註冊 登入



打印

[港超] 東方開季五戰五敗, 攪邊科?

[隱藏]

大寶兄,今晚入埋會







引用:
原帖由 jacksonlam73 於 2017-9-15 11:24 PM 發表

大寶兄,啱啱係將軍澳睇完,五五波下理文有運險勝
結局差d好似上年一樣 3:3 東方無運






回覆 引用 TOP

引用:
原帖由 jacksonlam73 於 2017-9-16 12:22 AM 發表


大寶兄,今晚入埋會
Good






回覆 引用 TOP

東方係咪好多傷兵
搞到要用徐德帥頂右閘

有預感東方玩埋今季會唔玩或大幅縮皮






[隱藏]
引用:
原帖由 accent55 於 2017-9-16 02:36 AM 發表

東方係咪好多傷兵
搞到要用徐德帥頂右閘

有預感東方玩埋今季會唔玩或大幅縮皮
相信因為要變陣打進攻足球。又自降甲組



回覆 引用 TOP




東方龍獅開季連敗予傑志及和富大埔兩支爭標對手,今晚到將軍澳鬥理文原是非勝不可,惟李志豪上仗領紅被逐,以曾至孝夥拍曹泰根的中堅組合,明顯令東方防線更形脆弱,右閘徐德帥在早段屢遭主隊前鋒利馬衝擊,開賽17分鐘,利馬把握一次反擊機會左路自行推射,葉鴻輝雖撲出,但佐迪補射得手打開紀錄。東方數次以古高為重心製造攻勢,但久久無法追平,完半場前理文終再由小將羅俊仁建功,曹泰根欲出手阻擋皮球入網仍無功,令東方落後2球返回更衣室。


東方易邊後即時換入羅港威及麥基,50分鐘即由古高頭槌建功扳回一球,但2分鐘後又遭理文憑一次反擊,由趙俊傑將比數再擴至3比1。惟這位全場落力箝制古高的中堅,到56分鐘在禁區內因舉腳過高遭吹罰12碼,古高一射入網,這位芬蘭前鋒60分鐘一記笠射幾乎助客軍追平,卻被謝朗軒護空門。東方主帥司徒文俊其後再調入勞高欲加強施壓,但全場甚少甩漏的理文門將陸平中由始至終發揮穩定,他在74分鐘飛身救出沙巴的罰球,到完場前更連環救出兩個必入球,終助理文以3比2擊敗東方,打開勝門。

東龍獅落敗後,看台上球迷罵聲一片,今季接掌帥印的司徒文俊路經之時,不斷以手勢致歉。開季至今始終未能取得任何分數的東方,3連敗後令爭標路更添阻力,翻查紀錄,近4季本地頂級聯賽的冠軍球隊,全季錄得敗仗無一多於兩場,對上一支錄得超過2場敗仗的冠軍球隊,為2012-13球季的南華(4場),惟該季「少林寺」的敗仗集中在最後5輪賽事,當時南華始終保持着榜首優勢,仍處於榜尾的東方必須及時振作,才有望重返爭標行列。為理文打開紀錄的佐迪,認為東方開季接連失利令球隊陷入低潮,其原屬球會傑志的確是聯賽冠軍大熱,但亦強調:「下半季傑志需應付亞冠盃賽事,到時或會令爭標局面有所改變。」


全場多次為理文勇救險球的門將陸平中,賽後一度累得躺在地上,他受訪時笑言比賽末段的確忐忑不安,「東方什麼攻勢都有,十分緊張,幸好全軍紀律性及意志很高,才頂得住對手強攻,今場十分鼓舞!」理文今仗球員平均年齡僅為26.3歲,比東方的29.4歲年輕不少,陸平中認為今仗證明一眾年輕球員具實力:「證明了年輕的力量,我們的華人球員十分年輕,但願意去打拼,到了90分鐘都願意用盡最後一分力贏波,即使對手很多香港隊成員,但我們勝在團結、肯拼搏。」理文班主李文恩即時宣布,今仗向每位球員發放7千港元獎金,期許球隊未來續有好表現。






