打印

大梅沙+東部華僑城 行大運遊記

大梅沙+東部華僑城 行大運遊記 E-mail 此主題給朋友

[隱藏]
其實搭的士去大梅沙都唔係好貴
之前有人講過話要成$100
不過最終我無講價淨睇表,結果係由商業城到大俠谷門口共$65.9+$10(隧道費)

其實東部華僑城係由幾個zone組成
包括大俠谷茶溪谷雲海谷茵特拉根

大俠谷就係山下面,近大梅沙個邊,亦係大部份遊客入門既地點
雲海谷就係高爾夫球場黎
茶溪谷就係宜家開發得最多既zone,係山上面,之前C兄既相都係向茶溪谷影既
茵特拉根就係茶溪谷隔離個Hotel & Spa區

簡單一句,遊東部華僑城,主要就係玩大俠谷同茶溪谷
(其實都只係一個[茶溪谷only],因為大俠谷乜都未有,只係有纜車..>.<)
往來呢兩個大Zone,一係就搭往來大梅沙及茶溪谷之公車,號碼係909
或者向買飛時買埋往來大俠谷及茶溪谷之纜車/接駁中巴門票
(淨門票係$150,門票+接駁交通票就$180)

如果唔買接駁交通票,一係就行上山 ,一係就搭909路公車上去
(不過唔知點解,落山時搭接駁巴落山check飛時,無飛都係補$10,咁點解我買來回要$30 )

---------------------------------------------
大俠谷
Okay,去相先
向門口前影返張到此一遊相先




買完飛,未入門口前有個水牌
又係到此一遊照..仲有個大地圖呀
(向呢道,仲慶幸近點解唔係咁多人,事實上去到茶溪谷先知原來係咁多人)





入門口後,通往纜車站條路都幾靚
頭頭呢段,真係好有竹林feel



大峽谷全景(Panoramic)



過完"竹林"及行完幾十級樓梯後,到了接駁車站
其實係往來山下纜車站之"火車仔"或"電瓶車"
之前聽過C兄話行去都唔係好遠,所以都係決定行過去
沿途都係見好多工程仲進行緊



纜車站
(真係好多人,我要排差唔多30分鐘先上到)

隔離仲有個接駁巴上茶溪谷
(坐纜車係到雲中部落,個道暫時只有觀光塔值得去)
所以你向山下面個纜車站,你有兩個辦法上山
1.纜車站-->(纜車)雲中部落-->(接駁巴)茶溪谷
2.纜車站-->(接駁巴)茶溪谷





---------------------------------------------
雲中部落
雲中部落影返大梅沙
(Piece Shxt天氣,想影好d都難)



雲中部落既觀光塔
門口



觀光塔外觀



觀光塔影返下面廣場
(真係好高,個職員話個塔有大約100米高)



向觀光塔望到既高爾夫球場(即係雲海谷南部)(Panoramic)



---------------------------------------------
茶溪谷
好啦睇完觀光塔就轉車去茶溪谷啦
大約5分鐘車程就到門口啦
一落車,真係超多人
入茶溪谷後(記住張飛要keep住直至離開為止)
先去濕地花園行行
門口都係shop黎..>.<



跟住上個山仔,睇個間所謂教堂仔



影返下面個四季植物館(真係幾靚)



其實我都唔知呢d紅色屋仔係for乜用?雀巢?裝飾?



四季植物館門口,有個好大既地球
入面又好多不同種類既植物,地下有個多媒體室
不過最搞笑係,向呢個溫室入面,竟然有live show唱歌....>.<真係O咀



出面個太陽花園




行去濕地園,經過落羽橋影返茵特拉根(InterLaken)



途中見到茶園



茶翁古鎮



o靚仔樂園



都唔記得呢條係乜橋,只係知道好多靚仔向呢道係咁搖條橋
搞到嚇死我友人咁濟..



楓溪藤橋




楓溪藤橋附近景



跟住友人話要去睇下條晌水溪
點之去到之後,真係正,條溪多水到,晌到呢....



