註冊 登入



打印

新手閱讀專區暨問答專區第二集

新手閱讀專區暨問答專區第二集 E-mail 此主題給朋友

[隱藏]
以下是節錄各位同業無私奉獻的會計行業知識, 對於新手來說一定有所裨益.  希望各新手問問題前, 先參觀一下這裡!


會計

會計一行分工甚多,根據英國之英格蘭及威爾士特許會計師公會(The Institute of Chartered Accountants in England & Wales, ICAEW)的分組(Faculties),會計主要工作範疇如下:

審計 (Audit and Assurance):雖廣義而言審計包括公司內部的內部審計(Internal Audit)及號稱獨立的外部審計(External Audit),然一般人口中的則專指後者。

審計為南海事件(South Sea Bubble)所打開的潘多拉盒子。1711年由羅拔凱利(Robert Harley)開設的南海公司以一如現代人熟悉的手法,利用與新大陸進行貿易的遠景吸引投資者入市,在1720年8月初其股價被吹捧至最高峰:1,000英鎊(別忘記事件發生在300年前!),但亦一如大家熟悉的情況,當音樂停奏後是年9月其股價已跌至150磅!

為阻止南海事件重演,核數這行業應運而生。理論上於股東大會中被委任的核數師會代表股東以至公眾利益,為其審核公司的財務報告是否「真實及公正」(ture and fair),然一如畢菲德(Warren E. Buffett)於其2002年度巴郡股東報告(2002 Annual Report of Berkshire Hathaway Inc.)所言,核數師由實際上為管理層委任的死結不解,核數師的公正立場只是空談:

"(Auditors) have instead generally viewed the CEO, rather than the shareholders or directors, as their client. That has been a natural result of day-to-day working relationships and also of the auditors' understanding that, no matter what the book says, the CEO and CFO pay their fees and determine whether they are retained for both auditing and other work."

(想是當年曾是最強的會計師行Arthur Andersen因以其專業知識,協助其客戶Enron制做虛假帳目以致兩間巨無霸公司齊齊結業。核數師在該案中不但不作守門員,反是令事件更為嚴重的幫凶,令畢老有感而發)

香港之有限公司於上呈稅表時均須附上已審核之財務報告,加上核數師可接觸不同客戶之帳目,令從業員能以極短時間拓展眼界,故投身會計者十居其七八均以審計為第一份職業。

財務管理 (Finance and Management):太多數行外人均會將會計(Accounting)及金融(Finance)混淆。簡單而言會計是記錄商業世界的財政活動,金融為如何管理及運用財政(如何利用資金、籌集資金、運用所得)。

但在柏金遜定律下,不少會計師均會越俎代庖幹起金融管理來,當然有讀過華爾街日報分析員與猴子擲飛標的選股比賽都知道有關工作效果如何。

企業財務 (Corporate Finance):主要職責為管理公司內部會計資料、編寫會計報表、與核數師溝通及參予部份財務管理工作。除畢業生外亦有不少吃不消當核數員的經驗人士投入有關職位,亦即行內所謂「做commercial」。相對會計師樓之核數員而言,「做commerical」可更深入了解公司運動甚至非財務策略,工作時間亦較穩定。

資訊科技 (Information Technology):簡直可以莫名其妙來形容!相信會寫程式的會計師跟香港中文大學的美女一樣罕見,相反會計知識對程式設計員而言亦如火星文字。真不明白為什麼會計專業團體會有這一Faculty!

(題外話,正因為兩大行業的距離跟阿比西尼亞一樣遠,所以會計軟件大多可真是不大好用)

稅務 (Tax):想當年入行時有商人朋友極力勸阻:「核數對我們而言是貼錢買難受,簡直是付錢給人找我們麻煩;但稅務會計師可以幫我們省錢,你也想做我們願意給錢、亦較受人尊敬的行業吧...」。

怪不得耶穌說商人上天堂有如駱駝穿針孔,若人人不願交稅,找誰支持香港十八萬「公僕」的薪金?要月享兩、三萬薪金加房屋、冷氣津貼的打字員失業,於心何忍?

會計專業團體

雖然各大會計組織都會宣傳自己如何優秀,但坦白說除以下兩個因素,廁身那一個團體分別不是太大:

1)若計劃在香港執業,必須為香港會計師公會(Hong Kong Institute of Certified Accountants, HKICPA)會員,但執業人數佔行內比重不大,多年來只佔公會大約一成半會員左右;

2)地區獨特性考慮:例如美國及中國會計制度有異,故帝國會計師公會(American Institute of Certified Accountants, AICPA)及中國會計師公會(China Institute of Certified Accountants, CICPA)之會員資格有其獨特價值。

在英國最高地位者為蘇格蘭特許會計師公會(Institute of Chartered Accountants in Scotland, ICAS),其次為英格蘭及威爾士特許會計師公會(Institute of Chartered Accountant in England and Wales, ICAEW),但其差異絕非決定性,而且只要成為其中一個之會員,均可以應考少量試卷而獲得大多數英式會計制度團體(包括英國、香港、澳洲等)之會藉。

所以,只要有其中一個專業團體之會藉已可立足於業內,欲加入者應多考慮於自己學歷下能最快加入那一團體,而只有海外專業資格而無香港會計師公會會藉之業內人士為數不少。

能授與會員專業會計師銜頭的會計專業團體,一般有以下特徵:

1)擁有法定權利於獨立核數報告上畫烏龜(如ICAEW),或

2)被(1)承認者(如CIMA)。

一般不在上述定義的會計組織不離兩類:

1)為已成為專業會計師聯誼之用,例如香港稅務學會、華人會計師公會等;

2)跟野雞大學一樣,只有自己承認自己。

若遇上後者那些騙子界朋友,荷包出血之餘將其寫在CV上可是後果自負。

香港會計師公會 (Hong Kong Institute of Certified Public Accountants, 會員稱"CPA (HK)"或"FCPA (HK)"):在香港會計師條例下唯一能授予會員於香港執業的會計團體。但正如上文所提到,執業會計師只是極少數的一群。以2006年2月為例,香港會計師公會之會員已超過25,629人(接近香港勞動人口的1%,未計只持有外國會計資歷而無香港會計師公會會藉者,此類人絕非少數),然持執業證書(Practising Certificate, PC)者只有3,452人,認識不少朋友考取PC只為增加資歷而非開門執業,因知道尋找客戶之難。

入會需符合兩基本要求:學歷及經驗:

