔駛還的,loan要還的,年利率2.5%,由GRAD開始計,另外仲有個non mean計劃,俾d屋企入息過左限額既人,NON MEAN+GRANT LOAN=CONSTANT,批得越多grant loan就越少non mean,相反亦然,NON MEAN一定申請到,但息就會跟住銀行最優惠利率變動,而計息由借果刻開始計

3.幾時知結果?
如果一切順利,冇漏資料的話,大約十月中佢就會send收到你申請既通知書,再過一個月左右就會send個結果通知書,第一期大約會係12月左右發出,第二期係2月,如果你漏野,批grant loan日期會推遲

4.一年要交幾多錢?
交完果$5000留位費後,短期內要再交多萬六蚊學費,另加幾百蚊SU入會費,年費同LOCKER既按金,若果一時間拎唔到咁多錢,可以向學校申請DEFER交學費,最遲可以DEFER到GRANT LOAN批出,到二月左右再交埋sem b學費 $21050

5. 有無話hd 會defer唔到學費?
就算係degree都唔一定申請到架,你要有理由同埋要交文件,再睇佢批唔批你囉,係唔係hd無關係

6.點申請車船津貼?
申請GRANT LOAN果陣有一PART仔比你填埋申唔申請車船津貼,要有GRANT先會有車船津貼

7.住HALL可唔可以申請車船津貼?
可以,因為HALL距離POLY步程超過10分鐘,不過最多都係批得得一千幾百

8.點交學費?
去下面常用網址個STUDENT ACCOUNT INFORMATION,CHECK下個DEBIT NOTE NO.,之後可以直接响網上面用PPS交,或者抄低個NO.,用ATM(HSBC或者JETCO都得)交,交現金就番poly,七仔隔離個財務處拎張debit notes去恆生交,其他poly雜費都係咁交

.

[ 本帖最後由 babybodybobe 於 2009-8-6 04:57 PM 編輯 ]






TOP

G. PolyU 手提電腦展銷會 2009 - FUJITSU


你覺得邊部 FUJITSU lifebook 最好?

價錢及型號等資料:   
http://polyuhk.sunlite.hk/2009/index.html





手提電腦展銷會 2009 - Notebook Purchase Scheme 2009

本年度的手提電腦展銷會詳情:

第一輪展銷會
日期: 2009年8月3-12日
時間: 上午 11:00 至 下午 9:00
地點: 邵逸夫樓 VA110 及 VA111

第二輪展銷會
日期: 2009年9月1-12日
時間: 上午 11:00 至 下午 9:00
地點: 邵逸夫樓 VA110 及 VA111

屆時有數款不同型號的Fujitsu (富士通) 手提電腦以優惠的價格給予香港理工大學學生、職員及舊生選購,價錢由$ 4480 到$ 12880。

如欲詳細瞭解價錢及型號等資料,可參閱以下網頁:
http://polyuhk.sunlite.hk/2009


All PolyU's students, staff and alumni are eligible to enjoy the programme and each of them can only purchase a maximum of 1 notebook and 1 mini-notebook, multi-identity holder (i.e. a person is a part-time student & also is a staff of PolyU) count as one identity only.

Student  : Student card
Staff     : Staff card
Alumni   : HKID Card with Federation Card / Photo copy of Graduation Certificate

Letter of Authorization is REQUIRED with supporting documents if the customer cannot perform the order taking in person. (Download from : http://polyuhk.sunlite.hk/2009/authorization.pdf)


Payment method :

- Bank-in CASH slip < Bank of East Asia > , China Unionpay, EPS, Credit Card (Visa/Master), 12 months installment (4% interest rate) <HSBC,BEA,DBS>

- Cheque and cash is not acceptable

--------------------------------------------------------------------------------------------------

為防範人類豬型流感

學生,職員及舊生如發現有任何身體不適,請留在家中並及早求醫, 所有出席展銷會之人仕必須通過體溫測試合格, 本會有權拒絕不能通過體溫測試合格之人仕進入會場, 現場有口罩及消毒酒精潔液提供.



[ 本帖最後由 babybodybobe 於 2009-8-6 05:52 PM 編輯 ]



實用相關搜尋: Spa 大學 Notebook Canon 香港 學生 電腦

TOP

[隱藏]
H. PolyU 有無咩鬼故?

