打印

7日6夜韓國釜山首爾歸來之UPDATE分享~(49#釜山市內交通篇更新)

[隱藏]
引用:
原帖由 rainy大頭蝦 於 2011-5-31 07:01 PM 發表
樓主o既參考書~數量同我不相百仲
參考的又點止咁少!!~仲有rainy你個帖我都有追架~另外仲有台灣背包,Yahoo Blog,大量地圖(Naver同Daum),仲有旅遊官網 睇到盲呀~~



實用相關搜尋: Spa 旅遊 blog yahoo

TOP

引用:
原帖由 abcaaaka 於 2011-5-31 08:18 PM 發表
期待樓主有多d相睇
我盡力POST啦~~其實好多顧住玩/食,唔記得影...



實用相關搜尋: Spa

TOP

引用:
原帖由 ape2005 於 2011-5-31 08:29 PM 發表
書貴精不貴多~橙色果本真係好有用~期待多D釜山資料
題外話呢個板真係比較少釜山&濟洲既資料
唔係講笑,雖然橙書都有講釜山,但到我真正出發前一日我發現我根本冇釜山地圖係手!橙書係無釜山地圖架,連細圖都冇!!!(係Naver/Daum的地圖就睇得多)...






TOP

引用:
原帖由 msfriendly 於 2011-5-31 09:51 PM 發表
請問樓主14和15餐廳點樣去架,容唔容易找的?

14.新村姜虎東間燒肉店真係好食到癲呀!!!!多謝番Heidi的推介!!!
15.土俗村參雞湯已經加價到15000won。
14. 姜虎東點去呢~
拿,你睇左heidi個帖睇下間店個樣先: http://www.discuss.com.hk/viewthread.php?tid=14203173&extra=page%3D1
其實佢有3間分店,我同Heidi去既都係新村店,最岩走完梨大前購物街就去食,我CAP左圖,睇睇~個B Point就係架啦



唔識睇韓文唔緊要,我用中文講一次, 由梨大沿著佢條購物街走到尾, 你會睇到京義線的新村站(同2號線個新村站根本唔同地方架!)又係Migliore黎既(以你的前進方向的右邊就係)~行前多少少過一個街口到個三叉路口向左望應該會見到。

15. 呢間野本本旅遊書一定有。

[ 本帖最後由 kt0907 於 2011-6-9 12:09 AM 編輯 ]



實用相關搜尋: Spa 旅遊 餐廳

TOP

[隱藏]
引用:
原帖由 rainy大頭蝦 於 2011-5-31 06:55 PM 發表



哈哈~o甘就要去試下kimbap喇

生牛肉 生勾勾血淋淋我唔掂
其實吃落個口感唔似吃肉,甜甜地又有D咬口。有勇氣可以一試。



實用相關搜尋: Spa MBA

TOP

回覆 19# 的帖子

唔該晒你呀....好詳細

問去到有冇係咪得韓文MEUN,你地點叫呀?



實用相關搜尋: Spa

TOP

引用:
原帖由 msfriendly 於 2011-5-31 11:25 PM 發表
唔該晒你呀....好詳細

問去到有冇係咪得韓文MEUN,你地點叫呀?
個Menu有圖有英文~放心~



實用相關搜尋: Spa 英文

TOP

釜山:
1. 釜山的太宗臺小火車係天氣唔穩定/落雨個時應該唔會開,至少我去個時落緊雨(唔係大雨)佢又唔開,結果我同朋友買左件雨褸就好似行山咁行入去太宗臺觀景台,無行晒,來回用左1小時。風景係堅靚,必去。

2. 之前有師兄介紹過,太宗臺炸醬麵真係幾好食,推介。

3. 去釜山的話,最好識少少韓文or日文,中英文係個度真係唔多work,當然樂天百貨呢D大公司還是有人識國語的。但基本上一出首爾唔識韓文就會啞左。

4. 釜山溫泉都幾出名,去到不妨浸浸,東萊的虛心廳最出名,可惜我去到個時佢維修,不過依家應該開返架啦。

5. 去釜山架免費車係VisitKorea Year的推廣活動,要自己上網申請,太多人就要抽籤,得一架車25個位,全世界都可以爭,要坐到就要睇你運氣啦~不過架車超豪華,一行得3個位,好闊落,雖然要坐6個鐘先到釜山西面,但每2小時就會停15分鐘係D長途休息站,又瞓得幾舒服,一點都唔辛苦。



-----
趁我記得就打多D先!!


