註冊 登入



打印

我同病魔對抗的日子 <更新 32>

[隱藏]
果時我真係覺得自己有精神病。因為出事後頭三個月,我可以話被個病折磨到得番半條人命。昏迷果時被人拎左去劏就話吾知驚,好少少又要接受人生第一次知情情況下做手術。肉體上的痛苦度至精神過敏,一D都吾出奇。


由於身體衰弱,除左睇醫生,我好少出街。家人更加吾被我一個人出。就係咁接受了好多治療同小手術,用左半年休養先可以話好番D。身體免強可以負荷到一般正常活動。

我好想講一D關於從病人角度的事。好多健康的人會覺得患了重病的人要小心呵護,樣樣野都要十萬個小心。係,佢地的心態是無錯,似我咁,一個吾小心就bye bye 啦。但同時 (我只能用自己角度), 我覺自己雖然身體有病但我心理無病。我好想過番正常人的生活例如行街睇戲食飯。由於身體不行,我已經不可以做部分活動但麻煩身邊D家人同朋友吾好將件事放大。

例如已前在香港,每次同班親戚朋友食飯,佢地的話題好鐘意圍住我個病,連媽咪都係。老公知道我吾鐘意,佢好少參與。佢地開口就一定問,你個心點呀?你想我點搭呀?話好,但果時得番三成五左右,根本吾夠用。話吾好,又吾想佢地問落去。有一次同個朋友食下午茶,佢好大聲係餐廳度問,你個心跳成點,醫生有無話幾時要換? 其他人聽到後都望住我,好尷尬! 所以次次見親佢地都吾開心,我會避免成日見。

佢地咁只會不斷提醒我係病人,好似殘廢,最好似植物人咁,日日訓係到休養。這樣只會增加我壓力,因為你地不停地令我覺得自己有病,更加難過。其實每個生病的人最渴望就係健康,可以過番正常日子。

我只是一個心理健康一般的人,無特別高的EQ同AQ。 時常會有負面思想去面對疾病值同時又會有正面態度。 例如,我係一個非常貪靚,好鍾意化妝,買衫手袋的人。 已前我去邊度都要靚靚,最鍾意著連身吊帶短裙show長腳。 出事後,身體有無數疤痕。胸口中央有之前開過心的疤痕,鎖骨對下又有部植入皮下的電擊器, 可以清楚見到半部機凸出黎。因為瘦,加上心臟發大,心尖會隨住心室活動拍打胸腔壁,D人會好容易睇到我左胸一下一下噗噗咁跳,震動。

初頭根本吾敢著吊帶裙同緊身衫,因為人地一定睇到心口上我疤痕,部機,同心跳,好怕人地望。之後想通左,覺得如果人地鐘意望咪由佢望又吾係D見吾得光的事。我咁難得捨番條命,一定會好好珍惜同過得更開心!
下次講番靈異野。



實用相關搜尋: 醫生 心理 疾病 健康 行街 出街 治療 病人

回覆 引用 TOP

回覆 #1: 我同病魔對抗的日子 <更新15 #46>

Be good and best wishes to you





回覆 引用 TOP

涉及靈異遭遇好多時就連科學家都無法解释。小弟也想了解多一樣嘢,就係患病這幾年間,樓主可有接觸到天主教或是基督教的信徒呢?





回覆 引用 TOP

支持樓主,祝樓主早日康復。。。南無藥師琉璃光如來





回覆 引用 TOP

[隱藏]
就係咁過左大半年,已經適應左病人的身份。吾知點解,雖然身體有明顯改善,不只是報告上顯示就連自己都覺得好番好多但依然蒼白無血色好似病重咁,個人好弱但吾關個心事,講野總是陰聲細氣反應慢半拍。最古怪的是我在家裡先最西利,出到街例如睇醫生同朋友相聚就無咁明顯。

