註冊 登入



打印

有志於到內地升學的學生必看,個人的一點經驗之談和選校心得(第三回)

有志於到內地升學的學生必看,個人的一點經驗之談和選校心得(第三回) E-mail 此主題給朋友

[隱藏]
北望神州,我諗有好多香港學生會同我一樣有咁既諗法,返內地讀大學。係呢個版入面不時都會有一啲關於內地升學既問題,希望我呢啲經驗會對大家有幫助。

首先,有志於到內地讀大學必須報考「中華人民共和國普通高等學校聯合招收華僑港澳地區及台灣省學生考試」簡稱「聯招」或「聯考」,考試時間大概係每年六月(具體時間當年決定),報名時間通常為每年三月。報名地點為香港考評局或香港中旅社各分店。而報名資格為中六學歷或就讀「聯招考試」預備班。如果你係08 年會考既,咁你只可以報考09年既「聯招」。

其次,考試科目為:

文科考試科目:中文、數學、歷史、地理、英語
理科考試科目:中文、數學、物理、化學、英語
各科满分均為150分,全部總分為750分。

數學相信係當中最難,我諗大家都唔好花時間係數學度,我CE 數學攞 D ,讀左一年預備課程,到考試個陣都係乜都唔識,撞完 mc就走喇。歷史係包括中史同西史,我淨係學過中史,覺得中史比較簡單同會考差唔多,當然我 CE 中史攞 B 嘅。西史我未學過,所以比較唔到。地理考個啲完全係中一至中三既野,但小心淺水浸蛟龍。英文就唔使講啦。中文就包括文學在內,但攞合格都唔係問題。

另外,香島專科學校有開辦「聯招考試」預備課程。個人覺得「聯招考試」比較簡單,自修都得,但讀呢個課程既好處係可以得到好多內地大學既資料,呢點對入讀內地名牌大學好重要,可以增加大家入讀內地名牌大學既機會。而且香島亦會不時舉辦有關內地升學既講座,大家可以留意。當然如果只係想報暨大同華大既兩校聯招就無必要報呢個預備課程。

此外,「聯招」將內地大學分為兩個批次,大部份內地名牌大學都屬於第一批次,「聯招辦」規定第一批次既大學收生分數唔可以低過400分。而第二批次入面大學既名氣差距好大,有啲第二批次既大學比第一批次既大部份大學都要出名,學術地位唔比中山大學、中國政法大學等遜色。例如中國醫科大學、西南政法大學、哈爾濱工程大學等等,所以大家選擇第二批次既大學時要小心!而「聯招辦」就規定第二批次既大學收生分數唔可以低過300分。

係「聯招」報名既時候,需要填報選校志願。每個批次可以填報兩間大學,每間大學可以選擇四個學科。但填報志願後就唔可以更改,所以大學選校時要小心、謹慎。

再次,大學既收生分數因各間大學而異,但佢地睇既只係「聯招」既總分,某些科目合唔合格係唔會影響佢既收生。中山大學係華南地區最高學府,佢既收生分數都幾高,收450。其實國內好多名牌大學都只係收400分,例如,法律為主既中國政法大學、排名比中山仲高既武漢大學同吉林大學、師範類既華中師範大學等等。個人認為無必要報中山大學,我同我啲同學討論過,中山大學除左醫學院係國內頂尖之外,其它學科都無乜特別。大家應該根據想讀學科既國內排名和地位嚟決定想報既大學。係度我就舉例一下,如果想讀法律既中國政法大學、西南政法大學都係國內頂尖既法律系大學;讀歷史既就有北京師範大學、南京大學、四川大學;讀中醫既有北京中醫藥大學、廣州中醫藥大學……

學費方面,由於中央既優惠政策,香港人既學費係同內地學生一樣,一年學費連宿舍費唔使一萬蚊。以我為例,今年既學費只係四千幾蚊,宿舍費都係一千幾。加埋都係六千多啲。另外,國家仲為港、澳、華僑學生特別設立獎學金,一等獎學金有四千蚊,內地大學讀書既學費仲平過中四、五既學費。

教學語言方面,國內大學大部份既學科都係用普通話教,只有少部份用英文。香港學生並唔會有任何教學語言上既優惠。但大家唔使咁擔心,我最初都係唔識講國語既,過左半年左右已經可以適應到,而家聽同講都問題已經冇問題。