【理工大學】之猛鬼學府

香港理工大學是一所擁有六十五年歷史的大學。這所大學位於紅磡海底隧道毗鄰,佔地約九萬三千五百平方米。理大在香港是一所有名氣的大學,聞說這所大學的所在地又是一個日佔時期亂葬崗,後期更是停屍間。 所以這裡的怨氣甚重,鬼故事當然也有不少....

理大猛鬼隧道個個趕去殯儀館
2002年10月13日

● 細看永別亭舊址,葉先生也不禁有點心寒。
不知是否心理作祟,拍攝當晚,雖然永別亭已不在,但環顧四周,感覺依然陰森,加上微涼秋風,傳來陣陣寒意,更覺心寒。和葉先生一起甫進隧道,不期然打了一個寒噤。葉先生站在那條猛鬼隧道內,憶述當年的撞鬼經歷,32年前所遇的恐怖事情依然記憶猶新,歷歷在目,當事人猶有餘悸,彷彿所有靈體又再在身邊趕路……

● 站在這條猛鬼隧道內,不禁令人毛骨悚然,彷彿身邊正有靈體飄過。

鄰近殯儀館的理工大學,三十多年前是香港工業專門學院(簡稱工專),共有三幢白色建築校舍,有別於現在的紅磚牆設計。工專正門與現在理大一樣,位於過海巴士站上,側門就在通往紅磡殯儀館附近的隧道旁,而永別亭就在側門對開,即現在有待清拆的理大職員宿舍「百年苑」的位置。

永別亭即是停屍間
永別亭就是擺放屍體的地方,俗稱「停屍間」,是死後從醫院運往殯儀館的中途站,可想而知,這帶一直瀰漫不少有待走到殯儀館的靈體,而「他們」也是要經過隧道,才能到超渡之地。不知是否小記心理作祟,拍攝當晚,雖然永別亭已矣,但四周環境似乎特別黑沉沉,陪襯微涼的秋風,就恍如置身在32年前般,就算現在有街燈,視線範圍都不太清晰。

● 側門附近無燈,所以一定要帶備電筒,否則就要摸黑趕路。

必經隧道陰風陣陣
1970年,葉先生約二十歲,他是一個半工讀生,日間在觀塘區的電子廠當技工,一星期兩晚在工專修讀電機工程,當年是他在工專的最後一年,臨近畢業的六月份。這天他如常放工後回工專上學,放學時間約在晚上十時半,由於居於北角,故每晚放學都要趕乘11時的尾班小輪回家,而永別亭旁的隧道就是必經之路。以往三年多,他都從沒遇過怪事,但就一直覺得,隧道的燈很暗沉,就算炎夏季節,亦會有陣陣涼風在隧道飄過。而從側門經永別亭往隧道不足五分鐘的路程,也要用電筒照明才可完成。
  
● 葉先生常帶觀音經傍身。

歸心似箭遇怪事
從小篤信觀音菩薩的他,以往經過永別亭,都不會害怕,也因為每晚要趕船回家,加上當時用的電筒燈光微弱,完全沒有留意四周景物。直至那一天:「當時是六月天,日間天氣熱,未食飯便要趕返學,體力消耗甚大,上堂時很疲倦,一放學,只想快點回家睡覺。老師一話落堂,我就飛快似的從側門離門工專。當晚約十點七左右,我手持電筒經過永別亭直入隧道,一腳踏進去,心突然一寒,這是從未發生過的事,不知怎樣,那時只想快點到達碼頭,可是一路行,一路聽到後面有很多腳步聲,聲線很急,像有人跑趕路,心想還有人比我更趕嗎?但這些跑步聲愈來愈多,我愈想愈奇,為何他們跑極都過不了頭,我只是急步行,也快過他們嗎?」

全身不能動彈
葉先生繼續說:「當我走到轉彎位時,突然全身動彈不得,手腳動不了,也叫不出聲,但卻能看能聽,這時,數十個「人」飛奔到我身邊,我聽到「他們」的呼吸聲,有些更在說:『行快、行快……』,有男有女,但眼下無人,跑步聲又不停掠過,說話聲很清晰,我知道一定是撞鬼!而且還是一大班!我好驚,那是第一次,完全不知所措。」

心念觀音經驅鬼
他開始記憶觀音經,心中不停念「南無觀世音菩薩,南無佛,南無法,南無僧,與佛有因……」不知念了多少遍,身邊的風聲、跑步聲、呼吸聲、說話聲才聽不見,手腳亦可以郁動,那還有不飛快跑到碼頭的道理!

