註冊 登入



打印

撐Eason上節目 捱那英插 楊千嬅愁爆湊仔

撐Eason上節目 捱那英插 楊千嬅愁爆湊仔 E-mail 此主題給朋友

[隱藏]
向來義氣仔女的楊千嬅,上月中為撐老死陳奕迅,出席浙江衛視製作的大型歌唱比賽真人騷《中國新歌聲2》,做Eason幫唱嘉賓,同學員于梓貝一齊合唱〈可惜我是水瓶座〉,唱畢卻慘遭擔任導師之一的那英狠批「狀態有壓力,跟學員一樣緊張」,堂堂一個天后人落面,千嬅當場面有難色,就算有陳奕迅周杰倫打圓場,千嬅依然笑唔出。日前節目出街,千嬅心情再受影響,就連湊仔去生日P,都愁爆冇晒心機!

Eason嗌幫手
連張學友都表態抗拒參加內地歌唱比賽,無意畀人評論,誰知楊千嬅早前就因為畀面陳奕迅而參加內地歌唱比賽節目《中國新歌聲2》,賽畢當眾遭那英狠插,知情者透露:「Eason七月已經參加浙江衛視嘅《中國新歌聲》第二季節目,因為臨近尾聲,早前一集就要4位導師各自帶歌手助唱, Eason就搵咗好友千嬅幫手,雖然千嬅忙緊籌備年尾演唱會,但為撐朋友二話不說就答應。」千嬅演出前,還在lG放相表示「今日大Project」,相當重視是次幫唱演出,當日千嬅同學員于梓貝合唱〈可惜我是水瓶座〉,最終于梓貝被淘汰,千嬅就落得被導師那英批評得體無完膚,原本另外三位導師都講得相當得體,Eason率先畀評語:「這首歌很適合二人唱!」劉歡更表示:「水瓶座很有水平!」,周杰倫亦搭嘴說:「陳奕迅很有誠意,周杰倫就很糾結!」令千嬅即時開懷大笑!但到那英發言:「這個狀態有壓力,跟學員一樣緊張。」全場頓時鴉雀無聲,而千嬅則面露難色。

那英表示同千嬅識咗好多年,但就不留情批評對方!那英一句「像學員一樣緊張」,令千嬅相當尷尬,立即皺晒眉,臉露不悅。

向來EQ爆棚的千嬅,最終亦有同其他導師一齊笑晒結束當晚節目錄影。千嬅友人說:「千嬅本身喺香港有番咁上下地位,喺大陸都有一定知名度,當初應承都係為幫Eason,點知咁樣畀人當面狠批,千嬅返到香港都唔係咁開心,丁生(丁子高)就安慰佢,當係一個節目,做完就算,唔好太上心。」由於12月會舉行個人演唱會,千嬅個多月前已經開始做Gym keep fit,亦跟老師學唱歌。知情者表示:「其實為咗今次歌唱比賽,雖然只係唱一首歌,楊千嬅都好緊張,出發前專登搵唱歌老師練咗兩堂,話晒中國有咁多億人睇住,千嬅好落力!絕對唔係Hea住去!」

節目日前播出街,引起網民討論丶內地媒體又廣泛報道,令千嬅心情再受影響,幸好有唔少網民留言幫千嬅平反。「我沒看出緊張,反而覺得楊千嬅的唱功比那英好得多!」、「那英喜歡假唱,千嬅實力不輸那英!」幫楊千嬅爭番口氣!

節目播完兩日,楊千嬅湊仔去金鐘快餐店出席友人生日P,明顯心情仲係唔多靚,當日老公丁子高坐友人車早一步到達,楊千嬅就同Torres乘坐七人車到現場,一落車楊千嬅就抱住Torres行去快餐店,話晒Torres已經5歲,體重有番咁上下,千嬅仍然唔怕辛苦抱住佢
行,果然係廿四孝媽咪。場內,老公丁子高接力湊阿仔,同其他小朋友一齊玩,千嬅就坐埋一邊食薯條,一派悶悶不樂的樣子,與平日大癲大肺的她大相逕庭,玩了大概兩小時,丁子高一馬當先行先,跟在後邊的千嬅就拖實Torres一齊離開,剛巧遇著落雨,搞到千嬅狼狽皺晒眉,工作人員見狀即刻擔遮護送佢兩母子上七人車離開!

