註冊 登入



打印

[遊記分享] 大阪超額hea 遊初體驗 (已完成) 香討焦點

大阪超額hea 遊初體驗 (已完成) E-mail 此主題給朋友

[隱藏]
對我黎講, 旅行嘅野平有平去, 貴有貴去! 買到平機票就一定要去
貴機票就留比同家人一齊去!

咩叫平? $1000以下全包嘅機票算平掛!
$22xx 7D6N 住宿連機票算超值掛!
點解咁平?無錯,因為坐無水飲航空囉值唔值得搏?咁就見人見智了!

大阪的確好好買! 食野其實比香港平!
一、二月買野抵過淘寶寶

1455 HKG —> 1930 KIX
排隊入境, 買返張icoca搞下搞下已經8:40pm, 之後坐難波急行出市區。

頭二晚住西大橋, 第一次挑戰airbxx,


其實係幾靚,可惜暖氣唔夠, 被又唔夠,就算有兩張床最後都要孖鋪瞓, 廁所渠味好重下。

去到民宿都成10:30pm, 放低行李就出去
覓食, 起附近有間連鎮餐館, 成set 咁叫, 味道唔錯又抵食! 仲有白飯放題











起香港呢d dinner set 絕對要過百!

食飽飽但想行下街, 所以我地去左附近嘅濕平小聖地∼ Lawson!

話說呢間Lawson 真係平(後尾先知唔係間間都咁平)! 成間店8-9 成野都係¥100, 令我又驚又喜!


以下全部100円@, 1000ml嘅菠蘿汁(其實係菠蘿水)都係100円, 真係O 左咀!







食埋呢d 高糖催眠藥, 第一日就完結了!

[ 本帖最後由 liya 於 2018-2-17 02:07 PM 編輯 ]



實用相關搜尋: 行李 旅行 買野 食野 廁所 香港
其實冇水飲公司比左好多機會香港人可以平平地都出到去旅行....
當然啦,有人試過比佢地DELAY,又或者天氣情況而CANCEL航班...
其實,我14年都因為颱鬼+壞機,所以由2220飛機變左第二朝0950先正式出發到
不過你問我嬲唔嬲?我唔會嬲,因為我都係物流業,又做過服務業,又做過同機器,天氣有關的工作,我深明天氣影響,航機情況的影響,為左自身安全,DELAY總好過在危險下出發。
另外,CANCEL航班冇機返香港,都要明白,別人仲有其他航班,如果有問題,就應該早早申請保險,我14年的DELAY就賠償了整個行程的保險費用了。有保險買其他機票回港應該都沒有問題(我覺得吧)。
可能有人覺得冇水飲航空令更多人能夠外出而不滿,請你繼續支持高級航空。其實都係坐飛機,我不介意有沒有甚麼服務(我是服務業的),我只要到達目的地就好。

講返正題,我去年八月訂了十二月大阪十日來回,冇水飲公司,兩個人來回加行李HKD1800
之後計返酒店,車費,行程
最後兩個人十日只係使左16000左右(9晚酒店,四國,大阪,京都十日)
每人最後只係8000蚊左右,冇咩SHOPPING,集中景點,全包,算是便宜了

另外值得一提是,本來我訂的航班是1555 - 2020大阪
最後冇水飲公司更改成0950 - 1300,變相仲多左半日時間

真係睇大家好唔好彩了



實用相關搜尋: shopping 行李 旅行 酒店 保險 香港 機器
Day 2:
大阪城—>天守閣—> 鶴見outlet


大阪地標, 到此一遊!
其實唔去無損失, 就算比¥600 上埋天守閣都唔覺多野睇! 外圍睇都ok 了







護城河週邊有好幾間小食車, 價錢唔太貴, 咁凍嘅天氣食下熱野都唔錯!
4味小章魚燒, 一次食哂4種味!



行左個幾鐘, 實在太早了, 所以行程改一改, 去埋鶴見outlet!

鶴見規模相對細, 得6x間店鋪, 貴少少嘅牌子得Coach 咁大把! 可能二月頭仲有少少一月大減價嘅貨尾, 所以d 衫都好抵買!