加上初頭成日睇到D白色野慢慢我睇到愈來愈多。。。有黑色。最恐怖的事就係有一次老公同我去復診,診所行出黎,係走廊(室內個種, 好直的)我突然見到一對著住波褲男人的腳但只睇到由腰對下無上半身。打橫行過吾見左。
我一向細膽,咁嚇下嚇我立即心跳加速。由於個心吾好,突然的加速會令個心負荷吾到,我果時好辛苦成個人軟晒坐左係地下。老公以為我心臟病發,立即跑去找醫生,之後就係醫生同老公陪同之下去左急正室,留院觀察。
這次係我出事後,第一次突然入醫院。 醫生同家人好緊張。 因為無啦啦咁可能係個心惡化左但之後做左好多檢查(公,私院都有)出黎都話無事,個心無惡化到之餘重有輕微改善。
自始我就同自己講就算父母,老公吾信有鬼,我都要正視這個問題。因為我咁嚇法分分鐘連命都無!
你地可能問點解我當初吾找姨媽佢地幫忙。 事因,我阿媽,阿哥佢地係多年前同姨媽反左面。我地兩家人基本上好少見面。我出院之後都只不過是私下同佢地打電話,多謝姨丈,表哥救番我。
我有同老公講關於見鬼和姨丈幫我作法續命的事但老公的回應係神怪事不可信,世界上根本無鬼神之說,更加無鬼存在因為係為反物理定律。佢話我救得番純粹係醫學進步,有儀器係我最危險的時候同我撐,幫浦個心泵血。
我聽落又覺得有道理如果吾係有機幫,我又點可以生存?件事就不了了知。

[ 本帖最後由 prettysimple 於 2015-5-22 08:54 AM 編輯 ]



實用相關搜尋: 醫生 檢查 病人 電話 醫生 檢查

回覆 引用 TOP

件事發生左之後我就立定決心一定要將佢解決!有一日得我同工人姐姐在家,我就打電話給表哥同佢講我發生左D古怪事想找佢幫手。


直日表哥就開車黎找我,佢一上到黎就話我屋企有吾乾淨野。 又講我有好多陰氣應該吾知系邊痴左D吾乾淨野。之後佢就帶我走去佢屋企。我send message 給老公話去表哥家食飯走果時叫佢黎接我。老公話OK。
果個下午, 姨丈同我講番話出事時,佢去睇我(第三日)。一見到我果時個樣,成塊臉死灰色就知道我就快吾得。 一向睇到鬼的表哥見到我身邊有靈體想攪我就立即細細聲念法號將佢地趕走。好彩,表哥講當時睇吾到有死神(應該是牛頭馬面)係我周圍。佢話如果一個人真係就死,佢有時會見到一團黑色的物體貼住當時人。於是佢地想睇下可否用法科方法同我續命。姨丈話要睇好多野,佢地要問神到底我咁係咪冤親債主,如果係,人地咱玟\可証黎奎禳A無得幫。如果我真係去到盡頭,無得救。如果係命犯五鬼,去到咁的地步,好難救。出黎的結果只不過係劫數,無似上的原因。佢地又要請示師公可吾可以幫,因為有D個案係吾被幫例如作業重,結果係我可以幫。佢地先可以作法幫我過難關。 佢地話我吾係借命只是我自己本身有福德未去到佢地只不過用法科方法幫我過場劫,續命。






回覆 引用 TOP

其實了解清楚件事後,我感到好得人驚。例如我病危的時候有靈體攪我。。。我問點解病左之後會見到鬼。因為我個死過番生, 度氣好弱,就會有機會見到野。 如果我無記錯,佢地話因為我病危時,我個魂已經出左身體只是未到時候,之後重病,我的精氣神係最弱,靈體好易跟住我。
我應該就係果時,被靈體癡住之後帶左番屋企。 除非有法眼或陰陽眼,好似我咁係因為我病左之後陽氣不足,個人好陰,所以同靈界打通左。如果我咁攪下去,我個人慢慢就會變得愈來愈弱。加上我現在行緊衰運又遇上人生大劫,一個吾好彩又會病番或做在其他靈體替身。
佢話同我的陰陽眼是後天,封眼好易叫我吾洗擔心。最大問題我帶左好多靈體番屋企,表哥話立眼睇已經有兩三個但這些都係小兒科。
可以幫我問神係發生咩事之後上去我屋企清屋就無事。佢話清完屋化左符,屋企D靈體就會被佢請晒出去,落結界封屋就得。但確保我真無野癡住,要咩琤X生時間去親自幫我作個提check.如果有野就要飲法水。不過姨丈再三保證,我問題吾大,無事的,叫我安心養病。
老公黎接我,我知道佢係車上一定會問我無啦啦點解上姨丈屋企食飯。我也好老實個佢講。 一來我吾想講大話,我病危時佢成受左好大壓力。二來,我今時吾同往日,身體除時病發,萬一我有咩事我吾想姨丈佢地背上害死我的責任。