青溪水車(手震sorry! )
仲見到有人踩水車PK,佢地班朋友係咁笑佢




-----------------------------------------------------------
InterLaken(茵特拉根)
門口一攝



茵特拉根湖景(天氣唔好,如果唔係都會幾靚)(Panoramic)



最後返去四季花田





濕地廊橋
有好多錦鯉,又有好多人餵魚



本來想去搭埋小火車,不過條人龍多到嚇死人
最後只有打道回府
出左門口又有大把人向到等車
最後決定搭接駁巴即落大門口,唔去纜車站
因為驚去到纜車站又要排長龍搭纜車落山


[ 本帖最後由 siubu 於 2008-2-11 02:06 PM 編輯 ]



實用相關搜尋: Spa 靚仔

TOP

大梅沙篇


去到大梅沙一遊,發覺好多人去晒海邊企,仲以為發生甚麼事
於是行出去八下,原來個個真係企向道睇海...


Sheraton Hotel



個沙灘真係幾多人,不過D沙比想像中粗好多



許願塔
我叫我友人上去許個願架,不過佢怕羞話唔去
同埋個塔都幾貴,要$60
結果,我友人向塔下面許願....



海邊一攝,真係好多人企同坐向道睇海



行返出沙灘,見到d酒店都幾靚



[ 本帖最後由 siubu 於 2008-2-11 01:01 AM 編輯 ]



實用相關搜尋: Spa 酒店

TOP

凌海酒店篇

我覺得呢間酒店幾有特色
同其他大陸酒店好唔同
真係好有apartment feel

個外觀都好活潑Feel
唔似其他酒店咁死板板

不過間酒店門口同個lobby就真係太唔顯眼
如果你係第一次去,到左都唔知原來係酒店
門口係要經一條走廊+上樓梯先到


中間條坑就係我講話要行入去個條走廊



酒店外觀



房間景
都算見到個海,雖然係遠少少
不過都叫做開揚景觀,好舒服



真係個個房都有木桶室內沖涼架,可以兩個人洗白白
(向有蓋露台都算叫室內掛 )
不過天氣咁凍,除衫都變冰條啦.....都係去返bathroom啦



房間內籠,同其他C兄間房有少少唔同,係大少少唔係長方型既,係鑽石型




Toilet/Bathroom係磨沙玻璃黎,無得Lock,中間仲有少少透明
兩塊玻璃仲係有罅架...可以
如果唔係couple情侶,就要小心啦...

(我估呢間似乎係target向 couple/lovers既酒店....)



Bathroom
Sorry...我又手抽筋.......仲上埋鏡




呢間酒店真係幾好
有機會都會返黎住過
始終比到我平靚正既感覺....



好啦,報告完畢
我要訓覺啦
再見各位朋友仔



[ 本帖最後由 siubu 於 2008-2-11 12:54 AM 編輯 ]






TOP

提示: 作者被禁止或刪除 內容自動屏蔽

TOP

[隱藏]
樓主影D相好鬼死靚呀!
你用乜野機影架?



實用相關搜尋: Spa

TOP

我明天出發


實用相關搜尋: Spa

TOP

睇完 ~ 嘩~~乜你 2子長過公咁多嫁 ? (一或你識屈起的腳指黎拜拜呢 )

又係個句, 如果比我老豆睇完, 嘩........正呀, 即刻沖左出去搭車上呢度, 但係如果比我亞媽睇完, 同樣話左句 , 嘩........要行咁多石級.........仲要排成半個鐘坐纜車 ? 走頭, 咪搞, 一定唔去


點算好 ? 咁去定唔去 ?


