打印

射波既分析 及 教學 (個人分享)

射波既分析 及 教學 (個人分享) E-mail 此主題給朋友

[隱藏]
香港有好多打籃球既朋友, 佢地渴望可以射到好似Tracy McGrady, Ray Allen, Paul Pierce, Allen Iverson 同 Kobe Bryant 等等射波好手既射姿。
所以今次同大家分享射波既心得。

首先,點解d NBA球星射波會甘型呢? 首先, 佢地吾係為射姿而去練果一種射法, 而係佢地既射姿獨到既用處。

射姿分析:
大致上, 射波好簡單分為兩種極端既方法, 投籃同推波。

呢兩樣射法既用力方法係極之吾同:
投籃係最正宗既射波方法, 呢種射法用力方式係利用離心力既方法, 將球甩出去, 達到有最效既弧度, 而且可以係更高既位置出球, 難以被對方防守;
推波係就一般初學者用到既方法, 呢隻射法由於用力既方向單一, 而且以直線出球, 所以出球力度, 同角度會比較易控制。

事實上, 推波吾係一隻醜陋既射波, 只不過係動作不協調, 同埋係初學者自行摸索, 先會令到推波既動作好吾自然。



用力既正確方法:

有好多人都誤以為, 射波要用手, 遠就一定要大力, 大力就要不停練臂力。大力吾係可以練到距離, 但同命中係無直接關係。基於射波以命中同把握距離兩個層面為首, 我地係要將呢兩個層面分開訓練。

點解我會話射波吾係用手力呢? 最主要原因, 手係用黎描準既, 手既能力有限, 要同時兼顧描準同用力, 有極大既機會會控制吾到, 令到用力不平均而產生好多會甩手既可能性, 例如指力不平均引致既左右偏差, 手既速度太快導致波吾係完全貼實手掌而引起射球泛力。
所以要擁有好既用力方法先可以減少呢d不必要既個人失誤。


用力常犯錯誤:
            
以下既要點, 都會令到你吾能夠充分用力既因素:
手腕要放鬆, 如果手腕硬用力太硬, 會令波離手。
出球時吾可以太快, 太快會令你過度用力, 使你有機會令波離手。
無用重點既手指, 射球既軌道只有一條, 無固力發力點令你把握吾到方向。

            
發力主要條件:

http://www.youtube.com/watch?v=rPWtdEDUS80 注意: 係0:26果到停低可以見到佢既手臂為持係75-85度, 無需屈曲手腕球放係額頭上既位置, 同手腕係成一個"L"字, 比自己有足夠既距離發力。手肘要指向籃框, 比自己一個角度, 手伸直之後既角度同你準備姿勢既角度要相同。最後指尖指向籃框
腰要直, 雙手既發力支撐點係雙肩, 如果雙肩都無力比佢支持, 又點會可以受到力呢? 所有腰一定要直, 去支撐射波既雙手。
選擇重點既手指, 所謂重點手指係指最後發力既手指, 以5隻手指中黎講, 最少要有一對作為支架既手指, 用於固定投球既軌道。在
http://www.youtube.com/watch?v=CPfxjm9x56Y片中, 慢鏡可以見到Paul Pierce出手最後有兩隻手指作支架既用途。當然, 大家亦吾一定要用兩隻手指去作為支撐點, 到可以分開2隻指作為支撐點, 1隻指發力都可以, 以個人手感為基礎。由於最後出手既手指會係最影響球道, 為左防止左右搖擺, 應該用該手指指向目標, 亦係籃框, 稍後亦會講解描準位置。
            
著重係球同手之間既接觸感覺:

尋找球感訓練: 將籃球以正常單手射姿放係手上面, 然後射出籃球, 唯一分別就係吾可以比個籃離開隻手, 令個波由掌心, 走到去發力既手指針, 再緣住手背番去。 重點: 你會感受到, 籃球去到指尖仍然係受力中, 而你射波既時候就係要用到呢一種感覺去射波, 而吾會甩手。

(另外有度樓主回覆話為左避免甩手, 所以要拎實粒波, 同埋以單手射波作球感練習
我都想稍作補充
拎實粒波, 同拎死粒波係兩件事, 大家唔好誤以為可以單手吸實粒波, 用手指力"啜"住粒波就叫拎實
其實好多人都走左入呢個誤區, 然後拎死左粒波
最終出手時因為手指, 手腕用力過度反而壓低左出手拋物線