佢一聽左之後就問我點解吾佢相討先。我個一刻覺得好無奈話,之前同你講,你又吾信我,再者我今日去只不過係問問題,無做法事。我現在咪同你相討,下次叫姨丈幫我封眼,清屋。
佢話吾得,我應該專心養病吾好亂想。又話姨丈明知我身體差,重攪到我移神移鬼。 我又從復講番姨丈同我講D野,話如果我吾攪去,我會愈來愈弱,可能做替身。再講只不過是封眼同清屋,最差都係飲法水。
我一咁講老公就火山爆發,好嚴重咁同我講,你係咪死過番生都吾知驚?!醫生都講左你個心成受能力好低,你去做果D鬼神法事,萬一發生D突發野,心臟handle吾到,我吾想到時同你做cpr,求你個心跳番! 佢咁講,我再三保定會無事佢都吾聽,黑面吾理我。我個一刻好吾開心覺得好無助。同時我又要想別的放法去救自己!

[ 本帖最後由 prettysimple 於 2015-5-22 08:32 AM 編輯 ]






回覆 引用 TOP

引用:
原帖由 一個都不能少 於 2015-5-21 07:42 PM 發表

涉及靈異遭遇好多時就連科學家都無法解释。小弟也想了解多一樣嘢,就係患病這幾年間,樓主可有接觸到天主教或是基督教的信徒呢?



有,但我只能信救左我一命的宗教。因為如果無姨丈幫我作法續命我無可能活到現在!






回覆 引用 TOP

回覆53 #的帖子

明白!人在極度軟弱時,的確身心俱疲,得著幫助自然驚喜莫明,願主祝福你早日康復,加油!


回覆 引用 TOP

[隱藏]
老公作風強硬,我一向都被佢食住。加上佢黑面,我又知自己細膽,吾嚇得! 件事就只有拖住先。拖拖下就過左兩三個月。有一日我突然在街上暈左(無啦啦,累低左),朋友識急救,發覺我無晒呼吸脈搏,叫途人幫手叫白車後就立即咩都吾理拚命同我搓。搓搓搓,佢話當時我臉色發黑反白眼好恐怖!幸好,佢搓左頭100下去check脈搏,我有番心跳同時睇到我心口有上落,佢先定番(佢話幫我搓完,雙手發抖,咁大個人未試過緊張都咁)。


第二日醒番,先知原來自己arrest左,好彩朋友係身邊。因為個人瘦,被朋友搓裂左兩條肋骨,好痛。同時因為瘦,朋友壓落去D力度可以直接搓個心臟效果較佳。醫生應為事件好嚴重,個心咁停一停對身體好傷,特別個腦。我心臟吾好已經有心肌症,咁樣個心好容易吾支撐吾住,下次再發生,好大可能跳吾番。
最古怪的事,醫生check吾到發生咩事。事發後,心臟一度疲乏,治療之後回復番本來的功能。電擊器無顯示我有心室震顫。通常D人心臟病發,個心室會先不停無規律快速地顫動之後先停。我個情況係跳跳下突然停左落黎。醫生話發生咁吾奇,但我覺得吾係咁簡單。
因為驗吾到咩事,心功能又無大問題。留院時去照心,醫生一度睇住個MON,一度同我講話個心跳得起勁,泵血泵得吾錯睇吾出停頓過。 個腦又無缺氧後遺症,係得個助骨裂左,留係醫院都無用,一個星期就番屋企。



實用相關搜尋: 醫生 治療 醫生

回覆 引用 TOP

屋企人一定好緊張,大佬!我個心再咁停跳,命仔凍過水。我同老公講一定係靈異野攪我!佢吾信,一直應為係病理原因。佢一路講其實一直都係黑面,話吾知點解我會信這些野,一定係被人影響。又話我成受吾到疾病帶來的痛苦所以變到神經質,要同我BOOK精神科。

