打印

關西(大阪、京都、神戶一帶)旅遊資料分享

關西(大阪、京都、神戶一帶)旅遊資料分享 E-mail 此主題給朋友

[隱藏]
關西(大阪、京都、神戶一帶)旅遊資料分享

我o既2008年復活節關西遊記(努力中...):http://www.discuss.com.hk/viewthread.php?tid=6892598



前言

最近見到呢度好多post都問關於呢方面o既資料;小妹手頭上都有d資料可以俾大家參考一下。如有錯漏,歡迎大家指正或補充!



如何開始計劃旅程?

其實呢個問題一d都唔簡單。大家可以先考慮自己旅行o既目的:如Shopping,浸溫泉,睇風景,飲飲食食,從而衡量應住邊一區,同去邊幾處景點。因為旅程時間有限,所以,冇得所有旅遊景點都可以去到盡的!

試舉例;若你會去5日4夜,而又以Shopping為主,咁可能要用1.5日行心齋橋,美國村,梅田,Outlet;另用1日去環球片場。咁餘下o既時間,就唔可能去到好遠o既景點;或可考慮去1日京都,半日奈良。但若果你以睇風景為主,咁可能會用大部份時間去京都,大阪城,姬路城等。

想睇睇關西o既景點介紹,最簡單o既方法,係去書局買一本旅遊書參考一下。日本受權出版昭文社o既「日本攻略遊」系列一向都有唔少好評,但嚮香港比較難搵:
    

另一系列「人人遊日本」都唔少人用:


個人唔太喜歡睇中文旅遊書;呢兩本似乎幾多人用,但聽聞d地圖唔多準確:

Wow Media -《大阪京都名古屋Fun幹線》
長空自遊系列 -《京都 大阪+神戶、名古屋、奈良、和歌山 食玩買終極天書》

其實大家若果肯睇日文書,強力推介るるぶ楽楽系列旅遊書:

尤其京都果本,個map詳細不特止,連邊個位有櫻花同紅葉都show晒出o黎,必買!HK買會比較貴,去到日本先買都得。



網上資料寶庫

其實就算唔買旅遊書,要計劃行程一d都唔難,因為網上面實在有太多資料!呢幾個網頁都有好多關西景點o既詳細介紹:

日本旅遊觀光綜合資訊網:http://www.e-japannavi.com/
日本國際觀光振興機構:http://www.jnto.go.jp/chc/
Kansai Window:http://www.kansai.gr.jp/index_t.asp
關西旅遊指南(pdf):http://www.kansai-airport.or.jp/fp/c-h/chinese_trad.html
Nippon Pass目的地介紹:http://www.nipponpass.com/travel/index.php?area_id=4                                             
關西國際機場旅遊景點介紹:http://www.kansai-airport.or.jp/tw/travelspot/index.html

個人認為,最用得著o既資料係各網友所寫o既網上遊記。請參考討論區裡面o既子版「日本旅遊精華錄」:
http://www18.discuss.com.hk/forumdisplay.php?fid=642

我o既兩次關西遊記:
2006年尾京都紅葉+和歌山溫泉+大阪9天遊(終於完成! )
2007年初夏關西京阪神飲飲食食+有馬溫泉+熱到儍8天遊

另外,「譚生的逸遊館」裡面有篇關西推選行程,非常值得參考:
http://piggus.net/japan/post/1/241



有用連結

網上翻譯:http://www.excite.co.jp/world/chinese
交通路線,價錢查詢:http://ekikara.jp
網上地圖:http://www.mapion.co.jp

PASS
關西通行証:http://www.kippo.or.jp/travel/support_t/passport/pass.htm
Kansai Thru Pass:http://www.surutto.com/conts/ticket/3daytw/
Japan Rail Pass:http://www.japanrailpass.net/zh/zh001.html

網上預約酒店
東橫Inn:http://www.toyoko-inn.com/
Super Hotel:http://www.superhotel.co.jp/
Jalan:http://www.jalan.net/
樂天:http://travel.rakuten.co.jp/

各地觀光網站
大阪:http://www.tourism.city.osaka.jp/ch_t/index.html
和歌山縣:http://kanko.wiwi.co.jp/world/chinese_t/index.html
奈良市:http://narashikanko.jp/Chinese/
京都市觀光文化情報系統:http://kaiwai.city.kyoto.jp/raku/sight.php
京都市交通局旅遊brochure:http://www.city.kyoto.lg.jp/kotsu/page/0000006169.html
嵐山嵯峨野:http://www.sagano-kanko.co.jp/torokko_access.html
神戶・有馬溫泉(Feel Kobe):http://www.feel-kobe.jp/

景點網站
環球片場:http://www.usj.co.jp/ch_top.html
日清杯麵發明記念館:http://www.nissin-noodles.com
海遊館:http://www.kaiyukan.com

景點地圖
京都觀光地圖(日文):http://www.city.kyoto.lg.jp/kotsu/cmsfiles/contents/0000019/19770/busnavi_jp200801.pdf
      http://www.city.kyoto.lg.jp/kotsu/cmsfiles/contents/0000006/6169/1day_map_200703.pdf
京都觀光地圖(英文):http://www.city.kyoto.lg.jp/kotsu/cmsfiles/contents/0000019/19770/bus_navi_en200801.pdf
http://www.kyoto.travel/infomation/images/map_of_kyoto_j.pdf
嵐山嵯峨野:http://www.sagano-kanko.co.jp/image/access/access_02_big.jpg
                  http://www.sagano-kanko.co.jp/image/access/access_03_big.jpg
奈良市:http://narashikanko.jp/Chinese/access/img/map.pdf
有馬溫泉:http://www.arima-gh.jp/midokoro/arima_onsen/arima.pdf
白濱溫泉:http://www.nanki-shirahama.com/transport/mapall.htm

交通路線圖
関西私鐵(Kansai Thru Pass):http://www.surutto.com/conts/ticket/3daytw/images/en_map2006.pdf
大阪市交通局地下鐵:http://www.kotsu.city.osaka.jp/eigyou/route-map/subway_rosenzu.html
京都市巴士、地下鐵:http://www.city.kyoto.lg.jp/kotsu/cmsfiles/contents/0000019/19770/routemap_200801.pdf
**
京都巴士路線檢索:http://www.kyoto-rakunavi.jp/web/route/exp.cgi?val_htmb=start&select_type=0
**
京都洛巴士(100,101,102):http://www.city.kyoto.lg.jp/kotsu/page/0000009141.html
京都洛巴士(日文):http://www.city.kyoto.lg.jp/kotsu/cmsfiles/contents/0000006/6169/rakubus_jp.pdf
京都洛巴士(中文):http://www.city.kyoto.lg.jp/kotsu/cmsfiles/contents/0000006/6169/rakubus_ch.pdf

[ 本帖最後由 mcmelody 於 2008-11-4 10:02 AM 編輯 ]



實用相關搜尋: Spa 旅遊 旅行 酒店 英文 網上 香港
23

TOP

關西FAQ



機票/package篇

Q:若果想去關西,出發前幾耐要出機票同package?

其實若果出發日期一早已經confirm,而又志在必行o既話,就越早訂package越好。因為近年唔知點解越o黎越多人去關西;尤其是旺季,CX早機晚返果班機越o黎越難book。e家好多旅行社3至4個月前已經有大阪package(如安x滿分,學x);AI package就通常好遲至有。
當然,你亦可以等齊香港d旅行社都出晒package,格下價至決定;但可否一定book到CX早機晚返就真係冇人會知。

Q:去邊間香港旅行社book package好?

個人覺得間間都冇乜所謂;最緊要o既係package張機票同酒店係一早可以confirm到果種。
有d人會貪平買團飛package,即係出發前幾日至confirm到機票果種package。通常買果陣d香港agents都會話你知「多數」會成行;但近年已經有唔少網友分享過買o左呢d團飛package之後,agent出發前幾日至用n個籍口話你知唔成行,再遊說你轉日子或買個貴d既package,若果唔係就退錢。所以,若果大家份工好難請假,又或者志在必行o既,就千祈唔好貪平買d出發前幾日至confirm既團飛package喇!



京都嵐山行程篇

Q:應用什麼方法由大阪出發遊嵐山,嵯峨野一帶?