可惜了
http://www.sina.com.hk/news/article/20171006/3/28/60/撐Eason上節目-捱那英插-楊千嬅愁爆湊仔-7989196.html?cf=hp



實用相關搜尋: 楊千嬅 陳奕迅 Eason 張學友 周杰倫 香港 老師

回覆 引用 TOP

嬅嬸不嬲唱得差,係香港人對佢零要求,那姐講真話亦無可厚非

聽過嬅嬸嘅live,明顯唔夠氣,真係好麻麻,喺大陸連參賽資格都未必有






唔否認那英有格衰既一面 但今次佢都係講事實





冇野可以天長地久 遺憾先至刻骨銘心
剛剛睇過片,千fa今次唱得唔算特别差,因為一直都是那個水平

今次唔走音,表現中上都比那姐彈,咁佢以前d live咪仲……

講真,嬅嬸一直都只係次一等嘅鄭秀文,只係香港歌/影迷對佢好包容,難道佢真係以為自己係天后級?……

[ 本帖最後由 hellobuybuy 於 2017-10-6 11:53 PM 編輯 ]






回覆 引用 TOP

[隱藏]
千化一向冇唱功可言. 可能听得無知FANS 啲美言太多, 以為自己真係唱得好.
講真, 佢唔應該去參加呢啲歌唱比賽啦, 陳伊臣都算靠害了.
ANYWAY, 咁樣落一個知名歌手面, 那西都算賤格的了.







引用:
原帖由 doublebird2014 於 2017-10-7 12:15 AM 發表

千化一向冇唱功可言. 可能听得無知FANS 啲美言太多, 以為自己真係唱得好.
講真, 佢唔應該去參加呢啲歌唱比賽啦, 陳伊臣都算靠害了.
ANYWAY, 咁樣落一個知名歌手面, 那西都算賤格的了.
千fa明顯有練過先上嚟,叫做唱得好過以前㗎喇(雖然還未達大陸嘅合格水平),今次那姐真係幾唔俾面


那姐閏蜜菲姐上次唱得仲衰又唔見佢彈






敢上呢個節目,丁太其實都好勇敢





回覆 引用 TOP

提示: 違規內容已被屏蔽
佢識鬼唱歌咩?傻笑爆咸胡胡混混又叫天后.....上去出醜


熱門搜尋: 化妝品 make up 吊線雙眼皮 化妝掃 cosmetic 豐胸

回覆 引用 TOP

[隱藏]
講真佢唔係以唱功或靚聲馳名,但佢在掌握歌曲的情緒方面係有一手,所以佢d小品歌係有dfeel,你比佢d再見二丁目、少女的祈禱、假如讓我說下去之類比那英唱,效果未必會好過佢.

一個人能紅咁多年仲冇乜樣,唔可能全靠運氣同人緣,一定有一d特點吸引人先有人Buy,但依十幾年d人愛一沈百踩,其實真係當昔日聽衆完全無腦.



引用:
原帖由 doublebird2014 於 2017-10-7 12:15 AM 發表

千化一向冇唱功可言. 可能听得無知FANS 啲美言太多, 以為自己真係唱得好.
講真, 佢唔應該去參加呢啲歌唱比賽啦, 陳伊臣都算靠害了.
ANYWAY, 咁樣落一個知名歌手面, 那西都算賤格的了.
千嬅不是去比賽







回覆 引用 TOP

引用:
原帖由 hellobuybuy 於 2017-10-7 12:20 AM 發表



千fa明顯有練過先上嚟,叫做唱得好過以前㗎喇(雖然還未達大陸H合格水平),今次那姐真係幾唔俾面


那姐閏蜜菲姐上次唱得仲衰又唔見佢彈
這樣再看   算不算差????


https://www.youtube.com/watch?v=_ADxF0Izd-0&t=1353s



回覆 引用 TOP

千嬅不嬲零唱功同零演技,佢賣既係image.

那英做人太老實都唔係好事。







啲人為咗幫千嬅出口氣,竟然連千嬅唱功好過那英都講得出⋯ 可笑






回覆 引用 TOP

[隱藏]
其實那英的評語已算溫和,只是說她和學員一樣緊張,換個說法便是放鬆心情便能有好發揮,雖然今季學員的實力被批為歷界最差的,但還是有不少歌藝好過職業歌手、Idol的,差過他們也不用太過上心,如果因為前輩身份對這種事悶悶不樂,便真是有點自以為是了,學學MC Jin。






回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。