註冊 登入



打印

[北京] [少相+個人感受] 第一次跟團~第一次去北京~5日4夜純玩團遊記

[少相+個人感受] 第一次跟團~第一次去北京~5日4夜純玩團遊記 E-mail 此主題給朋友

[隱藏]
小弟旅行係從未跟過團,同時都未去過北京,不過家中長者話想去北京旅行,只想跟團,咁就跟團囉...

跟團最擔心係行程景點會唔會太趕,老人家行得會唔會辛苦,食d乜,會同班咩人做團友....

預左10月尾出發,去前都搵左好多間旅行社資料行程,最後就選左WXXX XX 5天純玩團,行程景點都係想去的,住都係名牌5星級酒店,最緊要貪佢無購物點,純景點入場全包,都問清楚自費活動唔會強逼參加同安排,團費緊係貴d啦,包埋雜費導遊費約6000+ 一位,相對$2xxx果d係貴好多,不過算啦,個團遊得開心就OK啦...... 咁就碌完卡等出發啦!~

[ 本帖最後由 fingerROLL 於 2017-11-22 11:17 PM 編輯 ]



實用相關搜尋: 北京 旅行 酒店 名牌
DAY 1
香港飛北京,坐「因航」,天未光5:30就要去到機場集合....團友約30人






回覆 引用 TOP

出發......無乜太大delay,謝天謝地....






回覆 引用 TOP

飛機餐呢,有中西式兩款,味道呢....都係一般飛機餐水準掛....







[隱藏]
到lu,去程兩個幾三個鐘內就去到北京....第一眼見到心諗,死啦,個天咁矇,會唔會連個天都唔鍾意我,5日都會係咁? 呢d就係聞名已久H霧霾? 當係第一個景點



[ 本帖最後由 fingerROLL 於 2017-11-14 11:39 PM 編輯 ]



實用相關搜尋: 北京

回覆 引用 TOP

北京機場好大,都幾靚....
落機天氣唔算太凍







回覆 引用 TOP

第一站去邊? 導遊話驚我地餓同攰,原本係晚餐,就改為午餐....咁晚餐呢,行程DAY 1 寫只包一餐,所以晚黑就要食自己啦~ 咁午餐食乜?就係車左去一個附近好多爛地地盤類似會所H地方食私房菜,味道呢....我對食要求唔高,但係唔好意思,我真係覺得麻麻地,我無跟過團唔知團餐一般係咪都係咁.......有d似酒樓員工用膳feel,同檯團友用 "碟野有色無味"&"唔知乜菜"來形容.....我都無心機影,好驚之後幾日都係食呢d.......






食完lunch去鳥巢,係我一個都幾想去的一個景點,基本個團包哂入場,行哂鳥巢入邊可以行的地方,鳥巢頂條步道,唔錯H~ 可惜有霧霾,如果唔係應該會更靚~










回覆 引用 TOP

遊完鳥巢都天黑,就車我地去王府井大街自由活動+ 自費晚飯,,其實得個幾鐘,一解散就要即刻搵地方坐底食野,有選擇困難H人要決斷d啦......食完想行陣都其實無時間......


[ 本帖最後由 fingerROLL 於 2017-11-14 11:42 PM 編輯 ]



實用相關搜尋: 食野

回覆 引用 TOP

[隱藏]
呢5日行程食咁多餐,我覺得最好食就係呢餐自費晚餐 ,係商場入邊是旦入左間食肆,原來食台灣野,不過又幾好味,又飽肚,同埋都唔算貴...叫左個紅燒牛肉麵,餃子,豬手,好似HK$150左右.....




實用相關搜尋: 台灣 商場

回覆 引用 TOP

食完坐車返酒店,好攰好眼訓,個個都好攰同好眼訓,問題黎啦,就係個個都好攰同好眼訓H時候,最精神H導遊就提出一連三晚參加精彩自費活動H提意,三晚自費活動每位$HK250,咩自費活動呢?一晚睇功夫熊貓,一晚坐車夜遊長安大街,一晚就車你地去睇水立方鳥巢夜景.....

佢話機會難得,好希望個個都參加,團友唔想參加呢? 點安排?係無講H....

幾時要決定同俾錢呢?就係而家~~~~ 即刻決定同收埋錢,導遊句野講完就已經行埋黎收錢,好似預你要參加,係好攰同好眼訓H情況下,大家岩岩識又唔熟,無時間商量,大部分團友都乖乖參加,當然都有團友詢問同唔想去,最後導遊都係話,個個都去呀....去啦去啦.....有較強硬H團友話唔去,導遊一句: 返酒店再同你地私下講......

當然,最後都係全團友都參加左呢set自費活動,最後果兩日都引發到部分團友H不滿(之後再講)

***講明導遊係無好強硬逼我地參加H........

[ 本帖最後由 fingerROLL 於 2017-11-15 12:30 PM 編輯 ]



實用相關搜尋: 酒店
終於返到酒店,凌晨3點起身,到呢一刻終於有得抖下,其實返到酒店都係8點左右,不過因為太攰啦,想出去行下都無力,算啦,聽日至出去行下....

我地住係JW Marriott,房好大,好靚,我平時自由行住開d商旅,基本對我來講呢度簡直係無得彈架啦!  “住” 呢方面,我覺得係呢個團最滿意H地方!!!!! 








實用相關搜尋: 酒店

回覆 引用 TOP

先支持

第一天晚歺已被掉包,希望行程冇走樣噶







引用:
原帖由 weisacmei 於 2017-11-12 08:55 PM 發表

先支持

第一天晚歺已被掉包,希望行程冇走樣噶
其實第一日同之後行程都有互相調動, 係咪都係正常? 同遲左去一個景點入唔到場 (最後都有去返)







[隱藏]
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。