註冊 登入



打印

FAQ (未完) 10/10/09 updated

FAQ (未完) 10/10/09 updated E-mail 此主題給朋友

[隱藏]
不定期更新

All
請先用Google 和 Search funcation

Jupas / 選大學學科Related

1. 請問xxx, yyy 和zzz,邊一科較好前/$$ 途? 又或者有別一科出來會有很多人爭相聘請?
答: 他人好/不好前/$$途,並不代表你可以有好/不好前/$$途
     現在有好/不好前/$$途, 並不代表三、四年後你畢業時也是有好/不好前/$$途
     如果閣下知道一科修讀完畢, 不論成績有多差也會有人人爭相聘請,請立即通知小弟

2. 我想知道 xxx 收多少分? 我有沒有機會?
答: http://www.jupas.edu.hk

3. Jupas 的網址很廢,找不到任何資料
答: 相信是閣下能力問題. Jupas 的網址或其相關連結已經比過去分發的小册子資料更齊全,有所有官方數據。
    除非有某一學系負責收生的教授講師肯有discuss "爆"料

4. 有關會考佔Jupas 的比例或者想找一些JUPAS 課程有關的簡單requirement 的handout
http://www.discuss.com.hk


Non-Jupas
1. 我想找Non-jupas 收生資料? / 我的成績可不可以經non-jupas 入大學?
答: Non-jupas 是case by case . 沒有任何數據

2. 我是xxxxxxxxxxxxxxxxx.我可不可以經non-jupas入大學?
答: 這樣沒有大學的官方代表,請直接向院校查訴


大學 / 大專 有關
1. 我以前讀了xxx, 我可不可以在YYY學校申請學分括免?
答: 問學校,只有他們才可以給官方答案
     我們說不可以,他們說可以,你也是可以
     我們說可以,他們說不可以,你也是不可以
     難道你會和學校說:「唔係wor, Discuss的邊個邊個話得wor.邊解你唔批俾我。」

2. 我在xxx讀書,想轉系
答: 問學校,只有他們才可以給官方答案

3: 甚麼叫top-up degree?? (By CB)

TOP UP DEGREE中文係譯做 銜接學位,
係專門畀擁有一定大專學歷如HIGH DIP/ASSO 的人入讀.
所以修讀時間比較短.

幾間LOCAL U (包括OUHK) 都有TOP UP DEGREE, 佢地認受性,
基本上與其他LOCAL U DEGREE無分別.
呢D DEGREE 而家多數係政府唔資助,
要你自己SELF FINANCE, 但此舉係絕對唔會影響其認受性.

同樣地, LOCAL U D 分支機構如SPACE/SCOPE等,
都有夥拍外國大學一齊搞TOP UP DEGREE,
由於坊間有太多呢一類DEGREE, 所以畀人良莠不齊的感覺,
因此認受性亦受影響.
而且, 此等海外大學在港辦學位一般不獲政府認可.
(少數例外, 如HKIT/SOUTH CROSS合辦的DEGREE 有hkcaa 認可 及
LONDON U EXT. DEGREE一般可以通過hkcaa 的個別評審,
以前好多老師就係靠佢由cm 升為gm)

4. Hons degree (榮譽學位)和General degree (普遍學位)的分別 (By CB)

首先, 大家要搞清楚咩野叫hons degree,  咩野叫general degree,
因為佢係不同國家的學制, 佢地係代表左不同的東東.


在澳洲或紐西蘭:
三年制學士學位, 通常係gen degree,
讀多一年或半年就會係hons degree.

在英國/香港:
一般大學都頒授hons degree,
只有小部份院校係頒授gen degree,
而gen degree係被視為次一級的degree.
我記得只有ouhk 及 polyu/speed 係會頒授gen degree,
ouhk 基本上係好似澳洲大學咁, 三年就係學士學位, 讀多一年就係hons degree.
至於polyu/speed (指兩家合辦的degree), 佢係次一級的degree, 但佢無頒授hons degree.

在美國:
基本上係沒有hons 與general degree 之分,
但係在某d 大學, 如果你係全系以至全校最top 果一兩個,
就會被授與hons degree.  (所以係代表左好成績.)
因此, 一般黎講, 人地會認為美加的四年制學士degree, 就係等同英澳等地的hons degree.