學歷:現大多數入會者為經公會舉辦之專業課程(Qualification Programme, QP)入會,其主要結構為四module:Financial Reporting、Financial Management、Auditing and Informatio Management及Taxation,通過後再將四科重考一次、為時六小時的Final Professional Exam (FPE)。

在公會拒絕ACCA會員直接入會前,要人重考一次相同內容的FPE及module中的workshop要求令大多數人應考ACCA而抗拒QP,然與ACCA分家後現大多香港會計畢業生都以QP為晉身會計師之路(因與ACCA分家之詳情不宜公開談論,請自行與有相當經驗的會計師朋友查詢)。

除英格蘭及威爾士特許會計師公會(Institute of Chartered Accountants in England and Wales, ICAEW)及澳洲認可會計師公會(CPA Australia, CPAA)會員外,其他海外專業團體之會員均須應考能力測試(aptitude test)方可符合要求(有關安排日新月異,請到公會網頁查詢)。

QP之入學要求為需符合下列其中之一:

1)認可會計學位,包括大部份香港認可專上學院之會計學位及極少數外國大學頒授之會計學位(老實說,後者的都是四五線大學);

2)其他學位(包括外國大學如LSE、Wharton頒授之會計學位)加貴得令人肉痛的認可轉制課程(Conversion Programme);

3)香港會計員(HKIAAT)學歷加上接駁課程(Foundation Programme or Professional Bridge Programme)。

經驗:即所謂Practical Experience Framework,絕對可以以煩死人來形容。

用最簡單的語言是,須在公會指定僱主(Authorized Employer, AE)或指定掃把(Authorized Superior, AS)下工作足夠年數(degree holders三年、Diploma holders四年、其他五年),若然在其他僱主、掃巴下工作則需再加上公會指定的外部指定掃把(External Authorized Superior, EAS)簽名。

香港會計師公會之會員分基本會員(Certified Public Accountant, CPA)及資深會員(Fellow Certified Public Accountant, FCPA),後者為有七年或以上經驗、有相當地位、貢獻之會員,絕非有七年資歷便自動升級。

另有一銜頭為「執業」(Practising)二字,即考取PC或經QP入會而累積四年審計經驗者,有關執業資格須每年更新。雖然有人覺得執業會員自我感覺很好、好像比一般會員稍勝一籌,但所謂執業只是能在審計報告畫烏龜而己。審計只是會計的一個分支,在客戶眼中最受喜愛、尊敬的絕非核數師(如上文提到不少商人朋友異口同聲形容審計是「貼錢買難受」)而是稅務會計師。

但公會近年倒是做了兩件好事,一是能令會員免試獲得較威水的ICAEW會藉,二是能爭取QP畢業生獲中國認可會計師公會CICPA豁免入會試五科中其中兩科...雖然單是三科已能令人卻步。

英國特許註冊會計師公會(Association of Chartered Certified Accountants, ACCA): 最為香港人熟悉的外國會計專業組織,因其與香港會計師公會(當時稱HKSA)合作超過20年,現香港不少會計師均是在其與HKSA之聯合考試中獲得會計師資格。

雖然該會於英國本土之地位不及ICAS及ICAEW,但其相差未至於致命,英國本土之大型會計師行均會考慮ACCA會員。而且ACCA應為國際化中最成功者,在海外如香港、中國大陸、澳洲、新加坡、馬來西亞等均有不少人應考,甚至以美利堅一切至上的美利堅大帝國亦有子民投考。故雖然其新會員不能直接獲得HKICPA會藉,其學會本身質素還是被受認可的。

其最可愛之處在於考生未必需要持有學位方可應考,更可在完成一定試卷後補上一篇論文及一大筆錢便可獲得牛津婆氏大學(Oxford Brookes University, 一間中游大學,然在所謂「新大學」中排名也不算差,遠比不少香港開設課程的學校好得多)應用會計理學士學位,讓人過過degree holder癮,對不能直入大學的朋友而言也是一可行選擇。

蘇格蘭特許會計師公會(Institute of Chartered Accountants of Scotland, ICAS, 會員稱"CA"):英國諸會計師組織中地位最高的一個。由於其為第一個註冊特許會計師團體,故其會員可享用至尊崇的銜頭"CA",地位比其他專業學會略高。

英格蘭及威爾士特許會計師公會(Institute of Chartered Accountants in England and Wales, ICAEW, 會員稱"ACA"或"FCA") :相信若非HKICPA與其簽定互相承認協定,香港人對這歐洲最大會計專業組織可是什麼認識也沒有。如上文所說其地位甚至比ACCA還要高,故有水記會計師事務所之朋友說當公司只津貼兩會藉會費之下,她寧放棄ACCA而取ICAEW(早期經ACCA/HKSA聯合考試之會員可免試加入ICAEW,詳情請參閱HKICPA網頁)。

帝國註冊會計師公會(American Institute of Certified Public Accountants, AICPA, 會員稱"CPA"): 雖然英(包括香港)、美會計制度頗有差異,加上AICPA及HKICPA會藉不能免試共通,但以美利堅大帝國經濟實力之強、美資公司在香港影響力之大,AICPA會員於香港就業絕不比其他學會會員遜色,單持AICPA會藉之人士在香港亦頗常見。

當年最強的會計師行Arthur Andersen更鼓勵員工應考AICPA。然自AA執笠後,加上該試需考生冒生命危險乘搭飛機到美國本土,故近年應考該試之香港人已有所減少。

中國特許會計師公會(The Chinese Institute of Certified Public Accountants, CICPA, 會員稱"CPA (China)"): 在中國市場因素影響下,不少人對內地資歷趨之若鶩。然其考試難度絕對稱得上嚇死人:港人應考其五份試卷(QP畢業生可豁免其中兩份)除最早一兩屆外每一試卷中合格率絕少有雙位數字,平均每卷合格率大約只有2%,全炒的更非罕見。難怪每當問已考畢ACCA/QP之朋友會否向難度挑戰時都大搖其頭。

而且其會藉之價值需考慮兩個因素:

1)雖估計內地市場需會計師300,000(大約與AICPA總會員人數相當),現CICPA會員人數約十多萬,但其會員人數正以每年約30,000速度增長,市場容納能力可堅持多久頗成疑問;

2)內地人對外國資歷的崇拜:以朋友之經驗,於內地以香港諸大學之銜頭遠比大清帝國之銜頭更受人尊敬;於會計上內地人對ACCA、AICPA甚至HKICPA之崇拜程度亦較本地薑為高。若要取信內地人,CICPA會藉是否必要?大多數香港會計師行均採用與內地合作形式執業,在內地畫烏龜的機會更是少之有少。

