打印

各位將會乘坐中國國際航空去日本的人

各位將會乘坐中國國際航空去日本的人 E-mail 此主題給朋友

[隱藏]
以下是我的經驗分享,還有一些提醒。

北京的機場,轉機路線其實好簡單,對香港人來說是完全沒有難度。
只要你在出發前,上去睇一睇北京機場個網的介紹,
到北京機場後,跟指示直行(直係直行!)就得!!!
一落機,入到航站樓,沿路直行去海關櫃檯,中途會經過轉機的資訊櫃檯,
呢個資訊櫃檯作用不大,只係話俾你知,你的下一班機的登機位置是哪個號碼,

而你如果係即刻轉機的話,基本上在機上,已經會有國航的服務員通知你。
當過咗資訊櫃檯,再行就會見到海關櫃檯,果度好大,但係就千萬不要走錯!
海關櫃檯的範圍,中間的櫃檯是入北京的,即係之後會去拎行李!!!!

而位於「中間的櫃檯」的兩旁,分別各有兩個「中轉櫃檯」,轉機的人專用!
其實你過咗資訊櫃檯,都可以一眼就見到「中轉櫃檯」的牌!
之後就係排隊辦手續,記得拎回鄉證! 之後就會落下一層去做安檢手續~
做完安檢手續,就可以按指示牌行去 或 俾30元人仔坐車去 登機位置~
==========================================

講完轉機路線,就要講注意事項!! 一定要留意!!!!

第一,記得拎回鄉證! 我唔知道唔拎會唔會轉唔到機,直接打去國航問吧~

第二,北京機場的硬件一流,軟件就..............
轉機的海關櫃檯雖然有4個,但係我兩次在北京轉機,
都只是見到有兩個海關櫃檯開放........
而排隊係需要時間!安檢手續更更更需要時間!


我回來香港的時候,只有一個鐘轉機時間,機就準時到達。(5時30分到)
但係好不幸,班機係泊外面的位置,要等巴士來接乘客去航站樓,
大概花了10分鐘。行去海關櫃檯用了5分鐘。
在海關櫃檯排隊時,因為有大約10個外國旅客,要坐6點的航班,(當時已經是5時50分)
職員安排他們先辦手續。我要到大約6點05分先落到去下一層排隊做安檢手續。

一落到去,已經可以肯定要遲! 因為超多人排隊,而X光機同樣只有兩部!!!
(轉機的人的安檢區域跟其他區域是分開的)
中途等的時候,跟不同國家的人聊起來,有些人的航班是5時30分的,有些人是6時正的,還有其他時間的,
當中我遇到幾個外國人,跟我是同一班機去香港的。
我一直排,排到6時20分,電視已然顯示CA107正在登機;6時35分,顯示Final Call .................
而我還在排隊等候安檢 = ="  

排我前面的是一個日本家庭,我用了幾句簡單的日語和英語,跟他們溝通了一會,
原來他們是跟我同一班機從日本來到北京轉機,他們會坐4個鐘後的機去新加坡。
我問他們可不可以讓我先行,他們馬上就答應了~
結果我大概在6時45分完成安檢手續。

當我準備狂奔的時候,我遇到一對外國人,之前在排隊過海關的時候跟他們有聊過~
知道他們也是同一班機到香港。於是就一齊狂奔!!!~
但係北京機場真係好大,我同老外跑咗幾步,都覺得無可能跑到去登機門........
於是我決定拎30元人仔,搵電動車載去登機門。

由於登機位置是在外面的位置,要落番一層,落到去已經無晒人,
有個國航職員問係唔係去香港,當然即刻話係啦!!!!!!!
之後就上咗架16座,等咗8分鐘左右,原來有人仲遲過我,佢地到咗就開車去班機停的位置上機。
(搞笑的是,來北京的機停的位置,只是停在我回香港的機的位置旁邊....................)


結論就係,如果只有1至1.5小時轉機的話,請狂奔吧!
排隊是運用一下你的溝通技巧~
航空公司唔係一定要等埋你................

================================================

由於學業比較忙,遲少少先至補上圖片說明~
希望可以幫到大家~

[ 本帖最後由 tsekw 於 2013-1-22 10:34 PM 編輯 ]



實用相關搜尋: Spa 軟件 電視 x光 香港
1
齊心協力 努力為香港

TOP

至於國航的飛機好唔好坐、有無遲好多 等等 的問題,
其實,國航我覺得真係已經做得幾好~
(當然也有要改善的地方 )
同一般的航空公司無大分別~
而且我感受到的是,國航真係好國際化! 班機有好多好多外國人!!!!!

