打印

保安工作求職指南 - 申請保安證以至求職指南

保安工作求職指南 - 申請保安證以至求職指南 E-mail 此主題給朋友

[隱藏]


有鑑於近來日子,不少網友向我查詢有關於保安工作的入職概況、條件、要求等等,所以我希望幫到失業的各位師兄,找到一份工作,以維持家庭收入,身體健康。

長話短說,小弟畢業於僱員再培訓局的高級保安及物業管理證書課程,小弟會把課程心得詳列,讓各位師兄不用上一個月的課程,都能夠掌握到一定情度的保安知識。




一:牌照
在香港凡為他人執行保安工作以賺取酬勞的人士,均須申請保安人員許可證。

所有申請必須遞交警務處長(警察牌照課)審批。處長會考慮申請人是否適合擔任某一類的保安工作。
有刑事記錄的申請人,不一定被視為不合適的人選,處長會按個別情況審核。


許可證有效期為五年,或由處長指定的較短期限(特別情況)。
許可證到期後,必須續證。許可證持有人須於到期前三至六個月內續證。


許可證,保安工作類別:
甲:只限(單幢式私人住宅建築物)而無須攜帶槍械彈藥執行的護衛工作
乙:就任何人、處所或財產提供的、無須攜帶槍械彈藥執行的護衛工作(但並非包括在甲類之內者)
丙:須攜帶槍械彈藥執行的護衛工作(銀行持槍保安員)
丁:安裝、保養及修理保安裝置及(為個別處所或地方)設計附有保安裝置的系統(安裝保安系統)

(一般只需要TICK甲及乙就可以,丙及丁都需要公司證明才能申請)


[ 本帖最後由 rice008 於 2009-11-16 11:20 PM 編輯 ]



實用相關搜尋: Spa 會考 設計 培訓 銀行 香港 課程 物業
1

TOP

二:QAS證書(優質保安證書課程)
200341日起,申請保安人員許可證,甲,乙,丙之申請人須在提交申請前一年內,通過管理委員會認可的技能測試並取得合格成績。(QAS證書)

QAS證書有效期為三年,建議三年後再修讀,溫故知新。

為何QAS證書3年?
急救證書有效期都係三年,希望你三年讀一讀,不會忘記技能。

如何取得QAS證書?
現在坊間很多保安公司開辦QAS證書課程,課程內容為基礎保安知識,防火實務,保安工作,器材,法例,緊急事故處理等等。
必須通過十六小時,並通過考試,方能發出合格QAS證書。

考試困難嗎?留心導師在兩日16小時內的教導,考試九成九合格。

考什麼?大約50條選擇題,選擇題的答案,小學畢業就識答。

價錢?坊間一般大約$250即可。

上課地點?周地都有,請大家去自行搜尋。


[ 本帖最後由 rice008 於 2009-11-16 09:31 PM 編輯 ]



實用相關搜尋: Spa 課程 小學 考試

TOP

三:申請程序及費用
申請表格及續期表格可向警務處牌照課、民政事務處、保安及護衛業管理委員會索取。

申請人必須十八歲,填好表格,連同身份證副本,QAS證書副本,近照一張(50毫米x40毫米),及費用$160港元(劃線支票抬頭人為“香港特別行政區政府”)遞交警務處牌照課申請。

費用:
首次申請$160
續證$160
重新申請$160
更改工作類別$160
更改個人資料$140
補領$95

居港年期須要有三年,如果只有一年居港年期,則需要來源地的無犯罪記錄證明書。
你來自深圳既,番深圳攪一張番黎。


犯過事有冇得申請?
如果申請前五年內,被裁定觸犯“保安及護衛服務條例”附表2第2欄所訂明的任何一項罪行,並因此而被判處該罪行所訂門的刑罰或
正在接受感化、簽保、減刑或緩刑期間或
入獄不過三年或
違反 社團條例(黑社會) 或 危險藥物條例
或 任何涉及欺詐或不誠實行為的罪行 
或 任何涉及暴力的罪行
或 任何違反刑事罪行條例cap200第xii部的罪行