仲有, 第3張相, 點解起緊樓 ? 係咩黎嫁 ?.......溫室唱歌 出面凍丫嘛
向日葵, 真係好靚 ~ 你影返茵特拉根時, 點解前面的水禾田係種米嫁 ? 點解咁既 ? 有無木牌寫住咩黎嫁 ? 吊橋......好驚 ~
其實的景真係好靚, 但有樣野, 反而係我好鐘意就係.......佢當時興建時, 由無到有, 同一路起緊時的工程, 同的工人一路整個情況, 好想睇返, 應該會好好睇 茵特拉根真係好似童話國咁


中間條坑就係我講話要行入去個條走廊 ------>就係呢度呀 ? 咁奇既, 要咁行入去 ?
的房真係都好得喎, 因為之前聽聞好似都係幾百蚊晚, 你確實係比左幾錢晚呀 ? 仲有, 你打的 6x幾蚊, 係由邊度開始搭呢 ?

你上左鏡啦, 而家全球幾億人都知你係邊個



實用相關搜尋: Spa 工人


又黎。。。F4。。。囉, 呵呵∼ 韓版花樣男子

TOP

東部華僑城我都想同屋企人一齊去, 請問你係邊度搭的士去, 如果搭的士平, 同屋企人唔洗等巴士, 不過東部華僑城裡面好似行得好辛苦咁, 同埋你住酒店幾錢





TOP

引用:
原帖由 田中釣那星 於 2008/2/11 02:21 發表
樓主影D相好鬼死靚呀!
你用乜野機影架?
我帶左一部傻瓜機+一部低階DSLR
無錢無辦法啦,唯有將就將就
引用:
原帖由 5gg 於 2008/2/11 03:16 發表
我明天出發
祝你玩得開開心心,新年行大運..
引用:
原帖由 rotary 於 2008/2/11 10:44 發表
東部華僑城我都想同屋企人一齊去, 請問你係邊度搭的士去, 如果搭的士平, 同屋企人唔洗等巴士, 不過東部華僑城裡面好似行得好辛苦咁, 同埋你住酒店幾錢
唔記得講添,我係向羅湖商業城個大的士站起步,到東部華僑城大俠谷門口為止。不過記住行隧道,唔去行盤山公路,雖然貴十蚊,但係我相信隧道點都快過兜山路掛...
如果幾個或四個人,真係可以坐的士。不過始終巴士係真係激平....
東部華僑城行得都Okay,其實唔算辛苦,個feel真係似向香港行山咁
其實入面有好多小火車/電瓶車往返各地點(你入去個時拎份地圖就睇到架啦)
要行既都唔算太多,當然係有斜路山路,不過都唔係辛苦路
我見好多老人家都係咁行....^O^
酒店,我見到有人hold房,價錢係$300
我自己就貴d,$580+$200(加半日放行李)(無講價)
應該都係大約$3XX到,總之唔好walk-in,因為見個水牌係寫$888
引用:
睇完~嘩~~乜你2子長過公咁多嫁 ? (一或你識屈起的腳指黎拜拜呢 )
又係個句, 如果比我老豆睇完, 嘩........正呀, 即刻沖左出去搭車上呢度, 但係如果比我亞媽睇完, 同樣話左句 , 嘩........要行咁多石級.........仲要排成半個鐘坐纜車 ?  走頭, 咪搞, 一定唔去

點算好 ? 咁去定唔去 ?  

仲有, 第3張相, 點解起緊樓 ? 係咩黎嫁 ?.......溫室唱歌 出面凍丫嘛
向日葵, 真係好靚 ~ 你影返茵特拉根時, 點解前面的水禾田係種米嫁 ? 點解咁既 ? 有無木牌寫住咩黎嫁 ? 吊橋......好驚 ~
其實的景真係好靚, 但有樣野, 反而係我好鐘意就係.......佢當時興建時, 由無到有, 同一路起緊時的工程, 同的工人一路整個情況, 好想睇返, 應該會好好睇 茵特拉根真係好似童話國咁

中間條坑就係我講話要行入去個條走廊 ------>就係呢度呀 ? 咁奇既, 要咁行入去 ?  
的房真係都好得喎, 因為之前聽聞好似都係幾百蚊晚, 你確實係比左幾錢晚呀 ? 仲有, 你打的 6x幾蚊, 係由邊度開始搭呢 ?
你上左鏡啦, 而家全球幾億人都知你係邊個
唔係呀,我雖然係二指長過公,不過無張相咁誇張,係影相角度問題遮...

