註冊 登入



打印

【絕望真相】 廿幾歲原來真的不像你預期 香討焦點

【絕望真相】 廿幾歲原來真的不像你預期 E-mail 此主題給朋友

[隱藏]
相信每個人細個都曾經幻想過自己廿幾歲係點,而年少無知、天真爛漫既少年總會偏向相信自己係天資聰穎,獨一無二,前方等緊我地既必定係精彩傳奇的黃金十年,就算唔係維護世界和平,化解核彈危機或者解決糧食問題,至少都可以成為一個發火發熱、貢獻社群、受人注目既有為青年。
可惜,轉眼間三字頭都逼在眉節,生活卻有如星爺喺《功夫》入面幾經辛苦搵到火雲邪神,最後發現係一個底橫膠拖既呀叔一樣,你回首畢業後的數年,原來只係一個不外如是既打工仔,庸庸碌碌、渾渾噩噩返工放工咁過左大半,青春小鳥靜靜飛走,唔止世界,連廿幾歲都真的不像你預期。

時光飛逝 青春限期在急速倒數


踏入廿幾歲既最大震撼,係曾經以為自己可以青春不老,但某年某月某日某一下你會驚覺,原來生命只係不斷倒數,仲用緊升壓窩瘋狂加速。
明明中學六、七年、大學三、四年都過得異常漫長,每次諗起將來都覺得「三十歲?有排啦!」;但一出黎做野,喺返工放工括號N次方既無休止輪迴下,你會久唔久就想大叫「啲時間過得咁快既!」,三字頭由遙不可及到近在咫尺,成為即將要面對既現實 — 原來自己係會老。
西歷新年之後又到農曆,明明岩岩先定下「今年目標」,轉過頭已經聖誕。慢慢你會分唔清邊年打邊年,「幾時入呢間公司呢?」「Tiffany前年結婚架,唔係喎,定大前年呀…」可能係要記既事太多,又可能係生活已經平淡似水,當年讀書的多姿多采無以為繼,從前所期盼的五光十色、意氣風發卻沒有出現,依家只能靠Facebook memories,去丁返當日的年輕貌美同年少輕狂,這是你第一次怕老。

世界變得太快 FB都係老餅先用

而人事除左變得好快,亦變得好快。講起Facebook,十年前覺得開左Facebook已經係潮流尖端,你點估到今日Facebook原來係「呀爸呀媽先用」,能夠咁快榮升父母,究竟應否欣慰?當你見到果條好hit既補習社片,條得烕既靚仔笑人用Facebook,你心中難免有煎佢兩巴既衝動,然而,你心知肚明,今日仲養緊蛙,聽日再post都俾人笑啦,生活、社會的節奏好比樓價和樂瞳身材爬升的速度,當你留意到已經太遲。
當有些事物光速般前進,有些人事卻不斷倒退 — 父母徐徐老去,身體記性轉差;曾經追/丁過既女今天不復當年勇;當日你覺得充滿威嚴、睿智的老師亦老態畢現,曾經的球星唔係即將退休都職業生涯晚年,個個由TBB轉睇泡菜劇聽泡菜歌,當你想繼續堅持那些由細陪到你大的廣東歌,你赫然發現佢地竟然出現係《流行經典五十年》,更震撼的是,連愛情動作片的女主角都已經係千禧BB。
跟手你會覺得從前的歌手才是明星,當年的歌曲才是音樂,舊時的電視電影永遠好睇啲。星期日的下午,你還會坐下來睇足成套《午間星期日影院》,對著那套睇左一千次既《家有囍事》和《嚦叶嚦咕新年財》發笑,「Shit..」,你終於留意到,自己開始變成小時候恥笑的父母親,這是你第二次怕變老。
仲係學生時銀根短缺,唯有期待長大後的夜夜笙歌。到終於有啲錢,又點估到自己由以前的千杯不醉,變成去食飯淨係想要杯暖水。當天打通宵牌、唱通宵K第二日仲可以飲早茶,依家一點鐘都嫌夜。偶爾一次朋友請飲飲到不省人事,頭痛左兩日發誓唔再飲(咁多)酒,你已經由抗拒變成接受自己不再年輕。
不斷劇變的世界加速你的老態,而返工既生活就會令你覺得乜都變哂。
十年前,你無諗過起身返工原來比起身返學痛苦十倍,亦無諗過每天起身都會check港鐵會否延誤和大市股價有否插水。唯獨不變的是每早喪屍般出門時也應承自己今晚要早睡早起,到晚上卻又不捨在床上僅餘的私人時間而狂碌電話。
身體變差了,易攰易病易眼瞓,到某次沖涼照鏡,明明瘦足廿年既你,竟然開始有肚腩,你崩潰之餘亦立志學人做Gym,這亦解釋了何而那麼多人由細到大無運動,到中年卻無端端開始跑步行山投奔大自然。除了身,還有心,你會感受到自己對很多事情、活動驟然失去興趣和熱情,所以除了運動,也會無離啦更搵野學,打鼓結他畫畫鋼管舞二胡乜都好,只希望在日日返工放工既迷霧裏,找到一點生活的變化。
慢慢你心裏有一千件事想完成,好告訢自己青春還在燃燒,生活仍可改變,但理想歸理想,得不到也等於妄想,工作疲累與生活壓力,已經讓你無法持之而行全力做好一件事,最後只能不了了之。所以每到新年,看到身邊人話要多愛自己身邊人,開心樂觀積極減肥學呢樣果樣,你慢慢明白,同香港既民主運動一樣,「口號黎既姐」。