我覺得更加適合既講法應該係用手貼服咁拎波, 由於我地只係射波, 所以根本唔需要好似入樽咁捉到粒波實一實
但係要肯定手貼服咁接觸到籃球既面, 其中樓主既片(shotscience片段)已經有提及, 我都唔多講
不過單手射波呢個練法雖然可以練習球感, 不過我建議其實可以左手只用手指頭稍為扶住籃球黎練習右手球感, 可以令球感練習更穩定)
由會員                                                                                        chaos073 補充


角度問題:

角度係非常重要, 一般黎講大家都會認為大約45度會係最好, 但實際上, 應該以個人感覺為題最好, 因為射波吾係逅求角度, 而係準成。
高角度同低角度既分別? 讀過物理學既朋友都清楚, 大約45度係最有效距離, 低過或高過45度會相對無甘有效。確實, 無甘有效係會反而對我地更加有用, 點解甘講呢? 假設如果以低角度射球黎講, 我地去判斷同籃框之間既距離係要非常準確, 如果以最有效既射法會因為距離會有好大偏差而導致命中降低。但亦因人而已, 所以認為初學者應由低角度學起。

*小小提示: 如果你發現自己射波會經常揼釘, 可以試試將角度提高, 相反大針式就將角度降低少少, 命中會提高。*
            

訓練方法:

由籃底開始, 原地射球, 吾可以使用跳躍等方法依靠腳去借力。當你入左1球(必須穿針), 可以後退半步, 重複呢個方法, 直到搵到一個射波你會有偏差既地方(感覺要絕對舒適, 有任何不自然既感覺係指你用力太牽強, 走前一下或調整射波動作)。

目的:

訓練手指既控制, 令命中提高。
獨立訓練身體協, 對日後練習跳投作為基礎。
            
當你射到最盡既位置將會係你以手力射波黎講既最遠距離, 當然可以繼續訓練將距離擴大。當你練習好該距離之後, 就可以去進階既射波方法。

比個最理想既射波姿勢大家睇先:
http://www.youtube.com/watch?v=Z5aGKtGzAPY 之後我會再講解。


進階部份:
     
射波靠腳力? 的確腳力係為作為手以外提出最力既力量來源, 佢可以供出既力量係手既倍數增長。如果係射波既角度黎講, 手同腳既關係等同兩條彈弓, 假設手同腳既力量比例係1:2, 由於手既力度有限, 因此相對黎講如果手腳同時使用, 所供出既力量係手既3倍之多。以1:2黎其實係一個比喻, 因為實際上如果經過訓練, 手同腳既比例可以係1:2以上, 所以能夠善用既話, 一個普通既遠程3分係無難度。


正確腳步步法:

為左保持平衡, 雙腳係吾應該合埋, 如果合埋左, 腳力發力不平均, 會可能令你個人偏左偏右。 所以正確既腳掌位置距離應該係同兩個肩膀垂直相同。
射波係要擁有強大既衝力, 先可以帶動個波可以進行遠距離投射, 因此要學識重心轉移, 去給予更強既超衝力。
何謂重心轉移? 字面解釋就係將一個重心, 轉到其位置。 要做既野亦都係相同, 我地利用重心轉移既原因, 係因為我知道重心係我地既發叔力及受力點, 而我地需要將力量帶向前, 就要設定兩個點作位力量既方向。

首先我地最直接既受力點係雙腳同地下, 我地係要從地下借力, 先可以作出向前或上既動能, 而我地射波係向前射既。 所以雙腳會前後放。設定好兩個受力點, 我地就要講述下點樣使用重心轉移,一般打籃球既朋友都明白咩叫重心腳(請容許我講得比較煩d, 因為如果睇吾明再問會更加麻煩), 當一隻重心腳既時候, 另一隻腳自然可以好自然甘走動, 原因係因為我地將我地既重力壓上隻重心腳上受力, 呢鼓力就係重心力。如果用係我地射波身上, 當我地準備發力射球既時候, 後腳既重心轉到去前腳, 身體既力量自然由後方上到前方。呢個用力方法就係重心轉移。
了解左重心轉移, 可以將身體既力帶到向前, 我地必須去訓練番自己既平衡, 因為身體向前係會令你既上身有搖晃, 令到射姿不穩。