在加拿大:
有d大學跟美制, 即係無分general degree 同hons degree.
有d 大學則如澳洲, 讀三年會有general deg. 再加一年就有hons degree.

好了, hons degree 同general degree 會有咩分別呢??

就讓我從政府, 學界, 及僱主三方面去分析:
(記住, 我以下所講的hons degree, 係包括左美制的四年制學士學位.)

政府:

有某d政府職位 (如最"尊貴"的ao),
佢係會寫明只有hons degree holder(或者係美加的四年制學士學位) 先可以申請,
(當然, 可以申請都唔代表一定請你.)
又當然, 有好多職位就亦容許general degree holder 申請. (當然有可能個入職人工會低d.)

學界:

一般只有hons degree holder(或者係美加的四年制學士學位),
先可以申請入讀以research 形式的 master (即係mphil) .
至於大家比較熟悉的taught master,
就有可能要求general degree holder 加多少少工作經驗, 或者係好成績.
5有d澳洲大學, 則要general degree holder讀多少少學分.
又當然, 如果係門可羅雀的冷門/學位過剩的master (例如, it 果邊好多架),
就general degree 都會照收.

僱主:

就真係睇老闆而定,

我敢講大多數的老闆, 根本佢唔識呢d分別,
所以係請人方面, 就會係無分軒輊..
有d老闆, 佢雖然識, 不過, 對於成績好的general degree holder,
就會同hons degree 一視同仁,
(因為呢d 已經佔左大多數的老闆, 所以, 大家在職場上, 會有"無咩分別"的感覺.)

亦當然, 有d就會擺明攞黎作為借口壓你價.

進修/留學有關
1. 我現在xx 歲, 出去外國留學 / 讀番書, 會唔會太老? (特別係25 歲以下)
答: 唔會 (呢個再人有問就lock post)

2 . 我聽人講xxx會特登肥人 / 好難pass ,係唔係?
答: 無人咁得閒去特登肥你(學店除外), 如其擔心有人特登肥你不如你讀好d先算

揀學校
1. 邊間讀酒店好? xxx 話佢那間讀酒店好好...IVE 好廢......................
老豬答: 作為一個建岳酒店(The Ritz-CarltonHotel)出身的老屎忽答你:在香港,大學程度酒店課程冇一間比理大好(當然理大既人可能會同你講其實佢地內部有乜有物問題,本屎忽唔係唔知,不過就算有問題都唔影響佢的地位:只要佢既問題比其他大學少),包括我的母校香港中文大學酒店學院都未必比得上,尤其中大根本極少收AD/HD人,所以根本唔需要再比 - 簡單講,on-campus degree只得理大一個不二之選;

退一步講,如果係想走sub-degree路線,最好的一係理大(雖然機會唔算高不過好彩既可以搏上degree、唔可以入理大本校至少張HD/AD個名都好聽D)、二係IVE。後者一來人多歷史耐,而且酒店係好現實的科目,實習、經驗非常重要。IVE除悠久歷史令學生搵實習唔算難外,佢校舍本身有充足設備畀你學,甚至早年中大酒店學院甚至都借佢個廚房上Food andBeverage(當然而家中、理兩大總算儲夠錢各自自己起酒店)。所以私下都同Reaper兄講過,若香港酒店degree程度首選係理大,sub-degree一定係IVE;

再退多兩三步講:既然中大唔願收HD/AD、又入唔到理大時,醜話唔怕講要讀遙距學位係逼不得已既事,到咁既情況下太空與殺雞大學(University of Strathclyde)算係最好的選擇。當然佢有晒一切遙距學位的缺點(唔係官方 -即係HKCAAVQ直接認可、唔係on-campusdegree、設備比唔上中理兩大、IVE...),但至少都係遙距學位中最好的一間。殺雞大學係二百年以上歷史的英國老校,商科以至酒店都叫薄有名聲,雖然個名叫「殺雞」有點難聽,但暫時印象中香港冇酒店遙距學位比佢好,所以咁既情況應該係打HKU Space主意。