聽到之後我控制吾住情緒,發癲狂喊。我話,我好確定自己係被鬼攪,咁落去我遲早出事!今次心停就救得番,下次再咁我死定!如果係咁不如早死早著,你吾被姨丈黎,我就吾食藥,等個心快D衰竭死左去算!老公見我咁激動驚個心頂吾住所以退讓,答應左我。
老公為左確保我的安全,親自問姨丈佢會對我做D咩野?姨丈話我吾係鬼上身,吾會係我身上作法。主要都係清屋。佢上黎清屋,比想像中簡單。我以為會有桃木劍。。。原來只是一D顏色紙(我吾知叫咩),一個盤用接住D燒緊的顏色紙,一D我吾知係咩我物件。姨丈係張桌上面放好晒物件,之後就鈴鈴,講一D法號(吾係講人見低頭 鬼見伏地,之前好鍾意睇司徒法正,以個個都係咁),化符,叫我地跟隨佢一行雲成間屋,佢一路念法號一路灑符水,燒D野就完結。
清左屋之後,我明顯覺得間屋暖好多。已前我成日就算夏天都得凍要著衫。 一直以為係血液循環無好做成但原來係間屋有靈體!清左之後先有陽氣。就連工人姐姐都話暖左!



實用相關搜尋: 疾病 血液 安全 工人 著衫

回覆 引用 TOP

回覆 #1: 我同病魔對抗的日子 <更新19, 20 #55, 56>

加油呀






回覆 引用 TOP

發生左咁多事我覺得有好多野係整定。由無意中被師父提醒,媽咪叫我去check,無事,到出事,以為凶多吉少,救得番,到多次經歷生死關頭,這令明白都生命有好多野係避無可避一定要面對。 問題是用咩態度去面對。

之前講到去年六月復發,心臟差無得做手術,身體衰弱要入醫院插鼻喉。。。
記得初初復發時個心個人基本上已經去到氣喘如牛,行少少路都覺得就黎爆肺,食吾到野,個心好悸悶。
在老公和父母面前,我總會有開心的笑容,叫他們不用擔心但自己一個人躺坐在病床上消化壞消息是一個大考驗!醫生話個心得番二成五,右心重保得住但左心已經衰竭得好西利!果時可以做的只是用藥谷同臨時植入主動脈氣球幫浦睇下得吾得,吾得的話如果跌到得番二成就等換心。
剛剛用藥無咁快睇到效果只是氣喘有少少改善但心絞痛循環性地發作(連醫生都無辦法幫)。在數個醫生相討只下,佢地決定將我放上心臟移植B名單。
簡單黎講,我不是最危急,分秒必爭的病人但我個情況係有得拖時間不過遲早要換。如果有一個只適合我的心臟但又不適在危急名單上的病人(可能情好低)我就可以換。
一個人加上肉體上的痛苦,看住病床邊得一排排的點滴機同儀器,條頸,手,同大腿大動脈又插住喉管,面又掛住氧氣喉,心口貼晒野, 睇到部急救車同電擊器離我吾遠。果下真係覺得自己玩完。

但我發覺自己在這次復發中已經變得更堅強會吾開心但無再好似已前咁有怨恨同放不下。我開始接受病痛是自己身體的一部分。同自己講有醫生睇就睇,有藥就食,有手術可做就做,有心換就換至於結局係點我吾理,自己也理不了。生死之事我控制吾到,當年我26歲出事也許當我過左30命運會變得好。


話吾理也不是等與放棄。我好好彩,老公工作地方的城市有一間全美國頂尖的醫學院同醫院。在那裡我找到好好的內外科醫生,可以接受多種新或在試驗中的治療。在這一年中,醫院變成我第二個家,食藥當食飯,做手術當睡覺。







