打印

旺角Xets central枉為24小時動物醫院, 罔顧動物生命, 請大家為我個女討回公道

旺角Xets central枉為24小時動物醫院, 罔顧動物生命, 請大家為我個女討回公道 E-mail 此主題給朋友

[隱藏]
由於整件事的始末相當長篇 , 而且我亦想仔細D描述,
所以懇請大家有心人仕耐心地睇, 十分感謝 !!

本人的愛女叮叮(松鼠狗)因之前有d屙和嘔, 所以於29/3帶夜晚9點到達旺角 Xets central睇醫生,未睇醫生前仲好精神,
醫生檢查完之後他幫叮叮打了3支針藥,話可以返屋企 ,落到留下條街時, 放低叮叮小便的時侯, 她就暈低左((軟哂好似"pat"野咁)) , 咁即刻同老公跑番上去揾醫生.
醫生又話叮叮所有野正常Ok ?但當時我話:”唔係吓嘩成"pat"完全冇哂力都話正常??”
醫生話叮叮可能身體weak, 所以先至咁樣 , 佢建議一係留院 ,一係帶叮叮返屋企休息及觀察.
咁我同老公商量完之後都決定先回家休息. 同老公整晚觀察 叮叮, 她都係成"pat"野瞓係張床到, 直至天光後 , 叮叮體力稍為有少少力 ,但情況未如理想, 精神依然呆滯
所以決定再去睇多次醫生. 中午12時到達旺角Xets central,詳細同醫生report叮叮所有情況之後, 醫生話叮叮情況嚴重需要留院,亦要同叮叮照超聲波, X-ray等等的treament .
因為本身叮叮係有心臟病((佢係睇開赤柱個間的Dr. Michael))
所以我帶哂佢必需定時早晚服用的所有藥,亦同醫生講明我有試過幾次忘記餵藥比叮叮食, 她都會有暈或抽筋哩D徵兆,但當時Dr.卻話照佢見解就話唔會發生.
而我亦多提一點叮叮自從由領養番黎開始, 就發現佢有間中會有抽筋 ,但好意外地自從去了睇Dr.Michael,食過他開個D心臟藥之後,叮叮抽筋的情況就改善了,我都有向Dr.Michael report這件事.佢話都好有可能因為心臟的問題, 而引致她抽筋.所以我深信哩D心臟藥對於叮叮來講是十分十分重要.所以臨行出去病房時, 將所有藥比哂助手和醫生,交代清楚叮叮每日早8:308:30準時食藥.
到我們出去reception辦入院手續時, staff遞了份野比我地簽,張紙大字標題寫明麻醉/鎮靜同意書, 她話係照超聲波用的,當時我嚇了一跳 ,我個女有心臟病不適宜鎮靜過喎,係因為之前係Dr.Michael第一次應診時 ,醫生都強調非不得必要都唔會用鎮靜劑,事關對於一隻年紀大而有心臟病的狗狗來說,係會造成好大的傷害. 所以我見到reception遞這份野的時候都唔簽住,我就叫佢打比V.A (即係助手) mention此事
我同她說:”人家Dr.Michael都能夠唔需要鎮靜之下都可以照到超聲波啦, 而且當時醫生講過鎮靜劑係對叮叮好大傷害.”
但助手回覆就話如果隻動物太活躍周圍郁, 咬醫生導致醫生照唔到的話就要用藥.當時我的心情只係諗住,醫生係唯一可以幫到叮叮的人,我唔簽的話咁醫生就幫唔到叮叮,所以我只好無奈地就簽了名,但我再同reception交低如果醫生真係需要用鎮靜的話,就打電話通知我先.



實用相關搜尋: Spa 電話 醫生 檢查
2

TOP

到了晚6點仍未見助手打比我report叮叮做完treament 的情況 ,所以我主動call佢,助手話因為醫生今日好忙所以未做X-ray, 但同我收左線之後醫生就會同照X-ray , 及後助手不停同我講叮叮OK 喎好stable呀. 咁我都安心了少少.再次收到助手call我話已照完X-ray 發現 某些器官有問題, 必需做超聲波攞多些數據.助手話做完後再call我.