特許公共財務及會計師公會(Chartered Institute of Public Finance and Accountancy, CIPFA):前稱Corporate Treasurers’ and Accountants’ Institute,因其腳步較少到國外,亦專注於公共財務及會計而非審計畫烏龜,故在香港少有聽聞。

特許管理會計師公會(Chartered Institute of Management Accountants, CIMA, 會員稱"CMA"):顧名思義該會專注於管理事務而非審計畫烏龜。雖然有人因不能畫烏龜而將該會看扁了,但須知畫烏龜只是會計其中一個分支,能替老細賺錢比會畫烏龜更有市場。

相對於MBA,該會會藉更能被人接受之處在不用考慮有關大學之掛名,而且亦為各大會計專業組織承認的資格之一。

國際會計師公會(Association of International Accountants, AIA, 會員稱"AIA"或"FAIA") :雖然名字相當冠冕堂皇,但實力在英國會計專業學會中幾乎可說是敬陪末座。創會於1928年,但直到1989年才被承認其會員擁有畫龜權。地位不及ICAS及ICAEW之餘,模仿ACCA搞國際化亦遠不及其成功。

澳洲特許會計師公會(Institute of Chartered Accountants in Australia, ICAA, 會員稱"CA (Aust)"): 據澳洲留學的朋友說在澳洲CA地位比CPA稍高,會計師行亦對前者有所偏愛。然而CA考試程序極為麻煩,亦是QP的始作俑者。

由於不能在澳洲境外完成考試,故在香港較不普及。

澳洲註冊會計師公會(CPA Australia, CPAA, 會員稱"CPA (Aust)"):雖地位稍低於CA,然在國際化上遠較CA成功。除可於香港完成考試外,亦與HKICPA達成互相承認協議,令更多香港人認識(但近來可能有變,應考者須密切留意)。除澳洲留學生外,近年亦有不少修讀遙距澳洲學位者應考。

加拿大特許會計師公會(Canadian Institute of Chartered Accountants, CICA, 會員稱"CA (Canada)"):另一近來與HKICPA達成協定的海外組織,據新聞稿說在一定條件下香港會計師可在加拿大執業。

然而熟悉加拿大的朋友都知道那裡退休可是不錯,但工作可絕對會餓死...

其他相關團體

以下組織雖不是法定專業會計團體,但在某方面有相當地位。

能令凡人成為神的超級資歷-特許財務分析師公會(Chartered Financial Analyst Institute, CFAI, 會員稱"CFA") :事業上能令fresh graduate從凡人昇華成神的資格。相對於不少會計師晚晚要擲公字決定去麥當勞還是大家樂,又或到街邊督兩串魚蛋以免月尾斷炊,可真極少聽聞CFA會有月薪HK20,000以下者。雖然未必一定大富大貴,但要維持體面生活可絕對不是什麼難事。

當然有利益自然有代價,CFA的考試可是出名難的。除要求比CPA嚴苛外(應考者必須為degree holder),有關恐怖傳聞更是不絕縷,我老人家親耳聽聞的是19個水記會計師事務所(Pricewaterhouse Cooper)已考畢ACCA/QP者遠征CFA Level 1,落得18人落敗、第19個乃retake的恐怖收場。當然潛台詞是會計師工作忙碌,雖是四大行中最輕鬆的水記都不會有太多時間溫習,加上會計的確不等於金融,但其難度可見一班!傳說中Level 2稍易,但Level 3簡直是血流漂杵。

然CFA如此之難仍令人趨之若鶩的,自是成功者會被I Bank、大銀行及巨型企業爭相聘請的前景,有急不及待的公司甚至完成Level 2的亦不放過。

註冊舞弊稽查師公會(Association of Certified Fraud Examiners, ACFE, 會員稱"CFE"):因Enron事件而掘起,最大特色為其考試要求:先買一CD在閣下電腦安裝,再在無人監督下完成(有點像普林斯頓及部份大學),對會員的個人操守可真是絕對信任...

內部核數師公會(Institute of Internal Auditors, IIA, 會員稱"CIA"):當只露出名銜縮寫時會令人以為是KGB同行的帝國特務Central Intelligence Agency,然兩者完全無關。

雖其會員無法定畫龜權,但IIA多年來已穩固了其地位。隨著Sarbanes-Oxley Act尤其第404條"Management Assessment Of Internal Controls"實行,美資公司對被同事稱為「人民公敵」、「川島芳子」的內部核數師將會有莫大需求。

除一般Certified Internal Auditor認證外,該會亦提供Certification in Control Self-Assessment (CCSA)、Certified Government Auditing Professional (CGAP)、Certified Financial Services Auditor (CFSA)以供閣下卡片嚇人之用。

環球風險專業公會(Global Association of Risk Professionals, GARP, 會員稱"FRM"):絕對不要跟精算一系混為一談.取得難度完全有天淵之別。除考試遠比其容易外(好像每聽聞會計師朋友應考都是一take過,不像CFA、CICPA般是一路哭一路考的),工作經驗要求亦只是兩年。

管理會計師公會(Institute of Management Accountants, IMA, 會員稱"CMA"或"CFM"):與英國Chartered Institute of Management Accountants性質相似,然不同之處在英國貨是皇家特許的正規專業會計資歷,美國貨是與CFA相像的獨立機構。雖然有頗高的認受性,但並非由有形之手肯定。

該會頒授的主要資歷為註冊管理會計師(Certified Management Accountant)及註冊金融經理(Certified Financial Manager)(對後者及類似名銜總覺得有點過癮,試想想一個junior level朋友拿著manager名銜見工時對方會作何感想,本地大學甚至有一課程名「董事學」...)。由於要求相近,故只要稍稍做點功夫便能兩者兼得。

順帶一提,除英、美外加拿大亦有頒授"Certified Management Accountants"之機構,而三者卻不生性地都稱自己會員為CMA。故部份之都會有CMA後附上"(UK)"、"(US)"、"(Canada)" 以資識別。

香港特許公司秘書公會(Hong Kong Institute of Chartered Secretaries, HKICS,會員稱"ACS"或"FCS"):雖然公司秘書為一行政要職,但無論有關機構如何吹噓公秘何等專業,做過會計師行的朋友對公秘的地位都心裡有數。有一次在宣傳稿上某人稱:"上市公司的公秘職責相當專業,例如AGM前要通知所有有關人等,不可遺漏...",但...準時通知頂多20人也算高難度?別忘了公秘絕對會有有關人等的直線、手提等號碼...責任是大,但相對律師、會計師如何?