輕微罪行獲得豁免?
吸煙罰款、交通傳票、非法擺賣、擺放雜物阻街、亂拗垃圾、亂過馬路、或輕微罪行都獲得豁免。
(即係五年內,你都無犯過刑事,留案底,坐囚既,都唔使擔心)
(警司警戒?無刑事記錄的,放心。)



審批時間,遞交申請後,何時才收到證件?
遞交申請番,大約十天工作日後便會收到。
(小弟比較快,一星期便收到)

證件係點?
一張藍色既紙,上面寫有,證明你係保安人員,無相片的。


[ 本帖最後由 rice008 於 2009-11-16 09:32 PM 編輯 ]






TOP

四:求職指南
當各位師兄來到這一步,已經擁有QAS證書及保安人員許可證後,可以去搵工作了。
只要你具備QAS證書及保安人員許可證,保安公司可即時聘用你。

保安工作,現在主要分為警衛(Security Guard),物業管理員(Property Management),客戶服務助理(Customer Service Assistant)

警衛主要為保安工作,主要負責外圍巡邏工作,工作十二小時,薪金亦較低。
物業管理員為保安及物管工作,主要負責物業管理,工作九至十二小時,薪金較高。
客戶服務助理,保安工作加物業管理加客戶服務,工作九至十二小時,薪金介乎中間。

香港現在愈來愈多新的物業建成,保安行業的人手,求之不斷,而且因為工作時間長,所以流失率高。

保安行業入行條件簡單,建議有一兩年工作經驗者優先,居住於工作地點地區優先,不論男女,即可。

要留意,保安行業,入職時候,要提供兩名諮詢人的詳細資料,地址,電話,姓名,工作,以便保安公司致電兩名諮詢人,申請入職者是否適合保安行業。



荃灣區一般薪金$6500 至 $7000 + 勤工 + 津貼
葵涌區一般薪金$7000 至 $7500 + 勤工 + 津貼
港島區一般薪金$8500 至 $9700 + 勤工 + 津貼
九成都是十二小時工作,不要發夢想找九小時了。
失業,便踏實一點,有工作,有收入好過沒有。




主要工作職責:私人屋苑樓下大堂座頭服務,外圍巡邏工作等等。

[ 本帖最後由 rice008 於 2009-11-16 09:32 PM 編輯 ]



實用相關搜尋: Spa 電話 求職 香港 物業

TOP

[隱藏]
保安見工心得:

假設以下情況:
Send E-mail去果間想見既保安公司之後
收到保安公司通知,安排星期二,早上十一點半,到乜乜閣見工

請各位Ching,首先去了解一下,見工地點及工作地點分別在那裡?
例如見工既地方就係工作地點既,
例如:新xx花園


係邊度呢?交通呢?
xx花園,請各位上中原地圖或打開地圖望望,
原來就係xx地鐵站旁邊。
交通,搭港鐵就可以去到。

麻煩各位Ching裝番套老西,打番條Tie,黑色皮鞋,梳好頭,剃好So
準備好, 以下副本請準備多份
1:學歷正本副本,
2:工作證明正本副本,
3:近照多張,
4:銀行戶口薄正本副本,
5:QAS證書正本副本,
6:身份證正本副本,
7:住址證明正本副本,
8:保安人員許可證正本副本,
9:文具(紙和筆)
10:該份工作簡介來源,奴工處網上面既就印出黎
11:履歷表
12:Folder一個

小弟就用ClearBookClearBook係咩?去文具店問問
一面係正本,另一面係副本,副本麻煩各位Ching,每樣副本,都準備多幾張
(小弟準備好以上既野,當日小弟見工,保安主任好開心,因為咩都齊全,馬上請左)


星期二,1115好去到xx港鐵站,
研究了解下,點樣入呢個花園既呢?
正門位置?1115尋找,問一問路人就知道點入去啦,
原來有個升降機上到三樓先入到屋苑既,


一眼就望到服務處,入到去∼
同服務處職員講,早晨,你好,我今日係黎見工架。


服務處職員會安排你見保安主任,
等一陣保安主任指示叫你入房。




一般黎講,見工都係:
早晨你好,打招呼,等對方指示才坐低,
請各位既坐姿正直自然,將袋隨身物品,放係自己坐倚旁邊地下。

眼神第一時間要望保安主任既儀容,等對方知道你望緊佢,然後先望對方既眼睛。
望大約3∼4秒便足夠,然後改為望對方既眼下面既鼻大約3∼4秒,再望到咀3∼4秒,然後又番番去眼→鼻→咀 每一部分3∼4秒望一次,循環不息,直至見工完畢。

