打印

已經返左一個月新工,但感覺到......................

已經返左一個月新工,但感覺到...................... E-mail 此主題給朋友

[隱藏]
我個職位係 Merchandiser,公司係做 Sundries 既,主要 products 係 soft toys, plush & silk tape 等等。
岩岩新入職差唔多一個月了,不過仲係好唔慣,主要原因以下:

公司大概有 40 人左右,第一日返工 manager 只介紹自己 team 同事給我認識,其他同事一個都無介紹,到我做到依家,仍然有好多同事都唔知人地叫咩名。我已經有 5 年 Merchandiser 既經驗 (分別做過兩間公司,呢間係第 3 間),一般工作都要由 sourcing, product development & production & 報價等都一手一腳跟晒。

呢間公司由我第一日返工,都已經感覺到 D 同事唔係太 nice,又唔會主動同你講野,雖然我對呢方面既工作係有經驗,但每一間公司既制度都唔同,始終都需要同事去教我日常工作既流程,但很多同事都只係一句起兩句止,好似都唔肯講多句咁,我只問我自己亦唔係一個黑人憎既人,對同事絕對好有禮貌,但有時得到部份同事的冷淡對待,都不知如何是好。
以上方面都唔係重點,我自己 team 大概有 7 個人,但分工就非常清楚,兩個跟 sample,兩個跟 prodction,兩個主要負責答覆客戶的 email,而我既職責就是主要回覆客人既 email,我地公司同事與同事之間要經常接觸,關係唔好,好難合作,主要工作流程如下:


我收到 email 後,即係個客要 sourcing, 做辦及落單做貨,都係直接同我講,而我收到呢 d email 之後,唔係由我直接安排,而係由我去通知香港跟 sourcing 既同事,跟 sample 既同事, 跟 production 既同事去同大陸廠安排。即係話,我只係做個傳聲筒,當中我想 check 下個 status 又要去問相關既同事,如果相關個同事好忙,與個例,你朝早同佢講要做辦,萬一相關既同事好忙,到夜晚都安排唔到既話,咁我一路追個同事,同事都可能會反感,最後,我又覆唔到個客,被人鬧既又會係我。
一個工作程序,做到咁繁複,反而會令工作效率更加低。有時感覺上我個職位有 D 似 Customer Service.
我估佢地以為咁樣分工會令到同事工作量無咁大,我反而覺得工作量仲大,我見佢地 d email,人地個客追佢幾萬次,都覆唔到個期比人既,咁都正常,左 check 右 check,check 咁多個人,點可能會好快覆到客。如果同 d 相關既同事關係唔太好或者好似我依家咁仍然同佢地唔太熟既話,好多野都問唔到,佢地有時求其兩句敷衍你就算,又唔太敢問多幾句。所以咁樣做野法,都幾難去做。
我只問做左咁多年 Merchandiser,從來都未試過咁樣,分到咁散..
報價又要我報比客,但係當中問間廠個價又唔係我去問。而又係跟 sample 個同事去問,佢問完又 pass 返比我。
之前我岩岩返左工大概一星期左右,就係收到個 email 要做辦,咁我就同返相關同事講叫佢安排啦,個同事有 d 野唔係太清楚就問返我,始終呢單野我係中途介入做的,所以我又唔算太清楚之前個 story,跟住呢個相關同事態度有點不悅地咁同我講,叫我下次 check 清楚 D 先。即係話,我依家主要對外(客),其他同事主要對內(工廠),我負責做傳話人。
我自已就覺得就算你同相關既同事幾熟都未必夾得到,d 野又唔係自己一手一腳跟既,我唔明咁做野係可以點跟,相關個同事問廠野,又唔會 cc email 比我,我更加唔會清楚個 status,所以基本上我只係不斷係咁追相關同事個 status。更加離譜既就係,如果 D 辦 ready 好,又會 pass 返比我叫我寄比客, 而留底既辦我又唔需要留喎,因為做辦既同事自己留左,我主要 email 通知客就 ok,但問題就係,如果客收到個辦,到時有什麼 comment 要拎返隻辦黎對,又要問返相關同事拎返黎睇。

我依家做左一個月,仍然未能適應呢種做野方法。
我其實想問下,做開 Merchandiser 既同行人仕,有無試過咁樣做野法??
究竟我仲繼唔繼續去適應落去,還是盡快再搵過第二份??