石級其實都唔係好多,一般老人家慢慢行一定無問題。同埋仲有好多接駁小火車搭。
係呀,纜車真係好多人排,不過始終唔同feel既,上山途中真係幾爽....搭一程都無問題,來回程咁等就免啦....
去啦去啦... 都幾好玩,又岩老人家...

第3張相,個道係大俠谷門口,起緊個d係住宅黎架,出面d地盤黎...
點解InterLaken前面有水禾田,因為你講個張相係向好遠既濕地個面影個黎,唔係InterLaken前面個湖羅...
有另一張InterLaken Panoramic相,個張相見到個湖就係真係InterLaken個湖啦
不過我覺得太emphasis個InterLaken,令到我未去時真係好expect好靚,點之去到,唔係話唔靚,只係同心目中差少少羅,或者可能天氣唔好啦

酒店個道,係呀,左上角就係條街,要行入去,上樓梯先到lobby
如果我唔係之前向道見過有C兄影個相,我都唔知係呢道入,仲以為去左住宅區
酒店幾錢同的士由邊到搭,上面講左啦

幾憶人睇我? 丁姐..... 好左有相機遮住.....



實用相關搜尋: Spa 酒店 工人 香港 影相

TOP

[隱藏]
thx .....909 幾多錢一位?酒店你是透過旅行社訂嗎?


實用相關搜尋: Spa 旅行 酒店

TOP

哈哈~~多謝多謝 .......咁拱此 knee 唔好咁 2指長過公.....咁多啦......

咁我係羅湖打的入去都有化算喎, 不過, 我老豆好老套, 佢成日唔多鐘意我咁包車去玩, 佢不嬲鐘意坐大車, 咁先有旅行feel 喎 ....... 咁即係佢去到, 用佢的 樂鈴數碼相機都可以影到靚相 ? 佢丫, 影相係好皇+偉 feel 嫁, 即係我都唔塞睇佢影的乜, 無話定定地黎影, 又唔叫人企定比佢影, 專喉你地行黎行去, 講緊野, 食緊野, 行緊路時就係咁影....

但係,...係個樂園......請問係咪呢度叫咩好呢........起幢樓 ? 搞咩呀 ? 住宅定渡假 apartment 呀 ? 咪破壞個效果囉 ?

睇黎過多個禮拜無咁凍, 同埋的人放完假我先去好的啦, 我少少怕行, 但都頂得順, 不過驚頂唔順亞媽係度鵝要行得耐者

至於酒店, 跟, 唔係 walk-in 反而有得講 3折既咩 ?

[ 本帖最後由 美容新丁 於 2008-2-11 04:11 PM 編輯 ]



實用相關搜尋: 美容 Spa 旅行 酒店 影相


又黎。。。F4。。。囉, 呵呵∼ 韓版花樣男子

TOP

你是農曆年去?真是超多人。我還以為U 型橋已經完成呢!


實用相關搜尋: Spa

TOP

引用:
原帖由 美容新丁 於 2008/2/11 16:10 發表
哈哈~~多謝多謝 .......咁拱此 knee 唔好咁 2指長過公.....咁多啦......

咁我係羅湖打的入去都有化算喎, 不過, 我老豆好老套, 佢成日唔多鐘意我咁包車去玩, 佢不嬲鐘意坐大車, 咁先有旅行feel 喎 ...
出面仲多樓起緊
不過真係比我想像中乾淨好多
walk-in?真係唔知啦,不過我見當日有local問有無房都話full booking,可能新年關係吧
引用:
原帖由 chan_leo 於 2008/2/11 18:19 發表
你是農曆年去?真是超多人。我還以為U 型橋已經完成呢!
係呀,新年真係好多人
U型橋仍然施工中...







TOP

樓主, 用左一舊水坐去東華既水魚.........就係我...........
(死火.......好'law' 添........... )



實用相關搜尋: Spa

TOP

[隱藏]
酒店幾錢雙人? thanks


實用相關搜尋: Spa 酒店

TOP

伸延閱讀
 45 123
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.7