打印

中醫減肥?

中醫減肥? E-mail 此主題給朋友

[隱藏]
早排有個朋友(38歲)岩岩生完bb, 生完之後係140磅
佢自己就話肥左好多, 以前d衫著唔返, 跟住佢又有個朋友介紹佢去減肥
問落先知原來佢睇中醫.......當我聽完佢整個減肥程序之後....我真係O哂咀.....
療程如下:
整個時期為兩個半月, 咁係點減呢?
原來係個中醫叫佢兩個半月耐唔准食澱粉質, 唔准食任何甜既野(即係生果都唔食得)
又唔可以飲湯, 唔可以食涼既野~(即係苦瓜, 綠豆, 總之就係涼既野啦)
而蔬菜呢?唔係乜野蔬菜都食得喎.....只可以食有葉既綠色蔬菜~
肚餓飲水囉....唔飲得奶~可以係烚蛋~唔食蛋黃~
咁呢.....佢已經減左一個半月啦, 而家佢就話輕左十磅....
唔洗做運動~整個療程入面唔可以有糖份~(大家都應該知, 食左澱粉質, 多餘既係會體內轉為糖份)
呢個中醫只係叫佢照住咁食~冇開過任何野俾佢食....~
大家估下幾多錢?

原來係$11000, 睇個中醫十次, 每次跟進你既減肥進度~

我心諗.....我洗乜俾成皮野你幫我減?
我自己唔食澱粉質都得啦~....仲洗你教我?
最搞笑既係.....我同個朋友講, 你咁減法點減到?你個新陳代謝都係慢架bor...
原來個中醫同佢講話咁樣食法係可以加速個新陳代謝.....我真係r哂頭.....
我每個星期做運動都係為左加速新陳代謝....同埋等d肉 firm d~
咁樣減法點會健康呀?
我個朋友係就真係瘦左呀...不過見到佢個樣成日都好累咁囉...個樣又殘左....
如果係咁既話, 各位仲會唔會減?

佢呢個方法同美國個d model減肥既方法一樣~
追求0 size既model就係用呢個方法~(不過人地就做埋運動)
唔做運動俾你點減d肉都係鬆, d肉 fing黎fing去~

我都係相信做運動同控制食量即可~
當然各位一定會話放工返到屋企都好夜同累到死, 點會仲去做運動呢?
咁放假抽少少時間去做30-60mins 運動都唔得?


希望我呢個post唔好得罪到人....
我只係想大家知道.....減肥唔係唔好, 不過都要健康咁減...~
唔好搞到自己身體差哂.....~
大家要保重身體~

[ 本帖最後由 cecibb726 於 2008-9-24 08:48 PM 編輯 ]



實用相關搜尋: 減肥 Spa 運動

TOP

引用:
原帖由 cecibb726 於 2008-9-23 08:28 PM 發表
  
希望我呢個post唔好得罪到人....
你放心啦
你寫得咁斯文點會得罪人啊

多謝分享就真



實用相關搜尋: Spa
想知道一o舊含冤受屈的白飯的坎坷故事,請到:
一o舊飯的故事」--又名「洗冤錄

http://hk.myblog.yahoo.com/onelumpof-rice

TOP

嘩...睇完呢個減肥方法真係有少少嚇親, 咁減法容咩易有後遺症...咪攪!!!





TOP

唔駛睇佢都減到啦……


實用相關搜尋: Spa

TOP

[隱藏]
提示: 作者被禁止或刪除 內容自動屏蔽

TOP

引用:
原帖由 王花花 於 2008-9-24 12:27 PM 發表
嘩...睇完呢個減肥方法真係有少少嚇親, 咁減法容咩易有後遺症...咪攪!!!
所以就係勸大家健康地去減肥....
唔食粉麵飯係人都會瘦啦....但係米瘦得健康同靚呢?
大家自己衡量一下吧....



實用相關搜尋: 減肥 Spa

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.11