方法1:由大阪阪急梅田站直接坐阪急京都線特急去桂站,再轉阪急嵐山線去阪急嵐山站。全程約50min,390円。但阪急嵐山站要行頗長o既一段路至去到天龍寺,Torokko嵐山站一帶。
方法2:由大阪JR大阪站坐東海道山陽本線新快速去JR京都站,再轉JR山陰本線快速去JR嵯峨嵐山站或JR馬堀站。全程約50min,950円。

Q:若果想坐嵯峨野トロッコ(Torokko)觀光小火車,應如何計劃嵐山遊玩路線?

嵐山遊玩o既路線通常有2款:
a. 由大阪坐阪急去阪急嵐山站,遊覽渡月橋,嵐山公園,天龍寺,竹林一帶之後去Torokko嵐山站乘小火車去Torokko龜岡站。之後坐保津川激流回嵐山站;或由Torokko龜岡站步行約10分鐘去JR馬堀站(***注意,唔係JR龜岡站!!!***),再坐JR回京都。
b. 由JR京都站直接去JR馬堀站,步行約10分鐘去Torokko龜岡站,再乘回頭小火車去Torokko嵯峨站或Torokko嵐山站,然後遊覽天龍寺,竹林,嵐山公園及渡月橋一帶。

Q:以上兩款嵐山遊玩路線,哪款較好?

其實冇話a/b好d;但若果用b路線的話,咁你遊覧天龍寺及渡月橋一帶的時間可能會flexible一點,因為唔須要就住時間搭小火車。而且,若果當日至買Torokko小火車車飛,Torokko龜岡站去Torokko嵐山站/嵯峨站o既回頭車一般會較易買飛(但旺季就唔同講法啊!)。但若果你想坐保津川激流o既話,就要用a路線,因為激流會由龜岡出發。

Q:成日見到有人討論Torokko第5卡小火車;其實有乜o野特別?

其實Torokko第5卡係唯一一卡半露天車卡,所以睇風景特別正;尤其紅葉旺季,特別多人想坐!
但亦因為係半露天車卡,下雨時會close(只開1至4卡),所以第5卡車飛唔可以好似1至4卡咁,
預早去JR綠色窗口預售。第5卡車飛只可於當日嚮Torokko小火車車站購買~


Q:Torokko小火車車飛可以預售麼?邊度有得賣?

Torokko小火車1至4卡o既車票可以最早1個月前去JR大站o既綠色窗口預售(e.g.關西機場、大阪、京都o既JR綠色窗口)。
第5卡車票(即半露天果卡)就只可以於當日嚮Torokko小火車車站售票處購買;如果要坐第5卡o既,咁就要早d去買飛喇。
(版友alexwang試過已預售1-4卡車飛,但見當日第5卡有位便即場問售票員可否轉位而又成功轉到;但是否時時都可以咁轉位就不得而知)

Q:若果想睇最靚o既保津川峽風景,咁應該買邊個Torokko小火車坐位?

若果由Torokko嵯峨站出發,右邊(右則)位置會靚d,C/D位是順向位;
所以,由Torokko龜岡站出發,就左邊(左則)位置會靚d,A/B位是順向位。睇睇:
http://www.sagano-kanko.co.jp/sagano_torokko02.html

Q:如何由嵐山去金閣寺?

由渡月橋一帶出發:京福電鉄嵐山站(京福電鉄嵐山線) -> 帷子ノ辻(轉車 - 京福電鉄北野線) -> 北野白梅町 -> 101/102/204/205巴士 -> 金閣寺
由JR馬堀站出發:JR馬堀站 -> JR円町站 -> 204/205巴士 -> 金閣寺 JR馬堀站 -> JR京都站 -> 101/205巴士 ->  金閣寺



和服體驗篇

Q:京都係o米有舖頭可以出租和服俾遊客穿著出街?

我自己就冇試過和服體驗;以下幾間有唔少網友推介,不妨參考下:
染匠きたむら  http://web.kyoto-inet.or.jp/people/sensho-k/top.html
夢館 http://www.yumeyakata.com/kimono/index.html
西陣織會館 http://www.nishijin.or.jp/kaikan/index.html



環球片場篇

Q:是否需要嚮香港預售環球片場入場卷?

香港有少數travel agents代理環球片場入場卷(ANA,東x遊);呢d入場卷通常係團體票o黎,可於指定日期內(例如10月1日至12月23日)是但一日使用,入場當日無需換票直接入閘。因為呢d團體票比正價票便宜,所以有d香港agents(例如東x遊)會有discount;有得平又可直接入閘o既入場卷就值得預先嚮香港購買。

Q:日本哪裡可購買環球片場入場卷?

購票詳情:http://www.usj.hk/tandc/ticket/reserve/ch_index.html
嚮旺季或公眾假期,環球片場入口售票處有可能要排隊購票,所以呢d時間就建議預售入場卷。留意,嚮JR綠色窗口同Lawson預售o既入場卷唔可以直接入閘,必須於入場當日去片場更換成正式入場卷。
大阪市內有部份金卷店亦有環球片場團體票預售,亦比正價票便宜;但因為唔係間間有,所以要花時間搵。

Q:環球片場有快証嗎?

快証詳情:http://www.usj.co.jp/studioguide/attraction/efficient/e_uexbooklet_index.html
同Disneyland非常唔同,環球片場o既快証(Universal Express Pass Booklet)係需要另外俾錢購買。呢d express booklet有幾種,分別在於可以嚮幾多個ride使用快証,越多就當然越貴啦!

Q:需要購買環球片場快証嗎?如何購買?

如何購買:http://www.usj.co.jp/studioguide/attraction/efficient/e_uexbooklet_index.html#SalesLocation
因為USJ既Express Pass Booklet唔平,所以大家可以嚮入場之後視乎遊人多少至決定買唔買。留意,Express Pass Booklet只於1:00pm前於園內發售;聽聞公眾假期好早就會sold out。



網上預約酒店篇

Q:我已經through樂天網上book左酒店;係o米印張email帶去日本就得?

其實視乎樂天send俾你張email裡面講乜:

予約受付済 - booking confirmed
キャンセル処理中 - cancellation in progress ... 取消處理中
キャンセル済  - cancelled


現地決済 - 去到日本至俾錢

若果見到"予約受付済"+"現地決済",即係個booking已經confirmed,只需要印個confirmation email出o黎拿去日本就得。想再穩陣d既,可以send個email或打電話去酒店問下佢地有冇你個booking。留意,好多日本酒店,尤其是business hotel同溫泉酒店都只收現金,記住帶夠cash。

有唔明o既可以用呢度translate日文:
http://www.excite.co.jp/world/chinese/

Q:我去到日本至發現checkin時間同網上預約o既checkin時間唔同;有冇問題架?

梗係有問題啦!因為近年日本d酒店成日俾其他亞洲旅客放飛機;所以,若果比原定時間遲checkin,記得打個電話通知酒店,唔係佢隨時會將你間房俾o左其他walkin既人。趁機再一次提提大家,要做個有誠信o既人;訂o左酒店而又決定唔去o既記得要cancel個booking啊!!



Kansai Thru Pass(Surutto)篇

Q:Kansai Thru Pass係唔係要連續3日使用?

視乎你買邊種版本;外國人版o既Kansai Thru Pass就唔需要連續3日使用。通常KAA見你係遊客都會自動俾外國人版你,買時要出示passport;想穩陣d既,可以買果陣問清楚係o米可以唔連續3日用至買。

Q:Kansai Thru Pass可以坐邊d車?

最常用o既關西私鐵,巴士(如南海電鐵,阪急,阪神,近鐵,大阪市營地下鐵,京都市地下鐵,京都巴士,神戶地下鐵,等等等等)Kansai Thru Pass都cover;所以話Kansai Thru Pass係最常用o既關西交通pass就係咁解。
留意,Kansai Thru Pass唔可以坐呢d私鐵o既特急車;呢個map下面果兩個table有講邊d車坐得,邊d唔得:
http://www.surutto.com/conts/ticket/3daytw/images/en_map2006.pdf

[ 本帖最後由 mcmelody 於 2008-1-9 11:38 PM 編輯 ]



實用相關搜尋: Spa 旅行 酒店 電話 email 網上 香港

TOP

航空篇

關西只有一個國際空港,就係位於和歌山縣o既關西國際空港。至於內陸機場就不少地方都有,包括大阪(伊丹)、白濱、神戶等等。所以,由香港飛往關西最常用o既都係呢個距離大阪約1小時,京都約1.5小時鐵路車程o既關西國際空港。亦有人選擇由香港飛往中部國際空港(即名古屋)再去關西遊玩;但要留意,雖然乘坐新幹線由中部國際空港去大阪、京都只須約1.5至2小時,但單程車費都要6870円(中部国際空港->大阪)同6130円(中部国際空港->京都)!

