打印

遊車河(寶雲徑、施勲道、忌利文道、摩星嶺...)

遊車河(寶雲徑、施勲道、忌利文道、摩星嶺...) E-mail 此主題給朋友

[隱藏]
今日揸住架323 去麥當勞道st.John度拎張急救証書,順便一次過去哂近期板友討論過既一D地方,可以同大家分享下(由於已入黑,所以冇影相,恕未能提供圖片):

1. 寶雲徑:唔算太窄,不過好多行人,有時都要避人需要慢速前進~

2. 白加道轉入種植道手臂彎:323當然不能一手轉到,我估smart仔都未必得,揸smart既板友不妨去挑戰一下,我建議大家都係先o係纜車站調頭,然後倒車去路口會方便D,過左纜車橋個位窄好多,調頭會辛苦D~

3. 施勲道:單程路部份都唔算好窄,但有D雙程路部份根本冇可能容納到兩架車,我好好彩,沿途冇遇到對頭車,如果唔係是但一邊就要倒車~

4. 歌賦山道:入口處有個不准進入牌,但就寫明前往此區不在此限,我博大霧入埋去,呢條路相對較窄,行到一半我都收埋左對鏡先繼續行~

5. 忌利士文道:個入口位搵左好耐,第一次仲去錯左前一個路口(山頂道52-56),兜錯左去人地幢豪宅度,正確入口位係寫住山頂道62-66,路口係見唔到忌利士文道路牌架~ 上到去發覺咁多條路最窄係呢條,大部份路段都要小心翼翼,同埋要小心右邊水渠位,最尾出口要小心左面o個棵樹,唔係就會hi 花車頂,我諗呢條路e-class應該係極限,再大架D就可能有半個轆o係水渠上面淩空咁行架喇!

6. 摩星嶺:上摩星嶺徑途中,對頭遇到架小巴,要倒車一段才順利通過,上到青年旅館,就見到之前大家議論紛紛既大斜路(有架的士抄左o個條),o個陣時已經9點,前面漆黑一片,眼看面前條路都應該可以應付到,跟住就較去L1波膽粗粗剷上去,上完頭半截,發現.......原來後半截係斜到阿媽都唔認得 !!! 我諗應該最少有30度,當時我已經騎虎難下,我諗死就死喇,照剷上去,我可以回答各位師兄:1500c.c.車係夠馬力以龜速咁上既 ! 但係大家千祈唔好試!!!因為上到最頂係會Lon底架(我部323係冇加任何包圍)!
我feel 到架車拖住個底行左2、3秒個轆先掂番地...... o個一刻我真係好後悔做左呢一件咁愚蠢既事......上到去落車望一望,好彩望落去都好似冇乜事,然後另轉頭望番頭先條斜路真係心都寒埋,我自問乜野過山車都夠膽玩,但係而家要黑麻麻揸住架爛鬼323落番呢條亡命斜就真係有D怯,我女朋友都驚到要離我而去自己行側面條樓梯落去先~ 我Uturn後一步一驚心咁慢慢揸番去條斜路,差唔多去到平路盡路,感覺同玩過山車坐車頭上斜後從最高點等落斜個刻一樣~ 落斜又再lon多次底.......不過開心既係摩星嶺上面原來可以遠眺青馬大僑既夜景,都幾靚架~

是次遊車河實在非常難忘,有興趣既板友不妨跟番呢個旅程兜一轉喇~


[ 本帖最後由 andrewchoi01 於 2009-1-31 02:45 AM 編輯 ]



實用相關搜尋: Spa 手臂 女朋友 影相

TOP

引用:
原帖由 andrewchoi01 於 2009-1-31 02:41 AM 發表
今日揸住架323 去麥當勞道st.John度拎張急救証書,順便一次過去哂近期板友討論過既一D地方,可以同大家分享下(由於已入黑,所以冇影相,恕未能提供圖片):

1. 寶雲徑:唔算太窄,不過好多行人,有時都要避人 ...
3. 施勲道:單程路部份都唔算好窄,但有D雙程路部份根本冇可能容納到兩架車,我好好彩,沿途冇遇到對頭車,如果唔係是但一邊就要倒車~

係咪掉轉?雙程路部份都唔算好窄, 但有D單程路部份根本冇可能容納到兩架車

開頭應該係雙程, 去到尾個段係單程, 單程個段可放心因為單程個段有個單程牌係到, 個次
我都係見到有個咁既牌我先放心入, 因為自問倒車技術屎, 所以到依家行過寶雲徑、施勲道、忌利文道,
但始終唔敢上摩星嶺! 因為入口個段好窄, 怕有對頭車要倒後就死

歌賦山道個次見有牌都廢事入, 但見個入口又係窄到傻...

另外想問下斜到pk個part係斜得黎但闊定窄? 上到去有位掉頭?

