註冊 登入



打印

[其他] IT宅男賀歲獨遊雲南高鐵之旅11天 (已完成,新增旅遊行程,索引及純影集相簿)

IT宅男賀歲獨遊雲南高鐵之旅11天 (已完成,新增旅遊行程,索引及純影集相簿) E-mail 此主題給朋友

[隱藏]
各位師兄師姐們好!我新年放11天假,由初一放到初十一,初十二先開工,一個人膽粗粗用鐵路12306 apps 搶到去程初一早0758班次車由深圳北站至昆明南站(約7小時車程);回程搶到動車初十一12:24班次車由昆明南至廣州南站(約8小時車程)。

第一次去雲南旅游,仲研究梗行程系點。之前一個人去過上海,廣西南寧玩,我中意飲飲食食體驗當地文化風俗咁!但系時間得11日會好趕嗎?

~~行程完成~~



旅行完成後,行程總結如下:(文尾按xxx#連結可以直達到該頁該天行程內容)



第一天 16/2:早上0758深圳北至昆明南,到昆明南約3pm,坐地鐵去昆明火車站約4pm,在火車站附近逛下,等夜晚通宵火車去河口。261#



第二天 17/2:早上0600到達河口火車站,坐公交車去市區,先去食越南早餐,食飽再同早餐檔認識貴州小肥哥一齊打的去越南城,先去漢京酒店羅房,再一齊去巡下齊齊食越南菜,食飽返酒店訓飽,晏啲肚餓又去食越南菜。324#



第三天 18/2:依舊係河口漢京酒店住,去越南城食越南菜食上癮了!347#



第四天 19/2:中午退房,坐車去河口城區食午餐後,閑游加越式洗頭,然後坐火車去蒙(1個鐘車程),出站坐車去南湖公園市心行一陣,再坐車去附近美食街羅房,羅房後去美食街食特色燒烤後,市區巡一下就回酒店休息。415#



第五天 20/2:朝早火車去昆明,一到步就去火車站附近七天優品酒店羅房,羅左訓一陣,訓醒去食過橋米橋,然後去左兩間摸摸舞廳玩,玩到十一點幾就打的返酒店訓。433#



第六天 21/2:訓覺先食過橋米線午餐,食飽坐公交車去翠湖公園睇同喂紅嘴鷗加影相,然後去附近雲南大學校區體驗一下當地文化氣息,睇完就去百滙電腦手機圈及南屏步行街逛下,夜晚就去火車站附近舞廳玩摸摸舞,玩完就打的回酒店休息。439#



第七天 22/2:中午坐雙層火車去麗江,到時約下晝六點,坐公交車去到古城南門,先入古城巡一下,行到北門再去七天酒店羅房,羅完房去食過橋米線晚餐,食飽就入去古城閑巡,去酒吧街體驗下當地風情,再去附近七星街步行街行下,行累了就打的返酒店訓。467#



第八天 23/2:訓醒到中午,入古城旅行社報去拉市海團,先食米線等到下午兩點出發去,去拉市海先騎馬後參觀東巴文化展館,再去湖邊划船,玩完坐車返麗江古城,先食米線晩餐再返酒店睡,約左川妹子十點半去附近電影院睇捉妖記2,睇完戲佢返屋企就返酒店訓。499#



第九天 24/2:訓醒打的去麗江客運站買了12:00去瀘沽湖旅游大巴,先食飯夠鐘去坐車,約下午五點到瀘沽湖客運,先去客棧羅房,羅左房就出去食烤魚晚餐,食完去超市買啤酒及小食,同棧友一齊睇電視飲啤食小食咁,之後就早啲訓,等凌晨四點起身去睇星空。542#



第十天 25/2:凌晨四點出去瀘沽湖大洛水碼頭邊睇星空影相,等到日出又影相又拍視頻,然後去食早餐,食完早餐約包車師傅,拼車去環湖遊景點,玩到下午一點,就去食摩梭燒烤,食飽嘆咖啡,等到差唔多就去客運站坐三點出麗江大巴,約下午七點到麗江古城南門,係附近食烤魚晚飯,食完棧友就坐車去火車站趕去大理火車,我就閑逛古城,等差唔多時間就打的去火車站,坐夜晚十點半通宵火車去昆明。599#