由香港直飛往關西空港o既航空公司唔少;但只有國泰(CX)和印度航空(AI)才有早機去和午/晚機返。而又以印航機票票價最平,所以比較難book;至於有網友分享印航service差同delay等問題,就要留待閣下自行判決。

關西國際空港:
http://www.kansai-airport.or.jp/tw/index.asp





交通篇 - 往返關西空港





関西空港去大阪、京都方法

由關西國際空港去大阪市中心可選擇以下方法:

1)乘南海電鐵空港急行至大阪難波:890円一程,約45分鐘至難波站。適合住宿難波,心齋橋一帶酒店。
http://www.nankai.co.jp/traffic/kix/main.html

2)乘JR關西機場快速(関空快速)至JR大阪站(梅田):1160円一程,約65分鐘至大阪站(梅田),適合住宿梅田一帶酒店。

3)乘機場巴士:若有機場巴士直達酒店附近,不失為一個唔錯o既選擇:
http://www.kate.co.jp/pc/time_table/time.html
尤其住梅田新阪急o既網友,機場巴士可直達酒店門口,1300円一程,車程約60分鐘,係不二之選:http://www.okkbus.co.jp/timetable/unchin.cgi?rosen=kix_umd

由關西國際空港去京都

1)乘JR特快Haruka(はるか)至京都站:約75分鐘,2980円一程。一般會去JR関西空港站綠色窗口購買關西JR西日本Kansai Area Pass(JR West Rail Pass),1 day pass 2000円,坐一程Haruka已經回本。JR West Rail Pass可於各JR大站(如関西空港,京都,大阪,新大阪站等)綠色窗口(green counter)購買:




參考資料

關西國際空港交通資訊:
http://www.kansai-airport.or.jp/tw/access/index.html
http://www.kansai-airport.or.jp/tw/access/train/index.html

「從関西機場走進関西」旅遊指南:
http://www.kansai-airport.or.jp/fp/c-h/pdf/c-h_03_04.pdf

交通路線資料:
http://ekikara.jp
http://transit.yahoo.co.jp

[ 本帖最後由 mcmelody 於 2008-3-23 05:06 PM 編輯 ]






TOP

有心機分享之好帖, 加以高亮以示支持.


實用相關搜尋: Spa
豈能以斗釐之尺, 作天高海深之量,
夏蟲之不可語冰, 非其夜郎之自大,
實布衣草莽之心, 難作蕭何之所想.

TOP

[隱藏]
交通篇 - 關西通行證Part1

計劃交通可算係關西旅行中最繁複的一part。首先,你手中要有一個關西的交通map在手,才可明白各個景點之間的距離,及哪個景點應該跟哪一個景點group埋同一日遊覽。呢兩個map好好用,大家不妨印佢出o黎參考下:
關西私鐵交通路線圖:http://www.surutto.com/conts/ticket/3daytw/images/en_map2006.pdf
大阪交通路線圖:http://www.kotsu.city.osaka.jp/eigyou/route-map/subway_rosenzu.html
京都市巴士、地下鐵:http://www.city.kyoto.lg.jp/kotsu/cmsfiles/contents/0000019/19770/routemap_200801.pdf


關西有好多pass可以用;但須唔須要買pass,同買邊一種pass絕對視乎自己o既行程而定!所以,大家應該決定o左一個初步行程出o黎,再決定選擇以下邊種pass~

関西pass簡介:
http://www.jnto.go.jp/eng/arrange/transportation/discount_rail-bus.html
http://www.kansai-airport.or.jp/fp/c-h/pdf/c-h_07_08.pdf



Kansai Thru Pass(Surutto)
網站:http://www.surutto.com/conts/ticket/3daytw/index.html
購買:関西機場1/F KAA旅遊服務售票台,京都、大阪遊客指南中心,各大酒店

最常用o既関西交通pass,分2日乘車卡(3800yen)和3日乘車卡(5000yen),適合多次往返京都,奈良,姬路,高野山等地。好處係唔須要連續日數使用(只限外國人版),又適用於關西除JR以外o既大部份鐵路。此pass仲送唔少旅遊點o既coupon,包括海遊館,姬路城等:

使用範圍:http://www.surutto.com/conts/ticket/3daytw/images/en_map2006.pdf
優惠:http://www.surutto.com/conts/ticket/3daytw/images/tw_facilities.pdf



JR關西pass(JR West Rail Pass - Kansai Area Pass)
網站:http://www.westjr.co.jp/english/travel/jrp/index.html
         http://www.kippo.or.jp/travel/support_t/passport/pass.htm
購買:JR関西機場站綠色窗口,JR京都站、大阪站、新大阪站等綠色窗口


*「地區型」可使用範圍

只可用於JR鐵路,分「地區型」(即Kansai Area Pass)和「山陽版」(Sanyo Area Pass),一定要連續日數使用。最多人用要數Kansai Area Pass,有一日至四日版;一日pass 2000円,可用作坐JR特急Haruka(只限自由席)往返関西機場,以及大阪/京都往來姬路城之用;至於「山陽版」因為價錢太貴,所以比較少人買或用得著。
※關西通行證(路線型)預計在2008年1月底將要停止銷售。敬請注意!



大阪周遊卡
網站:http://www.lmaga-kansai.com/cn/index.html
購買:大阪遊客指南中心
分一日券(2000円)和兩日券(2700円);可以用大阪周遊卡無限次搭乘大阪市營地下鐵和巴士。吸引o既地方係會付附送24處大阪旅遊點o既免費入場券,只限當日使用。免費旅遊點包括空中庭園展望臺大阪城天守閣,大阪水上巴士等等:
http://www.lmaga-kansai.com/cn/free/index.html



大阪一日乘車券
網站:http://www.kotsu.city.osaka.jp/foreign/english/ticket/index.html
購買:大阪市營地下鐵各站服務中心


若果唔考慮去以上24個大阪旅遊點o既話,其實只須要買張大阪地鐵一日pass(成人850円;小童430円)就得;呢張pass可以一日內無限次搭乘大阪市營地下鐵和巴士,同享受大阪旅遊設施o既折扣優惠。比較特別o既,係嚮「No-My-Car Day」:即每週五(金曜日)同每月20日,呢張pass會有discount;優惠相同,但只賣600円,大小同價!



海遊館一日乘車券
網站:http://www.kaiyukan.com/info/ticket.htm#access
購買:視乎買邊一個版本;通常可於大阪市營地下鐵各站服務中心購買


呢個pass有好多版本,分別在於包括邊一種鐵路o既一日乘車券,另包海遊館入場卷(原價2000円)。
主要有:
大阪市內版(2400円) - 海遊館入場卷+大阪市內地鐵一日乘車券
阪急版(2800円) - 海遊館入場卷+大阪市內地鐵一日乘車券+阪急電鐵全線一日乘車券
南海版(2850円) - 海遊館入場卷+大阪市內地鐵一日乘車券+南海電鉄全線一日乘車券



京都市巴士一日乘車券
網站:http://www.city.kyoto.lg.jp/kotsu/page/0000019521.html
購買:JR京都站,京都各市巴士、地鐵站服務中心,京都市巴士車裡面,定期劵售票處


除非你會用Kansai Thru Pass;若果唔係,呢張500円o既京都市巴士一日乘車券幾乎係必買o既pass。因為呢張pass適用於京都市內最常用o既巴士線(如100,101,206號巴士等),用佢o黎去京都各旅遊景點如清水寺,河原町,金閣寺等就最適合,坐3程巴士已經回本。但留意,呢張pass唔包括去嵐山o既巴士區間。



京都觀光一日、二日乘車券
網站:http://www.city.kyoto.lg.jp/kotsu/page/0000010416.html
購買:JR京都站,京都各市巴士、地鐵站服務中心,定期劵售票處

分1200円(一日)和2000円(二日)版;除京都市巴士之外,仲可以無限次乘坐京都地鐵。
但因為京都好多主要景點都無法用京都地鐵直達;所以,多數只買樓上張500円巴士一日pass已經可以。