無船搭證實撞鬼
有些人可能會寧願相信這是幻覺,但葉先生堅信那是真實不過的經歷。「我以前都試過好返學,很多時都有人趕住過隧道,但都相安無事,當時我雖然不能動,但頭腦清醒無幻覺,所以我絕對相信係撞鬼。況且,平日只走一兩分鐘的路,那天竟走了近二十分鐘,我跑到碼頭時,已經過了11點,我還記得那晚我要折返尖沙嘴,用五元坐嘩啦嘩啦返北角,我好清楚知道,呢件係事實!」當晚,他一返家,立刻對父母傾訴,睡前再念多一次觀音經,他也不敢相信,竟然能酣睡到天光。

後記
尋求宣洩途徑
重遊30年前撞鬼舊地,行到永別亭時,他突然說;「其實工專一向都好陰深,以前間中都聽過同學講些鬼怪事,好像去洗手間會突然開晒水喉又無人度,我初時都覺得佢有病,經過自己都遇到,就深信鬼神這回事。其實我讀四年,先撞到一次,我都唔覺自己好黑,今次講出,原因係我一直到掛住這件事,除父母外,都無同人講過,心都好唔舒服,希望藉這個訪問宣洩一次!」

理大鬼話連篇……
  
阿 牛 Fashion Year 2
「最恐怖都係話泳池會浮起男孩,所以家個位畀玻璃膠封住。」  
  
Marshall 酒店管理 Year1
「我就無聽過永別亭鬼古,但就知道W Hall邊,話男廁成日都見到隻女鬼!」  
  
Jacqualine 酒店管理 Year1
「我知道以前有個停屍間,就算家行過都唔驚。」  
  
阿練 會計 Year2
「完全無聽過,我信有鬼怪,但就算見到都唔驚。」  

阿山
「有一次黃昏,我約左人係鐘樓度等人,佢有陰陽眼既....佢見到有個呀水泥工人坐左係鍾樓頂,兩隻腳係度fing fing下,佢個樣雖然好蒙,睇唔到5觀,但我同學就feel到佢係望住佢對住佢笑....」

(1) 如果你是理大學生,那就一定知道在理大的正門前有一個噴水池

不要以為這只是一個噴水池那麼簡單。這所噴水池是一隻隱形四不像﹐而只要學生碰過池水便會遭遇不幸。曾經有一名外藉學生不相信這傳說親身走到噴水池用手撥弄水池,結果他在數天後死於車禍.....


(2)理工大學有一個人造草地

據說當年建築時,有一個工人誤踩一個空地,以致掉了下去,他可能即時暈了,以致無人發現,其後工人們在不知情下以石屎鋪上該空地,由於當時無人知道,其家人事後就只有報警,可惜沒有作用。

後來,有不少理工的學生,在這個校園唯一的草地債談,日間時已發現有紅色液體從草地流出,初時不以為意,可是,一到晚間,不少夜班的同學,在經過草地時,見一男子滿身石屎,有人好奇走向那裡,但是一走到去,就不見了!!這事不斷出現,學生事務處在日夜校的投訴下,終於派人剷起草地研究,竟然發現一具屍體!!
 
自此以後,有同學就見到有一男子晚上在草地上向路過的人行禮,可能是致謝吧!


(3)上次講到理大的草地,今次鏡頭一轉,我地去到理大的工程學院,現時面臨拆卸的main building附近

當年據說有兩個同系同學,在校內認識,同時感情一發不可收拾。在未畢業時已經私訂終生。須知那並不是九十年代,而是仍然保守的歲月。況且男的又生於一個窮困家庭,固然受到女方家人的白眼。
 
可是愛情就在愈壓迫愈爭取下成長,他們的感情日益千裡,而且亦已珠胎暗結,可是窮小子想也想不出如何是好,女友的肚皮又一日大過一日,未婚生子肯定被人指指點點,在萬念俱灰下他們只有一死了之。自殺的地方就在現在理大地下保安中心旁的樹上。那裡並不是一個多人出入的地方,而且那時保安部又未以該處為辦公室。後來怪事就出現了......

