註冊 登入



打印

洪朝豐疑患脷癌 交低身後事

本主題由 YanNessIsMe 於 2017-10-2 01:43 PM 移動

洪朝豐疑患脷癌 交低身後事 E-mail 此主題給朋友

[隱藏]



查看相片洪朝豐昨日受訪時表示脷底含膿,現時進食都會覺得痛。更多【東方日報專訊】洪朝豐疑患脷癌,由於他的脷底含膿發炎超過一年,早前被驗出是細胞病變第二期,若病情再惡化去到第三期就會變癌症!已做好最壞打算的他坦言不怕死,並已向兒子交低身後事。
前DJ洪朝豐患抑鬱狂躁症多年,近年靠藥物治療令病情受到控制,生活回復正軌,不過突然傳出他疑患脷癌的消息!昨日他接受本報專訪時,透露舌頭發炎逾一年,經治療後未有好轉,3個月前他在精神科醫生轉介下去看耳鼻喉專科:「條脷愈嚟愈痛,照鏡睇到有膿,範圍又唔係細,我覺得唔尋常!之後醫生幫我做切片檢查,兩個月前報告就話冇癌細胞,但係細胞病變嘅第二期,如果去到第三期就係癌病。」第一次切片檢查後,他的傷口愈合得很好,可是很快脷的傷口情況變差,被黃色的膿覆蓋:「醫生發現發炎嘅地方仲大咗,我都發現感染嘅範圍除咗脷底,同黐住脷底嘅部分牙肉外,脷面都開始痛,佢就建議我做第二次切片手術。」雖然10月16日才出報告,但他指已作最壞打算是脷癌。
驚痛又驚冇得食
問到可會驚死?洪朝豐坦言:「唔會!反正人都會死,我3個月後都58歲啦,又冇乜嘢未做過,生活閱歷都幾多,留戀嘅地方都會有,係愛囉,包括親人同朋友。」又指反而最驚痛及不能進食:「我依家食軟嘅嘢都痛,如果成條脷都發炎點食嘢呢?如果冇得醫,去到最後又會好辛苦。」不過他表示不會「睇唔開」:「我唔會自殺。」
最唔捨得個仔
他謂已向身在英國的兒子交低身後事,稍後會去立遺囑:「當你同個仔講呢啲嘢嘅時候好怪異,但佢好尊重我所有決定,佢表面好冷靜,但都傷心嘅。我都有同佢講,假設有日我離開呢個世界,我最唔捨得嘅就係佢,佢係我最親嘅人。(有咩想同佢講?)三個字,『我愛你』,平時好少機會講。」他亦指希望在病情惡化之前,可以重返做電台DJ,以自己的人生閱歷幫助他人:「我唔知我把聲仲可以維持幾耐,趁我仲有一把靚聲,點解唔發揮吓佢。」
文:音樂組
攝:劉斌

新聞來源連結:
https://hk.news.yahoo.com/%E6%B4%AA%E6%9C%9D%E8%B1%90%E7%96%91%E6%82%A3%E8%84%B7%E7%99%8C-%E4%BA%A4%E4%BD%8E%E8%BA%AB%E5%BE%8C%E4%BA%8B-222029871.html



實用相關搜尋: 醫生 檢查 新聞 藥物 治療 醫生 音樂 檢查

回覆 引用 TOP

[按此隱藏 Google 建議的相符內容]
 



重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。