打印

[正宗港產] 非專業人士的專業港式菠蘿包 ※製作全過程+多圖※ (8/2 圖片修復)

[正宗港產] 非專業人士的專業港式菠蘿包 ※製作全過程+多圖※ (8/2 圖片修復) E-mail 此主題給朋友

[隱藏]
首先聲明本人非專業的麵包製作人士, 菠蘿包冠以"專業"一詞, 純粹形容其外表及作惡搞之用。正所謂各施各法, 而本人ge製作方法係配合自己的口味操作方便, 如果同其他 "麵包佬" 的方法有出入, 請勿問候本人。廢話說完, 開波................

首先做包種, 裡面有麵粉, 水, 小量糖同依士。正宗港式麵包可以冇麵糰"興奮劑" (又名麵包K仔)。追求健康同衛道人士多多包涵, 唔落"K仔", 唔夠港式,
唔夠"專業"了。但真係唔好落太多, 否則麵包搖甩頭都似



混合好ge包種, 沒咩技術含量, 搓成一團就可以, 等佢發到至兩三倍體積可用。等緊ge同時可以製作靈魂"菠蘿皮"la。



菠蘿包你就食得多, 但你知道美味的背後ge真相嗎? 菠蘿皮成份係低粉, 海量的牛油, 海量的豬油, 海量的糖, 蛋, 發粉, 臭粉, 檸檬黃色素............







混合成團後冷藏備用



包種發酵完, 天氣太凍, 真正ge包種可以再大一倍, 但本人用中種法的原意並唔係取其發酵香味, 我地呢d非專業人士點會有專業的攪拌機呢? 我只係想麵糰更好搓, 發到咁ge程度可以la, 更何況正宗的菠蘿包是直接發酵ge, 想一般面包鋪用中種法做面包? 唔係冇, 但難搵d lor


發酵完成ge包種可加入其他材料搓主麵糰了, 下面係材料



菠蘿包搓麵筋擴展就可以了, 下面的程度已經是接近"完成"的擴展。可我是追求面包軟到離哂譜ge我人, 下面只是80%....



要面包入口即化, 一點不韌, 我多左5分鐘, 睇下拉到幾長, 中種的麵糰就是可以有這個效果。成pat 橡膠咁其實這個程度已經是over一點點了, 係時間停手。唔係出黎ge菠蘿包會"企唔起"



放入" Lxxk & Lxxk" 作第二次發酵........



二次發酵完成........

                     

分割麵糰, 我做左兩個60g的standard菠蘿及兩個30g的迷你菠蘿...落鑊最後發酵



發到1.5倍可取出放上之前做ge菠蘿皮, 放好皮掃蛋液後就應該岩岩好兩倍入爐 ga la



焗到中途間屋已經瀰漫住一陣香味, 就同平時經過面包鋪時聞到ge一樣, 10分鐘後, 焗爐"叮"一聲, 屋裡ge香味已經達至飽和ge狀態, 意味著一盆擁有金黃香脆外皮的菠蘿包已經悄悄誕生了......



我激動的走到烤箱前, 用發抖的雙手打開烤箱門, 撲鼻而來的香氣叫人站不穩腳步, 眼前這一盆, 就是不折不扣,正宗ge港式菠蘿包了


再行近睇下, 你聽到佢響度呼喚"咬我吧! 咬我吧"ge聲音嗎?



外皮香脆, 包身鬆軟, 立即忍唔住咬了一啖



搞左一日岩岩好係夜晚, 你而家知, 菠蘿包賣三四蚊絕對超值la。菠蘿包配上一隻別有風味的碟子, 加上自己沖ge港式lipton黑白奶茶, 就係一餐完美ge港式"下午茶" (無懼膽固醇, 最後成盆菠蘿包已經成為了我的晚餐



菠蘿包夾上厚厚一片牛油, 就會變成"菠蘿油" 但我唔鍾意, 菠蘿包單吃油味同包味已經係完美ge黃金比例了



港式菠蘿包製作到此告一段落, 最後PS惡搞一下   



謝謝收看, 支持的話留個言吧


[ 本帖最後由 Bread狂人 於 2011-2-8 11:31 AM 編輯 ]



實用相關搜尋: Spa
49

TOP

好勁-0- 整得都好似麵包鋪果啲
不過唔睇都唔知原來菠蘿包係有落豬油...
以為凈係得牛油..
我諗我有排都唔敢食菠蘿油...唔係既話真係肥死..