近鐵周遊券(Kintetsu Rail Pass)
網站:http://welcome.kankomie.or.jp/chinese_t/travel/discount.html
購買:只可於香港購買,於日本兌換 http://welcome.kankomie.or.jp/chinese_t/travel/travel_mado.html

呢張pass好少人用,但其實幾抵,3500円已可於5日內自由乘坐近鐵全線,仲包括3次近鐵特快列車券。適合前往伊勢,鳥羽,松阪,名古屋等地,一定要連續日數使用。但兌換方法頗復集,唔係人人適合。

使用範圍:http://welcome.kankomie.or.jp/chinese_t/travel/img/map.pdf
http://www.kintetsu.co.jp/railway/rosen/A50001.html



南海電鐵特急Rapid往復劵
網站:http://www.nankai.co.jp/ticket/toku10/main.html
購買:関西空港南海電鐵售票處,関西空港 2/F

* 南海電鐵Rapid

可以用優惠價2240円(原價2780円)於8日內搭乘南海電鐵Rapid往返関西空港、難波。Rapid為全車指定席,比南海電鐵特快(890円一程)快十多分鐘同更舒服。留意,購買時已經要決定來+回想坐邊兩班車(時間);所以最好預先用http://ekikara.jp check晒來回兩程坐邊班車最適合自己行程。



有馬溫泉太閣の湯一日pass

鐵路版(2700円):http://rail.hankyu.co.jp/ticket/shosai/arimataikou-1.html
包太閣の湯入館券,阪急電鐵+神戶高速+神戶電鐵。

阪急高速巴士版(3500円):http://bus.hankyu.co.jp/events/taikou.html
包太閣の湯入館券,阪急高速巴士往返梅田<->有馬溫泉站。



其他

另外關西地區私鐵都有唔少pass,搵到適合o既分分鐘慳唔少:

阪急http://rail.hankyu.co.jp/ticket/index.html
南海電鐵http://www.nankai.co.jp/ticket/index.html
阪神電車http://rail.hanshin.co.jp/ticket/

[ 本帖最後由 mcmelody 於 2008-3-15 08:25 PM 編輯 ]



實用相關搜尋: Spa 旅遊 旅行 酒店 香港 地鐵

TOP

交通篇 - 關西通行證Part2

當大家有o左初步行程之後,就可以計算下所須每程交通o既費用來決定買唔買pass;以下係兩個非常好用o既交通網站,只須輸入漢字站名就得:
http://www.ekikara.jp/
http://transit.yahoo.co.jp

以下係一d幾乎一定買pass既例子:
1)關西機場往返京都:JR關西一日pass(2000yen),坐Haruka。
2)大阪/京都往返姬路城:JR關西一日pass(2000yen)或Kansai Thru Pass。
3)大阪/京都往返高野山,和歌山城:Kansai Thru Pass。

其實,若多數時間留大阪市內,其餘時間只去京都,神戶等比較近o既地方,好多時都唔須要買Kansai Thru Pass或JR West Rail Pass。例如:

會住梅田,往
Day 1:嵐山+京都市內遊(清水寺,祇園,京都伊勢丹)
Day 2:奈良+大阪市內難波,心齋橋shopping
Day 3:神戶,大阪

所須車費
Day 1:梅田->嵐山:阪急京都線特急390yen,48分
       嵐山->京都站:JR山陰本線230yen,18分
       京都站->清水寺,祇園:京都巴士一日pass 500yen任坐。
       京都站->梅田:JR東海道山陽本線新快速540yen,29分
Day 2:梅田->奈良:JR大和路快速780yen,46分
       奈良->難波:近鉄難波・奈良線快速急行540yen,39分
       難波->梅田:大阪市営御堂筋線230yen,8分
Day 3:梅田->三宮:阪急神戸線特急310yen,27分
       三ノ宮->神戶港:東海道山陽本線新快速120yen,2分
       神戸->梅田:東海道山陽本線新快速390yen,25分

呢個例子,三日total車費只係4030yen;所以,買5000yen Kansai Thru Pass似乎唔多適合,除非你會突然去多幾個景點。



實用相關搜尋: Spa yahoo

TOP

酒店篇

請大家一起做個有責任感o既旅客;經網上訂o左酒店而又決定唔去o既記得cancel個booking啊!!



住宿建議

因為京都,神戶,奈良等熱門旅遊都距離大阪只係約半小時車程;所以,一般去關西旅行o既朋友都喜歡全程住在大阪,以大阪為基地再四出遊覽,免除check-in check-out既不便。當然,若你有很多天會去京都遊覽,咁亦不防搬酒店去京都住幾晚,情况因不同行程而異。



訂房方法

嚮日本預訂酒店非常方便,最常見有以下兩種途陘:

1) 經香港旅行社預訂:好處係不須自己安排,只要揀好酒店agent就會幫你安排好。但香港旅行社一般唔會有太多日本酒店可供選擇,尤其溫泉酒店就更加少。而且經香港旅行社預訂,通常要預先俾錢,而匯價就由旅行社自己決定。

2) 經網上預訂:好處係選擇非常之多,而且豐儉由人!一般到日本後至俾錢,但亦視乎個別酒店policy而定。但唔少訂日本酒店網站都只有日文website,對抗拒睇日文website既人可能會比較困難。



訂房網站

以下係幾個常用o既日本酒店網站,部份只有日語介面,仲要登記做會員至可book酒店;雖然係咁,但近年已漸多香港人用呢d網站book日本酒店架喇:

1) 東橫Inn (Toyoko Inn)連鎖式商務酒店,嚮日本各大小城市都搵到。雙人房間約7xxx-8xxx yen一晚,已包簡單早餐。房間非常細小,但設備很齊全,而且每間房都有免費LAN線上網,適合帶手提電腦o既人。網上訂房可用中、英、日文,亦唔須要登記做會員。到日本後可考慮apply membership;好處係住10晚會有一晚免費,而且以後可以預早3個月訂房,比其他人早1個月:
http://www.toyoko-inn.com

2) Super Hotel:另一連鎖式商務酒店,有時仲平過東橫tim:
http://www.superhotel.co.jp

3) Jalan:全日文網站;其實係日本酒店agency,代訂酒店選擇非常之多,包括仲平過東橫Inn既business hotel,至5星高級酒店,或各地唔少溫泉酒店。用呢d網站book酒店,分分鐘慳唔少;尤其要留意一d Jalan既獨家promotion。
Jalan網站:
http://www.jalan.net
如可登記成為會員:http://piggus.net/japan/post/3/232

4) 樂天:日文網站,亦有英文版;但英文版酒店選擇比日文版少好多。係Jalan之外另一勁多人用o既日本酒店網站:
http://travel.rakuten.co.jp[
http://www.mytrip.net
如可登記成為會員:http://www15.discuss.com.hk/viewthread.php?tid=4325627&page=5&extra=page%3D1#pid88455836

5) 酒店自己o既網站:好多日本酒店本身已有網站,通常都可以經酒店網站做booking;有時酒店網站個rate會比Jalan同樂天貴,但有時又平d,所以記住格下價!

因為網上訂房通常唔須要預先俾錢,所以真係好方便,令我地可以嚮出發前更容易更改行程。但就係因為咁方便,大家就要更加珍惜,做一個有誠信o既人;訂o左酒店而又決定唔去o既記得要cancel個booking啊!!