[ 本帖最後由 fm1234 於 2009-1-31 03:26 AM 編輯 ]



實用相關搜尋: Spa 影相

TOP

2. 白加道轉入種植道手臂彎:323當然不能一手轉到,我估smart仔都未必得,揸smart既板友不妨去挑戰一下,我建議大家都係先o係纜車站調頭,然後倒車去路口會方便D,過左纜車橋個位窄好多,調頭會辛苦D~


試過
係得既
o岩o岩好
不過d位要攞到好盡






TOP

引用:
原帖由 nikkicast 於 2009-1-31 03:25 AM 發表
2. 白加道轉入種植道手臂彎:323當然不能一手轉到,我估smart仔都未必得,揸smart既板友不妨去挑戰一下,我建議大家都係先o係纜車站調頭,然後倒車去路口會方便D,過左纜車橋個位窄好多,調頭會辛苦D~


試 ...
係咪用smart試?



實用相關搜尋: Spa 手臂

TOP

[隱藏]
引用:
原帖由 fm1234 於 2009-1-31 03:20 AM 發表


3. 施勲道:單程路部份都唔算好窄,但有D雙程路部份根本冇可能容納到兩架車,我好好彩,沿途冇遇到對頭車,如果唔係是但一邊就要倒車~

係咪掉轉?雙程路部份都唔算好窄, 但有D單程路部份根本冇可能容納到 ...
雙程路當然係闊過單程路,我既意思係佢某部份既雙程路既闊度除以2,比起單程路仲要窄好多,係冇可能同時容納兩架車過~

摩星嶺斜到PK o個條斜路,係過左青年旅館o個條,全長大約50米度,頭25米僅僅夠一架車行,更斜既尾25米就闊D,大概有3-4米闊,上面都有位掉頭,不過都要用好多手先掉到~

[ 本帖最後由 andrewchoi01 於 2009-1-31 03:50 AM 編輯 ]



實用相關搜尋: Spa

TOP

自從最近小弟在另一個討論區講忌利文道有幾刺激後,
似乎真係吸引到D師兄開車去挑戰喎~~

摩星嶺青年旅舍後果條特斜路根本上都唔係車路,
上次我開駕駛學院架C200K去我都唔敢上,
因為都估到上到頂一定lon底,
其他師兄想錫車就真係唔好再諗住開埋上去啦



實用相關搜尋: Spa
無限期不前往菲律賓,這個無能民主國家實在太可怕!

TOP

引用:
原帖由 andrewchoi01 於 2009-1-31 03:42 AM 發表


雙程路當然係闊過單程路,我既意思係佢某部份既雙程路既闊度除以2,比起單程路仲要窄好多,係冇可能同時容納兩架車過~

摩星嶺斜到PK o個條斜路,係過左青年旅館o個條,全長大約50米度,頭25米僅僅夠一架車行, ...
山頂有不少雙程路根本上是夾格畫條所謂的行車線出黎,有對頭車一定要讓車,
類似的情況仲有加列山道、一部份白加道。



實用相關搜尋: Spa
無限期不前往菲律賓,這個無能民主國家實在太可怕!

TOP

摩星嶺最上′q以前經常同d朋友上去 (電單車) 同玩 war game, 電單車都ok易上易落.
用四個轆只試過一次, 當時用30爬山車都幾好玩.






TOP

大家如果去摩星嶺請小心呀,其實青年旅舍果道係唔比入 (禁區)




實用相關搜尋: Spa

TOP

引用:
原帖由 andrewchoi01 於 2009-1-31 02:41 AM 發表
今日隋磹[323 去麥當勞道st.John度拎張急救証書,順便一次過去哂近期板友討論過既一D地方,可以同大家分享下(由於已入黑,所以冇影相,恕未能提供圖片):

1. 寶雲徑:唔算太窄,不過好多行人,有時都要避人 ...
師兄唔玩埋寶珊道尾,落返干德道個段?



實用相關搜尋: Spa 影相
授命于天 ,既壽永昌。

TOP

見到樓主講..我更加唔敢揸我部c仔咁玩個條斜路


實用相關搜尋: Spa

TOP

引用:
原帖由 fm1234 於 2009-1-31 03:27 AM 發表


係咪用smart試?
可以話你聽用S都得



實用相關搜尋: Spa

TOP

引用:
原帖由 lee329 於 2009-1-31 11:01 AM 發表
師兄唔玩埋寶珊道尾,落返干德道個段?
我冇去呀,因為睇地圖冇顯示o個條路係車路,我仲懷疑緊條路比唔比車行,同埋之前睇討論區,有人試過由下面上,有人就由上面落,我怕到時真係唔好彩遇到對頭車就麻煩了~







TOP

摩星嶺.........我架echo原裝個陣都 lon底.......e家已經上唔到最頂了


實用相關搜尋: Spa
拾叁

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。