打印

[ 韶關丹霞山3天自由行 - 分享遊記 / 高鐵資料 ]

[ 韶關丹霞山3天自由行 - 分享遊記 / 高鐵資料 ] E-mail 此主題給朋友

[隱藏]
係7月1日果3日假期出發~ 第一次寫遊記, 寫得唔夠好歡迎指點!! 多謝!! 推介秋季前往, 是最合適, 可以到南雄市坪田睇銀杏樹, 感受一下秋天的童話感覺, 二來上丹霞山會較大機會可欣賞到日出日落再夜觀星星, 可惜…我選擇了3日2夜的夏天季節, 什麼日出日落星星都同我無緣

出發前要注意
1. 查看天氣預告, 如果中雨至大雨就建議唔好去啦, 落雨行丹霞山有危險架
~ 14天天氣預告 http://www.8721.com/shaoguan-14tian.htm
~ 7天天氣預告 http://www.weather.com.cn/forecast/
~ 不過大陸d天氣預測日日都變咁滯=..=以作參考囉!
2. 如乘高鐵出發, 車票會早10日開始預售! 到時睇定天氣先買啦~
3. 如計劃睇日出, 建議帶埋''電筒''照明, 晚上民宿條路已經好黑, 山上有冇燈我就唔知啦

前往方法
1. 香港往韶關市直通巴士 // 最平, 沒有記錄價錢, 可於<中女社>代買來回車票, 由於車程要5小時, 唔想坐到PATPAT開花, 所以冇選擇到
2. 深圳 或 廣州搭火車上 // 快車 4hr
3. 深圳 搭高鐵 // 1.5hr [ http://cn.gaotie.cn/ ]


乘搭高鐵詳情
1. 票價, 一等座 RMB265, 二等座 RMB180,
2. 可於紅磡火車站 G14 號鋪 <中國鐵路> 代買, 電話 2264 1314, 06:30pm關門, 每張另收 $80, 需提供回鄉証號碼
3. 落馬州站出境  
4. 沿路有路牌指示往 深圳地鐵 - 龍華線 <福田口岸 ~ 深圳北站> 下車, 車程 20mins
5. 沿路有路牌指示往 高鐵站 - 請開車前20分鐘到達, 超準時開車的!! 車程 1.5hr
6. 韶關武廣高鐵站 - 建議到步時買埋回程車票, 因為如當天先買未必有位
7. 於巴士站乘搭各路巴士往目的地
------------------------------
8. 如直接前往丹霞山, 可乘22路往韶關東站(火車站) - 車程30mins
9. 韶關東站 轉乘往<仁化>巴士, RMB16 - 車程50mins

亦可於高鐵站直接搭往丹霞山, 由於冇咩人上車, 都係會於韶關東站停車載客, 但你唔可以落車去前間果架就黎開ge車, 我地無奈地坐係巴士等吖等, 排吖排, 足足20分鐘先開車 =..=" 之前爬文無人提過...我地豬左...

丹霞山民宿 / 美食
1. 客棧位於<斷石村>
2. 有大床房, 雙床房, 上下LOOK架床
3. 價錢一般為 RMB100-180 (1晚), LOOK架床就幾十蚊有找
4. 一般民宿都比較少大床房, 情侶早少少BOOK會穩陣D
5. 可於淘BB網度訂又得, 或到步後慢慢擇又得, 如果人多就訂定穩陣D
6. 未入景區前於山腳亦有幾間酒店可供入住
7. 丹霞山美食.. 我認為冇咩好食~ 哈哈!! 間間食肆餐牌都一樣架!

丹霞山景區, 入場注意, 遊覽路線推介
丹霞山旅遊官網 : http://www.danxiashan.org.cn/new/toplista.asp?id=262
有關門票價格, 套票, 遊覽路線, 客棧, 地圖..等等都可於網址找到, 十分方便!

溫馨提示
山上很多蚊子, 最好貼蚊怕貼, 噴蚊怕水, 就冇有怕啦!! 醒目D!!
沿路有幾位內地人都問我身上的黃色貼是什麼來的, 因為我貼到衫褲鞋都有! 原來內地沒有蚊貼的~ 相信很快佢地會黎港喪入蚊貼了~~~~ 到時又會漲價!


