打印

尿道炎診療所~~~

尿道炎診療所~~~ E-mail 此主題給朋友

[隱藏]
有關尿道炎問題~~~
請在此帖集中討論~~~
以下是相關資料~~~



[轉貼]尿道炎是指尿道因細菌感染而發炎。一般而言,女性比男性較易患上尿道炎。



病徵

患上尿道炎,可能會出現小便刺痛及灼熱、小便頻密、小腹脹痛,經常有尿急或排尿不清的感覺等,要立即求診,否則嚴重時可能會引致腎炎。



成因

女性比男性較易患上尿道炎,這是因為女性的尿道較短,細菌容易蔓延至膀胱;而尿道口與陰道口及肛門相近,故此容易受到陰道和肛門的細菌,例如大腸桿菌的感染而引致發炎。



預防方法

防範尿道炎,首先要注意個人衛生,尤其夏日乃各路細菌活躍的旺季,每日多飲水,有助將尿道內的細菌排出體外,減少尿道受感染的機會。



1.飲水「沖洗」膀胱:謹記每日飲用6至8杯水或流質飲料,尤其是夏天易出汗,水分會大量流失,所以要時常飲水,不但有助稀釋尿液的濃渡,同時亦可「沖洗」膀胱,以便身體可以將尿道內的細菌排出體外。

另外,有性生活的人士,事前最好飲多些水,事後亦要立即小便,平日需要小解時亦不宜強忍,這樣有助沖洗尿道,減少細菌在尿道中繁殖的機會。

2. 清潔肛門由前至後:由於肛門附近難免有細菌,所以每當如廁後,清潔肛門時便應從尿道口抹向肛門(由前抹向後),這樣便可以避免把肛門的細菌帶往尿道口而產生感染。

3. 多飲紅莓、藍莓汁:外國有研究發現,某些果汁中所含的果糖及單寧酸有助對抗細菌如大腸桿菌。而紅莓汁(Cranberry juice)及藍莓汁(Blueberry juice)含有果糖及濃縮的單寧酸,可有效防止細菌附著膀胱及尿道內壁上,有助減少感染尿道發炎的機會。不過正在服食某些藥物的人士,宜先請教自己的醫 生看看可否多飲用這些果汁,以免相沖。

4. 選擇棉質內褲:避免穿著緊身褲及內褲,選擇吸汗舒適的棉質內褲以保持外陰清潔乾爽,減低細菌生長的機會。某些人士可能會對有香味的衛生用品如衛生巾、廁紙等敏感而可能引致發炎,故少用為妙。

5. 及早察覺速求醫:當你察覺尿道炎的病徵時,便要立即求醫診治,以減低病情惡化的機會。醫生多會替患者進行小便化驗,包括小便中的細菌培植及分析其種類。



治療方法

醫生會處方預防性的抗生素療程,以加速患者的治愈時間。患者切記要依照醫生指導,完成整個抗生素療程。




會員經驗分享

contrition 於2008年6月6日分享
自從有左sex之後.....4年內我有過8次尿道炎
我成日都好驚,好驚又複發......因為真係好痛好唔舒服
我成日係度諗,係咪我體質弱呢?後來醫生話唔關事
check過又冇野
後來終於發現原因:原來係m就完(仲有血絲)果陣係唔做得
要到完全冇血絲先做得,唔係好易感染
我之前連續4年幾m未完就做......唔怪得咁易有啦
希望各位姊妹要堅守呢樣野喔~!~



fag 於2008年8月17日分享
姊妹們:每當有X行為之前, 妳和妳的honey 都要沖涼, 時後妳一定要用花灑澈底沖洗尿道.這個方法很有效,可以一試.


baobao_o 於2008年8月30日分享
事後前雙方要沖乾淨涼 ,如不是要做人的話,最好用埋dom dom。
事後要立刻立刻立刻去小便! 無得屙都要逼自己飲定一杯大水。
立即沖涼!
小便/大便後,由前向後抹。
多d飲下益x多、紅莓汁。
有symptom立刻去看醫生,不要拖,otherwise好易漫延到陰道和變本加厲成心膀胱炎。

如尿道炎常發,最好驗埋尿,睇下隻菌是否已產生抗藥性,咁有利於醫生開d對你work既藥。



catnmay 於2008年10月10日分享
這是婦女門常有的問題,我就是其一了,一般在外去過不潔之洗手間就即刻出事了,
都是痕啦  痛啦問題,一定要去睇醫生.
所以出外去洗手間我一定一入出就沖一次水,再在廁算中放入一張廁板紙,以免
d污水彈上身(心理安慰為多),坐在一定加廁板紙方安心坐下來
女人在任何一方面都要保護自己的,我是有擔心過性病會可在公共廁所感染到架.