大阪酒店

通常會選擇梅田區酒店,或者難波、心齋橋一帶。住梅田適合時常來住京都、神戶一帶o既人,因為梅田就係去呢兩處地方o既中轉站。梅田區比較多人選擇酒店有大阪第一新阪急Granvia等,約港幣千多元一晚,全部都好近JR大阪站同梅田地鐵站,交通非常方便;新阪急更有機場巴士直達酒店門口。

梅田比較平而又近大阪站o既酒店有Hotel Landmark梅田Hearton Hotel西梅田等;東橫Inn梅田中津Hotel Sunroute梅田離大阪站比較遠,但價錢都只係港幣幾百蚊一晚。

另一比較多港人住係心齋橋區酒店,以方便購物,行去道頓堀食o野又近。但要留意,心齋橋酒店大多冇機場巴士直達;而由関西機場坐南海電鐵到難波站之後亦要行約十幾分鐘,或轉一程地鐵至到心齋橋,咁樣拖住行李行十幾分鐘都可以幾甘。建議只擇心齋橋近千日前通和御堂筋一帶酒店,交通會比較方便d。

心齋橋比較多人選擇Cross Hotel(前名Riva心齋橋),日航大阪,尤其Cross Hotel,網上評價似乎唔錯;平d而又方便o既酒店有Comfort HotelHearton Hotel心齋橋道頓崛Hotel。至於東橫Inn心齋橋西富士屋Fujiya都比較遠同冇咁方便,個人唔建議選擇。

我自己就比較鍾意住難波,因為行去坐南海電鐵出機場好近(約5分鐘),而行去道頓堀,心齋橋亦只不過約5-10分鐘。難波都有好多酒店,如Swissotel南海大阪,就嚮正南海電鐵難波站上蓋,但幾貴。平價d有Hotel IlCuore御堂筋Hotel同Hotel Le Botejour;仲有網友Mikasa推介呢間近黑門市場而又平又方便o既ナンバプラザホテル酒店:http://travel.rakuten.co.jp/HOTEL/5510/5510.html

我就鍾意住呢間Namba Oriental,貪佢房同浴室都夠大,而且經樂天/Jalan可以book到d只係9xxx円一晚既平plan:


樂天大阪站、梅田站週邊酒店list:http://travel.rakuten.co.jp/group/tiku/04japanosakashiB.html
樂天心齋橋、難波週邊酒店list:http://travel.rakuten.co.jp/group/tiku/04japanosakashiD.html



京都酒店

建議住京都站,或四条烏丸附近酒店,出入比較方便。嚮正JR京都站上蓋o既Hotel Granvia京都就當然係正,但價錢唔平。中價d既,有Kyoto Tower Hotel京都新阪急,交通一樣咁方便,就嚮JR京都站附近。另四条站o既Hotel Nikko Prince交通亦算方便。

Business Hotel方面,可以揀東横Inn京都四条烏丸東横Inn京都五条烏丸Super Hotel烏丸五条等,當中亦以東横Inn京都四条烏丸比較近地鐵站,附近亦有唔少巴士可乘搭至各旅遊景點。

京都民宿方面,好多網友推介呢間Tour Club Kyoto,好近JR京都站,但旺季會full得好快!呢間K'S House就冇咁方便,但評價都唔錯。

若果想住d比較有京都風味o既特色旅館,旅館ホテル杉長,近河原町o既田舍亭,同四条烏丸附近o既旅館花屋係比較中價o既選擇,早餐仲可能有京料理或湯豆腐食添!

樂天京都站週邊酒店list:http://travel.rakuten.co.jp/group/tiku/04japankyotoshiD.html

[ 本帖最後由 mcmelody 於 2008-4-7 03:00 PM 編輯 ]



實用相關搜尋: Spa 旅遊 旅行 酒店 英文 MBA 商務

TOP

溫泉篇

鍾意浸溫泉o既,關西絕對係會令你一去再去o既地方,因為整個關西都遍佈出名o既溫泉區!



有馬溫泉

最有名o既關西溫泉,要算係距離只係約一個多小時車程o既有馬溫泉。位於兵庫縣o既有馬溫泉係日本三大著名溫泉之一,裡面o既溫泉因為有礦物質而令泉水似「金」同「銀」色,所以稱為金湯,銀湯,分別有不同療效。


正因為有馬近大阪,所以好適合d逗留關西時間唔耐o既遊客,選擇「日歸」->即係即日來回,只俾浸溫泉費用。除開放俾公眾又非常歷史悠久o既「金の湯」同「銀の湯」之外,其實好多有馬溫泉酒店都有「日歸」,但部份要連一餐料理。可以參考呢度o既介紹:
http://www.arima-onsen.com/chu1/spa.html
http://rail.hankyu.co.jp/ticket/shosai/arimataikou-1.html

當然,除「日歸」之外,時間許可o既話,book個一泊二食plan住一晚就最正!因為有馬溫泉就嚮神戶附近,唔少有馬溫泉夜晚果餐懷石料理仲有神戶牛食tim!有馬最大o既酒店就係呢間Arima Grand:http://www.arima-gh.jp/ 但價錢幾貴,一泊二食要港幣約三千幾蚊一日:




想平d既,可以選擇有馬view,住客可使用太閤の湯溫泉樂園:http://www.arima-view.com
有朋友住過呢間陵楓閣,一泊二食約二千蚊,幾細,溫泉只係一般,但交通幾方便:http://www.negiya.jp/

有馬溫泉交通
可於梅田乘阪急巴士直達有馬溫泉站,單程1330円,約55分鐘:
http://bus.hankyu.co.jp/kinki/arima_h.html
http://bus.hankyu.co.jp/highway/highway10.html
或坐阪急/阪神電鐵至三宮,再轉北神急行/神戶高速/神戶電鐵至有馬溫泉站。



白濱溫泉

位於和歌山縣,日本三大古湯之一o既白濱溫泉距離大阪乘JR約2小時,或乘巴士約3.5小時。小妹覺得白濱有少少似夏威夷o既威基基海灘,因為白濱o既溫泉酒店幾乎都係沿海而建;所以,大部份酒店都有勁靚海景,部份溫泉更係對住海o既露天風呂!我試過一邊嚮白濱浸住露天溫泉一邊睇日落;果種情景,至今難忘:


白濱露天溫泉介紹http://www.nanki-shirahama.com/spa/

雖然白濱比有馬遠,但白濱一般酒店都比有馬平,一泊二食約千幾二千蚊已經有唔錯o既酒店;想再平d,白濱亦有唔少民宿可以選擇。白濱比較有名o既酒店有梅樽溫泉酒店:http://www.seamore.co.jp/

佢係用浸梅o既木桶盛溫泉水。最近剛住過佢o既海則洋室,個海景好靚:


梅樽隔籬o既草原の湯就係我一邊浸住露天溫泉一邊睇日落果度,可以日歸:http://www.onsenpark.com/index1.html

我果陣住呢間柳屋都唔錯;間房有靚海景,溫泉出面仲有按摩椅服務:http://www.yanagiya-hotel.jp/


講白濱,又點可以唔提呢個只係三百幾円入湯費,但就海天一色o既公衆露天溫泉「崎の湯」呢:


其實白濱附近都有好多明勝如三段璧,円月島,Toretore海鮮市場等;若時間容許都幾值得去玩一至兩日!




白濱溫泉交通
明光巴士由大阪至白濱約3.5小時,5000円(包來回兩程):http://www13.ocn.ne.jp/%7Emeikobus/kousoku/index.html
乘JR Ocean Arrow由大阪至白濱約2.5小時,單程4620円。



勝浦溫泉

離大阪乘JR都要3個幾4個鐘!雖然好遠,但單單一間浦島酒店,就已經令小妹覺得好值得:
http://hotelurashima.co.jp/onsen/onsen.htm

浦島酒店非常大,一間酒店裡面已經有6個溫泉區,而每個溫泉區又有3至4個溫泉池。其中一個溫泉「忘歸洞」係天然洞穴溫泉,海天一色,非常出名!




另外勝浦o既中の島溫泉酒店亦以島中露天溫泉聞名;但個人經驗,浸呢個露天溫泉會有俾海上遊艇望到o既危機


勝浦附近亦有唔少景點,包括世界遺產熊野古道,那智大社,那智瀑布,同全日本吞拿魚產量最高o既勝浦漁港。你亦可以去附近太地海豚基地親親海豚,或去串本海中公園睇海龜。


關西溫泉區仲有城崎溫泉,龍神溫泉,虹原溫泉,蘆原溫泉等等等等,真係多到講都講唔晒!



大阪市內溫泉

若果真係冇時間去關西溫泉區浸溫泉,亦可以考慮比較人工化o既大阪市內溫泉;呢兩個都幾多人去,仲有部份溫泉可以穿泳衣:
世界の大溫泉: http://www.spaworld.co.jp/
La Spa:http://www.laspaosaka.com/



浸溫泉須知

一般日本溫泉都唔可以穿泳衣,或用毛巾包住身體入溫泉,除非特別說明。浸溫泉前一定要沖亁淨身體,然後只拿一塊小毛巾用作步行時蓋住重要部位,同浸溫泉時放嚮頭頂散熱。注意,毛巾係唔可以放入溫泉裡面,以確保水質唔受污染。

日本溫泉通常都唔可以男女一齊浸,除o左一d可穿泳衣o既溫泉樂園,或一d好古老o既「混浴」溫泉(通常婆婆至肯去)。想同另一半一齊浸溫泉,可以選擇以下方法:

1) 去一d可穿泳衣o既溫泉樂園,如La Spa或Spa World。

2) Book一間有「貸切風呂」(即私家溫泉)o既溫泉酒店。呢d貸切風呂一般按時間收費,去之前要先預約。

3) Book一間有「風呂付客室」(即間酒店房裡面有私家溫泉)o既溫泉酒店住一晚;但呢d房一般比普通房間貴約一倍!