擔任上市公司的公秘可為公秘公會之會員、律師、會計師;至於中小企多委託其核數師(然在separation of duties下,名義上多為該會計師行之聯營公司)或由公司之董事兼任。

順帶一提,一如ACCA與HKSA,以往不少業內人士均擁有英國特許公司秘書公會(Institute of Chartered Secretaries and Administrators, ICAAS)之會藉,會員稱"ACIS"或"FCIS"。

財務策劃準則委員會有限公司(Financial Planning Standards Board Ltd., FPSB, 會員稱"CFP"):近年大為興盛的一個行業。因不少人聲稱中國人購買保險、金融產品的比例遠低於西方,正正犯了不少往中國內地投資而血本無歸的西方朋友所中的「衣袖迷思」:中國人一人將衣袖加長一寸,賣布的便不得了。但問題是:

1)即使要買布,是否會幫襯貴問下?

2)究竟中國人會不會加長衣袖也成問題,別忘了中國人儲蓄傾向是土地、黃金,加上盛宣懷百年前將保險業帶入中華大地時做得太過精采,令大多中國人將保險業與騙子界朋友聯想在一起而對保險過份抗拒。

雖然同稱"Financial",但CFP與上文提到的CFA完全是兩碼子事。除高下之別外CFP不如CFA般全球通行,問下次CFP會藉是需註明地區的(例如"(US)"、"(HK)")。聘請最多CFP的以銀行、保險公司的零售部居多。雖然沒有CFA般吃香,但找一份工作賺賺底薪也是不難,若要賺佣金便要靠自己本事了。

絕非會計師級的會計資歷-倫敦商會試(London Chamber of Commerce and Industry, LCCI):本來在介紹專業資格時LCCI絕對對不上號,但因為實在太多朋友查詢及誤解,故在此簡單介紹一下。

雖然不少課程供應商以會計師誤導群眾,亦有不少中小企腦細招聘時以LCCI作為「會計師」之入職要求,但可以肯定地說,在專業會計的圈子裡LCCI絕對不入流。

LCCI其實是一系列商業技能考試,包括會計、語言、電腦等,而一般人所說之LCCI會計Level 3(或稱higher)在會計師眼中充其量只算是簿記,會計師最值錢的財務決議、稅務安排、審計等一律欠奉。

最清晰的數據是上述之CPA、CA、CMA等均是學士後再飽歷專業試、工作經驗、持續進修等煎熬而得的資格,不少一線學校之深造程度課程均對具會計師資格申請人另眼相看,澳洲更明言專業會計師為一postgraduate學歷(其他國家雖無明文,然情況如一);相反LCCI Level 3充其量只是certificate程度,亦只有三、四線大學接受其為本科入學資格,最優惠者亦只有豁免year 1。當LCCI Level 3持有人應考ACCA專業資格時不但啥豁免也沒有(不大相干的商學學位總有幾張試卷可有豁免),甚至單以Diploma in Accounting - Level 3亦未足以獲得應考資格:"This single subject / diploma does not entitle students to minimum entry. To be eligible for entry students must have passed at least three Level 3 subjects (or a Group Diploma), plus two Level 2 subjects (or equivalent), including English and Maths."(https://www.acca-business.org/pls/ecommerce/eeepl001.p_startup),地位如何可見一班。

但LCCI雖不大高明,總算是一被認為可作會員文員的認可資歷。相反坊間不少誤導廣告更是害人不淺,例如某自稱為會計師專業團體的騙子界朋友,在其相關合作課程中更此地無銀:「在你名字後加上幾個字母總未致於令你誠信有損(An additional few letters after your name certainly will not do your credibility any harm)」,鬼拍後尾枕地說明其學店的本質。


(以上資料由 若缺齋老人 提供)



入屋叫人入廟拜神,入行唔識Big 4同主要會計師行絕對絕對係死罪。

四大會計師行佔左整個市場六成以上:

Deloitte Touche Tohmatsu 德勤關王陳方會計師行 (Delo, DTT)
Ernst & Young 安永會計師事務所 (EY)
KPMG 畢馬威會計師事務所 (KP, KPMG)
Pricewaterhouse Cooper 羅兵咸永道會計師事務所 (內地稱普華永道會計師事務所) (PWC, 水房,水記)

除四大行外,以下的有規模中型行亦應該至少知道:

CCIF 陳葉馮會計師事務所
RSM Nelson Wheeler 羅申美會計師事務所
Grant Thornton 均富會計師事務所 (GT)
Moores Rowland Mazars 摩斯倫.馬賽會計師事務所
HLB Hodgson Impey Cheng 國衛會計師事務所
Horwath HK 浩華會計師事務所
PKF 梁學濂會計師事務所
Baker Tilly HK 香港天華會計師事務所
BDO McCabe Lo 德豪嘉信會計師事務所 (BDO)
Nexia Charles Mar Fan 馬炎璋會計師行
Lak & Associates 力皕|計師事務所有限公司
Shinewing (HK) 信永中和會計師事務所 (前Ho and Ho, 何錫麟會計師事務所)
Li, Tang, Chan 李湯陳會計師事務所
Ting Ho Kwan & Chan 丁何關陳會計師事務所

另有關會計相關公司亦應有所認識:

Tricor Service (EY會計部分拆出之新公司,現售予東亞銀行)
KCS Limited (KPMG會計部拆出之新公司,並并入GT之會計部)
Accenture (Arthur Andersen的殘骸、亦可說是靈魂所在,前稱Andersen Consulting,Turnover比任何一間Big 4還要大)

個人經驗:在上述某中型行見工時都會被人問一句:點解唔申請/有冇申請四大行 或 有冇計劃將來申請。如果唔知人問緊乜絕對番屋企等消息。

一般四大會計師行及部份中型行會於九月起到各大大學舉行招聘講座。若沒有到貴校舉行或海外歸來學生可直接瀏覽其網頁之招聘欄,亦有本地學生錯過一般招聘程序而個別申請並獲聘的例子。