到了7點左右助手call我,話做完超聲波發現肝臟,胰臟,腎臟都有發炎, 先用消炎藥治療 ,2-4天係非常時期,如叮叮用了間物亦無進展的話,定必有生命危險 . 咁我地先醒起有關鎮靜劑的問題時,再問助手咁最後你地有冇用到呀,佢就話有呀. 唉!!我只能無可耐接受啦. 而且當時聽到叮叮的情況唔太好時, 實在好擔心和憂慮, 始終三個咁重要的器官發炎,絕對唔係一件少事.個刻心裡已經不再在意鎮靜劑的問題.一心就只想快些換衫出發,準時去到醫院探叮叮 ((因為探病時間只得晚8至11))

我準時8點去到之後, reception話未探得住,因為樓上(即係留院動物範圍)冇姑娘,所以不能夠探住. 咁我同老公一直企係到呆等, 等到差唔多45mins有多,都仍未批准我地上去, 咁我咪同reception講:”有冇攪錯呀,又係你地set左8點係探病時間,我準時黎到啦,仲未有得探”已經等好耐了” reception只係話好忙呀,仍未安排到.咁我唯有繼續呆等 ,再過了一陣,見番琴晚睇症個位助手的時候,就好焦急問她仲記唔記得我地呀,琴晚我地黎睇夜診架呢??助手話認得,我同助手講 我好掛住我個女叮叮呀,可唔可以比我地見吓我隻狗呀.....唔該你啦 , 最後哩位助手係樓上整左一陣野之後,就叫我地可以上去 , 只係吩咐我地唔可以開個籠 , 只可以隔左個籠就咁見動物 . 當時見到愛女情況依然好差 , 一點都唔stable ,我叫佢個名叮叮又冇反應,完全無意識, 只是係個籠到暈吓暈吓,就連暈到撞落個牆邊都冇知覺就咁撞落去,連個盛水器皿都照踩落去,總之見到都好心痛. 因為泊車個咪錶夠鐘, 落去入完錶再返上去探叮叮時,住係叮叮隔離隻狗狗主人都黎左探病,人家都好奇問我地隻狗狗點解暈吓暈吓架??我就向他們講出叮叮的情況,講左一陣之後,就見到叮叮抽筋了,又唔可以打開個籠喎,咁點好呀,嚇到呆左之際,人家個主人即刻幫我跑落去叫救命,話上面有隻狗抽筋呀,快D叫獸醫啦,那兩位獸醫才由佢地的診症房跑上去. (註) {{因為由我正式上去探狗狗哩段咁長的時間,病房從未有過V.A看守,只得一個V.A上黎一次,攞完些針藥後就返番落去}}

獸醫上到黎檢查左一陣之後,叮叮抽完筋又失禁, 我就急不及待問:”你地餵左佢食心臟藥未呀?”助手check完一大輪,話無喎. 我問點解會冇食藥架, D心臟藥好重要架 , 唔食藥佢會抽筋或者暈架. 助手之後反問我們:”你地有帶到藥黎咩?”我咪話哩袋藥咪就係叮叮D藥囉 , ((指住個籠對出的枱面,成袋藥唔知邊個就咁放左係到,無人知,無人留意,亦無人交低 )) . 我即刻嬲到同老公講即刻帶叮叮走 , 離開哩到轉去太平道個間24小時診所. 簡直離哂大譜 , 我仲點敢仲放個女留係到比你地醫呀.去到reception等他們print 好所有report ,X-ray ,超聲波的資料, 立刻揸車過去太平道 . 當值獸醫初步睇左D report之後,我順帶一提,係Xets central到佢地無比心臟藥比叮叮食.個位醫生即刻話,:”唔得過喎有心臟病的動物, D藥對佢地黎講係好緊要”,之後她拿起D藥比叮叮食. 之後叮叮就留院了,臨定時醫生叫我地入去望一望叮叮先走 , 見到佢係氧氣箱到瞓左 , 我才能夠真的安心地離開診所...................



講到哩到很多謝大家有耐心,有耐性地聽我講我整件事

本人認為必須公開這間動物診所 ,對我隻動物做了4件不恰當,不負責任,疏怱的事情.

現簡略向Xets central提出控訴的依據

(1) 本人懷疑第一次Dr.JW打完個3針後, 叮叮的情況為何連企立都企唔到呢?? 藥物類型, 劑量,等等的問題都是否恰當呢?

(2) 本人己吩咐了獸醫我的動物是必需要食心臟藥,但最終點解無食到呢??日間和夜間獸醫完全無溝通及交代之下,令到我的動物要承受冇心臟藥的支持而令到她痛苦.