另要留意,血壓高或心臟病患者不宜浸溫泉;健康人仕亦應適可而止,浸約15分鐘就休息一陣。

希望大家嚮日本嚮受浸溫泉樂趣o既同時,亦幫忙尊守浸溫泉o既規條,愛惜溫泉資源,做個有公德心o既旅客!

[ 本帖最後由 mcmelody 於 2008-5-27 11:09 PM 編輯 ]






TOP

飲飲食食



和牛

日本三大牛之二:神戶牛(三田牛),松阪牛都出自關西;所以,去到關西,你又點可以唔試試世界知名o既和牛?

神戶牛
世界知名o既神戶牛,其實係神戶附近牧場(多數係三田飼養,有優良血統o既但馬牛),乎合某個極高標準之後至可稱為神戶牛。神戶o既三宮,元町站有各式各樣餐聽供應神戶牛;因神戶為外國人聚居o既地方,所以神戶牛亦係日本同西式文化o既結晶品,通常以西餐方式食用。

蔡瀾介紹過o既飛苑,食炭燒三田牛,散叫200g賣7000円;

Set包300g三田牛,飯,牛骨湯同salad,12000円:


其實想平d既,好多人o既做法係去食lunch set,通常5-6000yen已有唔錯o既選擇。無線介紹過o既大井,Lunch set約5500yen,但要預約。另東京都有分店o既三田屋,本店都嚮神戶。想再平d既,可以去呢間Steakland(ステーキランド),神戶牛lunch set都係2980yen;但呢間有網友讚,亦有唔少人彈~

呢間Mouriya個lunch set都幾抵食,4700yen已經有150g既神戶牛set,但要1日前打電話book位,仲要指明食special lunch至有得平:


松阪牛
食松阪牛最抵食當然係嚮松阪,仲可以順便去松阪d牧場睇下日本人點樣用啤酒同d牛按摩。去唔到松阪o既,嚮大阪都有唔少食松阪牛o既餐廳。呢間松阪牛燒肉M嚮大阪有幾多分店,價錢唔算好貴,晚餐5-7000yen都有交易。



河豚

大阪佔全國約6%河豚消費量,可謂全國之最;所以嚮大阪,幾乎通街都搵到食河豚o既餐廳。一般河豚料理會包括生熟兩食:剌身以切得越薄,可以見到碟o既圖案為之越正。熟食以火鍋為主,用清湯灼熟河豚肉;食完之後,侍應會將飯放入火鍋,再煮熱成泡飯。咁樣o既一餐河豚料理約5至7000yen一位;值唔值得就見仁見智喇!但要留意,因河豚乃毒物,食用始終會有危險性。

大阪一般連鎖或老字號河豚料理店都已有河豚烹調資格,通常店前都有隻河豚標記:


呢幾間連鎖店都好多人去:太政 玄品 Zuboraya
另黑門市場o既浜藤評價都唔錯!



京料理

懷石料理
以不使用濃烈的調味品、強烈的辛辣佐料,來保持材料原來風味而見稱的料理。但一餐正宗懷石料理閒閒地要成千元港幣!想平d既,可以選擇懷石午餐。除二、三年坂,四条,祇園一帶o既京料理店舖之外,嚮南禪寺附近o既洛翠,環境唔錯,京會席lunch約5000yen。

川床料理
料理店搭建於河流上面,令客人有如置身河床上面食o野咁,特別涼快。川床料理只限夏天於京都貴船、鴨川供應。部份川床料理店如ひろ文,仲會有流水麵(流しそうめん)食tim!




湯豆腐
其實所謂湯豆腐,即係將豆腐放嚮煮著熱水o既鍋裡保溫食用,並唔係「豆腐湯」o黎。京都各寺廟,嵐山一帶都有唔少湯豆腐料理店舖;當中以老舖奥丹順正名氣比較大。想經濟d既,清水寺裡面都有檔湯豆腐,用木桶盛裝,500円已有交易:


另嵐山路邊小檔都有好多350円一客湯豆腐同250円豆腐軟雪糕~



魚生,海鮮

可能大阪食河豚太出名,以至令很多人忽視關西魚,海鮮料理。其實大阪中央市場每朝都有新鮮魚獲由關西各地運到;紀伊半島更加係3面環海,魚獲種類之多和豐富,其實絕對唔比日本其他地方輸蝕。

伊勢海老
亦即係我地口中o既龍蝦,係紀伊半島o既名物。伊勢海老比香港食開o既龍蝦細隻,通常會用o黎刺身或者阪燒。嚮臨海溫泉區如伊勢,鳥羽,志摩,勝浦,白濱一帶尤其多食伊勢海老店舖;溫泉酒店晚餐亦好多會有伊勢海老食。若去開和歌山黑潮市場白濱Toretore市場,不妨買o黎一試。

越前螃蟹
又名椿葉蟹或松葉蟹,只在冬季至有得食;如果冬天去開兵庫縣o既城崎溫泉就千祈唔好錯過!

吞拿魚(鮪)
勝浦同串本都盛產吞拿魚,尤其係勝浦,勝浦漁港更加係全日本吞拿魚產量最多o既魚港之一:


去開勝浦,唔好忘記去勝浦築地試試係果度至有得食o既吞拿魚內臟料理:


和歌山黑潮市場同白濱Toretore市場每天都有吞拿魚由串本和勝浦漁港運到,約lunch時分會有湯吞拿魚表演。



大阪市內食店

道頓堀

蟹道樂本店(かに道樂)
門口有大大隻識郁o既蟹招牌,以螃蟹料理見稱,幾乎係香港人必去o既食店。想平d既,可以去食set lunch,2-3千幾yen都有交易!


金龍拉麵
提佢o既原因,只係想叫大家唔好去....嚮難波求其搵一間拉麵店都好食過佢!

燒章魚丸
大阪地道小食之一,嚮道頓堀通街都搵到!除老店本家日本一大たこ之外,另道頓堀極樂商店街7樓仲有間蛸やくし,可以自己燒o既自助章魚丸店,每張檯都有個章魚丸爐頭,好似幾得意咁。

大阪燒餅Okonomiyaki
另一源於大阪o既地道食品,意思係「隨你喜好」;所以,其實燒餅o既材料好多時都係任你自己配搭。通常會用蔬菜,海鮮,肉類等材料;略煎後再加入麵粉漿,最後再加大量醬汁,蔥,沙律醬,木魚絲等等....所以非常飽肚!


串家
唔少香港人去,食自助式炸物放題;想去o既記得印coupon。

自由軒
另一大阪名物,專食一種炒得好濕,中間加隻生蛋o既咖哩飯。

市場ずし
寿司新鮮,亦唔貴;推介海膽壽司。心齋橋同難波都有分店


黑門市場


其實係個類似街市咁o既地方,裡面有唔少新鮮食物售賣,如肉類,河豚,生果等,亦有少量食店。士多啤梨當造期時,呢間千成屋係掃貸好地方:


最近至發現黑門市場裡面有間"海老の大榮"鮮魚店,d大拖羅(O-Toro)壽司又平又抵食;呢4件大拖羅壽司都只不過950円,大拖羅入口即溶,勁好味啊!!


黑門市場有幾檔60円一杯鮮豆漿,豆味非常濃,但唔甜:


法善寺橫丁
夫婦善哉
專食日本紅豆沙湯丸既店舖~

魚心壽司
除好多人去過o既梅田本店之外,法善寺橫丁都有分店。我兩間都去過,兩間都覺得唔錯;尤其海膽同魚子壽司,好大碟:


阪急東通商店街
嚮梅田區阪急百貨店東側,非常多食店,所以夜晚勁熱鬧,係住梅田區必去o既食街。

京橋
大阪o既商業區;特別之處,係放工時間會有唔少「屋台」,即係好似香港大排檔咁o既食店。其中人氣屋台「居酒屋とよ」,以抵食海膽魚子壽司聞名。

青木松風庵
佢o既cheesecake,士多啤梨大福/葡萄大福都好好味,必試!




