打印

[東南亞] 7天6夜的緬甸旅行:-)

7天6夜的緬甸旅行:-) E-mail 此主題給朋友

[隱藏]
我早係2010年既年尾, 襯AA做promotion個陣買左4張機票, 來回飛去曼谷同仰光, 機票錢剩係用左$1100, 造就左我今次既旅行;-)


旅行線路:
- 香港 -> 曼谷
- 曼谷 -> 仰光 (Yangon)
- 仰光 -> 蒲甘 (Bagan)
- 蒲甘 -> 茵萊湖 (Inle Lake)
- 茵萊湖 -> 蒲甘
- 蒲甘 -> 曼谷
- 曼谷 -> 香港



而家想分享少少我覺得好有意思既畫面同感受^^

...
..
.



蒲甘 良烏: 馬車本身就已不多見, 而更稀奇的是, 當地人仍然以馬車作為日常的交通工具, 而非淪落至為遊客過過癮的生物景點。






蒲甘 良烏 某一間幼稚園: 樹皮粉 (Thanaka) 很受當地的女士歡迎, 塗在女孩的小臉蛋上, 在我看來有點像在戲劇表演一般有趣。






蒲甘古蹟區: 試從這張照片數數有多少座古寺吧! 如果你數到一千座, 那就差不多了, 因為包圍我四面的平原約有四千多座寺廟!






茵萊湖 Nyaungshwe: 緬甸男人是穿裙的...嚴格來說, 那條是一件叫做羅衣 (Longyi) 的「裙」。大部份男人也是這種打扮的。






茵萊湖 某一個鄉村集市: 這是我到過的集市之中最接近山區少數民族的。基本上由豬
肉到白米, 由牙膏到DVD, 什麼也可以找得到。







茵萊湖: 坐上機動船在湖中心快速奔馳。那天的天氣好到不得了, 即使陽光很猛烈, 即使皮膚曬紅至傷, 也是值得的。






茵萊湖 Nyaungshwe: 用「鄉村」來形容這個畫面好像還不夠貼切。如果用「古代
」來描述, 似乎更能描繪我當時的咋舌模樣。







仰光: 黑亏亏的電線在樓宇之間盤纏糾結著; 女士以猶如才藝表演的姿態頂著鐵盆或是膠筒。這就是緬甸
首都大街小巷的景象。






仰光: 世界之窗? 非也。近百年歷史的英國殖民時期建築直至現在仍靜悄悄地
聳立在仰光大街上。在那兒, 時間就從來沒有流動過。







仰光: 仰光街頭的小店往往是「小」得驚人, 店舖深度往往只夠容納一個身位。即便如此, 這間書店仍然盡其所能擴充其「業務」。


...
..
.


過往我都去過幾個東南亞國家, 不過緬甸對我來說真係好「異地」, 好多文化上既野對我黎講都好新鮮! 所以我真係好鍾意依個旅行:-)


資訊性既野可以問下我, 如果我幫得到手既話;-)



實用相關搜尋: Spa 旅行 香港
2

TOP

好貼一定要讚!!!!!


實用相關搜尋: Spa

TOP

提示: 作者被禁止或刪除 內容自動屏蔽

TOP

提示: 作者被禁止或刪除 內容自動屏蔽

TOP

[隱藏]
引用:
原帖由 有的是錢 於 2011-9-5 07:55 AM 發表
好貼一定要讚!!!!!
多謝!!!



實用相關搜尋: Spa

TOP

引用:
原帖由 leronhkhk 於 2011-9-5 08:00 PM 發表
d相超正,好鐘意哩種感覺.推推先!,如果樓主有時間變成油雞一定好引人入勝.
油雞依家野呢...真係要好花時間!!
我都鍾意寫遊記, 但要寫得唔乏味, 生動, 真係好花時間~!!



實用相關搜尋: Spa

TOP

引用:
原帖由 cwc123 於 2011-9-5 09:43 PM 發表
樓主可以講解一下交通工具嗎? 市至市? 市內? 大概價錢

另外請問有否景點推介

謝謝
嗯嗯


錢係緬甸依個國家真係帶俾我好多煩惱
首先我本身剩係知緬甸既kyats係用美金唱
但原來當地既「黑市」係要求d美金近乎「完美」先會肯同你唱, 依個情況係仰光係最嚴重, 我帶左好多美金去到仰光都換唔到錢!