vanness78 於2008年10月13日分享
我D尿道炎已經成個半月無發喇!
以前係每個月至少去睇一次醫生架

除左係飲多左水, 得閒食下紅莓乾之外
我覺得最最最最最重要係每次同男朋友行埋之後, 一定要馬上去小便同埋沖涼!
就算齋沖水唔用梘液都無所謂!
我而家之前之後都會沖乾淨涼架! 當然男仔都要沖!
我以前每次同男友行埋第二朝就痛架喇, 而家無哂lu!

不過唔知係近一年成日發炎定點
而家變得唔忍得尿, 真係一諗起要去就要即刻去咁
否則就會覺得好急好急, 好唔舒服
希望以後自己0既泌尿系統可以變返健康D!



maltess 於2008年12月8日分享
你地好, 我第一次上來架, 我都係成日番發尿道炎架
成日都為呢個病煩惱, 又冇過來人傾, 原來有尿道炎專版

我想share一樣我無意間發現嘅野

我都好熟悉呢個病嘅西藥
最近講嘅紅莓汁, 我都覺得真係有預防嘅作用
但係有一樣中草藥, 我發現對我嚟講有直接醫治嘅作用
就係雞骨草
好耐之前聽聞有個親戚個腎有病, 話飲雞骨草有幫助
而醫生就話尿道炎嚴重嘅話會影響個腎
我尿道炎成日復發, 就諗住預防個腎唔舒服, 得閒飲下雞骨草
但就發現每當我尿道炎復發, 者係成日都好急, 去嗰陣頭尾都劇痛等等嗰陣
我飲咗雞骨草, 就會好好多, keep住飲2,3日就會好番哂
而家當有少少先兆嘅時候, 者係去toilet 有少少唔妥
我就會喺街市啲藥材鋪買啲已經煲好嘅雞骨草, 有啲仲有支裝賣
有時間就自己煲, 好簡單, 將啲雞骨草求其洗下浸下
dum哂落個煲度煲2個鐘
當水咁飲

雞骨草同尿道炎係冇任何醫學研究證明有關係
只係我自己嘅經驗
我嘅尿道炎屬於蜜月性尿道炎
亦唔算嚴重, 因為我未試過有血
我嘅sharing只係比大家一個參考
如果病發嘅時候冇醫生睇
就試下飲雞骨草
對你work嘅話就最好啦
平時又可以當涼茶飲
又可以叫啊媽買/煲又唔怕比佢知自己病


sanae 於2008年12月29日分享


我今朝返左工先發現有尿道炎(詳看#443)
之後一直狂飲水,不過冇乜作用,到中午時小便就開始帶血
上次尿道炎都有血,血係淡色,血量少, 但今次D血既色濃左,又多左,好似黎M咁
我驚到即刻請病假去睇醫生 ,而家想分享番同醫生講既野

去到睇醫生,個醫生好好咁講左呢個病既成因: 經常忍尿、飲唔夠水、去公共廁所用既D廁紙唔乾淨、泌尿系統有結石等等,同前面D post大同小異

但當我話佢知我上個月都中過招時,佢有d shock,即刻問我上次食咩藥,我話急症室開左尿道炎藥、消炎藥同抗生素,有5-6日份量,而且我有跟足指示食哂d藥,食完亦都好返哂,咁醫生就話如果係咁就唔關上一次事

醫生話尿道炎一年4次就叫做頻密,所以我話佢知我連續兩個月都中佢就好緊張,佢今次都開左尿道炎藥、消炎藥、胃藥同抗生素比我,佢話如果我一兩個月內又中招,就寫紙轉介我去泌尿科睇

另外,我都問左佢關於尿中帶血既問題,佢話血多同濃唔代表尿道炎好嚴重,血同尿道炎既嚴重程度係冇關,叫我唔駛擔心

醫生最後同我講既係,有尿道炎最好即日睇醫生,唔好拖,因為d菌可能會去到腎臟,演變成腎炎,就好嚴重,仲要住院

我4點幾食左一次藥,而家好返好多,起碼冇血尿



maggiecyf 於2009年2月12日分享


前個星期日開始覺得尿頻,尿尿後覺得有點不舒服,晚上睡覺都有同樣問題;第二朝起身即時去左睇西醫,個朝情況更嚴重,情況是每之坷得好少,坷極都坷唔清,坷到尾又會"嗱"住痛,好快又想再去...好痛苦,後來尿尿更帶血(淺色);期間仲有d發燒。