===========================================================
好啦! 入正題, 講下我個PLANNING先~~

住宿
第一晚  入住丹霞山回驛青年旅社, RMB128, 標準兩張床
感覺 : 老板好熱情, 會推介路線, 熱水, 冷氣等都冇問題, 厠所細左少少, 晚上有動物叫..訓唔著.


第二晚  入住湞江區風度華美達廣場酒店, 5星, RMB530, 免費升級入住江景大床房, 包早餐, 免費延至 2 點退房
感覺 : 正! 如果平d仲正!

第一天行程
09:30 ~ 10:59<深圳北站> 乘高鐵往 <韶關>  (G6006班次)
11:20 ~
高鐵站 往 <韶關東站>  再接客
12:00 ~ 13:00到達 <丹霞山> 巴士站
先買門票 <入場+錦江渡船, 套票價RMB160>, 船票必須於當天乘搭
或可於入場後分開買, 但會貴D囉~~
入場後可乘景區內免費小巴往 <斷石村>
13:30 ~客棧CHECK IN,  請詳細CHECK下燈泡, 熱水, 冷氣, 電視等設備
14:00 ~ 14:45於 <農家樂> 午餐,  3餸1湯合共 RMB150
15:00 ~乘船遊錦江, 每搭正就出發,  來回約30mins, 沿途會有船長介紹
15:30 ~
開始步行往  ''陽元石'' > ''嘉遁亭'' > ''細美寨'' (日落都未睇到~ 天色突然變差, 有舊烏雲高速咁吹黎, 唯有急急腳咁落山..無影相了,  好彩冇大雨, 但勁大風! 行''九九天梯''果陣勁驚俾風吹走..)
19:00 ~回到<斷石村>
 先係酒店沖番乾淨個人再食晚飯!
20:30 ~晚飯時間, 每人RMB55

可惜晚上開始落雨了~ 厚厚的雲層, 令我冇法欣賞星星..亦令我無法到明朝睇日出..嗚嗚

高鐵一等座位, 只要踏果個腳踏就可以轉動張椅, 面對面坐



韶關高鐵




韶關高鐵巴士站



韶關東 (火車)



丹霞山 (入口, 售票處, 景區免費巴士, 客棧)






水上丹霞, 記住入場時買套票會抵d, 分開買不化算喔!



上丹霞山官網可下載詳細地圖












有烏雲吹緊黎...走吖~


~ 第一天完 ~


第二天行程

第三天行程

三天旅程就咁完結! 希望以上有資料會岩你地用啦~ 純粹分享~ 多謝收看!







[ 本帖最後由 cyh3715 於 2012-7-12 11:17 AM 編輯 ]



實用相關搜尋: Spa 旅遊 酒店 電話 google 電視 香港
9

TOP

  正呀


實用相關搜尋: Spa

TOP

好詳細
期待之後2日






點解你地成日"too simple..sometimes naive"

TOP

期待中~


實用相關搜尋: Spa

TOP

[隱藏]
給你一個推薦!

資料詳盡....多謝分享詳細遊記及相片......期待之後遊記!努力!



實用相關搜尋: Spa

TOP

十卜十卜, 睇到我好想即刻去一次玩下﹗


實用相關搜尋: Spa
Amung

TOP

樓主幾靚女!


實用相關搜尋: Spa 靚女

TOP

aiya... 多謝你地咁支持吖~
第二日進行中, 俾多少少時間, 但預告定第三日我地都係hea的..hahaha
因為是次旅遊係慶祝2週年紀念~ 不想太折騰






TOP

引用:
原帖由 cgdon 於 2012-7-6 03:47 AM 發表
樓主幾靚女!
你指d公仔?? hahahah~



實用相關搜尋: Spa 靚女

TOP

[隱藏]
正呀, support, support


實用相關搜尋: Spa

TOP

第二天  行程  

本來4:00起左身, 打算睇日出, 但雲太厚了, 又剛下完雨, 所以繼續訓ZZZZ, 如果打算睇日出ge你, 記緊帶備「電筒」香港人特別怕黑..


