註冊 登入



打印

我同病魔對抗的日子 <更新 32>

[隱藏]
有一日,老公同講,他在美國找到新工作,佢接受左offer。想等到一齊安定左帶我過去。由於事發突然,我完全無心理準備,我話吾想去因為我全部親人都在香港,加上我吾鐘意美國。 就因為咁我地嘈起上黎。


佢的觀點係想我還是身體穩定去美國。因為佢覺得我這個病留係香港無希望。吾係話香港醫療吾好,只不過萬一惡化係上黎係美國換到心的機會一定會大過係香港。 佢話就算係美國器官移植都僧多粥少何況係香港。加上果邊對我個病的治療比較多元化。我家人也支持我過去,就係咁我就回到我住了10多年的美國。
安定了新生活,找到了適合的醫生,上天恩典,身體總算是好,個病也無惡化。 本以為身體正步入穩定的道路,點知去年四月的某一日,我係朋友屋企突然覺得成個人特別個心口被一D好大力的東西重錘。之後全身無力咁訓左係地下,又發生左數次重錘,意識已經模糊但沒去到昏厥。朋友立即叫白車,車我去醫院。
係急症室意識開始番黎,見到D醫生好緊張,確定左維生指數安全之後立即送我上加護病房。檢查之後發現我個心突然發生心動過速同房顫。 好彩部機好快電左幾次就變番正常。

心臟病發之後,個心開始出現疲弱,功能下降。之前無左個D不適開始番黎。為左幫個心減壓,醫生幫我做左個小手術,植入主動脈氣球幫浦。好好彩功能回復番安全水平,吾洗再植入氣球, LING 番出黎之後過了數日觀察就番左屋企。
希望這次只是個別事件,之後復診都無咩事。 但去到五月中尾,身體開始發生變化。上二樓睡房果一層樓梯都覺得辛苦,氣促標冷汗, 胸悶心悸得好西利!無辦法之下又入左醫院。


[ 本帖最後由 prettysimple 於 2015-5-15 10:33 AM 編輯 ]



實用相關搜尋: 醫生 心理 檢查 治療 工作 安全 醫生 檢查

回覆 引用 TOP

吾驗吾知,一驗出黎的報告就嚇死人。 短短一個月都無,本來已經發大左個心再度擴大。令到病情惡化的主要原因係因為個二尖瓣其實一直被已經發大左的心室拉闊左,血液湧留番個心房同個肺令我肺積水,呼吸特別困難。

加上泵吾出的血液擠留係個心室將佢撐得更加大。醫生話積血有可能變成血塊會令我除時中風,惡性循環之下,個心會愈來愈差。但又因為心肺功能差不能開胸換心瓣膜只有用微創手術加個夾,夾細個心瓣。但個夾可能吾work所以最好係增加心肺功能可以做開胸手術換金屬心瓣。


聽到之後個人感到好絕望,好灰。個種感覺就好似在一條無終點的賽道上跑,好累,好想放棄。 但又要不斷告訴自已,是不可以停下來的因為一停低就無得番轉頭,已前的負出與辛酸就會白費又放不下家人。我同自己講吾好想將來只想現在,因為沒現在就沒將來。


以為去到咁的情況已經算是夠慘夠不幸但上天還加多點苦給我! 自從上次心律失常之後,我就成日發生間歇性房顫但都只係一會兒,坐下就正常番吾洗入院。吾知係咪上天痛愛還是懲罰,留醫院期間又發生了心律不正,但咁次比上之前嚴重。


話說我坐係張床突然感覺到心悸得好西利伴隨心絞痛同頭暈,心想了又係房顫。 我初頭個人都算係清醒,見到護士應該聽到心電圖響入左黎,二話不說就將張床教平,佢地都知我吾可以打平訓,一定會好氣促,所以又被左個氧氣罩我吸。之後好快我可能係個腦吾夠血,意識開始模糊,只係聽到有人對話但聽吾到講咩野。