To Sales
1. Discuss 禁止任何商業廣告、雖則本人幾歡迎這些廣告
但在sell 某課程之前,請閣下先閱讀有關該課程和院校的資料
不要亂給山埃,把一些不只名不經傳,更已經臭名遠播的大學/大專/學院,說成在外地十分出名
(P.S 如果我有空, 你又是Sell澳洲出名差的大學,我不介紹陪你玩,鬥數資料。
另外本版版寶CB老伯伯對本港外國大學和課程十分熟,他們極願意為閣下提供再陪訓)



[ 本帖最後由 Reaper_HK 於 2009-10-11 12:34 AM 編輯 ]



實用相關搜尋: 會考 讀書 case 美國 加拿大 University 澳洲 海外

回覆 引用 TOP

己失效


[ 本帖最後由 Reaper_HK 於 2014-7-7 10:01 PM 編輯 ]






回覆 引用 TOP

Q. 什麼是TOEIC? by CB 兄

Q. 什麼是TOEIC?
A:TOEIC是什麼嘛,簡單講,就係好似IELTS、TOEFL咁的一個英文公開試。雖然都算係國際性考試,但知名度、地位完全不及另外兩者。

可惜TOEFL有美國大學撐,IELTS有英國大學支持,於是乎TOEIC只好死死地氣sell自己同辦公室英語有關

好可惜,雖然佢自己煲水,但幾乎冇乜邊間公司(尤其香港)肯撐佢;即使政府搞職業英語運動時最優先的係IELTS唔係佢(佢只係扯衫尾),例如IELTS考到6.5可以唔駛考公務員入職試英文份卷、新鴻基講明要申請人考IELTS、Big 4要求IELTS分數不夠者即場應考英文作文。

但機會來了,因為政府出CFE時佢都有幸成為考試之一,所以有公司老吹話如果考TOEIC有唔記得四百幾分「合格」(你聽過IELTS、TOEFL有「合格分數」未?)就會有佢公司頒除左佢自己唔知邊個認可的cert。畀個數字你參考下,佢總分係990,咁四百幾分算係乜級數?(抱歉真係諗唔到香港邊間大公司叫申請人考TOEIC)



-----------

Reaper_HK 註:呢個試, 唔知點解係日本南韓好HIT (不過TOEIC 當年就係根據日本仔的英文能力定出來的所謂”國際”試), 不過日本南韓都有差唔多600分(平均)...400分又真係好......

根據07/01/2008 (dd/mm/yyyy) 朝鮮日報 的 "報導", 慶祝該國成為托業(TOEIC)分數在非英語圈國家中最高

據主管托業的美國教育考試服務中心(ETS)對2005年的成績進行分析的資料,韓國人的托業平均成績為598分,在非英語圈國家和地區中分數最高,其後依次為日本(562分)、臺灣(529分)、泰國(501分)。在2006年為601分,同樣是世界最高水平。

CB老伯伯註:托益去邊間讀好?考托益即係掟錢落咸水海,掟落邊個海有分別咩?


[ 本帖最後由 Reaper_HK 於 2008-10-23 02:45 AM 編輯 ]






回覆 引用 TOP

回覆 3# 的帖子

A nice thread to know how crappy TOEIC is .
Let me have some add-on.

Action Plan to Raise Hong Kong English Standard - Final Review Report
Standing Committee on Language education And Research (SCOLAR)
http://cd1.edb.hkedcity.net/cd/scolar/html/finalreport_en.pdf

Please read P.92.
Even full mark in TOEIC (990) is inferior to IELTS band 7.

TOEIC has *NO* value of reference to English proficiency level.






Be tolerant, you gain harm & peace.
Be humble, you reach new horizon.

回覆 引用 TOP

[隱藏]
咁UK學制其實係咪快左拎hons degree? 又可以同us degree睇齊, 佢3年制(if學校強弱一樣)


熱門搜尋: 估價物業 insurance company 人民幣定期 樓宇按揭 牛熊證 股票即時報價 投資

回覆 引用 TOP

[按此隱藏 Google 建議的相符內容]
 





 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。