(3) 在照超聲波的時候為何要幫我的動物用鎮靜劑呢??我的動物經已年紀老邁而當時身體亦很虛弱,是否非不用鎮靜劑不可呢?? (註) 於2/4太平道的主診獸醫幫叮叮照了很多器官,包括心臟,肝臟,脾臟,胰,腸………等等的所有器官,他都沒有過任何針藥,亦無需要簽任可出意書,就做完超聲波. 於未做之前曾問了助手一句,你們會否幫我的動物用鎮靜劑呢?她的回應都是同赤柱診所的說法一致,因我隻動物年紀老又有心臟病是不適宜用鎮靜劑. 基於這兩位獸醫都認為不會為我的狗狗用鎮靜劑,令我相質疑Xets central這位獸醫總監點解要用鎮靜劑呢??他於網上也自稱於心臟病擁有豐富經驗.

(4) 一間24小時寵物醫院 , 實則有否為動物提供這種服務呢?? 好明顯從我這件事所睇到的事實 , 他們並沒有做到.當晚我探病的時候, 幸好我親眼見到我的狗狗抽筋 ,而能夠跑去叫獸醫求救, 如當時我並不係病房到的話 , 叮叮好有機會因抽筋而失救致死 . 令我很懷疑其實我的動物留院其間這8小時,很可能早巳有類似這樣的情況((,無人巡視,動物有突發時病房真空)).

作為一間動物診所,的確要有醫德,怎能解釋到一間所謂的24小時的動物醫院,卻沒有助手照料及觀察動物呢??他們怎能輕率,疏怱對待動物的生命, 如果留院動物已危在旦夕的話 , 豈不是岌岌可危,後果不堪設想呢??

坦白講我選擇去一間24小時的動物醫院, 就是我的動物病情並不輕微, 只希望醫生和姑娘能夠妥善照料我的生病動物.因為他們是我唯一相信的人.好可惜Xets central卻未能達到基本要求



我明白到世上任可生物,都會有生命終結的一日.  叮叮的而且確己經很年老 ,生命隨時都會完結, 一直以黎我都好自責因為我帶她去了這間所謂的24小時醫院 , 卻要愛女叮叮承受了很多不必要的痛苦. 作為叮叮的主人,叮叮媽媽身份的我 , 十分痛心. 之所以好希望大家了解完此事之後 , 向你們所認識的所有人,不論有否養動物也好 ,都轉寄給他們知道此事, 請再三慎重考慮,仍然會否帶你們最痛錫的動物 , 去這間枉稱動物醫院的公司嗎??

