註冊 登入



打印

[港產片] [香港Cult片經典]《山狗》虐殺輪姦變態情節挑戰人類底線 鄭則仕仍然心寒覺得導演痴線

[香港Cult片經典]《山狗》虐殺輪姦變態情節挑戰人類底線 鄭則仕仍然心寒覺得導演痴線 E-mail 此主題給朋友

[隱藏]
[沒有最變態,只有更變態]

最邪惡港產cult片《山狗》 變態情節挑戰人類底線


講到香港Cult片,好多人都會第一時間諗起《山狗》同《打蛇》呢兩套80年代H電影,但對於比較年青H一代人,呢兩齣戲可以話係非常陌生。不過,就算隔咗幾多年都好,呢啲喺香港電影新浪潮時期H戲依然都係好劃時代,甚至比起好多依家H戲好睇得多。

《山狗》DVD個封面設計得幾令人不安,除咗有幾個樣樣衰衰又面善H男人之外,仲有一個乸埋口面個樣勁慘H女仔,而封面亦都有兩行配字:「莊靜而──銀幕僅此一次的曝露」、「凶殘本性,獸心人面」。之後睇埋封底,原來套戲係鄭則仕、「大口青」王青有份做,咁都叫做有返啲平時見慣H人睇下,唔使個個都唔識。

封底個劇情簡介就咁寫H:「五名年青男女到郊外露營。眾人大意把玲獨自留下,逐被流氓輪姦,玲的哥哥為妹追兇,反遭殺害!玲受刺激而發瘋。警方無證據起訴疑犯,玲父悲憤莫名,逐用自己的方法為子復仇……」咁刺激?原來呢套戲係喺1980年上畫,係新浪潮時期H余允抗導演拍,當時好多人都狠批呢套戲好冷血暴力,而女主角莊靜而雖然依家已經息影,但喺80、90年代好出名好紅咁,做佢阿哥H艾迪亦拎過金馬影帝,之後就慢慢了解到原來以前香港影業唔似依家好似就死就死咁,喺80、90年代真係好風光、好百花齊放,咩題材都有,亦拍得好夠薑。自問大膽、接受能力高,喺睇H時候真係有幾下淆一淆。當中最心寒H一定係「荷蘭佬」王青、「高佬」鄺佐輝、「蛇佬」關鑑銘、「矮腳虎」同齋睇唔做H「病甩毛」鄭則仕呢五隻「山狗」,喺山澗度輪姦「阿玲」莊靜而呢一幕。

呢幕一開始,「矮腳虎」笠住個牛頭骨喺水池彈出,嚇到剛剛洗完碗H莊靜而不斷尖叫兼逃走,而「矮腳虎」同鄺佐輝就好似馬騮跑跑跳跳咁邊叫囂邊追住佢,搞到莊靜而跣腳跌落水變落湯雞。帶隊H王青本身都話玩夠喇想拉隊走,點知見到莊靜而濕身透點勁性感,就忍唔住同班兄弟夾手夾腳撳低莊靜而,夾硬除佢衫除佢褲,而呢個鏡頭除咗有露毛場面,亦都有露點H特寫,但最深刻H始終都係莊靜而不斷掙扎H痛苦神情,至於歷劫後的莊靜而大字型軟攤喺山澗巨石H畫面,到艾迪抱住裸體H莊靜而不斷叫「阿妹、阿妹」都係好入心。

我覺得呢一幕真係好痴線,唔單只係意識上H痴線,仲係處理手法上勁得好痴線。畫面入腦不在話下,配樂都係令人緊張,喺山澗H場面中,導演同負責為電影配樂H泰迪羅賓就用咗低沉而密集H音樂製造一種煩躁感,同山澗急速而喧鬧H流水聲合二為一,令觀眾更加代入莊靜而H處境,用感受呢份自己處身喺大自然,自己一個人面對住猛獸H無助感。即使我係男性,同埋隔住個Mon,我都覺得成件事係好心寒。而導演同剪接師亦加插咗同一時間艾迪同鍾保羅喺營地裡熱血掘地,以及同行H一Pair小情侶喺田間風流快活,反襯出莊靜而經歷H恐怖。

其實呢套電影都有好多令人不寒而慄H畫面,但製造呢啲畫面H唔係嗰五隻「山狗」,而係飾演莊靜而老竇H陳星。經歷個女被姦、個仔被殺H陳星用咗啲唔係常人諗到H方法虐殺「山狗」,第一個死H人就係「矮腳虎」,陳星就喺森林度紮好個營引佢嚟,「矮腳虎」偷聞女人底褲後就諗住入營再強姦另一個女人,點知一踩入去個帳幕度隻腳就中咗捕獸器,之後陳星就趁機亂刀斬死佢。最令人震撼H係鄺佐輝H死法,陳星一早就整咗個類似血滴子H木箱,裡面有大量鐵釘,當鄺佐輝中伏被倒吊起時,陳星就拎咗個木箱出嚟放正喺鄺佐輝下面,然後就放繩等鄺佐輝兜頭直插落木箱,痛到佢不斷叫自己H同伴殺咗佢。