一蚊usd大概換到650以上既kyats, 至於上限係幾多呢, 真係唔知
銀行只會同你對到450kyats, 所以基本上所有人都會去「黑市」唱
黑市其實可以係旅館, 街邊既店舖, 甚至係主動向你招手既當地人
我因為怕唱到既錢用唔到, 所以剩係係旅館唱, 約650左右
但後來知道好多人既rate都高過我, 可以7xx, 所以我覺得自己好笨!!

我所有既巴士都係透過旅館買的:
仰光 去 蒲甘 15000 kyats  12hrs
蒲甘 去 茵萊湖 10500 kyats 12 hrs (每日一班, 凌晨4點發車)
茵萊湖 去仰光 15000 kyats 12 hrs (但最後搭左15hrs)

仰光我係市內走走都係搭公車, 不過一粒阿拉伯數字同英文字都冇, 好彩當地人, 尤以印度人既英文叻, 所以, 路在口邊啦
仰光既的士都係上車前先講價, 可以先問問旅館既老闆, 睇下坐的士既大約價錢係幾多, 再同的士司機狠狠殺價~

蒲甘就坐過馬車同踩單車, 馬車個程都係俾人當羊牯, 所以都唔提啦...
去蒲甘踩左一日單車, 我租一日 1500 kyats, 同旅館租的~

茵萊湖就包船出湖, 約10000~12000, 睇你殺價能力 (但我殺價能力奇低的)

至於景點依家野...
我都係睇Lonely Planet多, 不過其實緬甸成個國家都好異國風情, 四處走走都總會有新發現的!
仰光最令我喜歡既係Sule Paya東面個幾條英國殖民地建築既街道, 真係同幾十年前的一樣, 難以置信
至於蒲甘, 可以完全唔駛理邊座打邊座, 一路踩單車, 邊座覺得靚, 照衝過去就可以了!!
茵萊湖因為係包船join tour既關係, 所以都唔駛我去介紹, 等當地人同你解釋更佳!!
不過茵萊湖有個地方有得睇木偶表演, 好值得一睇!!
最最最有趣既係, 佢開場之前會俾一薄你, 裡面寫曬全世界既人對佢既表演既感想
我數過, 由09年到我去個陣, 只有11個香港人去過睇佢個show
雖然我入唔到十大, 但可以成為其中一個香港人既代表, 都覺得好有趣~



實用相關搜尋: Spa 英文 銀行 香港 美金

TOP

引用:
原帖由 xenophoni 於 2011-9-6 01:34 AM 發表

油雞依家野呢...真係要好花時間!!
我都鍾意寫遊記, 但要寫得唔乏味, 生動, 真係好花時間~!!
唔緊要啦,,一齊打,,
我而家都開始打緊個singapore trip,,,不過我北歐果個都未郁過....






TOP

引用:
原帖由 有的是錢 於 2011-9-6 02:22 AM 發表



唔緊要啦,,一齊打,,
我而家都開始打緊個singapore trip,,,不過我北歐果個都未郁過....
我睇過好多遊記, 不去會死...背包十年...仲有好多遊記
自己都想寫到好似佢地咁, 有基本文學得黎又有趣
雖然我都唔係真係好了解, 但感覺香港人鍾意睇相, 同比較地道同簡易既文字, 唔係咁like睇比較多文字修飾既文章
我怕用心打出黎, 其他人覺得多字or悶, 咁就有點點沒趣啦~
雖然遊記依家野, 都係自娛性質既多^^



實用相關搜尋: Spa 香港

TOP

[隱藏]
正正~~~ 推一推!