內容比較長,請見諒,近來為了這件事真的很煩惱,你們的意見對我很寶貴,所以希望各位能指點迷津,謝謝!



實用相關搜尋: Spa email 香港
1

TOP

樓主~我諗你係做緊coordinator既野, 我都係merch出身..之後做左一份個duty好似你咁要追人交齊野既job...我都覺得好煩...追人個同事又覺得你煩..但阿姐又要我追...叫我可以鬧個個人....講真...我個陣返左一個week...鬧人...冇野呀~我好聲好氣問人幾時交到啦...個人背住我望都冇望過黎...寧一寧頭咩都冇答...之後第2日我走了.....
我覺得樓主都係走把啦~唔岩就係唔岩...唔係等錢用既話都無謂拖
呢d位係要厚面皮, 唔理人感受, 唔怕同人關係唔好先會做得好



實用相關搜尋: Spa

TOP

小弟做佐一年Merchandiser,年資明顯唔夠班,但都想分享下:
我自己就係一手一腳包辦由sourcing/product dev/sample去到最尾走貨。
其實自己做都已經要同好多suppliers溝通,supplier又有sub-contractors,已用好多時間,如果仲要好似您講咁樣分工,又要再隔多幾重,又會再曬時間d。同埋講真好多detail唔係自己走去做真係唔清楚,有咩問題就好麻煩,我寧願自己做晒佢好過。

至於去留問題,我都唔敢比意見啦∼! 睇下有冇其它有心人士幫手。

[個人感覺以你的經驗可以deserve better]

[ 本帖最後由 stephenyiu1 於 2010-4-29 01:15 AM 編輯 ]






TOP

分工似乎真係有d問題, 咁做法點會有效率? 我做過下merch, 未聽過分工咁分法.
做傳聲筒, 會有野學嗎? 怕你經驗停滯不前,
一直做落去的話, 下次轉工時, 會比人覺得你冇料到.

我都覺得你5年經驗, 大可以揾份好少少, 係唔啱便早d走, 唔好拖咁耐



實用相關搜尋: Spa

TOP

[隱藏]
分工太細, 會容易爭交. 效率一定慢. 對產品一定唔清楚. 七個人做一個大野. 如果係有好多客戶, 情願分客跟還好. 再者, 你永遠都學唔到野. 都係盡快再搵過第二份...


實用相關搜尋: Spa

TOP

我以前做過Asst. Merchandiser, 一手包辦所有野先學到野, 只係做"coordinator"既角色就一般文員都可以做到


實用相關搜尋: Spa

TOP

.


見樓主你有心機post 條問題, 我有小小個人建議, 因為當局者迷,旁人睇野清楚好多.


其實只要你搞清楚一點: 無論樓主你有幾多年 MERCHANDISER 經驗, 只要你去到一間新公司, 只要你個POST 屎唔係管理人級數, management level 的話,個遊戲規則係新同事去適應新公司個culture, 呢點相信你一定明白. 就算請你入去做management 改革,帶新方案入去, 要改同事慣常工作模式,sourcing 流程等, 非一朝一夕.... 所以現階段你只能配合佢地, 適當時候比小小意見. 緊記 !!!

你過往 MERCHANDISER 經驗,代表你對該行業有一定認識, 去到新工公司時同事唔使好似一張白紙由頭教你....

Merchandiser 要同唔同層面的人溝通,要flexible. 你做左一個月唔適應,我覺得正常, 因為你仲有兩個月比自己嚐試,都未過probation. 係咪先 ?

同事唔nice....你冇辦法去改變對方性格, 人地始終係公司 的 老屎忽 , 同人相處都有個磨合期. 你覺得咁做好, 但對方覺得未必. 呢三個月你要學係適應公司個culture. 跟唔同同事做野手法.  轉一個角度冧,你而家個post屎, 你有何理由要班老屎忽聽你支笛 ?  意見可以提出,但唔係呢個時候, 唔適應, 就自己執包袱.



實用相關搜尋: Spa 遊戲

TOP

我都番工幾日了~ 好累人...很多工作~
但很快適應左了...同事都很快熟落左~
要盡快學識更多公司的工作...幫得上忙~
同事都比左好多工作我做...差唔多都完成哂...還有舊資料要整理~
很大埋的文件...我睇都睇唔明應該點分類再整理...再放好~(很頭痛)






TOP

唔同公司 , 有唔同制度同文化 , 如何融入其中 , 其實你做左五年野 , 都應該有一定經驗同耐性 .