之後發生的事係我人生中感到最痛的頭一二排名。 個時已經感覺到我體入果部機已經電緊個心但個種感覺好似被人好大力一拳打落心口,吾舒服但沒去到劇痛。但可能電極吾work(電到心動過速但電吾到房顫)醫生決定直接用電擊板電內外夾攻。


最慘我果時雖然係意識模糊但還有知覺。佢一下電落我到,果種痛係不生難忘!我記得自己好似叫 stop, please, stop但就吾知佢地聽吾聽到。我之後同一個做護士的朋有請番件事,佢話醫護係咁的情況下係吾會理病人的痛苦,因為將我個心回復番正常先係最重要。 佢講吾好講係電,就算一D病人已經搓心搓到啪啪聲胸骨折斷,佢地都吾理照搓。

一下吾得又黎第二次,第二次之後個人可以係痛都無反應,吾記得下面發生咩事。自從個次後醫生應為我心動過速同房顫已經好嚴重,叫我接受electrical cardioversion治療. 簡單黎講我每格一段時間就去醫院被人生電。好彩有落藥迷暈吾覺痛。咁可以從新restart個心臟,令到心律正常長D時間。






回覆 引用 TOP

Add oil





回覆 引用 TOP

回覆 33# 的帖子

thanks





回覆 引用 TOP

[隱藏]
出院後,身體還是好衰弱。成個人瘦得恐怖,可以清楚看到排骨同個心跳下跳下。老公睇到好心痛,係我面前喊,話零願病果個係佢因為佢高大身體可以撐落去。我話如果無你一路的支持,我一早可能已經放棄。所以你一定要撐落去,因為你係我可以撐落去的動力。



吾知點解係個一刻我覺得自己可能差吾多走到盡頭。我第一次同老公講,如果我不在,請不要太過傷心,因為這對我來說是一種解脫,個病真係好辛苦,這三年來我可以話生不如死。傷心半年好啦!如果可以忘記我就把我忘記。找個比我更好的女人同你這下半生。如果想的忘不了,重掛住我,在你吾開心的日子想起我地一齊過的時間。。。


雖然好傷心但做人一定要接受現實。事實係我做咩治療都只不過是拖時間,個心無可能醫得好的。問題是可以拖到何時?我的病只是心臟病中的絕症但如果換得切心還是有救的!因此我就為了這份希望,拖得幾長就幾長去等換心機會。

事實上有好多病人會等吾切但醫生都同我地講,萬一我去到危急的時候,我可以植入人工心臟續命,慢慢等落去。我在醫院的時候,也遇過幾個依靠人工心臟的病人,佢地安裝左之後生活質素比我現在還要好!所以我不是無得救的!重有好多方法保命。

因為身體衰弱所以成日無胃口,無食慾,體能又差。每日過黎照顧我的護士姐姐覺得我需要入院治療咁落去我會好快吾得。入左院,醫生決定同我插鼻喉灌營養液如果無效果,食慾無增強,就要係個肚開個洞直接插胃喉灌營養液。雖然好抗拒插鼻喉但無辦法只好告訴自己要快D強壯番咁先可以同知病鬥落去。



實用相關搜尋: 醫生 時間 治療 病人 營養 醫生

回覆 引用 TOP

加油努力,無事既!繼續珍惜同老公,屋企人寶貴既時光!





回覆 引用 TOP

回覆 36# 的帖子

多謝,我會努力的!





