註冊 登入



打印

[香港] 果欄中的江湖大嫂 - 惡人菊的人物原形

果欄中的江湖大嫂 - 惡人菊的人物原形 E-mail 此主題給朋友

[隱藏]
果欄中的江湖大嫂 - 惡人菊的人物原形
https://youtu.be/_Vc-yWn-ugo

老公懶 頂硬上做咕哩
琼姐生長在大家庭中,家有八兄弟姐妹,排行中間,父母重男輕女,認為女孩子不用多讀書,琼姐只讀到中一,從小嚮往獨立生活。「細個想早啲離家,就係結婚,當年18歲結婚,算是早婚,父母很反對,因為男友做『咕哩』,覺得佢冇前途,跟佢要捱苦。結婚初期,我留喺屋企煮飯湊仔,後來,丈夫接手做車隊,開始做果欄,佢懶成日唔開工,啲客嘈,我惟有頂硬上。果欄運輸工作一年365日做足361日,只在過年初一至四放假,十多年前更只放年初一一日,因為街市水果檔要有貨做生意,若果不長期維持送貨,又怎留得住客?手停口停。」
琼姐一做就做了三十多年,果欄是男人的天下,像琼姐做「咕哩」的女性只有兩三個。「為咗『搵食』,初初入果欄真係唔慣,辛苦都唔怕,返屋企咪捽藥膏,係個個男人一出口就係粗口,又要睇眉頭眼額,頂唔順。當年果欄又有賭檔、成日有人打交,好亂,依家好好多,處處都裝了閉路電視,行家有秩序,車仔唔會有碰撞。」初入行不久,琼姐曾經放棄,轉行做酒樓,但最後又回到果欄。「做果欄凌晨四五點出門,做完回家只係八點,細路仲瞓緊,我返嚟可以繼續湊佢哋,唔似酒樓做足十幾個鐘。講辛苦,當然係做果欄辛苦好多,但冇辦法。」
老公包二奶 啞忍十幾年
不要看琼姐個性硬淨似男人,在家中,她是典型的婦女,為了孩子、為了頭家,明知老公包二奶,也啞忍十多年。「前夫後來沒做運輸,做果欄批發,經常到內地做生意,十七、十八年前開始包二奶,佢講過話解決問題,唔要個女人,我一直知道唔對路,但冇出聲。我哋好少嘈交,一有問題就鬥唔出聲。當時心態係唔想離婚令頭家散,又唔想俾屋企人睇死,始終係我自己揀。直至五年前,個女人申請來香港,就連個仔都十八歲,我真係要面對問題,就要求離婚。」她回想當初自己逃避現實,早早解決問題就不用蹉跎歲月,令憎恨愈積愈深。

[ 本帖最後由 Eva_Ju 於 2018-3-10 03:09 PM 編輯 ]進入香討影片區



實用相關搜尋: 電視 工作 結婚 讀書 電視 香港 男友

回覆 引用 TOP




回覆 引用 TOP

想睇下coco原形





回覆 引用 TOP

[按此隱藏 Google 建議的相符內容]



重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。