註冊 登入



打印

☆Ÿon Chiu☆髮型師剪髮日誌~Paimore熱療,直療,電髮根●霧感●不用漂●油頭

[隱藏]
原帖由 yy223 於 2009-11-15 06:25 PM 發表
[隱藏]
                                                                                                                                                                                                                              
我女仔 天生髮質粗同厚
咁對上果次做負離係1月 1年冇染過髮 而家長度係肩膀對落幾寸
次次洗完頭都會吹頭(用salon果隻風筒)
問題係岩岩吹完個頭就幾好 但出一出汗or濕少少水再自己乾返就好似d天線咁飛晒起黎
同埋d髮根會鬆晒 請問有咩方法解決??
其實我之前係半年一次老負 今次想比頭髮休息下 髮質好左好多 但好唔聽話呀><
同埋呢如果想d髮尾唔要碎 應點同髮型師講??
我次次都話唔要碎 呇蒂董冇用牙剪 但d髮尾就次次都剪到尖晒><
我想要d髮尾齊返d 但又唔係齊晒果隻 唔知我咁講你明唔明呢 hehe
雖然問題多多 但幫幫我丫~!thx...

++++++++++++++++

其實係因為頭頂有剪碎,而且新長出來的,,仍是你的天生鬈,所以會彈
其實需要再ION了,但建議你先實線地直剪去執實層次,剪走D碎會乾淨好多的,
我明白你想養髮,年年兩次,成個頭一齊做ION,好傷是不是?
冶本的方法,一個ION如果造得好的話,
基本上是不會鬈番的,半年後新生的好鬈,
我們就只做這一部分,髮尾已經歷過好幾次ION的,以TREATMENT包裹著,
負離子膏便只能接觸到有需要的部分了~
一個負離子才會長玩長有呢.

==============
apr2015 update


時下流行的韓式cutting,
偏向重量感,
model本人卻喜歡輕的感覺,
故此我們在頭頂造了層次,
也拉尖了髮尾,
久違了的日系cutting,
然後在髮尾電上輕微鬈度,
營造飄逸感覺,
就算不是今期流行,
也是一個帶著微笑的髮型,
body wave, medium length.

[ 本帖最後由 xoon 於 2015-8-11 02:27 PM 編輯 ]



實用相關搜尋: salon 頭髮 頭髮

附件

scaledBitmap14285957054730.jpg (69.28 KB)

2015-4-10 12:08 AM

scaledBitmap14285957054730.jpg

髮型並不指追求一種處理頭髮的技術,而是一份對待頭髮的態度.
_scissors is no rules_

回覆 引用 TOP

good





回覆 引用 TOP

原帖由 天之路 於 2009-12-6 10:52 PM 發表
hi
你好呀
小弟有個問題想問既
我想問可唔可以係髮廊到叫個髮型師幫我電到D頭髮蓬鬆D架(即比人有種蓬鬆既感覺)?
我意思係,就算唔落蓬鬆粉/水,都可以維持到個效果,咁樣得唔得架?
圖方面我會搵搵架啦,如果你有既,希望你可以UPLOAD上來比我參詳下丫
因為我冇GEL(唔知係唔係咁串- -"頭既習慣,
所以我想問下可唔可以電到蓬鬆完之後,個效果維持得耐唔耐..
同埋如果可以既話,
咁應該點同個髮型師講呢?
因為我依家頭髮都叫做中長啦,
想有種蓬鬆既效果~
唔該哂你呀~

+++++++++++++++++++++++++++++++++++++

視乎有幾長,
依你希望的鬈度,
調整層次結構,適量減輕,
上電髮芯的力度拉得夠的話,
而你本身不是好軟髮質的話,
頭一個月,洗完頭風乾已經會鬆得起,一個合理的電髮效果,
但最佳效果,
是當你願意用一點點時間做styling.
但第二個月,髮根生長,
效果將相應減低,
因為你新出的髮根是未曾電過的,
執一次層次,
會再鬆番d,再gel番cruve wax,
都會有剛電完的70%鬈度的.
.
髮型,其實係一種態度,
鹽粉,髮泥太難洗,你唔想用,我理解,
最最最方便的做法,每天花十分中,
噴濕頭髮,再噴鹽水,
你已會得到一個fully有力的感覺,
有什麼事情是不用付出就會得到?
有,父母的愛.

給你一個舊個案參考----

perm完整個案-電完兩個月開始變直怎麼辦?

