註冊 登入



打印

[東南亞] 沙巴8天吃喝玩樂之旅 - 2010 Nov 06 to Nov 13 (update到day 6 美人魚島)

沙巴8天吃喝玩樂之旅 - 2010 Nov 06 to Nov 13 (update到day 6 美人魚島) E-mail 此主題給朋友

[隱藏]
今次係第1次去沙巴, 去8日, 好多朋友都話沙巴駛唔駛去咁多日呀!! 不過我去完歧黎, 又覺得8日ok喎~ 仲想留多1~2日添呀~
沙巴都係主要玩水多, 鍾意玩水既朋友就一定覺得好好玩喇~
出發之前幾個星期, 日日係hkdiscuss爬文, 搜集資料, 我先plan得個行程咁順利咋~ 真係多謝俾過意見我既朋友呀~
仲有, 多謝沙巴小tony在我出發之前兩個星期開左個沙巴有問必答區, 好多野都可以問. 我在沙巴期間, tony仲打俾我地問我地玩得開唔開心, 真係完全無諗過呀~ 收到電話果時真係唔知點反應~ haha~
由於大家幫左我咁多, 我都係度打返個遊記, 等準備去沙巴既朋友都有個參考~

今次搭AA, 8月中book機票, 唔係平機票時候book, 只係突然好想去沙巴玩, 所以就book左喇.
機票+tax+行李費+handling fee+seat pick = around HKD1750一個人

hotel方面, 我地無住靚resort, 只係揀左近市中心既一間平酒店 - cititel express, 因為我地成日早出晚歸去玩, 如果住貴酒店又怕會好浪費, 所以就將d錢用係玩方面, 而住就普通少少. cititel真係好抵住架, 上佢個official website book雖然唔包早餐, 但係價錢抵~ 況且附近咁多野食, 都唔會日日係酒店食啦~ 我book左其中3晚係rm88/night, 2晚係rm120/night, 另外一晚因為hotel個website顯示full booking, 所以我就係香港搵d網上hotel agent book, 又ok喎, hkd323一晚包早餐. 即係平均hkd320一晚咁上下啦, 沙巴local tour agent offer既rate都唔只呢個價錢呀~ cititel真係好方便, 附近有野食, 又有大商場, 超市, 行出去加雅街都係15~20mins, 全個trip我地一次的士都無搭過.

book完酒店之後就開始搵local tour, 見呢度咁多人都話P字頭果間好好, 咁咪試下send email去問下, 咁email來往之間溝通都幾好, 諗住呢間野都真係ok啦...點知去到就賴野喇....詳情之後再講啦.

今次大致行程如下:
雙島遊
kiulu河激流
長鼻猴 + 螢火蟲
神山公園
美人魚島
由於第1次去沙巴, 所以咩都想玩, 所以就揀左咁多樣.

Day 2 - 雙島遊 P.1 15#
Day 2 - Dinner@Toscani's P.2 16#
Cititel Express
介紹
P.3 32#
Day 3 - kiulu
河激流 + 長鼻猴 螢火蟲
P.3 40#
Day 4 -
神山公園 + 波令溫泉
P.4 46#
Day 4 - Dinner@
珍珠
P.4 47#
Day 5 -
美人魚島 P.6 83#

Day 6 - 美人魚島第2 P.6 86#
Day 6 - Dinner@新記肉骨茶 P.6 87#


出發之前, 去百年換左rm2000, 個rate始終都唔係太理想, 所以唔一次過換定喇~ 第2日去左centre point換, 又俾我地搵到一間個rate都唔差的.

由於AA一日只得一班機, 而且係夜機, 所以我地去到都已經係9點, 拎埋行李已經9點半有多...原來而家AA既CREW會係飛機上派入境果D form架, 唔駛落機先填, 可以慳返d時間~ 過完關, 等拎行李既同時, 可以拎d地圖, 其中一份都幾有用架~ 個地圖架就係行李帶隔離. 拎左行李一出去, 就見到個tour guide等緊我地同埋另外3個party既人. 齊人之後就上車去酒店喇~ check-in完, 上房放低晒d行李之後, 就第1時間去食野啦, 酒店隔離就已經係富源, 極之方便呀, 3分鐘都唔駛就去到. 食左加央多士, 雞翼飯同飲左杯熱既桔仔冰, 因為第1日去到個肚有少少唔舒服, 所以唔敢飲凍野, 反而熱都幾好飲丫~ 呢一餐好抵食, 我地叫左4份加央多士, 1碟雞翼飯, 1杯熱桔仔冰, 都只係rm10.6. 食完之後行下附近, 見到有燒雞翼, 買左2隻返酒店食, rm1.5一隻, 又真係幾好味bor~~ 食飽飽就沖涼執野訓覺, 準備第2日既雙島遊~