他們的同學上課的時候,有時會用上該大樓,一夜在放學的時候,有一同學在上層乘電梯,本想在地面那層出,可是電梯竟然"飛站"至地下,電梯門一開時,那位同學只見兩名去世的同學在電梯外對他微笑,大驚之下按了關門制,及再按地面,可是......門一打開,又見到是[他們],不經不覺間只見金星直閃,人只得暈眩倒地了,後來他更大病一場。

大學為免再有人見到這般景象,就只好將有殺氣的保安部及關帝搬至那處側邊辦公,你問大學,他當然話真無此事啦!大家夠擔就夜晚去睇下,看看有甚麼不可思議的景象!!


(4)有雲「舉頭三尺有神明」,我雲「舉頭一望有邪靈」。

理工大學正門,即向柯士甸道的那邊,穿越水池後,有一條樓梯通往大學本部。那樓梯的頂部,有一紅色的玻璃纖維天花,在當年興建的時候,就發生了一宗工業意外。報紙的標題是:「理工門外裝修工人高空墮下喪生﹗」

原來該工人在製作該天花時,沒有做好安全措施,以致在那天花高處墮下,並即場死亡,事後由於死者的妻子在國內,以致其他家人沒有特別於該拜祭。在事情發生後的一星期內,已經有多名同學舉頭望向天花時,見到一名男子坐在天花的鐵柱上,狀甚可憐,但是只換來同學的大叫。後來校方為了息事寧人,唯有表示同學見到的,只是倒影罷了。

是耶是非,由大家定奪啦!


(5)有人最喜愛一邊飲茶,一邊望望弄潮兒。不過千萬不要在理工大學如此做。就讓我為大家講講啦!

理工大學有一學生飯堂,即學生們所謂的舊canteen,有一排落地玻璃窗,讓人可以看到泳池內的情況。可是現在它卻用反光膠紙黏著每幅玻璃之百分之三十,大約有一個孩童的高度左右。
 
故事發生於多年前一個夏天,一名洋教授帶著兒子去理工的泳池游泳,他的兒子大約五歲左右,洋教授在更衣後不見了兒子的縱影,以為小孩子跳跳走走,不會有多大的問題,因為泳池有救生員當值,便不以為意。
 
可是,時間一分一秒的過去,他都沒有見到他的孩子,內心不免驚慌起來,便走往救生員當值台詢問兒子的下落,他們表示早前見到其子,原因是泳池內只有一名洋孩。但現在就不太起眼了。
 
就在此時,有泳客見到有人遇溺,拯救回來的只是洋孩的屍體罷了。
 
那時飯堂的玻璃窗仍未裝上反光膠,原意是給予學生們一個景觀,可是事發後的晚上,從來沒有人敢坐近窗口,原因就是當他們進食時,往往見到一個洋童貼近玻璃,初時有些同學還會逗他笑,可是那個洋童只現出蒼白的面孔,然後身體從下半身開始消失。直到整個軀殼不見了為止。
 
當然,若你是飯堂負責人,你也會用方法讓人們見不到那個小孩,惟有黏上一些膠布,以期人們看不見為妙。
 
各位讀者,有沒有興趣晚上企高偷窺一下泳池呢?可能有意外的發現!


理工:七不可思議事件
唔好以為理大位處於尖東旺區,而且又冇乜樹林水池,就會少呢一類鬼故事。其實在理大學生之中,普遍都會流傳着「校園七不可思議事件」。

壹)永不關燈的lib 記(圖書館)平台
貳)泳池堛漸b身小孩草
叁)正門的天花工人
肆)草地上的血痕
伍)電梯堛瘍吨H
陸)校門的問路者
柒)放射科的停屍亭

七件咁多,唔係個個學生都能夠講得出...

記得理大讀書時,附近紅磡火車站不容易找路,經常會遇到問路的人。學生會裡流傳著一個鬼故,如果在火車站理大方向出口遇到有人問殯儀館位置時,只要把手指向殯儀館的方向就可以了。


七不可思議外傳!- Block X 傳聞

除了七不可思議之外,在理工內另一個傳得更盛的故事是「Block X 傳聞」。理大所有的大樓都是紅色磚牆,唯獨Block X 是綠色的,傳說當年在興建時有一名工人意外死亡,之後外牆就硬是上不了紅色油,所以就惟有用綠色代替。……


唔知大家有冇聽過搵替身的傳說呢?

