打印

台北食玩四日三夜 (最後變左瘋狂shopping)

台北食玩四日三夜 (最後變左瘋狂shopping) E-mail 此主題給朋友

[隱藏]
首先要在此多謝Tommy兄和各位於置頂post中提供很多有用資料和提示
而且大家也有用心地定時更新, 這份用心更是令人感動
我係到攞料已經好耐, 現在係寫遊記回饋的時候了

前言:
本人6年前第一次去台灣是跟團的, 所以今次是第一次plan自由行去
目標十分簡單, 四日三夜, 食, hea, 書展, 唔去太遠的地方以免時間太緊迫
因為主要要去的地方是捷運沿線, 所我和我partner去到上飛機時先傾掂個行程

當然, 我已做足功課, 重要地點的地圖一早上google map print了出來
但先後次序, 哪天去邊真係上飛機先傾

Finally, 行程如下:

Day 1
10:35 CI HKG - TPE  -  城美大飯店  -  去飯店隔壁7-11拿係Payeasy訂購的護膚品  -  返飯店放下  -  去台北車店青島街搭<信義幹線>去永康街
鼎泰豐  -  義美  -  度小月  - 行永康街  - 由永康街行去師大夜市  -  西門町  -  返酒店

Day 2
遲小小起身  - 捷運民權西路站  -  維格  -  江記華隆  -  返酒店放下維格買的東西  -  淡水  -  返酒店

Day 3
一早起身  - Taxi去江記華隆, 7:05am 到, 返酒店, 去書展  -  101  -  誠品  -  新光三越 查理布朗布丁  -  返酒店  - 士林夜士  -  返酒店

Day 4
很遲起身  -  pack好行李check out  - 西門町  -  18:40 CI TPE - HKG




  ***  ***  ***
  
Day 1

我今次地用好輕鬆的心情去台灣, 所以一落機就已經把步伐減慢, 出到去找國光好像我們是最後一對出黎咁~
在台北車站下車, 然後taxi去飯店, 一定要提, 個司機超好人, 勁主動同你搬行李上車下車, 雖然路程好短, 但不斷同你講野, 知道我地去永康街, 就提我地冰館沒有營業了
我說我知道他們夫妻要離婚, 他還說好丟臉呢~
NT100去到飯店 - 此時約2:30pm

依間城美, 本來不在考慮之中, 但agent報價最平係佢, 冇辦法la ~我有個同事仲講佢個位置好差以後唔會再揀佢, 嚇到我~
但一上到去就覺得比預期好太太太多了, 請看圖













我住506, 雖然係lift隔離, 但冇影響, 間中聽到lift的叮聲, 唔留意就唔覺, 就算有人用lift也不覺有人出入
佢係少數有兩張床的飯店, 其他有兩床都好似貴o的, 間房因為新裝修, 給人好新的感覺, 浴室好白, 冇味, LCD電視好正, 床前面有足夠地方比我地擺野, 房入面有雪櫃
最重要係佢竟然有風筒!!!!我同partner 其實都好擔心依樣野, 佢帶左個弱雞旅行風筒黎, 但依到竟然有, 仲要係唔使借的
牙刷, 沐浴露set等都有, 個我個freind話依o的野東龍係冇的
更surprise的是除了茶包, 佢仲有雀巢三合一送, 好少會送咖啡的~
雖然係裝修過, 但佢o的門冇裝刷卡, 仲係用鎖匙?每次出去放底係櫃檯, 返黎拎返, 有少少煩, 但都係要經過櫃檯, 所以冇所謂la~
其實行左幾日之後發覺佢個地點唔想像之中差, 依幾日我地已經經過晒差不多所在台北車站同西門町的酒店, 華華, 新驛, 懷寧, 福泰橘子, 東龍, 長虹, 捷絲旅
城美雖然係中間, 但唔算好遠, 好處係去台北車站同西門町都可以, 而且平o的
依個價錢, 又裝修過, 唔算差la~