第十一天 26/2:朝早九點到達昆明火車站,先食飯後再閑逛下,十一點坐地鐵去昆明南站,坐中午十二點半高鐵去廣州南,到廣州南就轉地鐵去廣州東南買和諧號飛落深圳,去到只買到00:16火車票,去到深圳約01:35,見咁夜就係火車站附近七天酒店開房訓到明天中午退房,食完午餐先經羅湖口岸返港,完成十一天雲南之旅!627#


新增純影集google分享相簿
20180216-18
https://photos.app.goo.gl/dbuRzO7YenE7j27h2



20180219-20
https://photos.app.goo.gl/09XFHzuRMYnUl32I2


20180221-23
https://photos.app.goo.gl/TwkgY9S3yDGK7Qfy2

20180224-26
https://photos.app.goo.gl/PzVoPUJDs6zDXGRj2

[ 本帖最後由 kcchim9037 於 2018-2-28 11:46 AM 編輯 ]



實用相關搜尋: 上海 旅行 酒店 大學 電影 行街 google 電視
趕唔趕係睇你打算去幾多個地方啊


熱門搜尋: 物業按揭 牛熊證 私人貸款 財務公司 估價物業 保險 汽車保險
引用:
原帖由 withorwithoutu 於 2018-2-13 09:58 AM 發表

趕唔趕係睇你打算去幾多個地方啊
我打算去昆明玩2天,再去麗江,然後去西雙版納,有時間過磨憨口岸去老撾玩。






有冇人有興趣一齊結伴同行?
我有內地駕駛證同內地渣車自駕游經驗。可以到昆明時租車自駕游。



實用相關搜尋: 租車
[隱藏]
呢度好似好冷清!唔通個個放晒假,返晒內地旅行?


實用相關搜尋: 旅行
你擺低行程,大把人幫到你指點
呢度不嬲唔幫伸手黨
http://www.discuss.com.hk/viewthread.php?tid=26680501&extra=&page=1
或者睇下呢位豬兄既遊記,都算最UPDATE

你11日,去到好多地方啦,唔去雨崩既話夠你去麗江>瀘沽湖>香格里拉/大理啦

老實講,西雙版納垃圾來,去完後悔

不過2月去雲南你預風景唔係你想像中咁

[ 本帖最後由 小寶寶999 於 2018-2-13 12:10 PM 編輯 ]







好!
亞亞豬再度出塲

樓主
搭飛機可能更便宜



熱門搜尋: 髮型 頭髮造型 shampoo 護髮 增髮 甩頭髮
引用:
原帖由 weisacmei 於 2018-2-13 12:31 PM 發表

好!
亞亞豬再度出塲

樓主
搭飛機可能更便宜
樓主可能都係一個鐵路迷






玵就另忘記雙層列車往麗江噶


熱門搜尋: 地產公司 洗碗 兒童傢俬 interior design 漏水 保溫袋 梳化
[隱藏]
引用:
原帖由 小寶寶999 於 2018-2-13 12:08 PM 發表

你擺低行程,大把人幫到你指點
呢度不嬲唔幫伸手黨
http://www.discuss.com.hk/viewth ... p;extra=&page=1
或者睇下呢位豬兄既遊記,都算最UPDATE

你11日,去到好多地方啦,唔去雨崩既話夠你去麗江 ...
謝謝寶寶師兄相助!感激不已!
我會好好參考一下!







回覆 引用 TOP

引用:
原帖由 weisacmei 於 2018-2-13 12:31 PM 發表

好!
亞亞豬再度出塲

樓主
搭飛機可能更便宜
謝謝你回帖!豬豬師兄出場?
我查過飛機票好貴,8-900蚊嘅航班好夜去到都凌晨,靚時段系超貴!







回覆 引用 TOP

引用:
原帖由 asa2010 於 2018-2-13 12:47 PM 發表




樓主可能都係一個鐵路迷
你好叻估中左!我中意一路坐高鐵火車一邊欣賞美景!







回覆 引用 TOP

引用:
原帖由 weisacmei 於 2018-2-13 12:48 PM 發表

玵就另忘記雙層列車往麗江噶
請問系咩黎架?你指系昆明火車站去麗江嘅火車嗎?







回覆 引用 TOP


雙層臥舖,買小見小
豬豬遊記會提及







[隱藏]
正呀!我勁想坐!請問要買邊班次火車先有?謝謝!






回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。