而一般四大行招聘均由兩至三次interview、assessment center甚至online test組成,間間不同而經常改變,但於其網頁多有詳述。

四大行聘請新人未必理會申請人主修科目,每年均有招聘不少其他主修如金融、管理甚至物理、電腦等。當大多數新人需應考HKICPA的QP專業試時,四大亦會提供所需的「轉制課程」,然請留意合約上多有聲明短時間離職可能需為該「轉制課程」付款。除此以外,亦有為考生提供補習班、study leave及no-paid leave等。

相反,由於中小型行訓練資源較少,故多傾向聘請會計主修生。

(謝謝樓下godoil兄)

(以上資料由 若缺齋老人 提供)


Big 4 website

http://www.ey.com/global/content.nsf/China_E/Home
http://www.kpmg.com.hk/
http://www.pwchk.com/home/eng/index.html
http://www.deloitte.com

(以上資料由 godoil 提供)

點樣可以搵到accounting firm的資料?

http://www.hkicpa.org.hk/membership/list/cpa/index.php

(以上資料由 小肥鴨 提供)



[ 本帖最後由 若缺齋老人 於 2007-8-11 05:10 PM 編輯 ]



實用相關搜尋: bus 專業 註冊 入會 薪金 公司 溝通 機構
我係大掌櫃!

回覆 引用 TOP

--------------------------------------------------------------------------------
或者我都試下幫下大家.  以下係會計中資格分別. 包括 LCCI , HKAAT, ACCA, 既分別.

LCCI 英國倫敦工商會   http://www.lccieb.com/Web/lccieb/index.aspx
LCCI 係英國其實仲有好多exam, 基本上有關商業的原素都有得考. 就連打字都有. 但係香港, 比較多人熟悉的就是 account. 因為報紙請人多數係lcci (account clerk).  而lcci account 當中又可分為4個級別(level 1-4).  市場上一般考到level 3經已足夠.

Level 2 係等於 中五 會考會計學原理既 syllabus.  Level 3 係 中七. 由於LCCI只係集中考account為主.  所以對升識幫助吾大.  但卻係入account 行業的初階要求.  同時 LCCI 係無需順住考.  您夠膽, 又夠料. 可以直考 level 3 or 4.  skip左任何一張都得.  您考到果張pass, 就視為award 果個資格. 而且係吾睇經驗.


HKAAT 香港專業會計員協會  http://www.hkaat.org.hk/
HKAAT 附屬於 HKICPA, 即香港會計師公會.  同LCCI 吾同層次.  如果 LCCI 視為中學水平, 咁AAT 已經可視為 diploma 水平.   

AAT 必需考晒8張paper, 缺一不可. AAT syllabus 較多原化.  以會計為中心, 亦有 taxation, law framework 及 audit. 所以完成HKAAT考試, 入識條件可以比較好.   考晒8張卷, 再加上一年會計工作經驗就可成為AAT.  而完成 AAT 後再經 PBE (professional bridging examination) 就可得到 香港會計師公會 準許考試資格, 再經 QP (qualification programme) 就有機會成為執業會計師 (只係有機會咋. 得吾得及讀吾讀到始終睇個人).

但AAT 市場上定位比較困難. 由於AAT係中間落墨.  但市場請人一係請高級CFO(會計師資格), 一係就請低級ACCOUNT CLERK(LCCI).   AAT 夾住係中間. 考完好多時有高不成低不就既感覺.  變得兩頭吾到岸.


ACCA 特許公認會計師公會  http://www.acca.org.uk
ACCA 係英國其中一個認可會計師公會.  同HKICPA香港會計師公會有好深厚既淵源.  以前同 HKSA (HKICPA 前稱) 更有資格直接亙認及統一考試. 但依d都已經係過去既歷史.
ACCA 依加考試總共需pass 14張paper, 共3個level. (但2007年會轉syllabus). 14張paper包括會計, 稅, 法, 財務, 資訊, 管理, audit, 連企業管冶等都有概括.  完成考試需加3年認可管理經驗才可成為會員.  而ACCA level 3 既考試係等同碩士既學術考試水平.

簡單d講.  ACCA (高層) > HKAAT (中層) > LCCI (低層).   基本上係3個會係吾同既級別及資格.  讀書除左要睇認受. 亦要睇能力. 亦要看機遇.  考LCCI 最快,時間短.  而HKAAT 則需約2年.  ACCA 除時都要4,5年.  回報要付出. 而可以比幾多時間讀出黎完成一個資格都係一個重要既考慮.


由於我發現仲有朋友撈亂以上3個會計資格.  所以我補充如下:

首先.  ACCA , HKAAT, 同LCCI 係3個「個別」 同 「獨立」團體黎, 即係話. 3者係無任何直屬或附屬關係.   言則, 三個團體都有自己的入學標準.    無話讀完依個LCCI先可讀HKAAT既規定.  亦無必需讀晒邊三個資格既規定 etc....。    總之. 您夠該個團體入學資格就讀得.

我提出以上三個會計資格只係用黎指出現今香港會計市場入職要求, 但「並非」每個會計從業員都必需要經過既會計歷程黎.  強調係 「並非」.  清楚?

至於 三個屬會 LCCI, HKAAT, ACCA 既入學資格. 我重申.  係個別屬會自己有個別規定.   

雖然好多時有EXMPETION (入學括免), 但吾等於一定exempt 比您.  因為佢地有時係 subject to case by case 睇.    exempt 只係guide line.

希望大家吾好再將三者撈埋黎諗.   請大家分開黎考慮乜野係 LCCI, HKAAT 同 ACCA.


(以上資料由 king1+1 提供)


關於QP,

QP分成兩部份,第一部份係四個Module,每個module分兩部份:workshop(要上各四堂,主要係presentation同group discussion),另加考試,要workshop + exam合格先可以過骨,計有:

A: Financial Reporting
B: Financial Management
C: Auditing and IT
D: Taxation

每大約四個月係一個學期,冇限次序而每單一module最多死四次,每次HKICPA只會出A+C or B+D,即死一次八個月後先有仇報...

如果唔係做Big 4,最好一次take一科而唔好向難度挑戰,即使在RSM的朋友亦稱沒一次take兩科的勇氣 :

千辛萬苦、遍體鱗傷捱過四科後,就到出名死得更多人的Final Professional Exam(FPE),簡單講,係六個鐘的四科大雜燴,亦係死最多人的地方。

捱完FPE後,要在HKICPA指定的Authorized Employers/ Superiors(AE/AS)下做三年(學位持有人,如果冇係4-5年)就有牌。



(以上資料由 若缺齋老人 提供)



頭先睇見分頁, 仲有人問 acca 同 cpa 分別.  咁.... 唉..........    自己睇啦下...

http://www.ifac.org/About/MemberBodies.tmpl

依個網址叫 ifac, 全名係 international federation of accountants.  簡單講就係國際會計師聯會.  我想講清楚.  ifac 並吾係title or desnigation for 個人.  而係世界各地既會計師公會既聯會.  係ifac裡面既公會都係qualified accountant body.   so don"t ask me any silly question, please.   