咁就唔會大家都咁尷尬眼甘甘望住對方雙眼咁耐,感覺太奇怪了,而眼神又可以不斷地集中在保安主任上面。

[ 本帖最後由 rice008 於 2009-11-16 11:38 PM 編輯 ]



實用相關搜尋: Spa 銀行 網上 眼睛 地鐵

TOP

保安主任會同你傾計咁講野,問你,
『哦,你就係陳大文?』
精神少少答佢『係!』
『你今日黎見既係客戶服務助理,係咪?』
答佢『係∼』




保安主任就會比份form你填,填申請職位表
咁大家就寫d字唔該好睇少少,同埋寫得清楚一點

有咩要留意?
首先當然係唔好填錯,
然後主要問題出係工作經驗方面,
不論你失業也好,工作現狀果度,
填番上一份工作,公司名,地址,電話,
當時工作既日月年,每一份都清清楚楚,點解要咁清楚?
因為你見既工作係保安工作,保安就係查你資料比較嚴格,
怕你係壞份子,所以要資料清楚一點

係呢度,非常警告各位Ching,見工前,去搵番齊之前所有既工作證明文件
點解?因為保安查得好嚴,一定要工作證明,如果無,係可以去民政事務署宣誓既...宣誓,可以宣誓學歷證明,工作證明,方便散發左文件既人士
宣誓文件入面,必須清楚寫明,散失該份工作證明的工作日期,年份。
如果又無宣誓,又無工作證明,建議唔好寫落去,講係得,但唔好寫

要填好緊急聯絡人,最後重有兩名,諮詢人資料要填
準備好,諮詢人既詳細住址,電話,工作職業,姓名,唔使年齡既...
唔好搵同學,最好寫相熟朋友,當然一早通知定佢寫既原因,因為保安公司之後會打去搵諮詢人,問佢,你既性格,為人,工作,各方面,是否適合擔任保安工作。


然後填好之後,交番比保安主任,保安主任就會一路睇你份申請職位表上面既資料,一路問你野,

首先第一件事,一定係問你
『點解之前果份工唔做呀?』
就答佢原因啦,例如小弟咁
『係呀,因為公司財政上面既問題,所以將我工作既部門解散左。(堅野)』

大家千其唔好答唔好既野,例如:
『老闆克人憎』
『同事關係唔好』
『公司不公平對待,解釋(例如突然減薪5成)』
『覺得辛苦∼』
『無原因。』


最受樂既離職原因如下:
『因為財政關係,部門解散左。』
『屋企人有病,無人照顧,所以自己無做,去左照顧屋企人。』
『合約完左。』
『或者搬左屋,由上水去長洲咁。』
『又或者公司轉移北上,香港人手無咁需要多,所以就解聘左我。』



實用相關搜尋: Spa 電話 傾計 香港

TOP

然後保安主任會問你,之前工作,主要做什麼?
保安主任會話,你之前做維修,比較少接觸客戶哦,會唔會唔太適合呢?
答佢:我之前做過電腦售貨員,以及後來維修,亦都要面對客人,所以我亦都擁有客戶服務既經驗,所以我係客戶服務係無問題既。