此外,國內大學有好多唔同既專有名詞,例如211工程、985工程、全國重點大學、省重點大學、教育部直屬大學、省屬大學。我諗大家都會覺得好陌生,有啲人會覺得211工程或985工程就代表間學校好。其實呢個係大家既錯誤理解,211工程同985工程代表國家重點扶植大學,每年投入既資金都會較多。但咁樣唔代表佢係內地既地位或影響會比其它入唔到呢啲工程既大學好。以重慶大學為例,佢係211工程同985工程既大學,但佢係國內既名聲比唔係211亦唔係 985既西南政法大學差好多。因為進入211工程既因素有好多,並唔係單純根據學科既實力,仲會考慮大學學科既數目、學校既面積、學生人數、圖書數量等無關痛癢既因素。所以大家唔好以為211工程就代表好。其實個人覺得個別科目既國家重點學科更能代表學校既水平,大家可以以此作為根據。而且全國重點大學屬於「高考」重點分數綫之上,學生質素同師資都有保證,國內既地位亦較高。當然,211工程、985工程代表投入既資源會較多,對於學校既發展會比較有利。

學歷承認方面。截至2006年,中國已經同26個國家訂立互認學歷學位協議。包括英國、法國、澳洲、新西蘭、德國等。因此並唔存在係中國獲得既學歷國際上唔獲承認或只承認幾個頂尖大學既問題。而內地同香港亦已簽訂學歷互認協議,但只在學術方面承認,即持有內地大學學位可報考香港各大學既研究生。

此外,有啲大學宣稱唔使經過「聯招」,修讀一個課程合格之後可以進入大學就讀。根據我個人既理解,只係進入該大學既成人教育學院,並唔係大學本部。就類似於香港大學既校外進修學院,而唔係香港大學本部。係學歷上同本部所頒發既有差距。而且,國家教育部只批准北京大學、清華大學、中山大學、復旦大學、暨南大學、華僑大學、汕頭大學 (長江藝術與設計學院及長江新聞與傳播學院) 七所大學有獨立招生權,可以唔經「聯招」獨立招收香港人,其它既大學根本無權唔經「聯招」而獨立招收香港學生。所以進入內地大學只有「聯招」,呢個係唯一既途徑。


第一,二回既貼: http://www8.discuss.com.hk/viewt ... 56933extra=page%3D2
                       http://www.discuss.com.hk/viewthread.php?tid=5591770&extra=page%3D1



實用相關搜尋: 會考 高考 讀書 考試 升學 澳洲 英國 學費


你可以不喜歡動物,但請別傷害牠們

回覆 引用 TOP

由於大學本科排名範圍太大,現附上研究生院既排名,每個學系下既劃分會更細,科目既排名會更為準確,大家可以作為本科既參考。

2007年中國大學研究生院一級、二級學科學校排名:                    
http://www.huaue.com/gxph/20071011121721.htm

2007年中國大學排名:http://www.huaue.com/gxph/200719104541.htm

2007年中國大學研究生院排名:http://www.huaue.com/gxph/200792892737.htm

2007年國內大學學科本科排名:

法學:http://www.huaue.com/gxph/200719102826.htm
醫學: http://www.huaue.com/gxph/200719103436.htm
文學: http://www.huaue.com/gxph/200719103402.htm
農學: http://www.huaue.com/gxph/200719103245.htm
歷史學: http://www.huaue.com/gxph/200719103212.htm
理學: http://www.huaue.com/gxph/200719103141.htm
經濟學:http://www.huaue.com/gxph/200719103106.htm
教育學: http://www.huaue.com/gxph/200719103011.htm
管理學: http://www.huaue.com/gxph/200719102941.htm
工學: http://www.huaue.com/gxph/200719102906.htm

內地大學各專業學科介紹:http://www.eol.cn/html/g/gxzhuanye.shtml

最後附上一啲內地升學既有既網址:

官方網站: http://www.gatzs.com.cn/gatpz/index.do (內地普通高校面向港澳台招生信息網)(推薦)

http://www.huaue.com/ (華禹教育網)(推薦)

www.bhkaec.org.hk    (京港學術交流中心)

http://www.chinaeduguide.edu.hk/index.php (香島內地升學資源網)  (推薦)



實用相關搜尋: 升學 教育 大學 科學


你可以不喜歡動物,但請別傷害牠們

回覆 引用 TOP

「聯招」選校心得,報考「聯招」學生必看!

