註冊 登入



打印

[裝修過程] (後記@2018) [一次接近完美的裝修經驗+淘寶買裝修野分享]

(後記@2018) [一次接近完美的裝修經驗+淘寶買裝修野分享] E-mail 此主題給朋友

[隱藏]
我真的好驚訝、好多謝大家的支持,到今天我還收到希望搵我個裝修師傅的短消息!

大家都是期望做業主的,俾完一大筆錢買樓,仲要俾人劏筆裝修費很煩惱吧,但是裝修費在香港是很昂貴的東西!

事實上這個師傅真的很有交帶,因為到現在間屋有咩大小問題,我都仍然會叫佢上去整返,佢都仲記得亦無唔理我的。有時小問題佢都唔收我錢!

我記得當時有網友好心水清問我點解用單爐頭,是否不愛煮食。其實間屋是用來收租的,所以當時只想翻新間屋俾人住,沒有整太多花巧野,但當然是內內外外我都執過哂,免得第日有什麼問題時,租客一樣會來煩我!

回想當時用左10幾萬大執是沒錯的,因為個單位好新淨,一放盤便好多人問價,基本上我唔肯減價亦大把人想租,而且租金還打破了屋苑紀錄!你話個樓市係咪癲左呢!


〔裝修2年後檢討〕

水龍頭真的壞了,師傅幫我買返個新的又裝返,又叮囑我以後不要買大陸的水龍頭了

記住:水龍頭必必必定要在香港買!!!既然我「衰左」,大家不必再「衰」了!

其餘的都沒發生過問題

〔找師傅的事〕

老實說師傅好唔得閒!因為我叫過佢執間屋,知道佢好難約。而且佢有時問返我「有人搵我裝修,呀XXX話係你介紹架喎,你朋友黎架?」我很難解釋呀,因為裝修師傅是很傳統的行業,同佢解釋「網上識的朋友」佢會唔明!!

非常抱歉好多短消息都沒有覆,大家應該知道我是新手,回覆又不太方便。

我聽過好多用設計公司俾人呃的case,不過我最近用了一間覺得很OK! 不過我是搵佢做裝修寫字樓,所以經驗可能有點不同。在此不如分享這經驗:

首先打電話去查詢,及約時間度尺,報價,畫圖,這些是不用收費的
2.  上來度尺的是設計師,也是將會直接跟你個case的負責人。這部分好重要,這是你直接和設計師溝通的時間,將你要的效果詳細清晰地表達出來最重要,更重要的是,你覺得和這個設計師能不能溝通,佢答唔答到你的問題,令人放唔放心,有無「料」,都應該試探下!!
有時不是說設計師本身經驗、能力,他的公司都可能影響佢的表現,所以順便也要了解下佢公司運作!
仲有就是佢解釋問題是能不能讓你明白!因為佢以後就係你和師傅之間的橋樑,佢的工作就係免卻你去管人、管工程的麻煩,所以呢個人一定要易於溝通!就算係行外人唔明的裝修知識,佢都應該解釋俾你聽的,因為到時出來效果不似預期便是你的損失
3. 最後便是上去office聽報價和睇圖,當然亦是你去仔細問下關於工程的時機。因為一朴鎚,成單工程的費用便是對方「食硬你」,因為一開始工程,好難返轉頭
4. 工程的費用應該分上中下期,我用的設計公司是:6成,3成,1成
5. 正式出圖時,設計師還出3D圖俾我睇
6. 最後我見間公司是上市公司,亦行ISO,工作程序應該有條理,清清楚楚,亦令我對間公司印象加分。當然人地不會做平,但佢有一年保養,令我放心好多。佢地師傅亦唔係外判出去(咁無良),一定會跟足,及唔會hae做
7. 價錢非常不合理,但可能是商業定價,所有報價都差不多,實在是不情願地被劏的
8. 設計師幾有交帶,工程期間我只上過去視察一次,佢亦有send相俾我睇裝修成點,所以我便無再上去打擾師傅了。工程好順利,效果如預期,亦在預計時間內完成
9. 設計師是個「後生仔」,專業能幹,所以我已經「mark實佢」!