回覆 引用 TOP

這段由病發,復發到再度入醫的時期令我回憶由生病前到現在的事情。 當中有好多苦但夾雜不少開心的事情。 生病後我明白一句俗語,一日吾蓋棺都吾知聽日事(如果我無記錯)!生命中總會有好壞,高低。幸運中會有不幸,危機中帶有轉機。

我好想在這裡分享自己的人生經歷, 當中包括算命玄學(不喜勿插)。生病之前,身邊好多人話我生得好命。雖然不是出生在大富大貴之家,父母卻是社會裡的模範專業人士。我又係家中最細,對上有三個阿哥,全家企當我如珠如寶。
加上樣貌美麗,舉止優雅,讀書又好,自細深得老師長輩喜歡。讀傳統名校,小學初中年年全級第一。 高中時候,我一個人去左美國讀寄宿學校,之後靠自己的努力考進頂尖學府。 可以話少年運極佳,事事得意。
可能父母一向只注重我的書途,無咩教我與人相處,自己又行好運,所以個人變得好自以為是。已前細個吾識,考試次次全班最高分,名校同學勢利,當然是想盡方法討好,希望從我那個咨ips。

問題我就係個D一睇本書就明就會記得,吾洗點讀就有好成績的人今,次無100分下次再努力,根本就無咩可以分享。同學當然吾信,自己又自負所以好吾受歡迎。去到大學見到有好多比我聰明的人,我當佢地係偶像,我先開始改變,朋友開始多。
我已前吾明,覺得成功是靠自己,我成功全是我的努力,從來不會感謝,吾洗再講感恩。我吾知道人係吾會一世行好運所以生命中的得意都覺得是理所當然!

父母本身的事途也是不錯的,佢地兩個當年港大出黎,一個係律師,一個係工程師, 事業也順風順水。因此成家人都好自以為是,容易睇人吾起,笑人地係暴發戶。現在想起我也覺得已前的自己乞人曾。






回覆 引用 TOP

其真有件事係我出事後先知, 有關命理好想同大家分享。之前都講左我父母係事業上好得意,咁佢地的性格為人,大家都會估的到。

話說大約係我21,22歲個年,我阿媽同姨媽無意中咩琲漸X生時間給一個做算命的朋友看。佢地本意之想睇下我係咪生得好命水,係咪旺夫, 抱持玩下心態。

個師父一睇就話我好聰明,有書緣,讀得書,靚女。講下下就叫我阿媽小心睇住我身體,我會有病難。特別係這個10年內會有大劫。 不過,我有褔德同吉星,會在危難之中解困。佢地當時打左個突,想問落去但個師父只講個劫係病吾係意外。

我當時好人好姐,會黎得咁急的病,來來去去都係個D衰野, 邊個會想到咁後生會有心臟病。現在想起怪吾得知同年我番香港媽咪叫我去做身體檢查。報告出黎健康正常,件事就不了了知。 之後我就在學校裡識左我老公。我畢業不久佢就係香港找到工作,我地就回流,結婚。。。

之後就真係被師父講中左,個病黎得好急好突然,事發三個星期前患上感冒,有去睇醫生食藥。表面症狀好得七七八八,只是係咳同個人疲倦。三個星期後,突然係公司吾舒服,胸悶心痛,標冷汗,成塊面青晒,要立即叫白車。

係急正室,醫生話我個心跳得好快,心音吾正常,之後直上icu.。我個時都吾係好識驚。直到下午確診為心肌炎,身體免疫系統不斷攻擊發緊炎的心肌,令到心臟腫脹,出現壞死同衰竭。雖然情況嚴重但個人都算OK只是個人開始好疲乏,氣促(果時我吾知心衰竭係咁)以為只是過度期。

我吾記得個日傍晚前夕發生的事但聽番家人講,果晚,我突然心臟停頓。搓番起之後,個心得番一成五左右要立即用機泵血(人工心肺)。醫生同家人講我已經變成重性心肌炎,死亡率好高下。如果我可以撐落去但部機係短時期內幫吾到個心功能番黎,我就要做手術直接插喉去個心室,引D血去大機泵等換心。係咁個情況下,我家人,包括我有宗教背景的姨媽都想盡方法幫我。



實用相關搜尋: 醫生 檢查 健康 靚女 時間 公司 工作 意外

回覆 引用 TOP

[隱藏]
樓主所述的生命歷程和痛苦遭遇早已詳細記錄在上帝手中的生命册內,不能扭轉。有冇信仰都不能改變這種(命運),分別只在於靈魂和生命的歷煉和更生過程,深信祂早已介入你的生命並且一直與你共行,不妨與祂溝通一下,看看祂怎麼樣回應你吧!祝福你!