搵食Tips
去日本之前,大家不妨去呢幾個日本搵食網站望望,睇下想去o既食店有冇coupon,印定出o黎分分鐘慳唔少!
http://www.gnavi.co.jp
http://gourmet.yahoo.co.jp
http://www.hotpepper.jp
http://www.walkerplus.com/gourmet

[ 本帖最後由 mcmelody 於 2008-5-27 11:35 PM 編輯 ]



實用相關搜尋: Spa 酒店 電話 餐廳 食物 香港 交易 yahoo

TOP

[隱藏]
季節篇

個人覺得,關西一年4季都咁適合旅遊;當中尤其以櫻花季節(約4月頭-4月中)紅葉季節(約11月中-11月尾)最多人遊覽。尤其京都,滿開o既櫻花和紅葉加上京都寺廟,實在美得令人流連忘返!櫻花紅葉季節時京都各寺廟更會短期開放夜間參拜,用燈襯托櫻花/紅葉,唔好錯過!

春天(櫻花季節:約4月頭-4月中)
因為櫻花季節係旅遊大旺季,建議大家預早起碼2個月(或更早)book定機票酒店,而且預留最少2日(或更多)嚮京都遊覽。但櫻花花見時間頗短暫,開花速度亦隨氣溫而變化;所以睇唔睇到滿開,真係好睇運氣!

以下係關西各大賞櫻名所:

清水寺


哲学の道


円山公園


平安神宮




仁和寺


醍醐寺


奈良吉野山


世界文化遺産国宝姫路城


大阪城公園


當然,點可以唔提每年只對外開放一星期o既大阪造幣局桜の通


記得3月開始要留意各花見特集啊:
溜溜步http://www.rurubu.com/season/spring/sakura
Mapple(有櫻花名所一百選):http://www.mapple.net/sp_sakura
JTB(有各地櫻花現場影像鏡頭!):http://www.jtb.co.jp/season/spring/sakura
雅虎(有京都賞櫻路線):http://sakura.yahoo.co.jp
電視台櫻情報http://www.fuji-network.com/sakura
日本氣象廳http://www.jma.go.jp/jma/index.html


夏天

1. 祭典
關西各大祭典都集中嚮夏天,尤其以日本三大祭之二的「祇園祭」同大阪「天神祭」最有名,非常值得參觀!

京都祇園祭

日期:7月1日-31日 - 16日宵山之夜,17日山鉾巡行(花車),24日花傘巡行,31日夏越祓
地點:八坂神社
祭祀活動從7月1日的「吉符入」開始,一直到31日「疫神社夏越祓」而結束。又以17日花車巡行為高潮;當日32座花車會從四條通出發,經過河原町再往御池通。

大阪天神祭

日期:7月24日,25日 - 24日宵宮祭;25日彩船競渡、奉納花火
地點:天滿宮
以7月25日的「陸御渡」和「船御渡」為重心,即陸上巡行和水上彩船巡行。

其他祭典
JTB夏祭り特集 http://www.jtb.co.jp/season/summer/natsumatsuri/
http://www.jnto.go.jp/chc/yokoso/eventlist.html

2. 花火

每逢夏天,日本人喜歡穿上浴衣,去各沙灘、河邊放煙花。夏天關西亦有唔少花火大會,好適合同另一半一同欣賞!

日本各地花火大會情報
http://www.jalan.net/jalan/doc/theme/hanabi/hanabi_index.html
http://www.jtb.co.jp/season/summer/hanabi


秋天(紅葉季節:約11月中-11月尾)
相比櫻花下o既關西,我其實更喜歡紅葉下o既關西。同櫻花季節一樣,紅葉季節亦係旅遊大旺季;所以建議大家預早起碼2個月(或更早)book定機票酒店,而且預留最少2日(或更多)嚮京都遊覽。

以下係關西各大紅葉名所:

清水寺




嵐山嵯峨野
渡月橋

常寂光寺

天龍寺




東福寺




南禅寺永観堂




総本山光明寺


夜間紅葉參拜資訊
http://www.e-kyoto.net/topics/momiji/night/index.htm

記得11月開始要留意各紅葉前線特集啊:
溜溜步http://www.rurubu.com/season/autumn/koyo
Mapplehttp://www.mapple.net/sp_koyo
JTBhttp://www.jtb.co.jp/season/autumn/kouyou
Weathernewshttp://weathernews.jp/koyo2006/
Yahoohttp://domestic.hotel.travel.yahoo.co.jp/special/kouyou/famous/e.html
Walkerplushttp://www.walkerplus.com/koyo/index.html
日本氣象廳http://www.jma.go.jp/jma/press/index19.html
近年京都紅葉相片http://homepage2.nifty.com/cub/momiji/momiji_data.htm

[ 本帖最後由 mcmelody 於 2008-1-6 02:51 PM 編輯 ]



實用相關搜尋: Spa 旅遊 酒店 電視 yahoo

TOP

support =]


實用相關搜尋: Spa

TOP

加油啊!真係幾有用d資料


實用相關搜尋: Spa

TOP

加油








TOP

購物篇

其實我並唔係一個shopping精o黎~所以如有錯漏,請大家多多指教啊!

退稅

日本購買商品會收5%消售稅。但個別商戶(以大百貨公司,大電器店為主)會為海外遊客提供退稅服務,每張過10,000円o既收據就可以退稅。遊客只可於購物當日,帶同passport,收據去商戶退稅專櫃辦理退稅手續。而一本passport只可辦理一張過10,000円o既收據;即係話,若你有2張過10,000円o既收據,你就要用2本passport退稅。

留意有d名店唔一定有退稅服務;所以,買之前要問清楚。而退稅手續亦只可於購物當日嚮商店辦理;唔可以補辦退稅,或去機場退稅。

Factory Outlet

Outlet一般會售賣季尾貨,個別商店有時會賣斷碼或"次"貨,所以價錢通常都比正價貨平。唔同outlet會售賣唔同品牌,距離市區遠近亦唔一樣,所以大家應以品牌同shopping時間去決定行邊一個Outlet。當中以近機場o既Rinku同市內o既Blossom最多人行。若去Rinku,記住去佢website度登記VIP,收到email拿去Rinku個information centre可以拿一本coupon,會再有5-10%discount!

關西各大outlet
Rinku Premium: http://www.premiumoutlets.co.jp/rinku/index.html
Blossom: http://www.blossomoutlet.com/
Marine Pia Kobe(即舊Porto Bazar) http://www.31op.com/kobe/
Bayside Mall: http://www.kishiwada-cancan.gr.jp/
Sanda Premium: http://www.premiumoutlets.co.jp/kobesanda/

大阪市內Shopping

大阪市內shopping主要集中嚮心齋橋一帶;果度有唔少百貨公司(Sogo,大丸),品牌(Beams,Agnes B,Comme des Garcons(Play)),同各大小藥房,時裝店,精品店等等。心斎橋筋商店街更加係香港人必去o既shopping景點。
心斎橋筋商店街店舖
http://www.shinsaibashi.ne.jp/index.html
http://www.shinsaibashisuji.com/tenpodb/map180.html

離心斎橋冇幾遠o既南船場堀江一帶,美國村亦係名店同朝流服o既集中地;有Evisu本店,Adidas旗鑑店,Edwin,Busy Workshop(Bape)等。購物guide:

http://www.nipponpass.com/travel/city.php?city_id=39

另外,梅田Hep Five亦有Beams,Stussy,Xlarge等人氣品牌:http://www.livehep.com/about/index2.asp

喜歡買玩具,電器,相機,日本橋電器街Denden Town就一定唔可以錯過:http://www.denden-town.or.jp/
另梅田Yodobashi CameraKiddy Land;難波Bic CameraLabi1都係玩具迷必到地方。

手信方面,各100円店,道頓崛固力果、激安の殿堂,地下街都係入零食手信o既好地方。呢間Marushige就好似上野d手信舖咁~佢隻北新地Tiramisu朱古力(525円)幾好食!另外,関西機場青木松風庵既士多啤梨/葡萄大福同cheesecake亦係必買手信。