我一早search 過佢隔壁三步之遙有間7-11, 我係Payeasy買了東西, 入到去比張紙佢問我訂了的東西到了沒, 因為早上出門前還是配送中
佢用我個中文名找, 竟然找到了, 我返黎HK睇e-mail, 個到達可最貨e-mail係1:37pm發出的, 我真幸運

再返飯店放下第一批戰利品就再出發了~

今次係永康街, 之前searh過去果到搭捷運行餐死, 我就決定搭<信義幹線>去, 但忘了找台北車站附近巴士站係邊, 要問路同找了一陣才找到
但一上到車好快就落車, 行兩步就係鼎泰豐, 好在冇搭捷運

四點的鼎泰豐唔多人, 隔離枱係日本人, 我聽到個男仔侍應講日文, 然後我地問在那媯祭, 佢竟講"樓下埋單", 好pro啊~




鼎泰豐隔壁有間義美, 入去買了核棗糕再行永康街

見到高記都想入去食, 但要食度小月就無辦法la~



係度小月前影左一陣相, 覺得有點飽, 就決定再行永康街先入去食, 然後遇到康是美, 之幾日我地每次見到康是美都會入去~




永康街其實有好多野食, 但我地得兩個人, 食唔唔到咁多

係度小月只叫了三樣野, 佢個餐牌有人氣食品十位, 依三樣野都有上榜, 好好食~依個價錢食到依個質素真係抵到爛





個老闆好搞笑, 原來我地之前係門口影相佢已經留意我地, 但我地竟然影完就走
好在我地都有返黎食, 佢就過黎同我地傾左幾句, 仲送左個甜品杏仁豆腐比我地
我本來見到隔離枱已經想食, 老闆竟然送比我地, 雖然只係NTD 40, 但重要的是果份心意~

然後食胡椒餅, 熱騰騰剛出爐, 但因為之前食到好飽, 唔覺得十分好食



我地見食到好飽, 就想行去師大夜市食多餐, 但點知真係太飽, 去到都食唔落, 最後行了一陣就去了台電大樓站再落西門飲峰大咖啡同行了一陣先返酒店




Day 2


第二日因為第一日行了好多路, 所以遲小小起身, 係酒店食早餐, 佢開7:30 - 9:30
係台式的自助早餐, 都唔錯, 唔難食, 但因為時間關係, 之後兩日都冇落黎食了
早上去了捷運民權西路站, 想一次過買維格 + 江記華隆
維格的裝修好靚, 有旅行團買野, 但佢地都拎個格仔出黎比我地試食
維格好近捷運, 但江記華隆原來好遠, 我估計錯誤, 去到仲要賣晒, 好失望, 決定第二日一早去排隊





返到酒店放底o的餅, 去到樓下見到有一間四海游龍, 我個freind依間野香港都有, o的煎餃都好好食, 我地入去食了兩碟先去淡水



入到去四點幾, 只夠時間係老街到行了一轉,冇再入去入面 最後係一間咖啡屋坐底慢慢嘆了杯咖啡就走了, 但唔知點解又係買到一袋二袋先走







唔知係唔係星期四下午的關係?淡水人不多. 其實依兩日都係覺得台北o舖頭人唔多, 間咖啡屋最多人的時候只有三枱人, 唔敢想像佢係香港會點, 應該執左好耐, 但佢令我地覺得好舒服, 好悠閒

係淡水食小食食到飽, 唔使食晚飯, 只係7-11買了關東煮返酒店, 第二日結束

Day 3
早早起身, 前一晚問了酒店職員, 佢話依到迪化街好近, Taxi唔使NTD 100, 我地有少少唔信, 但搭完捷運再行又太浪費時間, 最後都係搭Taxi, 原來一早車唔多, 好順, 最後都只係NTD 110
個職員都幾準, 但遲少少應該唔得, 因為會塞車
7:05am去到, 攞到33 & 34, 佢得60個籌, 之前佢地話7:30到就得, 但有人7:25黎都冇晒籌了
佢地派籌係為左o的唔使其他人keep住個隊型, 設想週到, 7:30派籌, 7:45開始逐個叫入去買, 每人限買5盒, 已經入左箱, 會係你面前封箱
佢入箱果o的係杏仁味豬肉紙, 原味要再等一會兒, 所以我地買晒杏仁味
佢同果o的攞唔到籌的人說"我是不會忘記你們的", 好政治feel, 佢其實係話唔係每個人都買晒5盒, 可能會有剩
我見個freind只買四會, 我就買了六盒~用盡佢, he~he~