就係呢個架, 拎行李隔離~ 記住拎地圖呀~



機場都有cititel既廣告呀~ keke


富源宵夜. 先叫野食俾$, 之後會有一個號碼牌, 食物整好之後, 員工就會拎埋黎俾我地.



由於太餓, 所以叫左個雞翼飯, 係炸雞翼, 都不錯的.


加央多 + 加央白麵包


再加一杯熱桔仔水


[ 本帖最後由 3malc 於 2010-12-21 08:44 PM 編輯 ]



實用相關搜尋: 溫泉 行李 酒店 電話 廣告 商場 email 網上

回覆 引用 TOP

相片之後會陸續補上~





回覆 引用 TOP

nice post very detail





回覆 引用 TOP

等你左upload.......thanks





回覆 引用 TOP

[隱藏]
期待你之後幾日既旅程






回覆 引用 TOP

等睇相兼文字遊記





回覆 引用 TOP

快﹗快﹗期待ing~~





回覆 引用 TOP

快﹗快﹗Photo!  Photo!





回覆 引用 TOP

期待呀 !!!!


回覆 引用 TOP

[隱藏]
後日就輪到我出發去 5D4N 沙巴啦, 唔知我夠唔夠時間刨埋你篇遊記呢?






回覆 引用 TOP

提示: 作者被禁止或刪除 內容自動屏蔽
引用:
原帖由 雨中感嘆號 於 2010-11-16 04:37 PM 發表

後日就輪到我出發去 5D4N 沙巴啦, 唔知我夠唔夠時間刨埋你篇遊記呢?
我會努力架喇~
你d行程plan成點呀?







回覆 引用 TOP

引用:
原帖由 雨中感嘆號 於 2010-11-16 04:37 PM 發表

後日就輪到我出發去 5D4N 沙巴啦, 唔知我夠唔夠時間刨埋你篇遊記呢?
諗住玩乜項目呢

目標食邊幾間餐廳










回覆 引用 TOP

期待期待期待!