18. 辛拉麵出左Black, 牛骨湯底, 比普通貴一倍, 我未食, 食左話你知有冇好食一倍




19. Check韓國地圖, 唔好用Google Map, 會Fake你架, 用http://map.naver.com for你Check步行圖, 用http://local.daum.net/map/index.jsp?t__nil_bestservice=map for 你查地鐵巴士路線啦(呢個強大到首爾地鐵個個站都有幾部叫Digital View之類的機係比人用黎CHECK地圖,都係用Daum) 唔識韓文點用呢?...用Google Translate囉, 搵番D地方的韓文名就得架啦~


20. 弘大的早上應該同一般的酒吧區一樣,混亂到極點,尤其星期六早上。好多人醉左,連24小時的Lotteria(韓國M記之類)都係亂到不行。不過星期五晚的弘大有好多街頭表演,兒童公園有人有live band music,係幾正~




21. 問路的話,問D阿朱媽同叔叔都會好肯幫你,反而後生仔就爭D~


22. 地鐵的線係跟方向分的, 除左你要知道你要去個地方的名, 要知埋向邊個方向(通常係終點站名), 有D線係入閘前已經要決定邊邊方向, 有D線就入左先決定~最好Check清楚先啦, 路牌D中文字(其實應該係日文漢字) 細到你, 你都係點都認一認個韓文/英文樣好D。


23. 黑色的士衰既唔止係東大門個邊, 釜山機場D黑色的士都係會獅子開大口的, 都係銀色的士老實D~3次打的都係銀色(釜山的話, 白色同銀色應該冇咩分別)


24. 弘大有個好處係你可以搭空港鐵路A'rex去首爾站轉4號線, 可能係行遠D, 但係條路舒服D人少D, 轉車可以少一次tim!~個轉車閘口(transfer gate)係BIGBANG的Lotte廣告, 我專揀GD同TOP黎穿過~哈哈哈
(先說明, 呢個唔係transfer gate,我求其找番佢地黎影,係出口黎架)



25. KTX D班次好密, 即場買就得架啦, 我研究左成個月都諗唔到點可以買得平D有折,最後都係即場買, 50000won都唔使~



26. 釜山KTX站指示好清晰的, 不用擔心唔識去買飛, D櫃位姐姐都好好人~


27. 南浦洞地鐵站7號出口直行(唔好入光復路)的話, 會見到好多Motel, 同時幾間找換店~個rate算唔錯(23/5 金海機場用COUPON都係134, 南浦有137)


28. 在此隆重介紹釜山用的COUPON: http://www.pusannavi.com/
同首爾用的COUPON一樣: http://www.seoulnavi.com/

機場兌換/食野/化妝品店/釜山水族館都有~自己發掘下啦~其實釜山真係好多日本人去玩, 因為好多人搭船黎~


好, 我聽日開始返Intern依家要去瞓夠等開工, 我諗到再SHARE, 你地有咩問我聽晚盡快再覆~


[ 本帖最後由 kt0907 於 2011-6-4 12:24 AM 編輯 ]






TOP

我都入黎支持支持...資料好詳細, 等你其餘遊記, 果間BACKPACK 住的..比我真係唔掂..暈低都似...


實用相關搜尋: Spa

TOP

[隱藏]
引用:
原帖由 msfriendly 於 2011-5-31 09:51 PM 發表
請問樓主14和15餐廳點樣去架,容唔容易找的?