其實一個電髮是需要保養的,
電髮並不是我們坐在salon幾個鐘,
買一個髮型c推介的東西然後比$那個電髮就會美麗下去.

一個perm當去到30-50次洗頭後開始變回直,
同時頭髮的生長亦應該長了少許,尢其頭頂及前陰的部分,
這個時候應該執番輕個頂&重新建立層次,曲紋會再次變得有力及明顯,
層次及空間建構得好的話,
可重現剛電完後60-90%的模樣,
視乎第二次剪髮距離上一次電髮有多久,
時間愈短重現效果愈明顯,
這樣做可以將一個perm的壽命延長多1-2個月.
使用有質素的"cruve wax",
頭髮微濕時塗抹,熱風烘乾,
將開始變直但未直得晒的情況下迫番d曲紋出來.

選用for perm的shampoo及conditioner,
可中和perm lotion殘留的亞摩尼亞,
並在每次洗髮都在鎖緊的情況下進行,(因為一般的洗頭水會拉鬆髮芯鏈鎖),洗完出來會不那麼散,
除了讓曲紋持久外,
styling時亦輕鬆得多得多呢.
以上幾點是一個大概,
不代表全部,
個人認為,追求美麗多多少少其實是需要付出代價的,
不只是金錢,時間,
而是需要我們真正的"上心"呢~
.
以上都是假設你上次的電髮及cutting的完成度高,



=====================================
Apr2015 update

Model本身直髮多年,
想來一個小轉變,
但不想要明顯的鬈度,
所以決定只要突出到層次的紋理,
點到即止。
長長的頭髮,
只在腮位以下電上輕柔的 s curl,
顯現了髮尾的束感,
抛物線讓篇平的長直髮變得立體,
卻又不遠離本身直髮的感覺,
讓 model得到了想要的小轉變,
而不致於太大轉變,
直線與曲紋的淡淡交會,
Bodywave, long length.

[ 本帖最後由 xoon 於 2015-9-20 12:52 AM 編輯 ]






附件

scaledBitmap14286616602390.jpg (68.02 KB)

2015-4-10 06:27 PM

scaledBitmap14286616602390.jpg

髮型並不指追求一種處理頭髮的技術,而是一份對待頭髮的態度.
_scissors is no rules_

回覆 引用 TOP

可以pm 地址 and price list 嗎?





回覆 引用 TOP

[隱藏]
原帖由 sunorson 於 2009-10-22 07:38 PM 發表 
軟化髮質?
請問有咩方法可以軟化髮質?
我天生捲髮,既粗又罕
留長左D頭髮就成舊野咁…
之前有試過去電負離子但可惜三、四個月個效果就冇晒
而且一電個頭就好貼…有冇方法可以解決髮質問題?


+++++++++++++++++++


先解釋何謂負離子~
------------------------
負離子的操作程序~
1)軟化頭髮.其實頭髮內部的構造像一條鎖鏈一樣,一個圈扣著一個圈,如果所有圈是直線地排列的話,頭髮便會直,
相反是胡亂排列的話就會鬈,試想想一條"s"形前進的蛇就會明白.所以負離子的第一個step是軟化頭髮,即是將所有扣著的圈打散.

2)直線重組.以負離子夾加熱,熱力會令散開的圈澎漲而重新連結,基於負離子夾是兩邊垂直的關係,所以圈的重組被迫成直線.

3)凝固.圈已重組成直線,但圈興圈之間尚有許多空位,打入高密度蛋白質以填滿這些空位,圈無空間活動,頭髮就唔會鬈番.

所以第一個step最重要,頭髮軟化得不夠徹底,之後夾到幾直都無用,
相反只要軟化得夠,SETP 2 時個負離子夾用百二三度中溫,
慢慢手輕輕一夾已順直貼服,夾多幾下反而仲乾.
-----------------------------------
軟化即是只做step 1而唔需要全頭夾直,
因為男仔做full ion後都會變左周慧敏~

"一電個頭就好貼"-----因為髮型c幫你連髮根都做埋,
即係part 1個step佢做得太多部分.
其實ion最好留小小髮根唔電,
負離子膏只落髮中至髮尾部分,
咁就可以有直髮但又留番你髮根本身向上生既自然角度,
咁就唔會貼到好似一塊板咁^^