回覆 引用 TOP

Day 2 - 雙島遊

[隱藏]
上網睇好多人都話去雙島唔駛join tour, 可以自己去, 仲平d. 不過因為我地始終都驚玩得唔放心, 所以都係join左tour, 起碼有人睇住我地d野丫嘛~
出發之前放左d passport同d $$係酒店個夾萬, 去玩就廢事帶咁多野啦~ 尋晚接機個tour guide明明話8:15係lobby接我地, 我地準時8:15落到去, 等左一陣都未見人, 果時只係諗, 可能係接之前果d酒店既人遲左啦, 點知..等左成45mins都未見人喎, 打極個導遊電話唔聽, 咁我唯有打俾之前一直email來往booking果個operations manager問啦, 佢就話幫我搵下個導遊, 好快佢就打返俾我, 話佢都搵唔到個導遊囉.....咁佢就話安排個司機黎接我地, 其實果個司機一早已經黎左啦, 我地一早就見到果架車架喇, 我估個司機都係等緊個導遊囉..司機cfm左我地個名之後就出發喇. 繼續去接另外2個人, total就係得4個人啦~
我地去左sutera harbour resort果個碼頭等上船, 果度都叫做有一個導遊理下我地, 不過佢又唔係跟我地果個, 只係在碼頭送我地上船. around 15mins就去到一個島. 明明我book果時係話要去sapi同manukan架wor, 唔知點解竟然去左mamutik!!!!! 下晝就去sapi. 不過算啦, 見佢個碼頭有好多魚, 心情都好返d~ 一落船, 有島上面既人接我地. 帶左我地去一張檯settle down, 介紹一下d水上活動. 我地換好衫之後, 準備去玩既時候, 個導遊先出現, 仲要無解釋遲到既事, 扮無事發生過...
我地join左水底綿羊仔同降傘, 好好玩呀~ 原來水底綿羊仔係要去manukan先有得玩架. 咁即係我地3個島都去晒啦~
先玩降傘, 都幾好玩既. 飛到上天望到個天又望到個海又有海風吹住好舒服架~ 玩既時候我地俾左部相機個船家幫我地影相. 玩完之後, 又要搭幾分鐘船去manukan玩綿羊仔, 呢個綿羊仔都唔平架, rm250玩半個鐘, 有人幫你拍埋dvd, 不過我自己覺得都ok既. 可以正常抖氣, 又有一對一既人帶住, 好安全. 果d人會搵d海星之類既俾我地摸下, 又有nemo玩, 都幾正架~
玩完就返去mamutik lunch喇~ 唔知係咪玩到好肚餓, 又覺得d野食ok喎~ 食飽之後影下相, around 1pm就要出發去sapi, 一去到, 就去左睇果d巨型水蜥蝪, 真係好大條架喎, 原來佢係lunch既時候出黎搵野食, 咁岩我地呢個時間見到, 睇左一陣, 佢地都爬返晒入去lu...
本來我地諗住可以餵下魚仔, 但係原來9月29開始, 沙巴政府已經下令唔俾再餵魚喇, 我地都係偷偷地餵. 見到有人食個樽入住d麵包餵魚, 都俾d工作人員話, 所以如果大家想餵魚, 都唔可以咁張揚喇~
sapi都好多魚仔呀, 游出d仲見到好多唔同種類既魚, 都幾靚~ 玩到3點就要走lu...
我自己覺得3個島都好似差唔多, 可能係我無咩時間係個島周圍行啦., 未睇到有d咩大分別. 3個島既碼頭都有好多魚聚集,就咁望落去都會見到小丑魚. 我去既時候, 3個島都好少人. 全程都唔覺有其他人玩水上活動, 最多人玩都係海底綿羊仔.
4點前就返到酒店, 可以抖一陣先再出去食飯~

sutera harbour resort個私人碼頭上船出發, 呢個碼頭都有好多魚仔架~



前面呢個就係馬慕迪島


島上面好少人. 而每個party都會安排一張檯放低自己既野



d沙好幼~~


我地去玩喇~~ 第一樣就係玩呢個2人降傘. 一d都唔驚架, 又唔係真係好高. 飛到上半空, 好舒服架~ 而且仲要掂水濕身先好玩~



玩完降傘, 返島抖一陣就去另一個島 - 馬奴干島玩海底綿羊仔. 有人會用廣東話講一次點玩. 其實我地都唔係自己操控, 係有一對一既潛水員同我地一齊落去. 個罩入面係完全呼吸自如, 完全唔會沾到水, 面同頭髮都唔會濕既. 而沿途會有另一個人幫我地拍DVD. 由於有DVD, 我地無帶相機落去影相呀. 當我地玩完返上岸既時候, 有好多人都騎住隻綿羊仔落緊去, 我諗最多人玩係呢樣~ RM250半個鐘, 包埋DVD.


呢個就係我地既lunch喇. 唔知係咪玩完之後太肚餓, 又覺得幾好味丫. 呢個BBQ lunch都有燒雞翼架~


食飽飽行一陣沙灘影下相就去沙比島. 其實都唔係好夠時間玩架, 我地玩左2樣水上活動, 就無時間係馬慕迪島玩浮潛喇...唯有去到沙比島先潛啦~
雖然而家都唔係多水母既季節, 但係我地見到有2個小朋友俾水母炸親, 仲好似好嚴重呀, 所以大家玩之餘, 都要睇清楚四周


呢度既水域係有咁多唔同既魚, 不過我地當然睇唔到咁多啦


一上岸, 就去左睇巨型水蜥蝪, 真係好大條呀~



去浮潛喇~~ 拎少少麵包係手, d魚仔就會圍住你~ 呢度係好淺水, 都已經有藍色既珊瑚魚.


游出去深少少, 仲會見到神仙魚同nemo~~


d相我係用防水袋影既, 可能唔係咁清~

[ 本帖最後由 3malc 於 2010-11-18 09:18 PM 編輯 ]



實用相關搜尋: 潛水 酒店 電話 email 頭髮 影相

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。