打印

[HKCEE] [無補過蕭源!!!] 校園火警演習眾生相

[無補過蕭源!!!] 校園火警演習眾生相 E-mail 此主題給朋友

[隱藏]
一、
阿sir教緊附加數, 同學仔昏昏欲睡, 忽然警鐘鳴聲大作, 阿sir宣佈今日有火警演習, 催啲人去排隊.

二、
班上即刻爆出一陣歡呼聲, 同學仔悠然攞銀包出嚟, 同朋友仔手牽住手踱出課室, head pre出嚟叫啲人肅靜、排好隊, 呢個情境就似「耳畔頻聞請肅靜, 眼前但見嬉笑多」

三、
「兵分三路」, 從前、中、後梯落操場, 描寫我班同學落緊去嗰陣既情形, 有人同個fd「失散」咗, 喺眼角既戰場上徘徊, 望見個fd喺前面, 就一箭步跨過去揾去, 差啲推倒一個孱弱既女同學; ...... 風紀雖然耳聞目睹, 但只能作無奈狀, 一邊催促同學行快啲

四、
落樓途中, 經過一樓, 發現氣氛迥然不同; 一間課室既燈仲開住, 有個頭髮半白既阿sir訓緊話, 講南京大屠殺乃係國殤, 即使今日有機會葬身火海仍要聽埋先走得云云, 在座既同學仔好認真咁聽書, 感歎學校居然仲有書興濃厚既一角

五、
終於落到操場, 見倒最早到既有老師同埋低form細路仔, 描寫佢既戰戰驚驚、循規蹈矩既神態......思考四、五年後, 當佢哋變成大師兄、大師姐, 會唔會都好似我哋咁樣「火警演習」. 學生魚貫而入, 訓導老師宣佈走佬時間, 進步咗八秒, 場上又爆出喝采、拍掌聲, 訓導老師兇一兇, 啲人又靜返.

六、
忽然諗倒一個問題:「假使火災在操場上發生的呢?」轉瞬又搖頭, 諗起梁實秋先生《理髮》一文同樣喺理髮師將刀刨架近腦袋時擔憂:「假使理髮師突然發了瘋呢?」自己或者係杞人憂天. 但又再諗倒一個問題:「假如演習事前全無通知、毫無預警呢?」指人喺有所準備時, 即使泰山崩倒於前大概仍能夠無懼色; 但一個「突然」就難保殺大家一個措手不及。

七、
訓導阿sir宣佈放lunch, 身旁友人扯扯我衫袖, 我帶住幾個無答案既疑問徐徐步出操場.
「校園火警演習眾生相」...... 如眾魚之相忘於江湖, 心頭怎不湧起塵緣的温暖?

[ 本帖最後由 alwaysmiu 於 2010-4-23 05:06 PM 編輯 ]



實用相關搜尋: Spa 頭髮 學生 老師

TOP

pk...
呢d範文黎?
我無睇過但我作左,
有d地方有少少似呀,
即係會當我9抄俾低分我?!



實用相關搜尋: Spa

TOP

你想做咩!?





TOP

引用:
原帖由 渣子 於 2010-4-23 04:51 PM 發表
pk...
呢d範文黎?
我無睇過但我作左,
有d地方有少少似呀,
即係會當我9抄俾低分我?!
做咩話我pk? 我係分享自己今日篇文既大綱咋, 唔係範文
你同我既idea撞咗好多呀?
其實火警都係寫呢啲嘢架啦, 所以...... 我覺得只要可以自圓其說就OK

BTW , shit, 我啱啱先知原來啲人話捉路天王蕭公子tip過火警眾生相,
至憎佢, 居然揀咗呢題, 真係好唔開心, 驚考評局會扣分(專扣第二題)



實用相關搜尋: Spa

TOP

[隱藏]
呢條我年幾年學校MOCK 作過 類似

老C叫我地用對比手法同抒情手法寫



實用相關搜尋: Spa

TOP

「校園火警演習眾生相」...... 如眾魚之相忘於江湖, 心頭怎不湧起塵緣的温暖?
呢度咁似見過ge



實用相關搜尋: Spa

TOP

引用:
原帖由 christian_K 於 2010-4-23 04:55 PM 發表
「校園火警演習眾生相」...... 如眾魚之相忘於江湖, 心頭怎不湧起塵緣的温暖?
呢度咁似見過ge
唔係掛?
或者係因為眾魚嗰句耳熟能詳

當時寫完全篇, 只係突然聯想起呢個情境, 所以先寫埋.



實用相關搜尋: Spa

TOP

如果marker覺得你篇文太多irrelevant,可能分數會好低,但我appreciate 你,應該星到





TOP

用口語寫咁有創意?

有機會同1級國寶齊名



實用相關搜尋: Spa

TOP

[隱藏]
我想問下呢 如果我用平時上堂同打左演習鐘同學既情況做對比有無離題  睇親你地d文都係描寫打左鐘之後既情況 我就好似有d離題禁

[ 本帖最後由 264566324 於 2010-4-23 08:56 PM 編輯 ]



實用相關搜尋: Spa
大家睇下我個交易系統 la 有好野益大家

TOP

我都覺樓主星硬~~~~


實用相關搜尋: Spa

TOP

引用:
原帖由 九頭龍匠 於 2010-4-23 08:45 PM 發表
如果marker覺得你篇文太多irrelevant,可能分數會好低,但我appreciate 你,應該星到
yes 我喺學校個mock作咗題《我看八十後》, 想搞新意思, 寫「八十年代後」(文中當然有先定義所謂八十後),
而唔寫「生於八十年代後」, 結果我既中文老師俾29分我(over 100), 認為若然篇文喺公開試入面,
最終只能獲得「不予評級」, 連一等都唔值。

扯遠咗啲添, 所以其實我都怕離題, 盡量正常地寫, 唔鋌而走險, 務求穩中求勝.
聽聞改卷marker有兩位~ 希望改我篇文嗰兩位都好似您咁會appreciate我啦~ ^^ 多謝你先~

(無法, 我係自戀, 唔識自嘲)

(BTW, 上句算唔算自嘲? 哈)



實用相關搜尋: Spa 老師

TOP

引用:
原帖由 lukeliu 於 2010-4-23 08:48 PM 發表
用口語寫咁有創意?

有機會同1級國寶齊名
你個AC名好熟~ 係咪普通話人?

哈, 講笑啫係咪? 以上任何口語既出現當然只係方便我同forum既各位讀者溝通~
而且我亦無可能將考試既時候寫既每字每句全部背默出嚟, 所以只係趁住記憶猶新,
又湊湊熱鬧, 分享吓我篇文既段落大意啫~

我都寫得幾多, 我本身期望自己寫到約九百字收筆, 最後寫咗千二字。
希望啲marker唔會鬧我啲字潦、又寫得多, 阻住佢收工, 順手扣我分啦~







TOP

提示: 作者被禁止或刪除 內容自動屏蔽

TOP

[隱藏]
引用:
原帖由 264566324 於 2010-4-23 08:48 PM 發表
我想問下呢 如果我用平時上堂同打左演習鐘同學既情況做對比有無離題  睇親你地d文都係描寫打左鐘之後既情況 我就好似有d離題禁
我既睇法係, 既然題目係講火警演習, 就最好集中描述記敍火警演習既情形~
你所講既對比係錦上添花既嘢, 但如果比例拿掐不當, 就會奪主啦.

不過而家無得睇你全文, 好難講有無離題, 以至有幾離題既。反正都考咗, 唔好擔心咁多啦! 聽日兩份卷, 加油!



實用相關搜尋: Spa

TOP

伸延閱讀
 16 12
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。