回覆 引用 TOP

(似下D post 有好多醫學知識,可能會沉親大家,不好意思)好好彩我對治療有正面反應,可以得拖吾洗趕住換, 有番過得去的食慾之後就要同個病鬥!
醫生話我個心臟特別個左心室已經發到好大,連個左邊個肺都被個心臟迫到貼住胸骨無位擴張。幸好右心重頂得住所以雙腳有腫但無腹水。奇怪的是我卻有心情講冷笑話,我話,我真係為個肺感到可憐,被咁大個心迫住又無地方走。我重問醫生我個巨心係擴張性心肌病黎講算吾算大?佢話我個心發大一倍算平均。一般病人個心會發大一至兩倍不過佢都見過有病人個心發成四五倍,成個排球或足球咁大。這次惡化其實我沒有太大擔心,因為我覺得我已經依賴了一個得番三成至三成五的心臟生存了兩年,現在跌到得番兩成五又如何?只要佢可以撐到換心就可以。我好渴望好似其他人一樣有健康的身體,想做已前喜歡的活動例如滑雪同行山只要我有番健康的心臟,我就可以過番正常人應過的日子。為了希望,我一定會撐落去。
當知道自己是在名換心B名單上,我心情好平淡,少少失落吾開心但一定無傷心。之後我好積極咁問醫生無方法同我吊住個心去拖時間。佢話有手術可以將心室重建。因為我個心室已經變到成個波咁,個手術係將發大左多餘的心肌縫紉成一個正常心尖形狀等個心容易D收縮。通常係其他心臟手術中順手做但效果好短暫,心臟好快衰竭番。功效不值得我成受風險去做。
講講下就話佢知道有個新治療方法。用一個有彈性的網包住已經發大的心室。原理係扎住個已經鬆弛無力的心肌,令心室面積縮細,增加收縮能力。係細手術,我可以試下。如果有興趣佢同果邊單位安排下。我選擇做。我想講如果我當是只是沉醉係自己個病咁差,無希望我可能錯過這次拖時間的機會。



實用相關搜尋: 醫生 健康 時間 治療 病人 醫生 風險 單位

回覆 引用 TOP

[隱藏]
當然區區個網係幫吾到D咩。我心臟最大問題係心肌擴大鬆弛無力,心室想跳但根本無力去縮起將D血泵出去。記得心臟科醫生係咁同我和老公解釋。佢話正常人的心臟,心肌係好結實,收縮時兩個心室會向內接,扭動將D血泵出主動脈之後又會擴張番充血。如果用肉眼去觀察一個健康跳緊的心臟,心肌的收縮力度好強勁。

現在我的心臟就好似一吹脹左的氣球之後漏左氣,個波咪會鬆左。我個心肌就我似個波咁,發大又鬆弛。再加上我兩個心室不能同步收縮,左有左縮,右有右跳,心臟泵更加吃力,所以我一能要安部機刺激兩個心室可以同時收縮。
心臟需要一個結實有力的心肌先可以將血泵出。我個心肌變成咁,心臟又如何泵血?身體吾夠血用就個心叫個心加馬同時又會增加水份係D血。個心只好死頂,愈發愈大,希望可以增加室腔容量,一次將多D血泵出之後又會被泵吾出D血再撐大。
慢慢已經衰竭個心臟就會變得更加疲乏。 個心想跳但心肌真係發到好大,無力去跳。醫生同我地解釋影像,睇到我個心只不過係拚命係咁郁. 個心跳得真係好快好誇張,見到D血不停係個撐到好大的心室裡頭滾下滾下但只有部分泵得出,仲有殘餘收縮力不過就吾知可以撐到何時。我被D影像媽咪睇,無作解釋,連佢都話我個心吾得得啦!
要拖時間就要解決吾夠力問題。個網只係假性幫到擴大的問題。簡單黎講等個心無咁鬆弛間接地增強收縮功能。醫生話我個心肌已經病變左,惡性循環之下更加衰,所以要用藥谷行個心同時又要用介入治療幫個心減壓。我後生個心可能可以復原但機會好微。
這一年我做左加個網,加夾,夾細個心瓣。用藥谷,個個星期去診所吊藥。食多種吾同的強心利尿藥,效果吾好食令一種。加上其他藥,藥多到可以當飯食!格一段時間去醫院生電,希望控制心動過速問題,做白老鼠接受試驗治療。成年不是醫病就係養病再醫病!
三星期前檢查,上星期收到好消息! 個心有番三成。雖然醫生講到明係短暫性回復,除時惡化,心依然要換但我好感恩,多謝上天的保佑!我由就黎要排隊非換不可到現在可以拖落去都係上天的恩賜。下次講我做手術同治療的辛酸事。



實用相關搜尋: 醫生 檢查 健康 時間 治療 醫生 檢查

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。