.
colour 會fade out,電曲會變直,但做直如果做得好一般是不會變回曲的,
因為ion是頭髮核心的改造,
"三、四個月個效果就冇晒"----假設你的ION無問題,
因為你頭髮會長,一般人新陳代謝的週期大概3個月會長到1-3吋,
新出的就是你本身的曲髮質,與拉直過的髮尾有對比,所以要再整.
個人睇法,整頭髮是消耗品,比 喻為換季買3一樣,
男仔一兩個月一次HAIR CUT,三至五個月大攪一次,或轉LOOK或補色^^



============================

apr2015 update

大側分區剷青,
人工 outline邊位線,
額角的90度直角位至修長的水,
人工修飾而成。

有髮型問題歡迎你們發問呢。

[ 本帖最後由 xoon 於 2015-9-20 12:53 AM 編輯 ]



實用相關搜尋: 頭髮 頭髮 空間

附件

scaledBitmap14289375558760.jpg (46.82 KB)

2015-4-13 11:05 PM

scaledBitmap14289375558760.jpg

髮型並不指追求一種處理頭髮的技術,而是一份對待頭髮的態度.
_scissors is no rules_

回覆 引用 TOP

can u pm more details about your salon?
thanksss! ;D






回覆 引用 TOP

如果本身頭髮超直同硬,如果唔想電同染係咪好難做到all back效果?





回覆 引用 TOP

原帖由 UNSP 於 2009-10-23 06:53 PM 發表
可唔可以詳細講下點吹頭同gel頭?
我唔係好識搞
髮泥使用心得2007verision冇詳細點講點gel法


++++++++++++++++++++


髮泥造型技巧概論:
----------------------------------------------------------------------------
1)首要落得夠泥,泥耍卒到好薄平均分佈係隻手度,主要係五隻手指頭

2)手指分開,想象你隻手係把梳,右手由右向左指頭插入髮根,
梳通頭髮同時d泥卒落髮根到,右手梳完左手反之亦然

3)重複兩次應該會feel到隻手無"lim",就"new"多次泥,少量多次,不要貪快大大pai一次過
妄想搽到晒成個頭,這樣只會一個位好"立",其他位無,梳的同時一路感覺係咪成個頭既髮根都有泥,
泥一定要落到髮根,否則唔hold,
落髮根要用"水溶性".

4)同樣想像為一把梳,但今之係一把闊齒d既梳,由自己正面伸手往頭頂(diy是反手的,
回憶髮型c幫你gel頭時的手勢,
他是企後面正手去幫你gel,
當diy時與之相反就是反手了),
屈起手指以指頭,
轉位開始順住轉位生長的方向向左前或右前"r"",
如果層次無問題的話,
這時應該會得出一條條坑狀,
這是層次的紋理,

5)輕手用兩隻指頭,
想像為一隻衣夾吧,
從層次的紋理之間插入髮根,
由髮根開始拉番隻手一look出黎,
你會見到插完既位鬆起左,
唔夠再插.夠就next.

6)做到呢一part,
你已經會get到是什麼一回事,
全個頭step repeat,
可360"c球狀放射,
或特定向某一個方向推,
概念上我們不是要拉到一支支挻起晒箭豬咁,
而是輕微凌亂的自然空間感,
突出到個層次已經ok.

7)gel後面就分開手指,
向後推至中間點接合
(後面枕骨以上既中間),
你會梳到一行行咁樣,
再用指頭由下至上插入髮根,
輕輕插起少少.

總結,好多個step,
其實概念只有一個,
就係將本身已有的層次,
依生長方向令頭髮不貼著頭皮,
然後用任何方法令其"一執執"的分開,
分開得好睇以及定形,
假設層次方面無問題,
以上文字我能夠給予你一個大概的步驟,要點及技巧,
但並不是一套"最好"的,
所有人跟著做就一定得的方法,
技巧以外,個人認為重要的,
其實,是態度,
每個愛扮靚的年輕人,
自己對著鏡子每天玩上15分中,
探索下,感受下,
不一定要完全跟足,
你會從中得到體會,
各人不同的面形,
頭骨的細微位,手感,
有些人愛浮誇,有些想自然,
我個人喜歡中性,世界是多樣性的,
慢慢自會演化出自己喜愛的風格,
感覺,所謂髮型,就是如此.
-----------------------------------------------------------------------------------------

提提你,
一個頭是否gel到你想要的髮型main piont係cutting,
層次建立正確的話基本上所有髮型都係以髮轉的生長方向作依歸,
順住個轉去gel就會出到,
只要層次係就住個轉黎剪,

-------------------------------------------------------
第三最常見問題~

"我想摷亂摷起個頭,但點正都係一舊野,起唔到,應該點gel先好睇?"