如何去平衡身體:

身體向前既平衡方法好似普通方程式甘解, 重心放番向後就可以。 點向前又向後呀? 吾明? 睇片
http://www.youtube.com/watch?v=Z5aGKtGzAPY 呢段片係我以上一直講緊既野融合左既最後結果, 係片中, 你會先見到球員向前微跳, 然後身體會向後傾。點解要向後傾, 原因就等如趴係到射波同訓係到射波, 雖然兩個會入到波既機會都吾大, 但高下立見, 訓係到真係著數d, 原因你可以用到既角度多好多, 相對趴係到所有角度都射吾到。 而向後傾就係為左保持角度而又可以保持向前衝既力量, 先會有一個甘既姿勢, 絕對吾係為左型先正個好似fade away既動作。
(呢度似乎會有少少誤導左人以為每球跳射都好似fade away 既動作, 可能會誤解左要跳完好刻意「挨」番後, 的而且確如前文所言, 射波無論定射/跳射都需要一股向前既力量, 所以尤其跳射時係會稍向前跳, 但千其唔好以為向前跳就一定冇問題, 因為初學者對自己射姿沒有認知, 大多數人亦都冇人從旁指導
所以因為過份傾前而影響出手亦都係常見既情況
亦因為咁, 樓主所講既身體平衡非常重要
我建議各位有心練習射球既朋友, 要錄低自己射姿, 多作比較先會知自己問題所在
而樓主套片既標準姿勢都唔差, 不過更加標準當然係ray allen,
http://www.youtube.com/watch?v=ZTnATLIWOmM
呢段片清晰咁睇到ray allen 上半身(腰及以上位置)其實一直保持平衡, 直情直到好似冇郁過咁, 可以見到佢對身體平衡既控制已經係非常熟練 )
由會員                                                                                        chaos073 補充

最後到描準:

空心球, 穿針, 係射波既最高境界, 但要穿針, 應該係射邊到呢? 下面有一張圖係講解, 點先會穿針。
睇完張圖你會發現, 原來要穿針你一定要清楚, 波既球路, 所以係描準方面你要想像有一個波既弧線, 然後先去描準。
要練習穿針, 最好係罰球線位練習, 幻想前框上面有一個籃球, 只要你射既波會完全接洽到你幻想既影像, 就會穿針。
如果把握左描準既方法, 就要開始訓練距離感, 因為冇距離感既人射波一定會吾入, 所以我地要練習合埋眼諗清楚球路, 一開眼就要配合番你既幻想球軌, 不停練習, 肌肉自然會有記憶, 受到干擾都可以清翠甘射入。


接著會到跳投部份, 文章仍在撰寫中, 請耐心等代。
如果有任何問題或意見, 請留言, 我會盡快回覆。

之前分享: 過人既 分析 及 教學 (個人分享) http://www.discuss.com.hk

射波描準教學
http://www.youtube.com/watch?v=S-KSHVPrXj0
手既姿勢教學
http://www.youtube.com/watch?v=JuxCHOp_Y00&;
射波姿勢教學
http://www.youtube.com/watch?v=IxaGSW7Yn4Q&;
射波練習教學
http://www.youtube.com/watch?v=YIHjdVteO2A&;
射波弧度教學
http://www.youtube.com/watch?v=9Yf1RMtXE5Y&;
掌心握球教學
http://www.youtube.com/watch?v=hIvLCQ9N4kU&;

雖然教法有少少吾同, 但都係非常好既教學。 但都係果句, 每個人既射法都吾同, 但入面既理論都一定係異曲同工。

[ 本帖最後由 leochui0 於 2010-5-12 01:14 AM 編輯 ]



實用相關搜尋: Spa 手臂 香港

附件

mini-pro2-side.jpg (77.72 KB)

2010-4-30 12:23 AM

mini-pro2-side.jpg

33

TOP

好詳細,,,支持


實用相關搜尋: Spa

TOP

有心分析,值得參考。謝謝。





Gamertag: chungangus

TOP

好文!基本上用呢個方法,任何人都可以射得好準。射波其實唔使點用力,只要發力方法正確,小學生都射到三分。






實用相關搜尋: Spa 學生 小學 小學生

TOP

[隱藏]
引用:
原帖由 大細波 於 2010-4-29 02:21 PM 發表
好文!基本上用呢個方法,任何人都可以射得好準。射波其實唔使點用力,只要發力方法正確,小學生都射到三分。



的確, 因為其實一個正常人, 一籃球半場用佢自己方法一定可以掉得過, 只不過係姿勢問題甘解。 只要了解清楚用力方法, 射3分的確無難度。



實用相關搜尋: Spa 學生 小學 小學生

TOP

good post

我想問下要射波大力d要操腳力? 定係狂射?