回覆 引用 TOP

以下發生的事我都係聽番屋企人講,當中有一些不可思議的事情。 話說我姨媽佢家人有非典型的宗教背景。已前我覺得姨丈,表哥佢地滿天神佛,好迷信吾科學。屋企人私底下都講姨丈,表哥玩茅山六壬之類(我吾識分吾同道家門派),大表姐就養古慢。

去到初中先知原姨丈佢地有跟師父學,識玩上童。。。我之後就覺得好神秘。有一次暑期係香港, 我叫表哥帶我去佢個法壇見識。去到果度, 剛剛有個女人好似被鬼依附,要師父幫手。我就第一次睇到人生裡頭最古怪又得人驚的驅鬼過程。
一個後生女人無啦啦會有把男人聲之餘連重大力到兩個男人都制吾到佢。 我個時真係覺好靈異!之後父母知道左我去果D地方,鬧左我一大餐,我就無再接觸這類型活動。

之前講左被師父算中左,聽屋企人講番, 我當時真係好危急,可以話半隻腳已經踏進鬼門關!話說,我搶救駁左機之後,醫生容許家人入去探我。

果時我已經移左去一間獨立病房。 老公話第一次見到我個樣,打左個突。佢話我本來白淨的面色變到死灰,一向紅潤的嘴唇變到暗紅帶黑!雙眼打開不能合上之後護士先紗布遮蓋。估吾到佢早上重同我討論我地放工之後去食咩,晚上我就變到咁!(人真係化學)。醫生同我屋企人講,叫佢地有心理準備,話我個心已經差吾多無晒功能,好弱跳吾起,只會郁但無晒收縮能力。就算一個好無醫學常識的人聽到後都知道我就吾得啦!吾好話聽醫生報告,阿媽話單係見到我插住D喉同面色都知道結果。到左第三日早上都無起色,其他器官,特別個腎也已經開始衰竭。 醫生準備過多一至兩日等我身體可以負荷到手術就幫我開胸駁部可以用長D的泵血機。我阿媽崩潰咁滯,老公都打定輸數。吾知係咪整定,我出事時,姨媽成家去左日本玩,知道我出事後立即飛番黎,就係我出事第三日中午落機。知道佢地班機中午到達,阿哥去接機幫佢地咻瘝z咁姨媽佢地可以黎睇我。去到醫院知道我情況之後,姨媽繼續留係醫院陪媽咪,姨丈,表哥就去佢地個壇睇可能點幫我。


[ 本帖最後由 prettysimple 於 2015-5-22 09:22 AM 編輯 ]



實用相關搜尋: 醫生 心理 醫生 香港 科學 化學

回覆 引用 TOP

根據姨丈講,佢地要請示祖師爺睇下我係咪真係去到盡頭。如果真係,咁佢地無野可做。好彩,出黎的掛像係有得救,於是佢地得到批准可以幫我作法。

最鬼異的事情就發生左。佢地作法之後的早上,我情況有進步,個心開始有番收縮活動。再過多一日,心跳明顯增加,醫生同家人報告病情話我個心臟基本上已經自行泵血,可以將部機慢慢教細等個心自已泵番,再觀察就可以脫機!

老公係好相信科學的人,連佢都話,姨丈幫我做法之後的早上,果時醫生仲沒講我的情況,佢明顯睇到我面色有轉變,不再是死灰只是蒼白無血色。不過佢有保留,覺得是因為我血液循環有改善。
重有如果吾上天給我一條生路,我可能已經等吾到姨丈佢地幫我做法。 事情就係我脫機之後還是昏迷,就發現左我左心室有一塊好大的血塊,要立即打開個心將佢清走。難為我屋企人,一時我就有進步,下一刻就要做手術。Anyway,血塊係最嚴重同容易出現的時候無出現但就係我身體開始好番(只少吾洗再用機)先出現,你話奇吾奇?