話說假如一個人死於意外,佢就會流連於佢死的地方, 直至找到替身先至可以投胎做人, 而替身必須與死者有相同的死因同埋一D相似的特徵或嗜好. 依D就是我們成日講的孤魂野鬼.

於POLY邵逸夫樓旁邊的花圃同埋落去李格致運動場的樓梯一向是同學踩ROLL,煲煙, 談心的勝地.話說幾年前有一個男仔叫阿浩,就最鐘意在呢度踩ROLL,享受衝落樓梯的快感,而佢亦都很喜歡煲煙. 尤其鐘情於是「純薄萬」.很不好彩,佢有一次衝落樓梯時, 因一時失手, 碌了落樓梯, 後腦著地,送院前証實不治. 而佢死的地方就是Coffee Lounge對出的空地.

自始之後, 好多時夜晚都會見到一個男仔坐在花圃旁望著條樓梯.如是者過了幾個月, 有一個身形肥胖的男生,叫做「肥仔明」因為漏了些很重要的東西在李格致, 逼於無奈撇低一同宵夜同學返學校取回.但是過了很久, 佢D同學都見佢未返, 於是便返學校搵佢.

最後, 佢地發現肥仔明已經毫無心跳地倒臥於Coffee Lounge對出的空地, 手上拿著一包純薄萬.於是佢地便立即報警, 經警方調查後, 證實肥仔明因失足碌落樓梯, 撞親後腦致死.最後, 這件案被列作意外死亡處理.到底肥仔明點解會碌落樓梯, 無人知道.

但是自始之後, 原先經常夜晚於樓梯見到的男仔再無出現了, 但就換上了另一個男仔.唔知,下一個會否輪到你呢?

[ 本帖最後由 babybodybobe 於 2009-8-6 06:29 PM 編輯 ]



實用相關搜尋: Spa 酒店 大學 學位 設計 會計 工人

TOP

咁佢話要8月11日前交學費
但上網睇又話reg day要張學費record, 究竟點架?????



實用相關搜尋: Spa

TOP

非常詳盡 good!!!!


實用相關搜尋: Spa

TOP

thanks for your reminding





TOP

想問, HD同Degree既係reg day做既野大致相同?
福利都係差唔多?



實用相關搜尋: Spa

TOP

THXS~~~~
資料好詳盡



實用相關搜尋: Spa

TOP

資料勁詳盡,支持!!


實用相關搜尋: Spa

TOP

引用:
原帖由 canyouk 於 2009-7-30 08:57 AM 發表
咁佢話要8月11日前交學費
但上網睇又話reg day要張學費record, 究竟點架?????
係law, 我都係諗緊呢樣


仲有我想問hd reg day程序係咪都一樣?
學校資源會唔會有d咩唔用得?
thx

[ 本帖最後由 sarachan657 於 2009-7-30 11:13 AM 編輯 ]



實用相關搜尋: Spa

TOP

引用:
原帖由 sarachan657 於 2009-7-30 11:11 AM 發表

係law, 我都係諗緊呢樣


仲有我想問hd reg day程序係咪都一樣?
學校資源會唔會有d咩唔用得?
thx
去reg day時, 張收據個錢碼係$5000
個餘數係8月11日先交 (唔需要俾學校睇喇, 佢地會知你有冇交錢架喇, 因為有個code嘛, 如果你真係好耐都冇交, 佢會話你知)







TOP

我有野問呀
我想問reg day果日咪可以申請defer ge
1.咁我係咪淨係defer果萬6蚊學費,而su入會費等等其他費用係咪都要交左先?
2.reg day果日我洗唔洗帶d咩文件先可以申請defer?

關於o camp
1.我想問1個ocamp大約幾多錢?

thanks very much



實用相關搜尋: Spa

TOP

[隱藏]
非常感謝!!!
好清晰好齊全~~
見到咁多E DPOST[教新生有關的資料]
已經好期待POLY的生涯~~~
THX=]



實用相關搜尋: Spa

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.11