這個並非styling的問題,
係cutting問題.
多見於全個髮型都由牙剪去建立的情況之下,
著重在厚的地方就偷薄,
完成後頭髮薄了輕了,
髮根底下很多空間卻同時彈起或散開,
兩三星期後頭髮生長再形成"一舊野",
不少人以為係自己唔識gel,
但MAIN POINT其實係因為無層次,
唔關應該點樣去gel.
因為髮型其實係剪出黎,
而唔係GEL出黎,
落泥只係加以輔助個造型,試想想,
等於你不能夠籍著翻新一幢大廈的外牆油漆,便改變到大廈本身的鋼筋結構一樣~
-------------------------------------------------------------------------
層次解構
層次的意思是由頭髮最短的部分接續性地接駁至最長的底部,
層次角度準確接得好的話,
頭髮會顯得很立體.
即係由頭頂最短既起點一路駁到落最前既陰,陰是層次的底部,最長,
只要層次駁得好,無斷,
由底部長的支撐住上面短的,
頭頂最短最輕的關係會自然豎起,
而關鍵就是在於要一吋一吋地量度住上個接口去剪短,
並剪得smooth,
就算洗完頭唔gel野,
或者亂咁正亂都好,
只要跟住頭頂個轉位既方向順住咁撥,
就自然會有個型出黎,
層次做好再搽泥,都係順住轉位推幾下,已經ok,
你可以gel到好似你岩岩剪完係salon離開時那個樣,
而且只係三幾分中內的事情.
總之由底部最長一層一層的漸短直到最頂的最短,這就是層次.
----------------------------------------------------------------

而以前的人常說的"偷薄","
剪碎唔剪短"等等,
其實是用牙剪去塑造出髮型的意思~

而牙剪咬碎就係唔建立層次,
拿起一片頭髮假設有十條,
有齒的牙剪夾下去筆直地剪短了其中的五條,
剪完夾起然後拿下一層的頭髮做同樣動作,
比較濃密既頭就咬入d個落髮根到,
(摸落頭肉度會覺得拮手)
輕左好多但會有爆起的情況出現,
一般密度的就由髮中咬起,不計算頭骨的差異,
成個頭由牙剪剪完之後薄薄一塊紙,
幾條mo飛下飛下,剪完頭兩個星期都你會gel得起,因為夠碎,
但一長小小就點摷都一舊野咁,
鬆唔到,係因為個底咁長個頂又咁長!
如果你到salon的週期是兩個月一次,層次的頭直至你下一次剪之前都會正正常常,
牙剪咬碎的玩唔到一個月你就會攪唔掂要去再剪.

最後總括,
我經常說的"剪層次"也許並不是一個特定的,
絕對的,對每個頭都一樣去剪便一定好看的一套金科玉律,
而是態度,建議"層次"而非"牙剪碎"
(牙剪亦有實際價值的用法的,我都會在最後微調時候使用上牙剪,),
"層次"的長短對比等於是髮型c在剪髮時已為你設定好哪裡短一些,哪裡長一些
,什麼地方留重量,什麼部位減輕,
就好像砌lego一樣去塑造出髮型,
所以當洗完頭的自然狀態就是那個預設好的模樣"

層次=3D     牙剪=2D
--------------------------------------------------------------------------


========================
引用:
原帖由 yin613 於 2015-4-16 12:46 PM 發表

如果本身頭髮超直同硬,如果唔想電同染係咪好難做到all back效果?
不用太擔心,
超直超硬並不是問題,
只要頭頂層次配合,
加上有效 styling,
是出到 all back的,
(只有很少數髮質是難於 all back 的,例如極粗硬加上抛向前方的暗鬈)
出到直 all back的感覺,
如圖就是直硬髮質的 all back效果。

[ 本帖最後由 xoon 於 2015-9-20 12:54 AM 編輯 ]






附件

scaledBitmap14291632665410.jpg (63.72 KB)

2015-4-16 01:47 PM

scaledBitmap14291632665410.jpg

scaledBitmap14291632665411.jpg (72.43 KB)