回覆 引用 TOP

東方上年已經球員年齡偏大了
今年都冇乜改善 如果外援不超班
根本同其他中下游球隊 差不多






引用:
原帖由 yinclassic 於 2017-9-16 12:03 PM 發表

東方上年已經球員年齡偏大了
今年都冇乜改善 如果外援不超班
根本同其他中下游球隊 差不多
東方冠名龍獅後
似乎並無搞下青訓讓球隊持續發展






引用:
原帖由 yinclassic 於 2017-9-16 12:03 PM 發表

東方上年已經球員年齡偏大了
今年都冇乜改善 如果外援不超班
根本同其他中下游球隊 差不多
今年已加左幾件後生兵, 林學A, 羅港威, 少爺仔, 北?祝啦, 可能唔好彩頭兩埸对住今屆最强果兩隊, 打沉咗。



熱門搜尋: 按揭 鋁窗工程 物業按揭 家居保險 地產公司 女傭 interior design

回覆 引用 TOP

[隱藏]
引用:
原帖由 accent55 於 2017-9-16 01:10 PM 發表


東方冠名龍獅後
似乎並無搞下青訓讓球隊持續發展
佢有招考青年軍喎, 不過又唔覺有幾多個可上位, 黃梓浩算唔算?

[ 本帖最後由 大寶二寶 於 2017-9-16 01:21 PM 編輯 ]



引用:
原帖由 大寶二寶 於 2017-9-16 01:18 PM 發表




佢有招考青年軍喎, 不過又唔覺有幾多個可上位, 黃梓浩算唔算?
黃梓浩是東方青年軍出身的
剛在維基睇過港隊U20同U22既球員名單
並無東方球員在內







回覆 引用 TOP

冇左牛丸😩






引用:
原帖由 bb318 於 2017-9-17 12:43 PM 發表

冇左牛丸😩
有牛丸对理文相信唔會全失3分







回覆 引用 TOP



開季連輸三場的東方龍獅今晨在九龍灣公園球場復操,準備周六在社區盃對傑志爭取衛冕,而總監梁守志督操時表示,球隊開季戰績差,但相信球隊實力,現在主要是心理問題,暫無考慮換教練。

力爭重奪聯賽冠軍的東方上周五以2:3不敵理文後,開季三戰三敗,入三球,失六球,目前排在第九位,而總監梁守志今晨如常督操,並強調沒有想過換主教練司徒文俊。他說:「目前主要是信心問題,贏回一場波便可挽回球員的信心。雖然有說贏社區盃在季內難捧盃,但我們不會理會這些,周六定力爭取擊敗傑志,以求衛冕。」沙巴、古高及洛迪古斯三名外援同因傷,今晨未有跟操隨球隊操練。

教練司徒文俊承認,球隊處於艱難時期,惟主要是信心,與攻及守的比重問題,他說:「球員主攻時,球員如何佈防是要檢討及微調,由攻轉守的轉換亦要斟酌,而防守球員壓力大,信心不足,惟仍有些正面情況可看到,最主要是要減少犯同樣的錯誤。」他表示,會在操練時做些心理及舒緩壓力的訓練。



熱門搜尋: 韓國時裝 免費試用 帆布袋 婚紗晚裝

回覆 引用 TOP

[隱藏]


上季最後一場以1-4不敵傑志,無緣衛冕港超聯冠軍。今年東方龍獅重新出發,喺司徒文俊接手之後,再度挑戰港超聯冠軍寶座,點知落筆打三更:先喺揭幕戰以0-1不敵傑志;隨後主場迎戰和富大埔,領先一球之下反敗1-3;上星期五作客新軍理文,以2-3再輸一場。本來被視為爭標份子,宜家就三戰全敗敬陪末席。回顧呢三場嘅表現,其實東方龍獅最大嘅問題係:老化,同埋冇乜變化。