14.新村姜虎東間燒肉店真係好食到癲呀!!!!多謝番Heidi的推介!!!
15.土俗村參雞湯已經加價到15000won。
heidi 我PO有講家啦



實用相關搜尋: Spa 餐廳
TRAVEL BLOG: http://blog.yahoo.com/travel-blogger

TOP

支持樓主的PO~ 加油寫寫寫


實用相關搜尋: Spa
TRAVEL BLOG: http://blog.yahoo.com/travel-blogger

TOP

我七月第一次去釜山和首爾,多謝 sis 資料,請問釜山有無好食地方推介


實用相關搜尋: Spa

TOP

姜虎東係咪開左好多食店舖?我見成條街都有佢個紙板公仔!本來我都想試下,可惜去到首爾第一日候龍已經頂唔順,5日都無食過韓燒 陰公






TOP

其實我都係前幾日去釜山

補充一下d資料,

三x書局有一本係人人出版社既釜山+慶洲旅遊書, 我搵左好耐, 先搵到一本書只係講釜山及周邊城市, 內容非常詳細, 因為我只係去釜山,沒有去首爾, 非常好用

釜山西面, 同海雲台 都有一間叫東橫Inn 酒店, 7萬WON 以內有找, 係MOTEL 以外既平價之選, 海雲台東橫Inn 6月1日新開, 6月份入住會有discount

釜山機場免稅店有visa 卡有5% discount, 有visa platium 有5-15% discount

記住, 去釜山或首爾, 不要在當地機場換won, 我去個時機場價係133, 到市中心Busan Bank 就138,所以去到當地銀行換就可
我上年去首爾也是, 機場換137, 市中心銀行換140
如果你怕落機冇WON, 可以係香港兌五萬WON 頂住先, 香港有KEB, 係金鐘,
佢個RATE 比當地機場好, 但比市中心銀行差



實用相關搜尋: Spa 旅遊 酒店 銀行 香港

TOP

[隱藏]
引用:
原帖由 Sevenyeah 於 2011-6-1 05:20 PM 發表
我七月第一次去釜山和首爾,多謝 sis 資料,請問釜山有無好食地方推介
有關釜山的美食, 因為我都唔係食左好多餐, 所以只推介我食過又真係幾好食的餐廳~
1. 西面濟州家(南浦洞都有) 最出名係鮑魚粥, 清清淡淡又幾好食, 一碗大的要15000won.
係23# 我寫的第28點條pusannavi link有coupon有地圖, 自己找~另外, menu有圖有日文,點菜冇問題~



2. 海雲臺的豬肉泡飯, 豬肉泡飯呢就係釜山最出名的名食, 好多地方有, 我都係求其找一間, 我去個間呢就淨得韓文冇圖既(我貪佢冇比遊客污染), 也才5000won不過呢, 識叫個最出名的就得啦~阿朱媽仲會好熱心教你點撈黎食, 個飯唔撈就咁食好淡味架!要落鹽同其他配菜先好食架!!!
餐廳名也是"豬肉泡飯"

3. 太宗臺炸醬麵係大推!!!!!太好食啦!!可能我行完太宗臺太累, 食呢個尤其覺得人間美味!!!
認住個menu啦, 門口大大個貼左2張menu, 一定睇到, 就係南浦洞搭巴士入太宗臺的終站隔離!!


4. 西面辣BBQ雞, 本身想食炸雞又找唔到, 食住BBQ雞先, 我唔記得影門口, 淨係記得影雞...不過間野係西面樂天百貨後面個條街有一大埋餐廳(係濟州家隔幾個鋪位),得一間賣雞架咋, 拿, 唔食得辣就唔好勉強, 佢唔係勁勁辣, 但係都夠人噴火, 雖然佢食食下又幾好食~
我地叫左個飯, 原來佢係紫米飯!!!



實用相關搜尋: Spa 餐廳 日文

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。