2015-4-16 01:47 PM

scaledBitmap14291632665411.jpg

髮型並不指追求一種處理頭髮的技術,而是一份對待頭髮的態度.
_scissors is no rules_

回覆 引用 TOP

Apr2015 update


原本長到過腰的超長髮,
大家都覺得,不用考慮,
首先揮剪去掉5,6吋,
才再來討論。
剪了很多,
仍是一個很可觀的長度。
一位直髮多年,
又常常被人當成學生的大學講師,
(雖然我覺得其實也不壞。) 
想要成熟一點,
介紹過韓式的重量感內屈,
這位老師還是選了日系的飄逸束感,
近來發現,
似乎也有很多女生,
始終鐘情日系的空間感,
以及它的 user-friendly呢. 
結果,
我們剪了長層次拉尖髮尾,
腮位以下電淡曲,
因為夠長的關係,
淡淡的曲紋展現出深刻又柔和的束感,
長髮亦因此變得生氣活潑起來。
若有若無的曲紋與素顏,
散發自然系女生氣息。


現在回看相片,忽然覺得,
不想被當成學生的大學老師,
嗯。。。我幫不了你。。。



實用相關搜尋: 大學 學生 空間 老師

附件

scaledBitmap14291961295260.jpg (57.69 KB)

2015-4-16 10:55 PM

scaledBitmap14291961295260.jpg

髮型並不指追求一種處理頭髮的技術,而是一份對待頭髮的態度.
_scissors is no rules_

回覆 引用 TOP

[隱藏]
原帖由 vicchan2006 於 2009-10-24 10:43 PM 發表 
Hello

我本身長直髮(長度過膊頭),但頭大,面包包地,想嘗試電髮轉轉形象(但唔想全頭電),應該點搞呢?(有染髮和負離子的)
還有想請教
陶瓷曲髮
負離子曲髮
數碼曲髮
三者的分別?
出來效果那種比較自 ...

++++++++++++++

陶瓷曲髮
負離子曲髮
數碼曲髮
三者的分別------------------原理上一樣,
一樣的原料,一樣的step,
先給你解釋何謂setting perm,
陶瓷曲是由負離子演化出來的,
頭髮會經歷被打散再重組的3個過程~

陶瓷曲髮的操作程序~
---------------------------------------------
1)軟化頭髮.
其實頭髮內部的構造
像一條鎖鏈一樣,
一個圈扣著一個圈,
如果所有圈是直線地排列的話,
頭髮便會直,
相反是胡亂排列的話就會鬈,
試想想一條"s"形前進的蛇就會明白.
所以負離子的第一個step是軟化頭髮,即是將所有扣著的圈打散.

2)曲線塑造.根據想要的效果捲上陶瓷芯,頭髮包在陶瓷芯外,
陶瓷芯由髮內加熱,
熱力會令散開的圈澎漲而重新連結,
基於陶瓷芯是圓柱形的關係,
所以圈的重組被改造成曲線.

3)凝固.圈已重組成曲線,
但圈興圈之間尚有許多空位,
打入高密度蛋白質以填滿這些空位,
圈無空間活動,頭髮就唔會直番.
--------------------------------------------
陶瓷曲髮,負離子曲髮,
數碼曲髮三者的過程都是一樣的,
分別就是用於第 2 part 加熱變形
由不同髮品公司出品
的發熱機的形式的不同,,
對於頭髮的變形而言,
三個名稱各異但概念功能如出一徹,
就是都是一部要插電
然後會發熱的東西,
第一款面世的goldwell是入牆式,
發熱的裝置由上至下吊落黎,
每隻發熱芯都被吊起,
出黎的curve較有力,
第二款我就唔肯定喇,
坐地式發熱線由下而上,
一條條好似八爪魚咁,
出黎的curve較soft.
此後就有很多祖國的不知名廠商的出品.
這是中國人做生意的傳統作風,
名目大於一切,
負離子之後甚至有聽過陽離子,
水離子嗎,牛奶負離子呢~
真是聽到也叫人汗顏........
扯遠了,
我不是說完全無分別,有分別,
但個分別只佔很少,
不用擔心,不要迷失於名稱的分別上,到最後個perm出黎美與否反而
更著重於part 1 軟化的時間操控,
軟化原料的素質,捲芯排位與角度,
層次的配合,
這些因素都比部機
的形式來得更有地位,
但除非,
除非部機...................................唔熱啦!
...haha^^
始終,髮型是手工藝品呢~





頭大-----建議你setting perm,
頂直底大鬈,
如不需要太突出的造型,
電大芯body wave已經ok,
從耳仔位置延續到髮尾
像一個"s"的條紋,
再修剪層次讓其鬆鬆地,
成個頭會立體很多,
而且body wave增加了volume
彌補了耳仔下膊頭上原本的空置
,可balances番頭大的問題,
斯文感覺的曲髮造型.