答佢:我之前做維修,做左四至五年,其實要教授其他同事如何維修,安排編配工作,又要協助上司,與上司回內國會見廠房,會見客戶,品質監控,工作大約是如此等等。

講野說話,語氣,要自然,有信心,眼神剛才教左,寫住保安主任,眼,鼻,咀。

保安主任,主要係考慮in你既時候,你既表現,而唔係過往幾勁幾勁既野。


客戶服務助理,保安員等,需要成熟穩重既性格,女仔無問題既,保安主任預左你會細膽一點。
但又唔好真係怕到一粒聲都唔出,記緊要主動,有禮貌,眼神接觸,講野有文有路。


然後最後一條問題:保安主任會問你,你有咩條件令到我地聘用你?
向保安主任解釋番,『今日黎見既客戶服務助理,其實而家客戶服務助理既職責已經係包括埋保安加物業管理以及提供優質服務。我亦都知道,而家物業管理,要管理既有以下:電力系統,泵房,保安系統,消防系統,屋苑環境清潔衛生等等。雖然我本身無保安工作既經驗,但我亦都了解,知道保安及物業管理既知識,又解釋啦∼講解要為陌生人進入大廈時候,要進行訪客登記,以及查明來訪目的,又要住客確認了,方能放行;要留意出入口安全,有否可疑人士或車輛進出,更要不時留意保安系統,消防系統是否正常;有火警,有就第一時間通知控制中心及疏散住客;另外作為客戶服務助理,更要提供優質既客戶服務啦?解釋∼我地要有禮貌,耐心,寧聽客戶的需求,以及妥善處理有關投訴,例如住客有嘈音投訴,我會問明住客我通知控制中心派人上去住客屋企,聽下,留意,嘈音來源,再跟進有關嘈音來源,去到停止嘈音發出,然後再向番該位住客回報番,已經處理好個案。而且我比較平易近人,同同事相處好,我相信我能夠勝任這一任工作。我會比心機努力一路學一路做。』
『小弟再補答左,小弟係僱員再培訓局,高級保安畢業,又係街工轉介過黎...所以都對保安有一定情度了解認識。』

其實你有咩條件令到我地聘用你?呢條問題好空泛,所以唯有學我教大家咁講啦...


客戶服務助理 或 保安員
其實保安主任都好清楚,大部分黎見工既人,都無經驗,
所以保安主任知道你無經驗,都唔會預你有咩特別出色表現,
反而係希望睇到你是否適合保安工作,例如主動,細心,耐性,寧聽,反應

如果各位能夠精精神神地,表現良好地,講出以上小弟以上教大家既野,多數都請,無問題架啦。




最後係問你,十二小時工作,輪班,有冇問題?
打死老虎蟹都話得!!

然後就係你居住地方,佢會問你,點樣番黎?
小弟既,就住葵x,去到巴士站,一程車就到,大約15∼20分鐘就到達公司
各位當然唔好住天水圍走去半山見工啦。

屯門去葵芳咁,就都勉強...
最好係同區工作,因為保安主任都會考慮你是否本區工作。
希望你係本區,番工近d,請你機會又大d。


好啦,然後就成個面試完成。

有d公司,會要求埋你英文自我介紹,小弟就無。


跟住保安主任就會問你A或B或C
A:咁好啦,你幾時方便去驗身?
  恭喜你,驗得身,即係請你。(年青人好少有病,放心。)

B:咁好啦,今日面試就完成架啦,咁遲少少會通知番你,有冇工番。
  黃金四十八小時都無通知,就算吧。

C:好啦,我地會再安排一個SEC IN比你,日期....
  重有機會∼



小弟就A既。



各位Ching只要見工面試過程,望住主任眼→鼻→咀(循環每一部分3∼4秒),主動,有禮貌,細心,親切,耐心,寧聽,講到我以上教大家既,多數都合格會作出聘用。


祝君好運。小弟以以上的方法,橫行多間公司,大部分都請,不過我無選擇到做,因為人工太低。

[ 本帖最後由 rice008 於 2009-11-16 09:34 PM 編輯 ]



實用相關搜尋: Spa 英文 會考 清潔 培訓 電腦 物業

TOP






小弟附上小弟修讀的高級保安及物業管理課程的書本
以幫助各位未入行, 對保安完全不了解的朋友


http://www.mediafire.com/?onwynvmn1m1

以上連結下載~ 60.4MB PDF






TOP








[ 本帖最後由 rice008 於 2009-11-16 09:43 PM 編輯 ]



實用相關搜尋: Spa

TOP

引用:
原帖由 rice008 於 2009-11-16 09:30 PM 發表





小弟附上小弟修讀的高級保安及物業管理課程的書本
以幫助各位未入行, 對保安完全不了解的朋友


http://www.mediafire.com/?onwynvm ...
支持rice 師兄!!!  我遲d add你msn, 問你做保安個d野..........



實用相關搜尋: Spa 課程 物業

TOP

提示: 作者被禁止或刪除 內容自動屏蔽

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。