******本人將於這星期內會向獸醫管理局向Xets central作出投訴 , 希望得到一個公平的審訴, 還叮叮一個公道  ******

亦考慮會向消委會投訴是否可行 .

~~~~唔知你們有冇其他建議比我 ,還可以透過邊D途徑令更加多人得悉此事呢??或者邊D傳媒,媒體呢?? ~~~~~~~

有咩進展會再向大家報告

{{{ 在此再次衷心感謝大家花了時間去了解這件事 }}}



實用相關搜尋: Spa 寵物 獸醫 醫生 網上 檢查 數據

TOP

大家亦可到以下連結了解事件
http://www.facebook.com/group.php?gid=76472574338&ref=nf






TOP

我絕對支持你,但係香港D人唔係好理....


實用相關搜尋: Spa 香港

TOP

[隱藏]
唔.....看完......
希望牠快些好返



實用相關搜尋: Spa

TOP

而家叮叮點呀?
我未去過pet central所以唔知講咩,不過好既醫生太少,尤其係有24小時的
順帶一提...你#2d字可唔可以整到#1咁大?因為會易睇d
如果真係要send,send去apple daily吧,佢地會幫手的
希望叮叮快d好同埋可以替叮叮討回公道

[ 本帖最後由 為食阿細 於 2009-4-22 05:11 PM 編輯 ]



實用相關搜尋: Spa 醫生

옥탑방 왕세자

TOP

HEHE! 叮叮張相又幾得意woh!

祝早日康復!



實用相關搜尋: Spa

TOP

我都有朋友既貓貓去過呢度睇,亦都係因為緊急情況下先去睇呢間24小時既醫生,貓貓最後都係走左,不過呢間野,於佢既貓貓去左之後,趁主人掛住傷心,比左一d文件佢地簽左,原來d文件係授權佢地將寵物火化,,佢連屍體都見唔到就比呢間咁既醫院火化左,而且收費仲比市場高好多,呢間醫院既醫德,可想而知.....好彩你地夠冷靜,否則可能你個囡囡既下場都同我朋友既貓貓一樣.......

點都好啦,希望大家主人都有個警惕,小心一d冇人性既醫務所。

祝叮叮早日康復!






TOP

引用:
原帖由 loklokbb102 於 2009-4-22 04:54 PM 發表
我絕對支持你,但係香港D人唔係好理....
唉 !! 其實我都認同你o既睇法
我都好擔心 俗如有云 ((((( 官官相衛 )))) 丫麻
獸醫管理局 始終係under 漁農署
我都冇人show我哩單野
依家係討論區到post 哂所有野
只少希望多D人能夠知道此事啦



實用相關搜尋: Spa 獸醫 香港

TOP

引用:
原帖由 為食阿細 於 2009-4-22 05:10 PM 發表
而家叮叮點呀?
我未去過pet central所以唔知講咩,不過好既醫生太少,尤其係有24小時的
順帶一提...你#2d字可唔可以整到#1咁大?因為會易睇d
如果真係要send,send去apple daily吧,佢地會幫手的
希望叮叮 ...





依家叮叮總算stable 番
佢係太平道診所留院其間
Dr. 為佢照超聲波時發現叮叮有舊2cm X 3cm o既腫瘤




實用相關搜尋: Spa 醫生

TOP

我都覺得醫生唔好亂睇, 唔係個個有醫德, 所以你而家要睇住叮叮先, 再去找多些證據向有關政府機構投訴.  生果報都唔錯的. 


實用相關搜尋: Spa 醫生
每天期求上天看顧小狗, 讓小狗快樂成長!
真心去照顧小狗, 是沒有期望任何回報,
只希望有真心的人出來指教如何養育小狗.
其餘莫視的人及侮辱養狗的人遠離我們!

TOP

引用:
原帖由 loklokbb102 於 2009-4-22 16:54 發表
我絕對支持你,但係香港D人唔係好理....
都唔係0既, 唔係香港人唔係好理, 而係想理都好難理得到. 有權力去處理0既人係一d唔理/唔鍾意動物0既人, 我地想理/鍾意動物但又冇咁0既權力 無奈......



實用相關搜尋: Spa 香港

TOP

係啦  SD去D報館
等多D人知道呢間野冇醫德







TOP

我都有帶我過左身既兔兔(糖糖)去睇...
頭一次睇醫生話糖糖口腔裹面有一隻牙好長,所以要做手術
本來糖糖做完手術都冇咩事,好活潑禁過左2個星期
有一晚糖糖突然係禁打噴嚏,打到剛剛喂佢食既草粉都嘔出黎
禁我媽咪就好心急禁帶糖糖搭的士出去,但冇帶好多錢出門
去到個到既護士話要糖糖留醫,但要比$2000
禁我媽咪身上冇禁多錢,又冇帶提款卡
所以同佢講可唔可以比住$500,聽日再比埋個$1500
佢護士就話唔得,禁我媽咪謂有帶返糖糖返屋企
當時仲係新年其間....



實用相關搜尋: Spa 醫生

TOP

[隱藏]
引用:
原帖由 choylau 於 2009-4-22 06:33 PM 發表


唉 !! 其實我都認同你o既睇法
我都好擔心 俗如有云 ((((( 官官相衛 )))) 丫麻
獸醫管理局 始終係under 漁農署
我都冇人show我哩單野
依家係討論區到post 哂所有野
只少希望多D人能夠知道此事啦
獸醫管理局 不是under 漁農署,
是一個專業團體,獸醫要在獸醫管理局註冊才可執業。
所以市民可向獸醫管理局投訴獸醫,如經紀律聆訊証明獸醫失職,
最重可罰吊銷牌照。苦主亦可根據栽決再去小額錢債告個獸醫賠錢。

我都投訴緊一間獸醫診所,
so far覺得都冇偏幫的情況,職員都很認真處理。
但當然你要唔怕煩去寫投訴信,
同埋要等。程序可能都要攪大半年或更長。
但我個人認為這是對失職獸醫最大的懲罰。
因為你唱衰佢,最多少咗D生意,
佢仲可以話你抹黑。
但如果佢比人停牌,就直情唔使做。
而且仲可以根據栽決去小額錢債告個獸醫賠錢。



實用相關搜尋: Spa 獸醫

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.6