每年只能期待逃離香港的幾日旅行
身於香港異常的矛盾和壓逼,旅行成了你的終極娛樂,甚至是一種信仰。相信只要有旅行去,一切問題、煩惱、迷茫也能取之而去。年少時的旅行,盤川所限只能窮遊,沒有物質的享受,過程辛苦卻難忘,那時你下定心日後賺到錢,必定要重遊那些曾經走馬看花或甚至無錢踏足之地。今天錢真的搵多了,但估錯的是無論時間、假期、精神也只容許你趕頭趕命早機去晚機返,曾經幻想的「一個月漫遊東歐」已經不切實際,能夠偶爾「東京四日三夜」已算不錯,但中間仲要不斷諗買咩手信返公同覆老細同事Whatsapp。在Facebook IG 瘋狂分享刺身海膽和帶子,成為你一張引以自豪的成績單,整年的快樂建基於離家出走,你分不清應該高興還是失落。

自己原來沒有想像中出色
廿幾歲的第三個震撼,係你終有一日要接受,自己不是太出色和優秀,甚至比7仔更普遍。
曾經你憧憬自己即使不能穿梭於中環金鐘,面對無敵海景,生活閃爍得讓人眩目,也至少是一個飽讀詩書既知識份子,可以盡一己所長,在喜歡的工作中追求卓越。唯獨今日和卓越最接近的一刻,是偶爾到卓悅買落妝水。幸運兒還可以戴個MT光環,卻打份普通得從未想像過會做的19工,不幸的甚至只能在中型公司做個「Executive」。最初你難以接受,深信是懷才不遇,千里馬總會遇上伯樂,但隨著年華逝去,你逐漸醒覺,原來並非「不遇」,而是根本「無才」。
篇文超長,原文去:https://stealjobs.com/your-twenties-really-are-not-what-you-expected/

睇完好Sad....覺得自己好無用
讀完大學都係不外如是,倒不如好多無讀大學的人。 有無人有同感?



實用相關搜尋: 公司 頭痛 工作 job 退休 減肥 結婚
冇同感,記住5個字
“世事無絕對”

1你身處既環境,有可能出現出色過你既人
2亦有可能找到比現在更好既環境

尋找及機遇


PS. 仲有“老”同“冇用”係某人既口頭禪
又係某人做既好事

[ 本帖最後由 lovebin13 於 2018-3-13 01:48 AM 編輯 ]



熱門搜尋: 上門補習 education 學習 dse

回覆 引用 TOP

人喺叻, 讀唔讀大學無問題. 香港最大問題係推左班垃圾去做大學生, 做左一班0工作能力, 又對發達充滿妄想嘅廢人出嚟.





30歲前有樓你已經叫成功人士,無樓先係篇文咁講


[隱藏]
都係生老病死,個個都一樣。


熱門搜尋: 健身教練 口罩 乳癌 醫療用品 植牙 肩周炎

回覆 引用 TOP

由頭到尾缺既係計劃及冒險精神,以為讀完書就會順風順水,一切自然會有。
人生幾十年,自己唔珍惜丶唔計劃,無人幫到你



每人命唔同


回覆 引用 TOP

睇完,幾得意,不過無同感





回覆 引用 TOP

多謝分享. 我就幾有同感

中學時已知自己唔叻. 亦無期望出來做野會大展拳腳, 創一返事業.
但人大了. 好多娛樂已提不起興趣. 打機,打波.....已成過去.

以前唔會做gym, 但依家做多左運動想keep下身型(可能想外表keep得年青D) 有機會行山relax下.
細個鐘意去旺角. 但依家就好抗拒. 唔鐘意多人又迫. 心態已轉變.



實用相關搜尋: 娛樂 運動
[隱藏]
引用:
原帖由 baobaobaobaobao 於 2018-3-13 07:35 AM 發表

30歲前有樓你已經叫成功人士,無樓先係篇文咁講
有樓唔一定成功,無樓就好L難成功。



熱門搜尋: 激光脫毛 頭髮護理 脫髮問題

回覆 引用 TOP

係人都會老會死架啦, 重點係自己嘅心態
同點過自己嘅日子







回覆 引用 TOP

到你踏入3字頭
時間會過得仲快



熱門搜尋: 梳化 interior design 鋁窗工程 女傭 裝修設計 漏水
生活印記






回覆 引用 TOP

引用:
原帖由 Kahim 於 13-3-2018 08:12 發表

由頭到尾缺既係計劃及冒險精神,以為讀完書就會順風順水,一切自然會有。
人生幾十年,自己唔珍惜丶唔計劃,無人幫到你
啱!比個♡你



熱門搜尋: 美容院 make up 保濕 消脂 激光脫毛 防曬 韓國代購

回覆 引用 TOP

[隱藏]
廿幾歲有樓感覺一定是很正的


熱門搜尋: maternity kid bb 產前講座 bb用品 親子活動 孕婦奶粉
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。