「蛇佬」關鑑銘H死法雖然唔特別,純粹係畀陳星赤手空掌打死,但係佢死後H畫面就真係好癲。故事H尾段,王青同鄭則仕發現到「蛇佬」條屍時,就見佢被倒吊喺橫樑上但條褲就好似郁郁下咁,王青就拉一拉「蛇佬」條褲,點知一大堆蛇同血跌哂落嚟,嚇到王青即刻腳軟坐咗喺樓梯。而最最最後,唔識游水H王青就畀陳星拉咗個水,鄭則仕放繩落水諗住救佢時,陳星就將條繩綁喺王青條頸度,鄭則仕用盡吃奶H食想拉王青上水,點知就係因為咁監生勒死咗王青。

雖然電影前面莊靜而、艾迪遊山玩水H畫面好似有啲冗長,套戲開始咗半個鐘先發生五隻「山狗」輪姦莊靜而呢件事,但係成套戲嚟講真係幾劃時代,就算以今時今日H角色嚟睇都唔會覺得Out,最起碼喺陳星為子復仇H部分係拍得相當清脆利落,依家好多電影都去唔到呢個水平。同埋,莊靜而H演技真係好犀利,除咗上面已經講過H佢被輪姦呢一幕,佢喺醫院裡面不斷刷牙刷到流牙血後,又用牙刷刷馬桶,再放落口係咁刷呢個畫面,可以話係有今生冇來世,佢帶住淚光H空洞眼神,完全係可能令到陳星之後近乎變態H行為合理化。其實講返起呢套戲,即使上映已經係38年前H事,但有份演出H鄭則仕依家回想起都話好深刻,有幾幕仲係永世難忘。


https://www.hk01.com/%E5%8D%B3%E6%99%82%E5%A8%9B%E6%A8%82/173796/%E4%BB%BB%E5%99%8F%E4%BA%82%E8%A9%95-%E6%9C%80%E9%82%AA%E6%83%A1%E6%B8%AF%E7%94%A2cult%E7%89%87-%E5%B1%B1%E7%8B%97-%E8%AE%8A%E6%85%8B%E6%83%85%E7%AF%80%E6%8C%91%E6%88%B0%E4%BA%BA%E9%A1%9E%E5%BA%95%E7%B7%9A

[ 本帖最後由 tokeifung 於 2018-4-16 05:47 PM 編輯 ]



實用相關搜尋: 處理 電影 設計 音樂 電影 香港

回覆 引用 TOP

cult片王《山狗》虐殺輪姦超變態 鄭則仕仍然心寒:覺得導演痴線




1980年上映H《山狗》可以話係香港Cult片界H王中之王,故事就講述依家已經息影H莊靜而同佢哥哥艾迪一行五人去荒山露營,點知就遇到「荷蘭佬」王青、「高佬」鄺佐輝、「蛇佬」關鑑銘、「矮腳虎」同「病甩毛」鄭則仕呢五個壞人,之後莊靜而仲畀佢哋輪姦,而艾迪亦中伏慘死,最後陳星為一對仔女報仇,將佢哋一一虐殺。雖然當年得29歲H鄭則仕(Ken哥)喺戲裡面多數都係齋睇冇份做,但佢日前接受訪問時就指呢齣戲隔咗38年都仲係咁深刻。

提到不時都有人翻睇、提起呢度舊片,Ken哥就咁講H:「我自己都好耐冇睇,但我好記得我係拖住隻光頭馬騮,莊靜而、鍾保羅去旅行畀我哋搞,我哋呢班人有王青咁。(劇情、畫面好癲,你都肯接?)冇所謂,有錢畀我嘛,哈哈!其實係我嗰時初初入行,唔介意做呢啲,做新演員就係要試多啲呢啲,係而家先會揀嚟拍。」

至於拍之前有冇咩準備,拍嗰時又有冇提出意見改動細節等,Ken哥就咁答H:「導演講乜我就做乜,嗰時好細,入行一兩年,唔會諗太多,人哋導演由諗到拍用咗成年,冇可能我埋位就加意見話改啲嘢,當時我亦冇呢個能力。(最記得邊幕?)最後王青跌落水,我拖返佢上嚟喺度喊,不斷嗌表哥、表哥,仲有成班人輪姦莊靜而,我坐喺隔籬齋睇,好似好過癮咁,但其實成件事好慘。」