實用相關搜尋: Spa

TOP

引用:
原帖由 嘩望下果邊 於 2011-1-20 08:06 AM 發表
好勁-0- 整得都好似麵包鋪果啲
不過唔睇都唔知原來菠蘿包係有落豬油...
以為凈係得牛油..
我諗我有排都唔敢食菠蘿油...唔係既話真係肥死..
多謝你~菠蘿包的確豬油多過牛油
其實豬油同牛油甚至健康ge欖檻油都只係一樣咁肥, 只不過豬油高d膽固醇
唔好成日食咪得
我成盆食哂都未死la






TOP

又邪惡麵包K仔、又臭粉、又海量的牛油、又海量的豬油、又海量的糖、又檸檬黃色素!
睇完我唔敢食菠蘿包



實用相關搜尋: Spa

TOP

[隱藏]
引用:
原帖由 h26 於 2011-1-20 10:54 AM 發表
又邪惡麵包K仔、又臭粉、又海量的牛油、又海量的豬油、又海量的糖、又檸檬黃色素!
睇完我唔敢食菠蘿包
我唔怕,照食,菠蘿包係我至愛 , 又其是個皮 ,外皮脆,內裡軟,細細個食到大,加埋牛油夾在包中,再加杯熱奶茶一流
樓主你好叻呀 ! 整得仲好過出面連銷店d菠蘿包



實用相關搜尋: Spa
一笑解開天下愁    一慈便消萬年憂
自強不息身方健    心底無私天地寛

追求理想  奮戰不懈  堅持到底  有恆則成
不必吝惜汗水   不必吝惜心血   將擁有自己的一片天空

TOP

引用:
原帖由 h26 於 2011-1-20 10:54 AM 發表
又邪惡麵包K仔、又臭粉、又海量的牛油、又海量的豬油、又海量的糖、又檸檬黃色素!
睇完我唔敢食菠蘿包
麵包K仔基本上食得出面的麵包都會有ga la, 唔落邊夠人打
至於出面d麵包鋪 (尤其細鋪) d麵包都多數用豬油ga la, 夠平ar ma
我成日經過麵包鋪d後巷都"裝佢地, 通常都係一桶二桶"精煉豬油"
至於海量唔海量, 什麼色素香精, 睇唔到咪算lor...難得糊塗ma



實用相關搜尋: Spa

TOP

引用:
原帖由 Bread狂人 於 2011-1-19 02:25 PM 發表
首先聲明本人非專業的麵包製作人士, 菠蘿包冠以"專業"一詞, 純粹形容其外表及作惡搞之用。正所謂各施各法, 而本人ge製作方法係配合自己的口味操作方便, 如果同其他 "麵包佬" 的方法有出入, 請勿問候本人。廢話說完,  ...
你整嘅菠蘿包, 好"正" !
推薦了 !



實用相關搜尋: Spa
一笑解開天下愁    一慈便消萬年憂
自強不息身方健    心底無私天地寛

追求理想  奮戰不懈  堅持到底  有恆則成
不必吝惜汗水   不必吝惜心血   將擁有自己的一片天空

TOP

真係好正甘...我都好想食





TOP

引用:
原帖由 太極小妹 於 2011-1-20 11:18 AM 發表

我唔怕,照食,菠蘿包係我至愛 , 又其是個皮 ,外皮脆,內裡軟,細細個食到大,加埋牛油夾在包中,再加杯熱奶茶一流
樓主你好叻呀 ! 整得仲好過出面連銷店d菠蘿包
Good, 我欣賞你的食包態度~
對我黎講菠蘿皮都未夠激...至少仲有d麵粉
雞尾差唔多, 不過牛油仲多, 加埋奶粉
椰絲奶油包先勁, d奶油係純糖油混合物正ar



實用相關搜尋: Spa

TOP

actually what is 邪惡麵包K仔 & 臭粉a????


實用相關搜尋: Spa

TOP

引用:
原帖由 vickyma 於 2011-1-20 11:51 AM 發表
actually what is 邪惡麵包K仔 & 臭粉a????
邪惡麵包K仔是澱粉酶、氧化劑、保鮮劑、乳化劑, 等等改良劑
臭粉是食用阿摩尼亞

[ 本帖最後由 Bread狂人 於 2011-1-20 12:04 PM 編輯 ]



實用相關搜尋: Spa

TOP

提示: 作者被禁止或刪除 內容自動屏蔽

TOP

自己整麵包最健康,麵包店既牛油太多反式脂肪了,自家整用靚料,分分鈡貴過出面。






TOP

實在好專業呢
見到都流曬口水呀
thx for sharingggggggg



實用相關搜尋: Spa
飲食清淡,有很多好處!身體好、皮膚好、又fit d!何樂而不為?

TOP

[隱藏]
你個焗爐係入牆式定係...???


實用相關搜尋: Spa

TOP

伸延閱讀
 46 1234
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.5