我就覺得係玄學的幫助同我續命,因為之後醫生親自同我講話我救得番係好幸運。佢見大部份病人去到我咁的情況一係就吾得,一係就換左心。不過,佢都話我心肌受損得好利害下,手術中見到部分心肌已經變左色但沒去到大面積壞死,可以用藥幫但之後好大機會會同心衰竭過
日子,叫我支持落去,吾好放棄!


由於個人好衰弱,所以我手術後昏迷左三日醫生先被我醒。 這段時間老公基本上無離開過醫院。 佢話我係短短幾日瘦到得番棚骨不過當佢睇到我左胸蹼蹼咁郁就知道我還是活著,叫自己撐落去,因為佢要照顧我。


[ 本帖最後由 prettysimple 於 2015-5-20 08:37 AM 編輯 ]



實用相關搜尋: 醫生 時間 病人 血液 醫生 科學

回覆 引用 TOP

講開靈異野,我又好想講落去因為真係吾到你吾信!我吾好記得醒番頭果兩日的事,只知個喉嚨插住D野,好辛苦成日覺得吾夠氣好想呼吸,非常口渴同只聽到,明白人地同我講野但反應好慢。

好啦,終於可以自行呼吸,初頭就話受心衰竭影響,個人氣若游絲,得番半條命。但之後生理指數愈來愈好,理應個人正在康復中。
但個人依然好弱,媽咪佢地同我講野,我吾係吾明白但總是慢幾拍回應。老公話我好似個靈魂吾係到。我果時開始見到D白色野。醫生話我可能係心臟停頓,腦缺氧的後遺症。

由於果時全世界只關心我個心,覺的以上的事都因為個心泵吾夠血上個腦形成的問題。心功能改善後會無。但我自始成日見到愈來愈多白色好似人型的東西,大部份都只是企係度。

我無同人講(果時我吾是好信有鬼,半信半疑)但慢慢開始有困擾。個人好憂鬱,成日喊。我初頭都覺得係個病影響,事實上我真係好吾開心成日擔心有壓力,脾氣差。去睇精神科,醫生話我有憂鬱症。。。。(之前講的事)

食左藥的確有幫助但吾知點解總是覺得有D野吾對路。例如個心明明已經接受左個病同自己講要樂觀面對但無啦啦就會好憂鬱,有把聲同我講死左就會舒服。


晚上,成日覺得有野係身邊望住自己。之前睇到D白色野不單在室內例如醫院出現,變到日間同晚上都見到。好奇怪的,例如老公開車經過巴士站,我見到有個白色人形東西企係巴士站左邊其中一位等緊巴士男人身邊。之後就會見到係士多店又有。有D地方會有特別多但有D就無。果時我覺得D白色野好似我似D人係條街上但吾係人只是一些白色人形東西。
同老公講,佢話我太過敏。 同精神科醫生講,佢話要加藥。 但我自己真係覺得有問題,吾簡單。個人覺得好煩好無助,連最愛的老公都覺得我由心疾變到神經病!


[ 本帖最後由 prettysimple 於 2015-5-20 10:17 AM 編輯 ]







回覆 引用 TOP

樓主加油,不要放棄,期待你的好消息!

[ 本帖最後由 Big波盪漾 於 2015-5-21 01:46 AM 使用 編輯 ]



回覆 引用 TOP

[隱藏]
謝謝你的祝福。我的確有好消息。上星期去照,經過差唔多成年密集同介入治療,個心終於番番復發前功能。我先有心情講靈異野。我真係好開心。


實用相關搜尋: 治療

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。