講到依家港產片冇咗呢類咁大膽H戲,問佢覺得點解拍唔返時,佢就話唔可以話拍唔返:「其實個故事就即係旅行遇險記,要拍得暴力可能好易,但要有寄語就唔易。(有冇同導演余允抗聯絡?)冇啦,上市公司主席呀大佬,點聯絡佢。」好多人都話睇「蛇佬」關鑑銘睇到好心寒,Ken哥就話好佩服佢演得咁大膽:「佢死嗰時畀人倒吊,有百幾條蛇喺佢褲浪裡面,佢真係好夠膽。(現場睇到心寒?)我覺得導演好痴線!」

其實山狗導演余允抗係美國加州大學洛杉磯分校電影系畢業,系出名門。除了拍過《山狗》外,仲拍過很多港產片,例如本土鬼片經典《凶榜》,《飛虎奇兵》等,亦做過不少電影監製。至90年代,余允抗退出電影圈轉戰商界,並擔任多間上市公司主席同行政總裁,認真多才多藝。

咁會唔會唔敢再接類似H戲?Ken哥答:「我冇話敢唔敢接,最緊要係我有冇能力掌控個角色,當年我立場嚟睇,意識正面啲就好啲,唔好太渲染暴力。(覺得《山狗》好渲染暴力?)嗰時冇得揀,依家就可能覺得拍少部咁,我啲小朋友出世後,佢哋13歲前我都好少做反派,因為唔想佢啲同學睇到,就同返佢哋講你爸爸好衰,唔想影響佢哋生活。」又笑指拍梁材遠HTVB新劇會開心啲。

[ 本帖最後由 tokeifung 於 2018-4-16 06:00 PM 編輯 ]



實用相關搜尋: 電影 旅行 大學 電影 香港

回覆 引用 TOP

鄭則仕90年代套「烏鼠」, 燒死女童情節, 外國片都唔敢咁拍.





引用:
原帖由 任我擒 於 2018-4-16 07:17 PM 發表

鄭則仕90年代套「烏鼠」, 燒死女童情節, 外國片都唔敢咁拍.
呢套我都唔敢再睇,太恐怖







回覆 引用 TOP

[隱藏]
"打蛇"都超堅


呢齣戲好睇。






回覆 引用 TOP

呢套山狗好經典!


實用相關搜尋:

回覆 引用 TOP

打蛇發頭,跛佬變態...
初時他玩滴蠟落女身上,以為他系虐待女人...
原來他系不喜歡女人,系攪男人....

=========
引用:
原帖由 lam913 於 16-4-2018 08:48 PM 發表

"打蛇"都超堅






回覆 引用 TOP

哩d先係百花齊放,可惜一去不返鳥


實用相關搜尋:
[隱藏]
後來有傳hehe個part是假戲真做..

==========
引用:
原帖由 lam913 於 16-4-2018 08:48 PM 發表

"打蛇"都超堅



熱門搜尋: 護髮 頭髮 頭髮護理

回覆 引用 TOP

引用:
原帖由 麻筆毛 於 2018-4-16 11:02 PM 發表

哩d先係百花齊放,可惜一去不返鳥
睇埋d 變態嘢 教壞下一代
好似古惑仔咁 害死幾多年輕人



實用相關搜尋:
每個男人都有 說不出的心碎
山狗咩嘢戲黎架,幾十年前好哄動架咩。


實用相關搜尋:

抄戲
抄I Spit on Your Grave
講到咩咁巴閉, 咩電影史記錄,

以前資訊唔流通, D傻仔唔知就算.
今時今日都仍然唔識, 真係唔死都無用







引用:
原帖由 Joeycky 於 2018-4-16 11:08 PM 發表

山狗咩嘢戲黎架,幾十年前好哄動架咩。
王青成名作

王青1980年接演限制級片《山狗》,扮演山狗五人組的流氓頭目「荷蘭仔」,孔武有力、心狠手辣,好殺生、女色,率領其他四個小弟一同將女主角輪姦,再設陷阱害死女主角的哥哥,最後遭女主角父親以獨特刑具復仇而死。

王青在《山狗》劇中精湛的惡人演技,雖然名氣大漲,但是也受到許多歧視。王青曾在採訪時笑言這部電影上映後,當時曾有在電梯裡碰見他的兩位韓國女性尖叫著逃走,還差點用手提包攻擊他,讓他一方面自豪,一方面也哭笑不得。



實用相關搜尋: 電影 電影
[隱藏]
引用:
原帖由 stophy 於 2018-4-16 23:13 發表


王青成名作

王青1980年接演限制級片《山狗》,扮演山狗五人組的流氓頭目「荷蘭仔」,孔武有力、心狠手辣,好殺生、女色,率領其他四個小弟一同將女主角輪姦,再設陷阱害死女主角的哥哥,最後遭女主角父親以獨特 ...
佢係邊個。



實用相關搜尋:
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。