至於成日都講cpa 同 aca, ca 以及 acca既分別會係.

cpa 係香港 hkicpa member 既 designation.
ca 係英國 icas member既 designation.
aca 係 英國 icaew member既 designation.
acca 就係 英國 acca member既 designation.

要對各屬會更清楚就吾該自己入去 ifac 搵喇.

(以上資料由 king1+1 提供)



HKICPA DATA SHEET 中文版

各新手必看:

http://www.hkicpa.org.hk/about_us/Chi.pdf

(以上資料由 BNR32V2 提供)



有關big 4同2nd tier firm的apply method

The following information is updated on 22 September 2006 ( For Experienced Hire):

Deloitte Touche Tohmatsu 德勤關王陳方會計師行 (Delo, DTT)
via email: jamsin@deloitte.com.hk
Ernst & Young 安永會計師事務所 (EY)
via email: EYPeopleFirst@hk.ey.com
KPMG 畢馬威會計師事務所 (KP, KPMG)
via email:  human.resources@kpmg.com.hk
Pricewaterhouse Cooper 羅兵咸永道會計師事務所 (內地稱普華永道會計師事務所) (PWC, 水房,水記)
via email: joanne.oy.wong@hk.pwc.com(Experienced Hire)  Attn: ms Joanne wong
CCIF 陳葉馮會計師事務所
via email: tracylau@ccifcpa.com.hk attn: ms tracy lau
RSM Nelson Wheeler 羅申美會計師事務所
via email: hrcpa@rsmnelsonwheeler.com
Grant Thornton 均富會計師事務所 (GT)
要寄信先得~
Moores Rowland Mazars 摩斯倫.馬賽會計師事務所
via email: careers@mr-mazars.com.hk
HLB Hodgson Impey Cheng 國衛會計師事務所
要寄信先得~
Horwath HK 浩華會計師事務所
via email: recruitment@horwathgroup.com.hk
PKF 梁學濂會計師事務所
via email: info@pkf-hk.com
Baker Tilly HK 正風會計師事務所
via email: applications@bakertillyhk.com
BDO McCabe Lo 德豪嘉信會計師事務所 (BDO)
要寄信先得~
Nexia Charles Mar Fan 馬炎璋會計師行
via email: mls@charles-marfan.com
Shinewing (HK) 信永中和會計師事務所 (前Ho and Ho, 何錫麟會計師事務所)
要寄信先得~
Li, Tang, Chan 李湯陳會計師事務所
要寄信先得~ hr是康小姐

(以上資料由 mandyhk2002 提供)

ACCA 由(12/2007) STR 舊制轉新制PER....

http://www.accaglobal.com

STR 舊制不用一定要係audit firm or approved employer 做三年先可以claim到experience,同埋我響網頁好似搵唔到有approved employer 個LIST..........

(以下節錄自ACCA網頁)

If you are an existing student or affiliate you will be required to transfer to the new practical experience requirements (PER) by 31 December 2007. Whereas your conversion to the new exam syllabus happens automatically in mid-August 2007, you will need to transfer any Student Training Record (STR) competences you have recorded under the current, or pre 2001 scheme to the new PER system.

Guidance and support has been provided to ensure that you fully understand what you are required to do to either transfer to the new PER, or complete PER under the current requirements.

我地要用舊制定新制呢???請看以下LINK
http://www.accaglobal.com

(以上資料由 20070502 提供)

有關internal audit 的工作:
引用:
原帖由 bittermelon 於 2008-7-17 08:52 AM 發表



Internal Audit (IA) 主要分三個Fields: (1) Commerce, (2) bank, (3) Public Sector。以香港o既情況, 入咗其中一個Field, 日后想轉其他Field o IA 會好難, 因為各個Field需要o technical skills knowledge 都好唔同。

先講Commerce. 如果要入Commerce oIA, 首選係 manufacturing. 而且間公司要係PRC同其他Asia地方都有investment. 現在香港都這類IA人需求最大. 而且個Pay都幾好, 但要travel得好甘, 我曾做過一份IA, 留在香港的時間只有20%, 其余時間全部Travel到其他地區. 未結緍或正在摶殺期的可以考慮一下.

至於Bank oIA, 首選係大行或外資行. 中資行都可以考慮,但華資細行就可免則免. 大行同外資行除了多野學同好pay, 最好係唔駛點travel.

至於Public Sector, 首選係政府的审計署同馬會. 呢FIELD同其他兩個好唔同, Commerce 和 bank IA主要做Operation audit, Public Sector主要做Value-for-money (VFM) Audit. VFM audit Operation audit難做, 因為沒有一個所謂標準去衡量auditee做得好定唔好, 但勝在有挑戰性.  我個人就唔prefer NGO (Non Government Organization), 因為個FIELD太窄, 第日出o黎轉工唔係咁易. 而且NGO較多關注purchasingpayment果邊, 可以學到o既野有限, 不過如果你有heart有理想想幫助有需要o既人或者想体驗人生就另計, 我有個FRIEND係一間NBOIA做咗2, 佢經常要去D第三世界國家做AUDIT, 眼界大開.

至於係audit firm 做 IA,坦白講, 不論BIG 42ND TIER CPA FIRM 的所謂IA service太皮毛了, CLIENTaudit幾個星期你估你可以發現到D咩問題, 就算有都係好表面. IA 唔係problem finder, IA應該係problem solver, 最重要係比到recommendation幫到公司解決問題. 所以,如果你對間公司同果個行業無好深的認識同了解, 你根本比唔出D好既recommendation. 我睇過好多BIG 4出既internal audit report, 好多時佢地比的 recommendation根本唔practical同唔cost-effective. 例如segregation of duties, 係人讀書果陣都知道係一個必要的control, 但現實中好多commercial firms根本做唔到, 例如一個只得3人唔夠的海外office, 你叫佢地點segregation of duties? 我見過一間CPA FIRM向某CLIENTmanagement提建議, 要求海外office應加人手..., 結果比對方FC駡到一面庇, 一來個recommendationcost-effective, 二來間CPA FIRM完全無考慮過原來個CLIENTcompensation controlminimize 呢個RISK.