品牌篇

Burberry Blue Label(バーバリーブルーレーベル)
網站:http://www.burberry-bluelabel.com

因為關西冇Burberry旗鑑店,所以只可於各大百貨公司專櫃買;有冇得退稅視乎百貨公司,需於百貨公司即日拿passport辦理退稅手續。
大阪
梅田阪急, 阪神百貨店, 大丸梅田店, 大丸心斎橋店, 高島屋大阪店, 近鉄阿倍野本店
京都
高島屋京都店, 大丸京都店, ジェイアール京都伊勢丹
兵庫  
大丸神戸店, そごう神戸店
印象中難波間0101(なんばマルイMarui)都好似有blue label,但官網冇寫~不過都應該以官網作準。

Burberry Black Label(バーバリーブラックレーベル)
網站:http://www.burberry-blacklabel.com

大阪
阪急百貨店うめだ本店, 大丸大阪心斎橋店, 大丸大阪梅田店, 阪神百貨店, 近鉄百貨店阿倍野本店, 髙島屋大阪店, なんばマルイ(0101)
京都
大丸京都店, ジェイアール京都伊勢丹, 髙島屋京都店
兵庫
大丸神戸店, 神戸マルイ(0101), そごう神戸店

Burberry Outlet

因為Blue Label由日本三陽商會設計製造;根據台灣網站,三陽商會嚮日本各城市都有outlet,有唔少Burberry商品;但我自己真係未去過,以下outlet資料只供大家參考:
地址:大阪府吹田市江坂町1-13-33進和江坂ビル1F
交通:地下鉄御堂筋線江坂駅下車,1番出口。

Agnes B(アニエスベー)
網站:http://www.agnesb.com/front/japan.jsp

另一個必掃品牌,因為日本價錢比香港專門店平好多。聽聞唔係間間有得退稅,所以嚮百貨公司專櫃買會穩陣d:
大阪
Namba Parks T-terrace3F, 梅田阪神百貨店2/3/5F(Voyage, Homme), 梅田大丸3F(Voyage), 心斎橋大丸南館, 難波高島屋2F(Voyage), 近鉄阿倍野店3F(Voyage)
京都
京都伊勢丹5F, 大丸京都店1F, 高島屋京都店1F
兵庫
大丸神戸店1F

Porter(ポーター)

大阪間Head Porter已經close左。Kura Chika專門店就有以下幾間:
難波:http://yoshidakaban.com/shop_nanba.html
阿倍野:http://yoshidakaban.com/shop_abeno.html
京都河原町:http://yoshidakaban.com/shop_kyoto.html
神戶:http://yoshidakaban.com/shop_kobe.html

Beams
網站:http://www.beams.co.jp/company/html/shoplist.php


Outlet嚮Rinku;專門店有以下幾間:



Bape
網站:http://www.bape.com/

Bape:大阪府大阪市西区南堀江1-19-2;京都三条通烏丸梅忠町24 B1F
Apee:大阪市西区南堀江2-4-3

Evisu
網站:http://www.evisu.jp/
店鋪:http://www.evisu.jp/contents/informations/kinki_osaka.html(南船場4丁目10-19)

[ 本帖最後由 mcmelody 於 2008-6-22 02:43 PM 編輯 ]



實用相關搜尋: Spa MBA 設計 email 零食 香港

TOP

[隱藏]
駕車篇



因為大城市如大阪,京都,神戶等市內公共交通好方便,而且繁忙時間塞車機會幾大,泊車又唔平;除非要去較偏遠地方,若果唔係其實冇乜必要租車。

個人意見,關西偏遠如紀伊半島一帶(如白浜,串本,勝浦,鳥羽,松阪一帶),就幾適合駕車遊。



味覚狩り

其實唔少人都會想冬/春天去關西d果園摘士多啤梨,夏/秋天去摘下巨蜂,食下水果放題咁。但大多數観光農園都嚮和歌山、兵庫縣、奈良縣鐵路唔可以直達o既地方。所以想去観光農園食水果放題,租車亦係幾適合o既選擇。順便嚮度post d關西観光農園o既資料:

士多啤梨(Ichigoイチゴ狩り):http://www.walkerplus.com/ichigo/kansai/index.html
    http://www.rurubu.com/season/winter/ichigo/
    http://www.jalan.net/jalan/doc/theme/berry/berry_index.html
其他(味覚狩り):http://www.mapple.net/sp_mikaku/
夏の味覚狩り:http://www.rurubu.com/season/summer/mikaku/
秋の味覚狩り:http://www.rurubu.com/season/autumn/mikaku/



租車需知

1) 首先要去香港運輸署(牌照事務處)拿個國際車牌;通常即日就有,費用HK$80。

2) 計劃你o既行車路線,仲要決定嚮邊度拿車同還車。拿車同還車可以同一県但唔同地點,但有租車公司會收附加費;而且,非大城市唔一定間間租車公司都有分店,所以拿車同還車地點亦係你決定幫襯邊間租車公司o既因素。



各大租車公司

跟住就去各大租車公司格下價;以下係比較多人用o既幾間:
Tocoohttp://www2.tocoo.jp
其實係租車agent,代租Mazda,Nissan;最近北海道仲有埋North Wing tim!好處係網頁有英文介面,而且價錢幾乎最平;但除租車basic charge之外,要留意d additional cost,如Tocoo system charge同d deductibles。預約時亦要留意d options,記得tick GPS。

Toyotahttp://rent.toyota.co.jp
日本最大車廠,租車分店亦係佢最多,幾乎各大小城市都有;同県唔同地點還車唔收surcharge,GPS導航亦好易用。但租車價錢唔係最平。

Nippon Rent-A-Carhttp://www.nipponrentacar.co.jp/
有唔少車種,包括Honda同Mazda。全國有唔少分店,價錢合理,網頁有英文介面。

其他租車公司
Ekirenhttp://www.ekiren.co.jp
Orixhttp://car.orix.co.jp/
Mazdahttp://www.mazda-rentacar.co.jp
Nissanhttp://nissan-rentacar.com/

參考費用:一般租車收費,小型車約6000円一日,中型車約10000円一日(示乎個別租車公司);insurance約1000円以上一日。有時租車時間長會有discount,所以記得格下價。

格價之後就可以嚮網上預訂;通常我係揀o左間分店先,click入去就知有邊d車可以租。大租車公司如Toyota,Nissan,Mazda呢d嚮網上預訂時就已經即時show埋俾你睇有邊種車可以租;但Tocoo同Ekiren果d,就要reserve左,然後佢至會寄封confirmation email話你知有冇車。網上預訂時記得睇清楚個價有冇包insurance同其他option如GPS,吸煙/禁煙車咁。



準備工作

出發前記得嚮網上預先search定想去日本景點同酒店o既電話號碼;因為日本GPS大部份只得日文介面,所以用電話號碼入GPS目的地係最簡單易用o既方法。但GPS始終係機器,亦可能有接收唔到或「老點」o既時候。所以,大家亦應該預先上網check定大約行車路線,以防萬一。嚮日本租車時,唔好忘記問租車公司拿一個簡單行車地圖旁下身。


印埋張網上預訂confirmation email(連reservation number),去你預訂間租車公司就可以拿車。通常租車公司職員會睇下你個國際車牌,同你講解下insurance d terms,俾埋錢之後就會同你check車;記得睇下個油缸係唔係full tank,車身有冇花過或撞過,跟住記得捉佢講解下個GPS點用。呢d程序計計埋埋可能都要用你半粒鐘;所以,最好預約時間前半粒鐘到達租車公司。



注意事項

跟住就可以出發架喇!雖然日本同香港一樣係右駄,但行車方法有d唔通。最明顯係燈位轉右同轉左;日本係「Free Left Turn」:即只要嚮燈位前停一停,睇清楚冇行人或其他車,紅燈時也可轉左。綠燈轉右時,就千祈唔好即刻轉右,只可以向前行出d;記住要睇清楚對面有冇車迎面而來,若不斷有車,就要等轉黃燈時至可以轉右。



有用網站

NAVITIME: http://www.navitime.co.jp
高速道路料金検索:http://kousokubiyori.jp/
Highway Navigator: http://www.hinavi.jp/route/hinavi.html
西日本高速道路株式会社: http://www.w-nexco.co.jp/
阪神高速: http://www.hanshin-exp.co.jp/drivers/index.html

都好似幾多o野;但只要小心駕駛,問題應該唔大!祝大家玩得開心d~

[ 本帖最後由 mcmelody 於 2008-5-5 12:01 PM 編輯 ]



實用相關搜尋: Spa 酒店 英文 電話 租車 email 網上

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.7