我都想去



實用相關搜尋: Spa
嚴禁宣傳,連結其他論壇/討論區或商業網頁
所有相同性質之綜合論壇或討論區均嚴禁宣傳。
不論在頭像,簽名檔,文章或短消息中,用任何形式的傳播來指示其他途徑;以顯示途徑指示/暗示會員可獲得其他途徑接觸別的論壇;蓄意張貼被過濾網頁,或未經網主同意的廣告或牟利網頁都屬犯規。

犯上述之版規者會被即時禁訪而不作任何通知。
本論壇管理員有權拒絕或制止任何網站連結,如被警告後再犯,等同廣告/宣傳論壇處理。



TOP

提示: 作者被禁止或刪除 內容自動屏蔽

TOP

引用:
原帖由 cwc123 於 2011-9-6 12:10 PM 發表
謝謝師兄的詳細回覆

坐車時間都幾長 會唔會唔夠時間觀光?
都會架, 我個旅程都幾辛苦。
我由仰光去蒲甘, 凌晨4點到達, 入住既guesthouse冇count我到個陣係「一晚」, 當我係中午十二點過後check-in
因為坐左成12個鐘, 都有訓到覺, 所以係guesthouse沖左個涼之後就出發踩左一日單車
個晚我同d朋友覺得踩左一日單車睇d寺廟都夠曬皮
就決定唔係蒲甘停留, 坐唯一一架凌晨4點鐘出發往茵萊湖既非空調local bus, 最後我係蒲甘既停留真係僅僅24小時only@@

因為時間唔夠既關係, 我既行程冇去到曼德勒
我同朋友覺得, 曼德勒同茵萊湖比, 都比較想去茵萊湖「玩下水」
始終係蒲甘睇左成日古蹟, 如果去曼德勒又係睇古城既話, 總會點「消化不良」

各位去緬甸旅行既朋友, 其實坐巴士只係其中一種城際交通工具, 另一個方法係飛機
飛機既最大優點係快, 靚, 正, 大大節省左時間
缺點當然是貴啦, 不過依個對好多香港人黎講, 都係可以承擔得到既價錢
不過根據lonely planet, 佢係唔建議旅客搭火車同飛機既, 因為你所俾既錢全部會入曬軍政府既袋入面
而坐大巴所俾既錢就唔會直接入入政府個銀包 (當然都會收稅), 所以坐大巴遊緬甸, 可以話係比較有「道德」既城際交通工具吧!



實用相關搜尋: Spa 旅行 香港

TOP

引用:
原帖由 xenophoni 於 2011-9-6 02:30 AM 發表

我睇過好多遊記, 不去會死...背包十年...仲有好多遊記
自己都想寫到好似佢地咁, 有基本文學得黎又有趣
雖然我都唔係真係好了解, 但感覺香港人鍾意睇相, 同比較地道同簡易既文字, 唔係咁like睇比較多文字修飾既文 ...
我都覺,,所以而家打遊記,,,真係要圖多過字
點都好啦,,,睇果個會明架啦







TOP

引用:
原帖由 狐臭~ 於 2011-9-6 09:32 AM 發表
正正~~~ 推一推!

我都想去
緬甸而家既政府係好多方面都比過往態度軟化, 同中國都愈行愈近
個人認為緬甸未來好快就會有好重大既轉變
其中一樣係「中國化」, 所有野都搞到一式一樣, 令本土既獨特文化景象變淡, 最後消失

對旅行既人黎講, 最唔想睇到既係緬甸受到文化入侵
例如係將d英國殖民地建築「活化」, 男人唔再普及著裙 or 當地人用shiseido而唔查樹皮粉等等

講到活化, 而家既蒲甘都受到威脅, 因為政府佢慢慢咁將d古老既寺廟修理, 翻新, 甚至係空地起過座新的
其目的當然係想吸引更多既遊客, 想法大概係「4000座都未夠, 起夠5000座 or 10000座吧!」
就因為咁既原因, 佢先入唔到世界文化遺產

講左咁多, 都係想同你講, 襯你仍然可以感受到依個國家真正既氣息既時候, 快快去見識一下!



實用相關搜尋: Spa 旅行

TOP

[隱藏]
引用:
原帖由 有的是錢 於 2011-9-6 04:29 PM 發表


我都覺,,所以而家打遊記,,,真係要圖多過字
點都好啦,,,睇果個會明架啦
嗯嗯...那大家一齊加油囉!!



實用相關搜尋: Spa

TOP

伸延閱讀
 23 12
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.5