翻查東方龍獅呢三場正選嘅平均年齡,分別高達28.5、29同埋30歲。年齡高本身未必係問題,但係東方龍獅班球員係睇得出真係狀態下滑。先講防線:今季回歸港超,即將35歲嘅李志豪頭兩場都有出現明顯嘅失誤,對和富大埔嘅一次甩腳更導致佢被逐,為落敗埋下伏線;至於新加盟嘅亞援,32歲嘅南韓後衛曹泰根第一場踢陣地戰都仲可以勉強應付傑志嘅盧卡斯,但係迎戰和富大埔,面對迪亞高呢類速度較快嘅前鋒就明顯地比較吃力,喺李志豪缺陣之下領軍防線,帶住曾至孝踢嘅表現同樣一般,以外援嚟講其實真係唔合格。

另一方面,東方龍獅近幾季能夠喺港超居於前列位置,白鶴同迪高呢對防中絕對功不可沒。除咗負責掃蕩之外,佢哋都負責控制中場同比賽節奏。29歲嘅迪高仲值盛年,但係33歲嘅白鶴嘅狀態都開始不如以往,掃蕩有餘但係傳送已經冇以往咁準繩。防線嘅第一度屏障冇咁堅固嘅時候,後場嘅問題就更加暴露於對手嘅眼前。


後防開始冇咁穩陣,咁前場增添新兵之後,又有冇進步呢?以往嘅東方龍獅,係靠勞高串連中前場,配上兩翼 (通常係李康廉、麥基或者徐德帥) 嘅側擊同埋傳中,供應俾單箭頭洛迪古斯或者基奧雲尼又得,自己起腳又可以。呢個進攻模式其實到今季都冇乜大變動。

不過,今季開季嘅東方龍獅就有李康廉同埋洛迪古斯因傷缺陣,左翼同埋單箭頭都要由新兵頂上:不論係羅港威定係林學曦擔任左翼,其實表現都係一般;至於單箭頭嘅古高喺搶點、埋門觸覺上固然銳利,但係佢停球方面唔算突出之餘,比起洛迪古斯同埋基奧雲尼亦似乎更依賴中前場嘅供應;不過傷癒復出,上場正選登場嘅沙巴喺下半場移入中路之後,表現頗為亮眼,有力成為球隊嘅進攻核心。

球隊受到傷兵困擾,球員發揮一般,更大嘅問題係司徒文俊似乎都係照樣用返舊套路,臨場佈陣同埋調動嘅功力亦唔算出色,三場波嘅換人為球隊帶嚟嘅改變都唔大,例如對傑志嘅時候先後換入古高同埋張健峰,前者冇乜高波可以接應,後者傳中嘅機會同樣唔多;對和富大埔嘅時候,踢少一人之後嘅調動同樣顯得進退失據。唯一比較驚喜嘅,就係上場對理文起用徐德帥踢右閘,提升右路嘅助攻能力同埋傳中質素。呢三場以嚟,司徒文俊俾球迷嘅感覺都係依照住以往嘅戰術體系嚟教,不變應萬變,但係球隊表現又不如以往,戰績自然令人失望。


三連敗之後屈居榜尾,東方龍獅當然可以期望李康廉同洛迪古斯
復出之後,可以帶領球隊走出低谷;但係當球隊嘅主力陣容開始老化 (其實好多主將都已經30歲或者更大),狀態開始下滑,而球隊喺踢法上亦再冇突破,咁呢隊上屆嘅聯賽亞軍仲可唔可以繼續喺港超聯力追傑志,迎戰和富大埔、香港飛馬等挑戰者,同時應付亞冠盃外圍賽呢條戰線呢?老實講,小弟真係唔敢睇好。



實用相關搜尋: 香港

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。