靚毛毛中長嬲, 原價千幾, 折完都七百幾, 因為得返display, 打算放棄, 但佢地自動幫我keep左起counter, 當我比錢時同我講而家買兩件貨有多20% off, 又免稅, 折完$5xx, 因為鐘意同因為呢個價所以說服到自己要呢件display!
而另一件衫衫就made in Japan, 特價賣緊¥1000,再有20%off, OMG! 唔係嗎!!
就算唔岩著,轉送朋友都要買呀!
而件黃色厚實披肩都係特價¥1900, 比香港買仲要抵!




而唯一嘅名店Coach, 都係抵,大部份袋款都有40-50%off, 再30% off, 當聽到職員咁講時, 真係真係即時look 大地眼問佢: really?!
(Sorry, 我真係唔知outlet 係咁抵
最後買左一個袋同一個散紙包比媽媽! 等佢新年可以靚少少! 而兩樣野加埋都係HKD$18xx 咋! 雖然我唔知個staff 係特登定無意, Rinku outlet coach 買兩件貨係會再多10%off 的, 但呢間無計到比我, 但算啦, 佢地都好nice所以都唔太介意!




而呢度都有Vans, 價錢都好平, 但超抵買嘅款好多都斷碼了!

如果你一定會去臨空城outlet, 未必一定要黎呢間outlet, 因為呢度有嘅品牌,Rinku 大多都會有!






引用:
原帖由 light_lei 於 2018-2-15 01:28 AM 發表

其實冇水飲公司比左好多機會香港人可以平平地都出到去旅行....
當然啦,有人試過比佢地DELAY,又或者天氣情況而CANCEL航班...
其實,我14年都因為颱鬼+壞機,所以由2220飛機變左第二朝0950先正式出發到
不過你問我 ...
無錯, 可能我搭過好多次無水飲去日本同韓國, 好彩地未試過cancel 或 嚴重delay( touch wood), 所以無憎恨(請大家手下留情唔好咀咒我, 我唔想試)

因為我本身多假,而且經常獨遊所以廉航對我黎講好重要, 我宗旨始終都係同家人出遊就唔會省,一定要坐傳統航空比媽媽舒服d, 但自己一個又有咩所謂呢, 我寧願機票省d 但可以食得好d 買得多d了!



實用相關搜尋: 日本 韓國 旅行 香港
[隱藏]
hea 遊so free


熱門搜尋: 減肥方法 抽脂 美白精華

回覆 引用 TOP

引用:
原帖由 liya 於 2018-2-15 12:55 AM 發表

對我黎講, 旅行嘅野平有平去, 貴有貴去! 買到平機票就一定要去
貴機票就留比同家人一齊去!

咩叫平? $1000以下全包嘅機票算平掛!
$22xx 7D6N 住宿連機票算超值掛!:smile_4 ...
lawson 100



實用相關搜尋: 旅行
thx n support


回覆 引用 TOP

引用:
原帖由 liya 於 2018-2-15 02:06 AM 發表


無錯, 可能我搭過好多次無水飲去日本同韓國, 好彩地未試過cancel 或 嚴重delay( touch wood), 所以無憎恨(請大家手下留情唔好咀咒我, 我唔想試)

因為我本身多假,而且經常獨遊所以廉航對我黎講好重要, 我宗 ...
啱,一兩个人可以老廉,一大班人最緊要稳陣






回覆 引用 TOP








回覆 引用 TOP

[隱藏]
支持分享~
各人有各人選擇
我覺得買左就唔好嘈~保險呢D 就實要買啦



實用相關搜尋: 保險

回覆 引用 TOP

Day 3
大阪—>京都錦小路—>無法想像低價guest house
—>社區澡堂—>地道串燒店

11am 自助式check out 後就落左心斎橋寄存行李, 之後就搭鐵路落京都, 但今次落車點並非京都站, 而係烏丸站, 因為無行李跟身,打算行完錦市場、四條町呢d 商業街先返guest house



錦市場內嘅商店大同小異, 整體感覺同雷門附近嘅商店街好似。




又係商店街內的小神舍



要行嘅要買嘅都做完, 本身有plan 去埋附近嘅清水寺, 但而定修葺緊又唔想諗交通, 所以同自己講下次黎京都先再去。

出發去我地期待已久嘅guest house 啦, 雖然佢係guest house 要share 廁所, 但因為用超超超抵價訂返黎, 呢個意想不到嘅價令人好期待

公用大廳, 好整潔,仲有免費腳部按摩比住客用!