返到酒店, 我個friend再睡補眠, 我就去書展

書展特集:
台灣書展真係比人行的, 對比香港黎講
1. 你張飛可以讓你出左黎再入返去, 唔使死守係入面
2. 唔使行好耐先入到去, 你係外面入到去只需1秒, 係香港要行九千里(約10分鐘)
3. 有好多個出入口, 唔使係門口打蛇餅入去
4. 佢有宅配=速遞, 但平過香港好多, 一個箱計只係NTD 80, 書展係半價, 原價160都好平, 係計一個箱唔係計重量, 你放到落去就可以, 仲可以明天一早就送到酒店, 我下午走, 剛剛好
所以你唔需要拎行李箱入去, 全部人都可以輕鬆地離開, 完全冇負擔
5. 一出黎就有麥記, 唔使係入面食, 而且佢入面只係有小食, 都唔貴
6. o的書展活動係會場入面, 好容易見到, 唔似香港係好遠, 你唔留意都唔知
7. 入場費NTD100, 但六日通場都只係NTD 180, 去足六日都唔貴, 當然你要住係果到唔係遊客la~

香港同佢一樣的只有可以係7-11買票



下午2:30我由書展行去101同個friend會合, 係101食午餐, 係裕珍馨買了奶油酥餅, 再去新光三越兩個人食了一盒查理布朗布丁, 這個超好食, 但應該唔夠時間再黎買返香港, 試了阿默蛋糕(佢切定出黎比你試食)
返酒店放底奶油酥餅就往士林進發



我最佩服台灣的其中一點係佢地冇垃圾桶, 連士林都冇, 但冇垃圾桶的夜市竟然可以如此乾淨還是第一次見

辛發亭好好食, 平香港一半, 點解香港食野咁貴?



去完士林就返酒店了~



實用相關搜尋: Spa 旅行 酒店 裝修 LCD 買野 google 電視
3

TOP

Day 4

最後一日, 遲遲起身, 收拾行李, o的書早早到左, 但酒店冇通知我, 我10:30問先知, 攞上房pack入行李到
11:30 check out, 再行西門町, 買鴨舌, 我個friend話要係永來香買肉鬆, 話佢夠脆
最後一餐係食冰, 咁就要離開了





最後, 我個行李超重, 35kg ...><...我知自己太過份, over左15kg
唯有拎返o的出黎變做hand carry, 但我本身已經有一袋hand carry, 現在變兩袋, 佢又冇再講我唔可以兩袋 hand carry (這是常識吧...), 我果時又冇想過, 總之佢冇阻止我la, 去到上機前先話唔可以, 要我揀一袋寄倉, 好在唔洗收錢~我把只有一盒豬肉紙的寄倉 (後果係碎左), 手提五盒上機(江記的箱已証實可拿上機, 因為個地勤之前都懷疑我, 特登去機場果個量hand carry的量度器到睇放唔到入去, 真係剛剛好, 完全match, 多一cm都唔得, 江記應該預左人拎上飛機)

後記
我太多口水了吧, 辛苦大家睇到依到
去完返黎, 我的感受是事前準備是十分重要的, 但去旅行總會有意外, 唔好太執著
除了捷運, 大家可以多些研究客運路線, 有些地方唔近捷運
台北仲有好多地方冇認真地玩過, 我下次想去郊區
簽卡個rate好過比現金(返黎對數時發現), 可以簽就簽la
去旅行個 partner 好重要, 有o的人係唔可以一齊去旅行的, 因為我個partner 太好, 所以有感而發
好的東西保質期唔會長, 長保質期的東西唔會係好野, 所以唔使買太多野食, 因為你食唔晒, 買比人地又咁辛苦拎返黎就太過好人了