所以要學野, commercial firms, banks 或 pubic sector IA做幾年會較好.
(以上資料由bittermelon提供)

[ 本帖最後由 mogulhongkong 於 2008-8-19 01:36 PM 編輯 ]






我係大掌櫃!

回覆 引用 TOP

本帖上承第一集新手發問區:

http://www.discuss.com.hk/viewthread.php?tid=2169713






回覆 引用 TOP

提示: 作者被禁止或刪除 內容自動屏蔽
本人現正就讀CUHK BBA學位
若果想成為HKICPA會員

應考ACCA抑或QP?
考QP使唔使讀conversion program?

畢業後起計需時多年?






[隱藏]
引用:
原帖由 bronzeon 於 2007-8-13 01:34 AM 發表
本人現正就讀CUHK BBA學位
若果想成為HKICPA會員

應考ACCA抑或QP?
考QP使唔使讀conversion program?

畢業後起計需時多年?
你讀緊 Yr ?   

哥仔... 你要o既答案... 樓上有晒喎...

唔怪得之無人回應...



實用相關搜尋: 學位
http://www.youtube.com/user/selinasze?feature=mhum

回覆 引用 TOP

我今年中5畢業  16歲 讀開文科 會考得5分/-\
而家想讀會計  諗住報香港商業專科學校 既兩年制專業會計文憑 ( 夜
)
我想半工讀  一來吾洗父母負擔  2來自己比$讀會比心機D
其實日同夜校有咩分別?
仲有   佢話夜校只修8科   禁點揀?
財務會計 * Financial Accounting* (Paper 1)

商業傳意 * Business Communication* (Paper 2)

成本會計 * Cost Accounting* (Paper 3)

會計資訊科技應用 * Information Technology Applications in Accounting* (Paper 4)

中文書信 Chinese Business Communication  

香港商業法(一) Hong Kong Business Law I  

經濟學 Economics  

電腦軟件應用 Computing Applications  

普通話 Putonghua  

日常社交英語(由外籍老師任教)

好似科科都有用架BO*0*


吾該哂=)






回覆 引用 TOP

回覆 #6 JANET_TSF 的帖子

如果淨係以日校、夜校,其實分別不大,只係日校當然會舒服好多。

不過以你 case 黎睇,16 歲工作選擇唔多,如果半工讀怕會影響成績,建議專心讀書考好成績,睇下有冇機會讀本地大學。

因為會計行業而言,入 Big4 招聘以修讀本地大學為主(或 non-accounting major 亦為數不少),成績亦係好大因素,對以後發展影響頗大;當然,個人認為如果向 Audit 發展,Big4 exp. 影響可達 70%;如果 Commercial 的話,影響會細好多。

至於有關商專課程,我諗邀請專人幫你解答會好d。






http://www.youtube.com/user/selinasze?feature=mhum

回覆 引用 TOP

回覆 #6 JANET_TSF 的帖子

受娜妹所託, 黎比比意見:

我係之前商專畢業, 不過係夜校, 商專的課程較為實戰, 即除重點向考試方面外,
老師多為CPA, 或本身有開firm 的執業會計師, 律師或大律師人仕, 部分係
教學興趣大於搵錢(如小弟的想法)...

學費坦白唔算貴, 佢係非牟利機構... 聽講而家津校預科都成千蚊學費...

佢本身的diploma 認受性好個人, 當然唔及space 的adv dip(adv 係高級, 點都高過文憑一級, 又有hku 排頭), 好處係平... 以aat 方向計, exemption 不錯, 你完成兩年文憑課程, 在aat 有paper 1-4 及paper 6 的exemption, 其中paper 6公開試會格率都唔高.... 而其餘 3 科都其實在year 2 有讀的...

佢另一點係, regular course + revision 兼備, regular course 即正常用深入淺出方式, 同你教授呢科內容, revision 就全針對考試, 用aat 甚至acca 試卷, 教授你地答題技巧, 學校都要求老師留低email, 方便之後你地詢問...

facility 方面, 佢最好係成日可以借班房(雖然緊張, 但安排到都會借), 好多時我都借班房, 同d 同學做課餘的group discussion, 呢個亦係大學常見的學習模式...

壞處係, 呢個diploma係易入難畢業, 尤其係year 2, 內部考試明顯係好緊, 呢個係學校想提升畢業生在社會認受性有關, 我見呢幾年出到diploma 的同學, 原則上考aat 都唔會肥好多次就掂... 當然呢樣要視乎學生有幾向學?

咁幫唔幫到你?






Canon EOS 6D,100D
EF 85mm F1.2L ll USM
EF 100mm F2.8L Macro IS USM
EF 16-35mm F4L IS USM
EF 24-70mm F4.0L IS USM
EF 70-200mm F4L USM
EF 100-400mm F4.5-F5.6L IS USM
EF 40mm F2.8
Tamron 18-270mm f/3.5-6.3 di ii VC PZD
Kenko Ext EF 1.4X

回覆 引用 TOP

引用:
原帖由 selina_sze 於 2007-8-13 11:06 AM 發表
回覆 #6 JANET_TSF 的帖子

如果淨係以日校、夜校,其實分別不大,只係日校當然會舒服好多。

不過以你 case 黎睇,16 歲工作選擇唔多,如果半工讀怕會影響成績,建議專心讀書考好成績,睇下有冇機會讀本 ...
=)吾該哂你丫    多謝哂你既建議



實用相關搜尋: 工作 讀書

回覆 引用 TOP

[隱藏]
Janet 你另外的選擇是hku space的adv diploma

人地話兩年半攪掂, 我覺得三年至係中位數....

aat係full exemption, 好處無疑張dip認受性較高, 你係認可高級文憑程度, 亦免除要讀埋d 咩副學士預收班... 但我唔知有冇full time, 不過學費一定係商專的兩倍半(約 5 萬, 仲要你咪retake), 另外除左涵接 aat 的napier(cityu) 及南澳(unisa) 被hkicpa 認可的degree 收你外, space 自己都有幾topup degree 會收番你, 較著名有curtin 及hull, 其中curtin 認受性較高, 有望(係有望)可以免補科入hkicpa 考qp

space的考核都係嚴格, 我果時聽講出名時常over run(講到過哂鐘), 有d module 經常10點落堂可以講到11點幾///

adv dip 分 13 module, 你可以考慮半工讀模式進行, 咁可以幫補d 學費....