呢間就係我地嘅standard triple room, 一共可瞓到三人, 就算二個人入住都ok, 一兩晚當體驗下, 如果住3-5晚就辛苦d。 但房間好整齊乾淨, 用咁嘅價二人入住真係覺得好對唔住老闆!





因為呢間guest house 位處住宅區, 附近無野行, 所以決定去感受當地風俗!

澡堂洗白白!



家庭式澡堂, 黎嘅都係大媽同婆婆, 見到兩個白痴入左黎, 佢地好nice 咁教我地要點樣做!
入面就影唔到嫁啦, 睇下出面感受下啦!





實用相關搜尋: 行李 廁所 按摩

回覆 引用 TOP

浸完浴成身暖笠笠,食埋返先返guest house.
附近食店唔多,聞到呢間香噴噴就入左去! 細細間但職員都好nice, 仲有中文menu!







串燒每款兩串起跳, 每串~HKD$1x-2x





大大粒扇貝, 真係好大粒!




串燒老闆好有笑容!




食埋甜品就返去安睡了! 呢款好好食, 上次起東京都食過, 鐘意食cream cheese 嘅要試試!



點解人地嘅Godiva 賣咁平, 香港要賣咁貴?!



實用相關搜尋: 香港

回覆 引用 TOP

Day 4
一早check out, 由guest house 出發到嵐山站都只係12mins 車程, 再要行20mins 先坐到小火車

途中經過竹林, 行下影下20mins 好快過





只可惜, 功課做唔足, 搭唔到小火車, 嵐山都上唔到, 好彩呢d 季節嵐山都無咩景睇,咁就留到下次睇紅葉時再坐啦!




既然無野睇,一場黎到就比錢入去大莊園行下, 講真呢個莊園無咩好行!






出返大街,商舖街又再出場, 好多雪糕店、食店、手信鋪! 途中無點影相!

一路行好快就到渡月橋——無水嘅渡月橋











回覆 引用 TOP

就係咁, 我就完成我兩日一夜嘅京都行,出返大阪了,亦展開了令人失望的滋味行!






因為友人太餓, 一出梅田車站就是但搵間野食,就咁就出事了, 一d 都唔好食! 肉被遮住哂, 當然份量亦唔多, 味覺亦不佳, 白白浪費了肚容量




之後拎返行李入住新民宿,整下執下就到時間食晚餐了! 今晚決定食燒肉! Google 一下, 見呢間好多人食就行過去, 可惜~~~~~~~

呢間燒肉店鐘意將肉細刀細刀切開哂,印象已差左, 味道亦都唔吸引! 好彩早到,等左一陣就入得, 當我地食完已經有十幾廿人在排隊! 好實在名過其實, 之後去另一間燒肉店仲好, 味道比佢好, 價錢比佢平!










實用相關搜尋: 行李 google
[隱藏]
DAY 5
Rinku Primium Outlet

呢個outlet 真係好好買! 本身打算最後一日出機場時先去嘅, 但好彩無咁做, 因為最後先去一定唔夠時間濕平!

我地由 12noon 行到8pm 關門都未行哂! 好多舖頭都有大特賣,跟指示拎定coupon book, 查實係無用, 因為唔出示好多店舖都已貼哂出黎!






圖中嘅上衣、裙好大部份係as know as, olive des olive, 但重點係∼∼∼∼¥1000@, 都咪話唔O咀!



Godiva 禮品袋,HKD$2xx 有咁多樣, 好抵,臨走果日再去已經無哂啦!



Chocolate bar 起香港賣緊$40-50, 而呢度只係賣緊$28 , 而小包小包Godiva 都係¥500/5粒, 比香港平好多!




呢間coach 有得賣嘅, 鹤見果間未必有, 呢度買2件仲多10%off, 以呢件貨為例:原價40%off
—>再30%off—>買是但兩件再多10%off 🤦🏻‍♀️🤦🏻‍♀️
Coach 絕對係出血之選!






Outlet 關門後就起出面食埋飯先返市區, 呢個二人餐, 兩個女仔真係食唔哂! 日本嘅炸物真係好好食!



Rinku outlet 真係值得去,2-3 個鐘完全行唔哂, 如果臨返香港前先去,你或著會帶著遺憾返香港

[ 本帖最後由 liya 於 2018-2-15 04:43 PM 編輯 ]



實用相關搜尋: 日本 禮品 香港

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。