註冊 登入



打印

[遊記分享] [已完成]獨遊首爾3日2夜 - NaRi公園、天空公園、仙遊島公園、龍馬樂園 香討焦點

[已完成]獨遊首爾3日2夜 - NaRi公園、天空公園、仙遊島公園、龍馬樂園 E-mail 此主題給朋友

[隱藏]
一星期前臨時決定去首爾,坐UO住明洞旅舍,呢間我住第二次啦
今次去係hea遊同睇風景影相,所以無買行李

坐2345機,20點15就拎左wifiBB,坐左成個鐘等check in,之後急急腳入lounge食野





食到10:45就拿拿林拎支水就去閘口
去到坐左一陣就開始登機



準時起飛,早左降落,好快過晒關就走得(無行李),搵個位坐低拎返件大褸出來,執返好d野去埋個廁所,就可以搭頭班地鐵(最終搭左第4定第5班)




無人搭地鐵




我一落機就直接去第一個景點- 楊州nari公園
上網睇話有粉紅色芒草,但係我呢個時候去可能無晒,所以都係搏下
又係搭去楊州果陣地鐵無人
搭到去月溪站,先知呢班車到總站,我出左列車,企左係度唔知點,無人係月台得我一個



企左3分鐘到,不斷食風,凍到震晒,之後搵到個指示牌,行返過對面搭下一班。下一班車總站就係楊州。
2號出口出去過對面馬路搭80號巴士,係漢陽秀自人公寓3落車,一直向上行就到了nari公園。





我開住個naver map實時定位,因為太早無人搭車,狂飛d站,我搵巴士睇站名都係用 naver map,但比較適合識韓文既人用,因為介面全韓文。

[ 本帖最後由 Holicaa 於 2017-11-14 09:58 PM 編輯 ]



實用相關搜尋: 旅舍 行李 食野 廁所 地鐵 影相
到了nari公園
有條路比你行入去,但左右兩邊先係d花草
行入去係公共高爾夫球練習場同塊牌扁



到果陣先係韓國時間8點半,d花草同設施、地下都結左層霜


不過我黎得有d遲,已經唔靚了,好多芒草都謝左,or紮起左,波波草都得返1隻色,粉紅色芒草都唔吸引了









回覆 引用 TOP

不過都仲有少少紅葉睇















回覆 引用 TOP

因為獨遊,我就自己set腳架自己影,都影左500幾張相,但個公園入面有好多阿珠媽晨運,望住我自己擺pose影相,一開始好尷尬,之後就習慣了。
影完之後,行返去落車既對面,搭返對頭車返楊州站。
之後就去建大common ground影相,6號出口直行就到

去到好多女仔同情侶影緊相,又係得我一個人,重覆再set腳架影相















回覆 引用 TOP

[隱藏]
支持遊記






回覆 引用 TOP

影完相已經1點,就返去酒店附近食野,本身係香港都病病地,黎到首爾溫差太大,又唔夠訓,開始流鼻水,所以就去左食本粥,呢間係明洞

粥對韓國人黎講係病左先會食,果然上到去唔洗等位,入面一半既人都係病左既 而且都係自己一個黎食

叫左海鮮粥


但無d人講到咁好食,由頭食到尾都係同一隻味,麻麻地,而且正當我想夾塊泡菜時,發現有隻蟲係入面爬緊 而且室內不停有唔知蚊定烏英飛黎飛去
一路食一路玩手機,食到2點半,差唔多旅舍可以check in就埋單走人






旅舍對面就係7仔,買左香蕉奶 1300won/1 (夜晚係明洞另一間7仔發現有2+1優惠)



我間野係皇家酒店隔離既商廈入面,上到去只係2點40分,但已經可以check in,我訂既係2人房,2張單人床,點知佢比左4人房我,對於我自己一個住,間房真係好大,好空虛呀

下次都會繼續住返呢間,我幾鍾意,前台英文勁好










Settle好之後就訓到6點半,好攰呀

[ 本帖最後由 Holicaa 於 2017-11-13 09:18 AM 編輯 ]






支持獨遊!
我10月中都獨遊完返來, 同你一樣都帶左支腳架影相, 起初真係好尷尬,唔敢擺 pose, 之後慢慢習慣左,只係想影既景,總係唔滿意.






60106 *^^*
之後請前台幫我訂炸雞做晚餐,本來想食橋村炸雞,點知佢唔送,明明上次住呢道都送黎,之後前台推薦我試下劉大神代言既nene炸雞,佢推薦我食芝士味,原本18000won,我加多3000won要全雞腿
我第一次黎韓國時食two two炸雞,以為好似爺爺咁d肉至少唔鞋,點知一食落又乾又鞋,所以自此只會叫全雞腿。
等左40分鐘,外賣哥哥直接送去我房門前


果然無期望就唔會失望,所以我失望乜,21000won原來得咁少


橋村平過佢,而且真係勁多勁大盒,我果次3個人食先勉強食完
今次我覺得我會唔夠飽,於是落去明洞大街買紫菜包飯
經過7仔見到蟹膏醬飯團,買左1個




去浪漫食堂買,又係每次黎都會買呢間,唔去遊客鍾意去既天國
佢呢間d野食款式多過天國,但無人介紹佢
係即叫即包即炸,所以等左10分鐘,但d餡係多到爆

炸豬扒: 4500won

金槍魚:

唔知自己發咩癲買2條,當然食唔晒
惟有留返做聽日早餐
返到房,沖涼,洗衫乾衣,就開始食野了
但係,我食淨一舊雞腿就飽了,我太高估自己食量
所以2條飯捲都要留聽日食
食完玩陣手機就訓了,唔夠訓到頭痛

[ 本帖最後由 Holicaa 於 2017-11-13 09:27 AM 編輯 ]



實用相關搜尋: 韓國 食野 外賣 沖涼
[隱藏]
今日訓到岩岩9點幾起床,因為住果度每日都有提供早餐0830-1000,梳洗之後都快0950,衝出去斟杯牛奶。通常9點半前d野食就會食到7788,有橙汁牛奶咖啡機、3合1咖啡粉、粟米片、雞蛋麵包、火腿芝士、果醬牛油、沙律醬、杯麵等等
上次住果陣試過搽左牛油落麵包先,之後放多士爐,再放火腿芝士沙律醬,同isaac既味差唔多係少咁d菜




食完把d碟放入洗碗機就得







支持下先!






回覆 引用 TOP

多謝樓主分享, 獨遊正呀






引用:
原帖由 kinrei 於 2017-11-13 09:11 AM 發表

支持獨遊!
我10月中都獨遊完返來, 同你一樣都帶左支腳架影相, 起初真係好尷尬,唔敢擺 pose, 之後慢慢習慣左,只係想影既景,總係唔滿意.
係呀,無乜人都還好,我去到common ground勁多人,仲要d人自動排隊等位影相,到我影果時,一炸等緊影相既人望住我㩒制、跑過去、擺pose,狗衝返去腳架,不停重覆
果種感覺真係要試過先知







引用:
原帖由 401 於 2017-11-13 09:42 AM 發表

多謝樓主分享, 獨遊正呀
我第一次即興獨遊,其實不時都覺得幾寂寞,無人陪我講野,因為我都係成日講唔停口既人黎



熱門搜尋: 女傭 interior design 家居保險
[隱藏]
多謝分享! 我都過一日會出發獨遊(撞上個幾日有寒流。。。。


熱門搜尋: 銀行估價 旅行保險 私人貸款 財務公司 股票即時報價 醫療保險 信用卡迎新禮物2014

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。