08:30 ~於客棧買八寶粥當早餐食,  CHECK OUT, 行李寄存
09:00  ~
15:30
乘景區免費小巴往 <長老峰>  乘索道上山, 索道單程RMB40, 沿路步行下山, 基本冇人會買來回的~除非係跟團掛…
''韶音亭''  > ''龍王泉'' > ''觀日亭'' > ''雙喜台'' > ''福音峽'' >  ''別傳寺'' > ''錦石岩'' > ''半山亭" > ''老山門'' 搭巴士回 ''斷石村''.....當中仲有D不記名的景點 / 岩石
16:00 ~回 <斷石村> 午餐
17:00 ~搭免費巴士出景區,  步行去往<韶關東站>的巴士 RMB16, 條路好難形容, 問人啦~ 唔難搵


 巴士站都有其他車往好多地方,  上網搵搵大把, 請 search「丹霞山客运」
18:30 ~
酒店CHECK IN  <解放路1路風度華美達廣場酒店>
 酒店地址好近<韶關東站>,  落車行8mins便到, 而且位罝方便, 好近<風采路>
20:00 ~係酒店HEA左一段時間先出門搵野食
 <風采路步行路>  由酒店出發大約5min便到, 好近喔!
21:00 ~成條路都唔多食肆, 幾間啦,  來來回回咁先睇岩心水, 見多食客先有信心食
22:00 ~<風采樓>  岩岩去到就搭正10點熄燈!! Hahhahahaaa 趕唔切影相了~
22:30 ~去<姐妹粥檔> 買宵夜食,  外賣個碗好細.. 細到好似七仔買碗仔翅果d碗LOL~~

番到酒店拓酒店代買明天回程高鐵票, 又要收手續費.. 討厭!! 果個服務生仲話要我地俾張回鄉証正本俾佢去買喎!! 都傻架!! 之後仲要呃我車費錢RMB20~ 令我個行程添上一個不快~ 吼.. 之後我先知原來係<韶關東站>即係火車站都可以買高鐵票喎.. 激死我了~ 嗚, 希望有爬文GE你可以睇到呢度, 唔駛俾人搵笨吧


長老峰 (呢度影得唔清, 可以上丹霞山官網搵到的)



由<中山門>經索道上, <韶音亭>有隻好靚ge蝴蝶降落係...


韶音亭看到的風景


茶壺山, 我有問過點先可以近d睇到茶壺山,
原來要行好遠同埋果d路未開發



當你經過<福音峽>往<雙喜喜台 or 別傳寺>方向時有2條分义樓梯, 請行粉紅箭咀果條, 好明顯我係行錯左先知呢件事啦...


沿路風景


話說我去到''別傳寺''時見到好似工地一樣.. 有少少失望.. 覺得白行了~ 但沿途往''別傳寺''時又有不同的風光景色可以欣賞~ 係度公告給大家有個心理準備「別傳寺現正修葺, 寺內是一個工地盤」




特產


錦石岩寺



有冇發覺我冇行''陰元石'?? 因為同行者太攰了, 要略去某d地方~ 係山上同某d團ge導遊傾過計, 知道沿路落山, 去到出口處, 往 ''翔龍湖'' 搭船再往 ''陰元石'' 方向行, 係最佳選擇! 因為山上指示牌往往都報細數, 同埋如果係 ''福音峽'' 步行往 ''陰元石'' 又要原路折返~ 所以有興趣睇埋 ''陰元石'' 可以考慮上述途徑~


晚上住的酒店... 好舒服吖..


風采路


於 ''風采路'' 看到的.. 周六福??



是日晚餐於...2個人食, RMB90埋單








~ 第二天   完 ~




[ 本帖最後由 cyh3715 於 2012-7-9 05:46 PM 編輯 ]



實用相關搜尋: Spa 酒店 google 外賣 香港 影相

TOP

周六褔個親戚係周大褔


實用相關搜尋: Spa

TOP

我去過三日二夜跟團,無你睇得咁多!有時間要去多趟






TOP

我同你去丹霞山及華美達酒店都同曰子,吾知有冇同你迎面宜過呢!
請問你華美達係咪walk in?因我walk in要?580仲冇江景房同吾知酒店有代買高鐵票7月2曰去到高鐵站冇票賣,最後要座超貴商務座到廣州南站!






實用相關搜尋: Spa 酒店 商務

TOP

[隱藏]
有高鐵真係好好多...
想當年我呆左好多個鐘先到=_=""
不過真係好靚



實用相關搜尋: Spa

TOP

伸延閱讀
 61 12345
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.12