為了減低搵設計公司的風險,你可以做的是:
.盡量搵多幾間報價
.睇佢地過去做過的case
.盡量揀合適的人(設計師/師傅)
.報價最好包埋睇圖,如果唔係當然好難預測效果,服務又唔夠好。圖要是專業的設計圖,一定要夠準確
.簽約前問定工程時間有幾長,如果對方答得唔肯定就要小心


〔打打氣〕
希望大家小心啲,千其唔好俾人劏!同地產有關的行業都想劏人架!
自己都要勤力啲做足功課,至少識基本野,識問下問題
香港的裝修成本超超超貴!有時價錢可能是「行規」合謀定價,但至少搵間可靠的工程公司,會少一點煩惱的!
揀間好的設計公司,不想見到師傅被剝削,師傅亦俾心機做,也是業主能做到的事



實用相關搜尋: 時間 公司 工作 設計 裝修 電話 網上
請問你之前個post係邊


熱門搜尋: 保溫袋 女傭 空氣清新機

回覆 引用 TOP

我黎緊都係淘寶買傢俬





提示: 違規內容已被屏蔽
[隱藏]
謝謝分享你的寶貴經驗

我也剛買樓,裝修中

半自住,半出租

潔具傢俬燈飾咩都未買
全屋只鋪咗走廊牆磚
開咗水電位

期待師兄的淘寶裝修分享



實用相關搜尋: 裝修
引用:
原帖由 160912 於 2018-4-16 05:36 PM 發表

我真的好驚訝、好多謝大家的支持,到今天我還收到希望搵我個裝修師傅的短消息!

大家都是期望做業主的,俾完一大筆錢買樓,仲要俾人劏筆裝修費很煩惱吧,但是裝修費在香港是很昂貴的東西!

事實上這個師 ...
關於水龍頭大陸貨是否有問題,請不要太武斷。我在香港,珠海,台山都有物業,亦都裝修過,大陸的,意大行的,德國的裝修材料都買過,用過,前後裝修七次,三十多年來,香港用的水龍頭壞過兩個,大陸一個。我不會說香港的或外國的不好。



實用相關搜尋: 裝修 香港 物業

回覆 引用 TOP

又同師父做宣傳?


實用相關搜尋: 宣傳

回覆 引用 TOP

作咁大篇野相都冇張,學人賣廣告 ,俾1分你啦





回覆 引用 TOP

回覆 引用 TOP

[隱藏]
引用:
原帖由 Msnekosan 於 2018-4-16 09:28 PM 發表

謝謝分享你的寶貴經驗

我也剛買樓,裝修中

半自住,半出租

潔具傢俬燈飾咩都未買
全屋只鋪咗走廊牆磚
開咗水電位

期待師兄的淘寶裝修分享
呢位C兄,你有一間房出租



實用相關搜尋: 裝修
人生從痛苦開始,可幸經歷從不平凡,但願生命中能有一點歡笑,餘下生命能與意中人一齊渡過。
引用:
原帖由 rabbit13 於 2018-4-17 03:46 PM 發表




呢位C兄,你有一間房出租
做咩咁問?



引用:
原帖由 Msnekosan 於 2018-4-17 03:52 PM 發表




做咩咁問?
你話半自住、半出租吖嘛



熱門搜尋: bb會 陪月員 媽媽會
人生從痛苦開始,可幸經歷從不平凡,但願生命中能有一點歡笑,餘下生命能與意中人一齊渡過。

回覆 引用 TOP

真心..真係好多淘寶打手...其實諗清楚D...淘寶..係好?
你有無諗清楚距地D材料係用咩材料做先.
你知5知...好多野含有害物質...係啊..距係平..但膠料..貨..會含有害物質..
點解要係香港買外國貨..或牌子貨..因為人地通過測試架痲







回覆 引用 TOP

提示: 違規內容已被屏蔽
[隱藏]
廣告


實用相關搜尋: 廣告

回覆 引用 TOP

 19 12
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。