因為我3分jump shoot總係覺得慬慬夠力 同埋會向前跳
我平時牛角個d位jump shoot好輕鬆 亦唔洗向前跳



實用相關搜尋: Spa

TOP

好文支持...幫到我好多....


實用相關搜尋: Spa

TOP

引用:
原帖由 eric0324hkha 於 2010-4-29 02:30 PM 發表
good post

我想問下要射波大力d要操腳力? 定係狂射?

因為我3分jump shoot總係覺得慬慬夠力 同埋會向前跳
我平時牛角個d位jump shoot好輕鬆 亦唔洗向前跳
你識向前跳已經証明你係一個善於射波既人。
操腳力其實係可以既, 但用力係講求有效甘運用, 所以如果講係練腳力, 不如應該練全身, 腳力係吾可以直接帶到力向前, 要由腰到背到肩最後先到手, 先可以出到一個最有力既波, 所以訓練協調係比你單練一樣野更重要。






TOP

引用:
原帖由 leochui0 於 2010-4-29 04:22 PM 發表


你識向前跳已經証明你係一個善於射波既人。
操腳力其實係可以既, 但用力係講求有效甘運用, 所以如果講係練腳力, 不如應該練全身, 腳力係吾可以直接帶到力向前, 要由腰到背到肩最後先到手, 先可以出到一個最有力 ...
我都有操開全身  不過都係新手級

同埋射3分我會不自覺射到好高 係咪係因咁搞到唔多夠力?
因為mid-range果d我會射得比較低 所以感覺上有力?

我而家襯放假狂練射波先



實用相關搜尋: Spa

TOP

[隱藏]
我射3分好 力不從心,,點解會咁?
我射罰球後小小都仲OK,一企係3分唔推就冇力



實用相關搜尋: Spa

TOP

引用:
原帖由 eric0324hkha 於 2010-4-29 04:26 PM 發表

我都有操開全身  不過都係新手級

同埋射3分我會不自覺射到好高 係咪係因咁搞到唔多夠力?
因為mid-range果d我會射得比較低 所以感覺上有力?

我而家襯放假狂練射波先
你既情況其實好簡單, 你有力量只不過吾知點去用 及 角度係點。
有一個方法, 內文都提到:由籃底開始, 原地射球, 吾可以使用跳躍等方法依靠腳去借力。當你入左1球(必須穿針), 可以後退半步, 重複呢個方法, 直到搵到一個射波你會有偏差既地方(感覺要絕對舒適, 有任何不自然既感覺係指你用力太牽強, 走前一下或調整射波動作)。

試下正常甘射, 你會慢慢感覺到正確既力度同角度, 從而解決你既問題。



實用相關搜尋: Spa

TOP

引用:
原帖由 brian3435 於 2010-4-29 05:40 PM 發表
我射3分好 力不從心,,點解會咁?
我射罰球後小小都仲OK,一企係3分唔推就冇力
力不從心, 係你感覺吾到波既實在感, 試下慢慢射, 動作慢番d同放鬆番d, 都係由籃底射番出3分圈, 要把握遠距離射球一定要按部就班, 由內線開始。 順帶一提, 如果你地想係比賽前都可以係各方位感受下距離感。



實用相關搜尋: Spa

TOP

我射3分波 會變到用雙手射 但射2分波個射波動作就無問題
我係咪未正確使用出個力?







TOP

引用:
原帖由 billy。 於 2010-4-29 06:53 PM 發表
我射3分波 會變到用雙手射 但射2分波個射波動作就無問題
我係咪未正確使用出個力?
可以甘講, 其實你用單手會大力過兩隻手既, 不過你用力過度, 令到你捉吾住個波, 因此你自己會兩隻手都用力去固定個波而做成雙手射既動作。



實用相關搜尋: Spa

TOP

[隱藏]
大師果然系大師=.=
期待腳嘅部份



實用相關搜尋: Spa

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.12