更重要的一點,就係我只係俾$2106呢個價,就由香港坐到去北海道!
加上呢一點,我覺得我享受到的服務質素,係遠遠超過呢個價!!!!!!



實用相關搜尋: Spa 香港
齊心協力 努力為香港

TOP

我2月都會坐呢個轉機呀....想問係北京機場入面有無野食.?





TOP

我三月都搭國航去北海道,2016噚個價真係無敵,你有無入住北京中轉酒店??ok ma?






實用相關搜尋: Spa 酒店

TOP

[隱藏]
我初一都係坐佢$3500左右真係勁抵…都有啲擔心轉機問題


實用相關搜尋: Spa

TOP

我3月中都系坐這,香港飛北京晚上十點才到機場…吾知仲有冇得食呢!!!






實用相關搜尋: Spa 香港
cat cat

TOP

我2月都坐國航去大阪
中途會住一晚國航提供既中轉酒店
我都驚緊到時安排



實用相關搜尋: Spa 酒店

[img]

TOP

點解吾坐東航,上海轉日本省D時間.





TOP

我初四出發東京!
我等候時間有3,4小時
希望到時順順利利啦



實用相關搜尋: Spa

TOP

回覆 1# 的帖子

[隱藏]
請問師兄轉機個陣系咪都要攞埋行李?


實用相關搜尋: Spa
KLVF

TOP

回覆 3# 的帖子

北京機場一定有野食,不論係禁區內 或 普通區域。
禁區內有幾間餐廳,普遍係早上6點半至7點會開門。
我果日就去咗pizza hut ,當然仲有其他餐廳,
中餐西餐都有。 價格由¥20至¥100不等。
我記得仲有星巴克,過咗安檢之後右轉直行,
在pizza hut對面。

如果你會在北京過一晚的話,就唔好入到禁區先食,
機場內的普通區域有好多好多國際性\內地品牌的餐廳~
我記得有味千、漢堡王之類的餐廳,
不過佢地都係早上6點至7點鐘先開門。



實用相關搜尋: Spa 餐廳
齊心協力 努力為香港

TOP

回覆 4# 的帖子

我有啊~
中轉酒店服務不錯,大約係中至中上的價位的酒店。
我下個星期會講講點樣去國航個中轉酒店櫃檯。

如果有人係就快出發,咁我好簡單咁講。
你拎完行李,出到去接機個位,向左斜前方望,
會見到有條大路,係向上斜的路,去坐機場快線的。
在那個方向,就會有一個半圓形的櫃檯,
好大隻字寫住國航中轉酒店櫃檯~
仲會有國航同埋星空聯盟的標誌。

去到果度,出示下一段行程的登機證。
佢地會有一張名單,知道你有無事先預約。
佢之後就會通知酒店派車黎接你,大概要等十幾分鐘,
國航會有人帶你去上車,我果晚就有埋國航職員同我一齊去酒店。

去到就同櫃檯講低早上幾點機,你要幾點morning call,
佢會通知你幾點有車接你去機場!



實用相關搜尋: Spa 酒店
齊心協力 努力為香港

TOP

回覆 10# 的帖子

我自己就咁樣安排的。
由香港去日本札幌的行程,由於要在北京停一晚,
第二日早上先去日本,我就安排在北京拎番件行李出黎。
到咗第日早上,先至再寄番件行李。
(由北京去日本果程,我的行李到日本的時候,發生了一些意外,之後再詳細說明,但係大家應該唔會遇到)

而由札幌回來的時候,正如之前所講,得一個鐘轉機,
所以行李直掛到香港。







齊心協力 努力為香港

TOP

回覆 9# 的帖子

咁就祝你順順利利啦~
你知啦,新年時間,內地特別多人,
轉機行快一點,如果香港去北京的時候,班機已經好遲,
咁你就同機組人員講,叫佢通知地面職員幫你。
我由香港去北京果晚,一出機就見到有職員舉牌搵人。
(當然唔係搵我)



實用相關搜尋: Spa 香港
齊心協力 努力為香港

TOP

回覆 8# 的帖子

[隱藏]
我原本有考慮坐東航,但係因為價錢同埋班機的時間問題,
最後都係選擇了國航。
如果有人坐東航在上海轉機的話,都可以分享下~



實用相關搜尋: Spa
齊心協力 努力為香港

TOP

伸延閱讀
 69 12345
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.12