面圓-----cutting方面
建議短在兩邊面頰位置,
就著面形來修剪outline,
長度僅足以"發"向前以
遮掩一部分臉龐,
那麼從兩邊看是一個中長髮型,
將後面的全掃到前胸
則又可以看成長髮,
已經會令面圓看上去尖d^^

scaledBitmap14409162144491.jpg (30.53 KB)2015-8-30 02:30 PM

scaledBitmap14409162144492.jpg (26.53 KB)2015-8-30 02:30 PM




======================


apr2015 update

一個髮型完成後,
無力而塌的原髮質欠缺生氣,
想電鬆頭頂部分,
電太鬈的話會讓髮型變成另一種感覺,
電粟米紋,
又不想見到長番之後頭髮中間的格格不入,
最後用小夾子做出 body wave,
自然的波紋會自己慢慢 fade out,
不太鬈,
以自然抛物線立體了頭頂層次,
也不會留下一截粟米紋在中間,
在粟米紋盛行的世代,
試試--------空氣感髮根燙。

[ 本帖最後由 xoon 於 2015-9-20 12:56 AM 編輯 ]



實用相關搜尋: 頭髮 染髮 頭髮 空間 空氣

附件

scaledBitmap14293404793170.jpg (84.63 KB)

2015-4-18 03:01 PM

scaledBitmap14293404793170.jpg

髮型並不指追求一種處理頭髮的技術,而是一份對待頭髮的態度.
_scissors is no rules_

回覆 引用 TOP

提示: 作者被禁止或刪除 內容自動屏蔽
引用:
原帖由 apriltraci 於 2015-9-9 11:25 AM 發表
Paimoxx, Olpxlex 邊隻好D?
你會唔會串錯字?
你所指應該係剛引進香港兩個月的 olaplex, right?
.
兩樣野唔同性質,
雖然兩者都可提升髮質,
但paimore係改變形狀的操作,
如電鬈電直。
.
而 olaplex則不會改變形狀也不會褪色,
olaplex用於混合漂粉或藥水,
因為恆久以來(在 paimore面世之前) 漂完頭電完髮就係會傷頭,
尢其是漂粉,以前漂完會變粉絲,
現在將olaplex混進漂粉之後,
就算重覆漂上多次,
頭髮依然保持L勒。
.
olaplex單用能提升髮質,
但不會改變形狀顏色,
所以 olaplex只能算是輔助或修護,
而 paimore則是一個完整操作過程。
.
希望幫到你清晰概念,
等你有需要時可解釋番比你身邊的人知。





====================


Apr2015

一個很深很深的灰,
灰到黑,
但又看得出不是一個黑色,
內歛而不外露,
獨特而不浮誇,
低調地表現著不低調---炭灰黑。

[ 本帖最後由 xoon 於 2015-9-20 12:57 AM 編輯 ]



實用相關搜尋: 頭髮 頭髮 香港

附件

scaledBitmap14297168332110.jpg (118.47 KB)

2015-4-22 11:33 PM

scaledBitmap14297168332110.jpg

髮型並不指追求一種處理頭髮的技術,而是一份對待頭髮的態度.
_scissors is no rules_

回覆 引用 TOP

Apr2015 update
近年來,
都是電一些聚在髮尾的內屈,
有點悶,
今次試試電高少少,
將紋理伸延至頭頂,
讓整個頭都透出線性空間感,
視覺上瓜子臉型會飽滿一點,
當然,重點的,
還是綻放笑顏的臉容。
Setting wave, medium length







附件

scaledBitmap14298796250170.jpg (77.94 KB)

2015-4-24 08:47 PM

scaledBitmap14298796250170.jpg

髮型並不指追求一種處理頭髮的技術,而是一份對待頭髮的態度.
_scissors is no rules_

回覆 引用 TOP

回覆 1# 的帖子

請問店鋪位置係邊??
數碼又幾錢?

我PM唔到,TKS



回覆 引用 TOP

[隱藏]
Can you pm me the price and the address?


熱門搜尋: 學日文 英文補習 nlp 持續進修基金 degree diploma

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。