醫生都話係尿道炎,開了些抗生素(5日藥,早晚食,每次兩粒),胃藥,同埋一隻黑色既藥丸(有利尿,同埋會令d尿變橙);另外,我不放心,叫了醫生寫紙給我驗尿(+種菌),$290(化驗所),5日後有結果證實是"大腸干菌"。

這個星期已沒事了,希望不會復發。
醫生指多飲水,穿綿質鬆身內褲,注意衛生便okay,其實並不是很容易復發。另外,,紅梅素又不是很有幫助的。



taboball 於2009年2月21日分享


紅苺汁都幾難飲...又酸, 一係佢就加左糖.
我自己就買紅苺素食, 貴就貴D, 但係我覺得都幾有效.






[ 本帖最後由 藍衣 於 2009-2-21 10:31 PM 編輯 ]



實用相關搜尋: Spa 清潔 醫生 廁所 沖涼 男朋友 男友


TOP

我係成日都有尿道炎,淨係今年1月同2月都已經試過2次。2006年仲緊要,直頭係每個月2次咁濟....所以06年我就去埋醫院照x-ray同膀胱鏡,但都話無事,又無石....種菌又話無事

但係最近哩次,食完藥,打左針,無之前咁會話痛同好急尿,但係小腹成日都覺得漲....總之就唔舒服。去完小便,我又覺得個尿道痕痕地,好似俾蟻咬咁。好煩。哩個情況已經維持左成個月。我都有keep住睇中醫,但情況都好似無改善.....真係好唔開心。佢又唔係令你大痛,但係就成日陰住陰住唔舒服.....



實用相關搜尋: Spa

TOP

尿道炎大約幾耐先會好番?????
我由病起第二日就睇西醫..比左三日藥我..
我食晒d藥..到第三四日已經好左好多..不過仲有小小尿頻..
不過到而家第五六日又嚴重左..尿頻既情況嚴重左..同埋開始又痛番..點解???
[[而家仲要m到緊]]好鬼煩呀...m到已經辛苦架啦..仲要兩樣一齊黎






TOP

引用:
原帖由 jenjenair 於 2008-3-15 07:59 PM 發表
我係成日都有尿道炎,淨係今年1月同2月都已經試過2次。2006年仲緊要,直頭係每個月2次咁濟....所以06年我就去埋醫院照x-ray同膀胱鏡,但都話無事,又無石....種菌又話無事

但係最近哩次,食完藥,打左針,無 ...
如果係尿道炎會有血尿, 急尿
我都試過....仲發燒,急尿急到死, 屙既時候勁痛...

聽說, 要防尿道炎,
要養成多飲水, 多小便, 不忍尿的習慣
閒時可以飲紅莓汁

但你話"尿道痕痕地,好似俾蟻咬咁"
有d似陰道炎咁喎~
尿遁炎時, 未試過痕到似蟻咬



實用相關搜尋: Spa

TOP

[隱藏]
有尿道炎會唔會好易有埋陰道炎架???

另外想問埋..醫生開尿道炎既藥..有隻食完令d尿變深黃色..
呢隻藥有咩作用架??

thank you!!



實用相關搜尋: Spa 醫生

TOP

引用:
原帖由 sunshinee 於 2008-3-15 08:25 PM 發表
尿道炎大約幾耐先會好番?????
我由病起第二日就睇西醫..比左三日藥我..
我食晒d藥..到第三四日已經好左好多..不過仲有小小尿頻..
不過到而家第五六日又嚴重左..尿頻既情況嚴重左..同埋開始又痛番..點解???
...
你應該再到你之前看的醫生覆診. 有需求的話, 你醫生可能要轉另一隻抗生素給你



實用相關搜尋: Spa 醫生

TOP

引用:
原帖由 sunshinee 於 2008-3-15 08:40 PM 發表
有尿道炎會唔會好易有埋陰道炎架???