而且 , 你都明白 , 一間公司 , 如果唔係真係好nice , 一般黎講新人係好難融入其中 , 即使如我 , 亦唔會太禮待新人 .... 唔係話佢乞我憎 , 而且冇咩感情 , 如果同你懶fd , 可能嚇親你添 , 而且自己又唔係d咁既人 , 懶係同你熟 , 好似好假 .

問野唔係好熱誠答你 ? 老實講做咩要"好熱誠"答一個新人 ? 好多人都咁諗 : 我當初入黎做呀 , 都係自己一手一腳摸架咋 , 仲要人教 ?
出黎做野 , 人地都係教一次架咋 , 講多幾次 , 人地煩架啦 .

"新人"呢個身份 , 就係有咁既麻煩 .

未必人人都睇你順眼 .

努力捱過呢個階段 , 慢慢比到人睇你係做到野 , 日子耐左 , 睇你順眼左 , 就完全唔同 .

(當然 , 如果努力融入都係溝通唔到 , 就算啦 , 唔駛對住同事太假既 ... 同事對你唔好你離去 , 可以考慮 , 但如果同事對你冷淡 , 就唔好諗話唔做 ... 冷淡者 , 好過排擠你或者鬧你呀 )



實用相關搜尋: Spa

TOP

[隱藏]
提示: 作者被禁止或刪除 內容自動屏蔽

TOP

提示: 作者被禁止或刪除 內容自動屏蔽

TOP

引用:
原帖由 john930 於 2010-4-30 10:39 AM 發表
唔同公司 , 有唔同制度同文化 , 如何融入其中 , 其實你做左五年野 , 都應該有一定經驗同耐性 .

而且 , 你都明白 , 一間公司 , 如果唔係真係好nice , 一般黎講新人係好難融入其中 , 即使如我 , 亦唔會太禮待新人  ...
你講得好啱呀

其實我依家都係返緊份新工一個月多少少,對於適應新既工作氣氛同建立同新同事既關係的確要時間

可能我部門0既mgr對於工作好執著好有責任感,佢會當面咁鬧其他部門既同事﹝just工作上﹞,所以相對地其他部門0既人對於佢既下屬,即係包括我,都唔會話有咩熱情對待啦,加上最初咩都未識,未需要同其他同事溝通,所以真係幾難過﹝成日都係得自己一個咁...加上以前公司係好family咁幾close下﹞

但最近開始要followup嘢,要contact其他部門,感覺情況開始有變化,起碼問其他部門嘢時都唔會話有hardfeeling,始終大家都知係為工作﹝有d仲知我係新人,會特別講多少少knowlegde/terms我知﹞,而且自知乜都唔識,好多時我都抱著向其他人學習既心態,會有種向對方請教既態度,可能對方會...舒服d啩~~~

anyway,希望大家都明天會更好啦!!



實用相關搜尋: Spa 學習

TOP

而家番咩工都係咁架喇,,好多問題要面對,加油






TOP

樓主,你咁似我既,雖然同你唔同行,
我都係做左好多年野,之前都未試過咁樣,
我公司又係咁, 有關果樣野既工作,
唔係一條龍叫一個人去跟架,
每人跟d,日日返工唔係做野,係問野,
一件事,要問呢個,問果個,先知答案,
最慘係,d野唔係自己一手一腳跟,
人地錯,我就跟住錯,但亞頭會怪我唔問清楚,
但呢d野我好難control架喎,我一手一腳做而錯,抵我死,
但e家係俾人control緊,人地唔答我野,我就企向度唔使做,
根本d野好簡單,但因為問黎問去,攪到好耐都完成唔到d野架,
樓主,呢d工好惡做架,係公司管理有問題,
唔好話你做左一個月,我e家做左差唔多一年,
但都仲係好唔慣,而且我公司好靜,蚊飛過都聽到,好辛苦,
好後悔當初試用期前唔走人,浪費時間,吃力不討好,日日倒數,忍夠一年我就閃,
勸樓主趁未過試用搵過份啦, 唔係就有排捱



實用相關搜尋: Spa

TOP

[隱藏]
我公司d 同事 有d 做佐五年以上
有d 做佐兩三年 有d 新入職
個個同事都係咁
同事與同事之間 一句起兩句止
返工姐 大家都係為生計 唔一定要做熟既



實用相關搜尋: Spa

TOP

伸延閱讀
 16 12
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.5