實用相關搜尋: Spa 旅行 酒店

TOP

提示: 作者被禁止或刪除 內容自動屏蔽

TOP

1) 其實而家風筒已經係酒店基本設備之一, 無乜酒店無架啦~~
2) 至於網購, 我自己試過自己預時間去拎貨, 拎完件貨返到酒店先收到SMS話貨已經到o左超商
3) 四海遊龍同八方雲集其實都係台灣舖頭, 由台灣開過黎香港就真.....
4) 航空公司一向都有明文規定只可帶一件hand carry上機, 最多加多個細細地o既手提袋



實用相關搜尋: Spa 酒店 香港
台灣有用資料,盡在台灣版置頂 Post
麻煩各位先睇置頂 Post

自由行做功課係自己責任,謝絕伸手黨!

TOP

[隱藏]
多謝分享 ..... 係喎, 你買到超晒重係咪因為晌書展買咗好多書呢


實用相關搜尋: Spa

TOP

謝謝分享!
我都好想去台北書展啊!
惟有等出年啦!



實用相關搜尋: Spa

TOP

謝謝分享~


實用相關搜尋: Spa

TOP

提示: 作者被禁止或刪除 內容自動屏蔽

TOP

To Keong6957
係少左o的, 但其實一次過玩太多日, 你會用盡力土玩, 最後會好辛苦

To Sunny
1/之前有人話到間酒店好差, 我地咪擔心law~
2/我冇台灣電話, 可以留香港電話嗎?
3/我講少左, 我個friend有講過依間係係台灣開黎香港的, 但我未係香港見過
4/依個應該係常識, 但我miss左依一點

To legleg68
應該係因為o的書, 我見唔係年年去到書展, 狂買, 但一個盒都唔滿呢~

To 雪人妹
我覺最重要係你要找到個friend比你係行程加插書展依個項目, 唔係人人都願意



實用相關搜尋: Spa 酒店 電話 香港

TOP

[隱藏]
引用:
原帖由 kattielai 於 2010-2-5 01:49 PM 發表
To Sunny
1/之前有人話到間酒店好差, 我地咪擔心law~
2/我冇台灣電話, 可以留香港電話嗎?
3/我講少左, 我個friend有講過依間係係台灣開黎香港的, 但我未係香港見過
4/依個應該係常識, 但我miss左依一點
2) 唔得, 佢地只接受台灣電話號碼



實用相關搜尋: Spa 酒店 電話 香港
台灣有用資料,盡在台灣版置頂 Post
麻煩各位先睇置頂 Post

自由行做功課係自己責任,謝絕伸手黨!

TOP

我上次去時鼎泰丰就勁多人,要外賣响門口食,
但江記華隆就唔使排隊,仲大把任買...



實用相關搜尋: Spa 外賣

TOP

多謝分享


實用相關搜尋: Spa

TOP

引用:
原帖由 kattielai 於 2010-2-5 12:20 AM 發表
首先要在此多謝Tommy兄和各位於置頂post中提供很多有用資料和提示
而且大家也有用心地定時更新, 這份用心更是令人感動
我係到攞料已經好耐, 現在係寫遊記回饋的時候了

前言:
本人6年前第一次去台灣是跟團 ...
個9個係 奶油酥餅嗎?? 定係 布丁?? 我好似好正咁..

因為我初一到台灣..想買返hk食







TOP

nice report
thank you for sharing



實用相關搜尋: Spa
道德經
第八章
上善若水。水善利萬物而不爭﹐處眾人之所惡﹐故幾於道。
居善地﹐心善淵﹐與善仁﹐言善信﹐政善治﹐事善能﹐動善時。夫唯不爭﹐故無尤。

TOP

[隱藏]
good good good vacation


實用相關搜尋: Spa

TOP

伸延閱讀
 33 123
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.10