商專及space 係我認為的快路, 去涵接degree 及成為 cpa/acca, 其他ive 都是不錯選擇, 但時間較長, 但幾條路同一特點, 由f.5 計(以你英文考到 2 級), 都要買定辭典機解英文, 你會花費好多時間去背好多英文專有名詞, 尤其到後半部, 你要好擅長寫essay, 呢個過程都幾痛苦, 亦唔會暢順, 你要有心理準備, 尤其考aat 公開試, 你好多對手係已經在職十年會計的人仕, 而在space 的話, 我果個年代, 果d 人係出名勤力同smart, 好多時都係靠自己睇書, 所以你會比升f.6 跟手入大學的路難行...



實用相關搜尋: Spa 英文 大學 副學士 會計
Canon EOS 6D,100D
EF 85mm F1.2L ll USM
EF 100mm F2.8L Macro IS USM
EF 16-35mm F4L IS USM
EF 24-70mm F4.0L IS USM
EF 70-200mm F4L USM
EF 100-400mm F4.5-F5.6L IS USM
EF 40mm F2.8
Tamron 18-270mm f/3.5-6.3 di ii VC PZD
Kenko Ext EF 1.4X

回覆 引用 TOP

引用:
原帖由 WYJIMMY 於 2007-8-13 11:59 AM 發表
受娜妹所託, 黎比比意見:

我係之前商專畢業, 不過係夜校, 商專的課程較為實戰, 即除重點向考試方面外,
老師多為CPA, 或本身有開firm 的執業會計師, 律師或大律師人仕, 部分係
教學興趣大於搵錢(如小弟的想 ...
*0* 好詳細
禁我想問下HKU D課程又點揀  我睇到佢好似係分開哂一張一張卷黎教黎考  佢同商專又有咩分別?
如果吾計$   計佢既認可性係咪HKU SPACE 好D?
如果係既我應該揀咩課程

=) 吾該哂你丫



實用相關搜尋: Spa 會計 律師 課程 考試 老師

回覆 引用 TOP

引用:
原帖由 WYJIMMY 於 2007-8-13 12:10 PM 發表
Janet 你另外的選擇是hku space的adv diploma

人地話兩年半攪掂, 我覺得三年至係中位數....

aat係full exemption, 好處無疑張dip認受性較高, 你係認可高級文憑程度, 亦免除要讀埋d 咩副學士預收班... 但我 ...
*0*  好感激你丫
如果半工讀學費幾多
D課程係咪係
http://hkuspace.hku.hk/web_course/course_list.php?parent_seq=67&col=&sort=&content=big5&keyword=&start=60
我真係吾識點去分我應該由邊個開始讀-,-
麻煩哂你=)



實用相關搜尋: Spa 副學士 課程

回覆 引用 TOP

回覆 #11 JANET_TSF 的帖子

有關SPACE 課程我已回覆, 唔計$ 認受性及級數一定係space, 因為佢已經係高級文憑, 亦係三年至可以完成, aat 的exemption 係 full.. 商專兩年制的是文憑, 你要讀多一年至係高級文憑, 而商專高級文憑唔好處係佢始終向AIA 方向行, 此外, 就高級文憑相比, 商專其實亦明顯比下去...

至於SPACE 係點上, 娜妹會熟D(佢係SPACE ADV DIP畢業生), 我所知都係規定時間內, 你自選報讀果十三科, 再考埋試合格, 院校就會頒授呢張高級文憑比你, 係你自由決定同時間讀幾多科....

呢個同浸會, 或其他大專院校文憑一樣做法的...







Canon EOS 6D,100D
EF 85mm F1.2L ll USM
EF 100mm F2.8L Macro IS USM
EF 16-35mm F4L IS USM
EF 24-70mm F4.0L IS USM
EF 70-200mm F4L USM
EF 100-400mm F4.5-F5.6L IS USM
EF 40mm F2.8
Tamron 18-270mm f/3.5-6.3 di ii VC PZD
Kenko Ext EF 1.4X

回覆 引用 TOP

兼讀制你應該係睇呢個:
Advanced Diploma in Accounting
會計學高級文憑

全日制係呢個:
Higher Diploma in Business (Accounting)
商業學高級文憑(會計)
http://hkuspace.hku.hk/cc/eng/programmes/hd_bus.htm

兩者認受性大致無異



實用相關搜尋: bus Business 商業 Spa 會計 Accounting
Canon EOS 6D,100D
EF 85mm F1.2L ll USM
EF 100mm F2.8L Macro IS USM
EF 16-35mm F4L IS USM
EF 24-70mm F4.0L IS USM
EF 70-200mm F4L USM
EF 100-400mm F4.5-F5.6L IS USM
EF 40mm F2.8
Tamron 18-270mm f/3.5-6.3 di ii VC PZD
Kenko Ext EF 1.4X

回覆 引用 TOP

[隱藏]
回覆 #10 WYJIMMY 的帖子

唔該 Jimmy 哥哥~ (你咁好人, 以後叫返你哥哥啦... )

Adv. Dip. 呢個我可以提供返d 資料比你啦~

入學資格︰either, have at least 2 passes at A level, and 3 passes at O level, one of which must be in English, or equivalent; or, have a degree or diploma from a recognised institution; or, be mature students aged 21 or above.

Janet 未可以直接報呢個 programme, 但合資格的話, 我都好贊成同學 take 呢個 programme, 唔需要再由 dip. 讀起.

連同等 result, & 預算可能 re-take or re-exam 的話, 3 年的確係中位數~

如果計 Space 的話, 係無 full-time 的, 全部 weekday evening or weekend daytimes, 價錢方面, 因為比 dip. 高出一半學歷, 價錢當然都高一倍啦~ 有關出路問題, 我個新帖算係幾仔細 (因為我係讀呢個, 當然會比較清楚詳細).

考核方面, 只要上堂聽書, Assignment & mid-term 做好準備, 其實唔會太難, 最令學生頭痛主要係 FM, 其次 Taxation 都要小心, auditing 有同學會覺得難, 其他都係視乎個人資質, & 肯努力要 pass 真係唔難.

Over run 方面, 我又無呢個問題出現, 暫時 only 一個阿蛇經常 over run, 其他都好少呢類情況 (10 分鐘內唔計), 10 點都係偶然發生, 15 分鐘都唔算過份o既, 11 點幾就真係未聽過...



實用相關搜尋: 頭痛 Spa 大學 學生
http://www.youtube.com/user/selinasze?feature=mhum

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。