另外想問埋..醫生開尿道炎既藥..有隻食完令d尿變深黃色..
呢隻藥有咩作用架??

thank you!!
那些藥是用來舒緩你小便時的痛楚,不會醫好病的
抗生素才是用來醫治的

你還是再看醫生吧
因為不太嚴重的尿道炎
應該吃一, 兩次藥就好好多架啦

[ 本帖最後由 空城計 於 2008-3-15 10:22 PM 編輯 ]



實用相關搜尋: Spa 醫生

TOP

引用:
原帖由 空城計 於 2008-3-15 10:18 PM 發表


那些藥是用來舒緩你小便時的痛楚,不會醫好病的
抗生素才是用來醫治的

你還是再看醫生吧
因為不太嚴重的尿道炎
應該吃一, 兩次藥就好好多架啦
我d抗生素仲有幾粒先食完..
可能尋晚唔記得左食..搞到今日又有d唔舒服掛
我食埋o個幾粒再睇睇情況啦..
唔該晒






TOP

引用:
原帖由 sunshinee 於 2008-3-15 10:37 PM 發表


我d抗生素仲有幾粒先食完..
可能尋晚唔記得左食..搞到今日又有d唔舒服掛
我食埋o個幾粒再睇睇情況啦..
唔該晒
抗生素記住要準時同食完呀~
如果仲係唔好要睇醫生啦~

我早排都有尿道炎,
依家就成日都飲水,去廁所(雖然都唔係好乖, 做緊野都唔得閒/唔記得去廁所...,水都唔係飲好多, 不過一記得就飲水!)
得閒飲下紅莓汁(見佢特價就買黎飲)
家下keep住都幾好!
不過又有第二樣, 真係想喊~

不過尿道炎黎講, 我都無事!



實用相關搜尋: Spa 醫生 廁所

TOP

[隱藏]
引用:
原帖由 jenjenair 於 2008-3-15 07:59 PM 發表
我係成日都有尿道炎,淨係今年1月同2月都已經試過2次。2006年仲緊要,直頭係每個月2次咁濟....所以06年我就去埋醫院照x-ray同膀胱鏡,但都話無事,又無石....種菌又話無事

但係最近哩次,食完藥,打左針,無 ...
你本身飲水多唔多???
有無忍尿習慣???



實用相關搜尋: Spa


TOP

引用:
原帖由 sunshinee 於 2008-3-15 08:25 PM 發表
尿道炎大約幾耐先會好番?????
我由病起第二日就睇西醫..比左三日藥我..
我食晒d藥..到第三四日已經好左好多..不過仲有小小尿頻..
不過到而家第五六日又嚴重左..尿頻既情況嚴重左..同埋開始又痛番..點解???
...
一般幾日就會好番~~~
如果食完d藥都未好番~~~
要再去睇醫生~~~

另外要做足預防~~~



實用相關搜尋: Spa 醫生


TOP

引用:
原帖由 sunshinee 於 2008-3-15 08:40 PM 發表
有尿道炎會唔會好易有埋陰道炎架???

另外想問埋..醫生開尿道炎既藥..有隻食完令d尿變深黃色..
呢隻藥有咩作用架??

thank you!!
有尿道炎會好易令你有陰道炎~~~
要小心一點~~~

醫生開既藥係幫你減輕尿道炎引起的不適感覺~~~
呢隻藥係會令到d尿變深黃/橙色~~~
正常的~~~
不用擔心~~~


[ 本帖最後由 藍衣 於 2008-3-16 12:40 AM 編輯 ]



實用相關搜尋: Spa 醫生


TOP

引用:
原帖由 空城計 於 2008-3-15 11:02 PM 發表


抗生素記住要準時同食完呀~
如果仲係唔好要睇醫生啦~

我早排都有尿道炎,
依家就成日都飲水,去廁所(雖然都唔係好乖, 做緊野都唔得閒/唔記得去廁所...,水都唔係飲好多, 不過一記得就飲水!)
得閒飲下紅 ...
有d咩第二樣???點解女仔會咁多病痛好苦呀!!!
我驚有尿道炎後..好易會有陰道炎..會唔會架??







TOP

引用:
原帖由 sunshinee 於 2008-3-16 12:36 AM 發表


有d咩第二樣???點解女仔會咁多病痛好苦呀!!!
我驚有尿道炎後..好易會有陰道炎..會唔會架??
注意清潔及預防就無咁易有陰道炎~~~
放鬆一點~~~



實用相關搜尋: Spa 清潔


TOP

[隱藏]
引用:
原帖由 sunshinee 於 2008-3-16 12:36 AM 發表


有d咩第二樣???點解女仔會咁多病痛好苦呀!!!
我驚有尿道炎後..好易會有陰道炎..會唔會架??
就係陰道炎....
唔好諗咁多~
學藍衣話齋,
注意清潔及預防啦!
女仔要學多d呢d野, 唔係, 到時咩事都唔知!
好彩, 藍衣姐姐開左呢d topic, 我先知道多左!



實用相關搜尋: Spa 清潔

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。