寫呢篇心得,係因為見到有唔少人選校錯誤,到左成績出o黎o既時候,要去讀一d國內3、4流既大學。為左幫助大家選校,所以就寫左呢篇心得俾大家參考。

首先,到內地讀大學,應該以暨南大學作為最低標准,係「聯招」入面唔好選擇比暨大更差既大學。咁係因為暨大既特殊性,作為一間國內排名50以內既大學,又係國家重點大學同211工程大學,由國務員僑務辦直屬,佢既實力比國內大部份大學都好,但佢對香港學生既錄取要求卻係最低o既。香港學生只要有中六學歷就可以報考「暨大華大兩校聯招」,分數300分以上就會被取錄,佢既實力同佢既錄取分數係唔成正比,所以我認為大家應該以暨大作為最低標准,唔好選擇比暨大更差o既學校。

其次,國內「高考」將大學分為一本、二本、三本。一本即係國內既重點分數線,全國重點大學、211工程、985工程大學全部都屬於第一批次既大學。香港各間大學係內地招生都要求「高考」分數係一本線以上。二本就係普通大學,三本就係專科。而「聯招」第一批次入面大部分都係國內一本,第二批次入面大部分既大學都屬於二本。

入正題喇。第一批大學o黎講,問題應該唔大,大部份第一批次既大學都比暨大好,所以呢度就唔多講,亦唔係重點。我最想講既係第二批次既大學,係第二批次既大學入面,質素好參差!大部份大學我都唔建議選擇,咁係因為佢地唔係全國重點大學,亦唔係211工程或985工程院校,好多連省重點都唔係。呢一類既大學係國內只屬於2本,係全國範圍內更加係屬於3、4流既大學。

點解全國重點大學、211工程大學咁重要呢?咁就要講下內地對普通大學既認可程度。係大學方面o黎睇,大部分國內大學招聘教授、講師或助教,都要求係全國重點大學本科畢業,北京師範大學珠海分校近期招聘,就要求全國重點大學本科及碩士畢業,一般大學畢業既連應徵資格都冇!係國家公務員o黎講,於211工程院校畢業既學生,係報考公務員既時候會獲得一定程度既優待,講明d即係加分!呢個不明文既「規定」,雖然國家冇正面承認或否認,但已經廣為人知,差唔多所有國內既大學生都知道呢個「規則」。

從呢兩點可以證明連國內大學自己同國家機關都歧視一般普通大學,咁佢地既係國內既地位大家可想而知!國內亦有一句說話叫「普碩不如重本」,即係話普通大學既碩士生都唔及重點大學既本科生,呢句話雖然有d誇張,但一定程度上可以反映內地普通大學既情況。既然內地普通大學既認受性係咁 o既,我地仲有冇需要長途跋涉返去讀呢?所以「聯招」入面千萬唔好選擇國內既二本大學。

最後,我推薦幾間第二批次入面最值得讀既大學俾大家,佢地係國內既地位比好多第一批既大學都仲要高。亦有一d係屬於國內一本既大學。而我冇推薦既第二批次大學大家就要慎重考慮,要詳細了解佢地係唔係真係比暨大優勝。

(1)西南政法大學  (300分)。西南政法大學為全國重點大學,被稱為法學界既黃埔軍校,新中國最成功既大學。打下法學界半壁江山,係法學界有驕人既「西政現象」。西政既法學曾經同北大、人大法學院齊名,係法學界有「北佟南金」的稱號,北佟係指中國人民大學佟柔教授,南金就係西南政法大學既金平教授。而係中國校友網既中國中青年法學家排名中,西政獲獎人數超過北大、清華、中國政法大學、中國人民大學,成為全國第一。係《當代中國法學名家》收錄既176 名法學名家中,有32名教授係o黎自西南政法大學,佔總人數5份之1。係《2007中國大學評價》中,西政法學被評為A+級,位列全國第八。經濟法學同訴訟法學被評為國家重點學科,經濟法學、民事訴訟法學、刑事訴訟法學、法理學被評為國家精品課程,法學被評為省重點一級學科。

(2)中醫藥類大學  (300分)。係第二批次入面既中醫藥類大學係一個好唔錯既選擇,比起係香港讀浸大中醫好。例如南京中醫藥大學就係WHO傳統醫學合作中心,國家衛生部確定既國際針灸培訓中心、全國中醫師資進修教育基地、臨床藥理基地。而且國內大部份中醫藥大學都獲香港中醫藥管理委員會認可,畢業後可以係香港報考「香港中醫執業資格試」。成為執業中醫師。

(3)中國醫科大學  (311分)。係《2007年中國大學評價中》被評為A級,全國排名11。中國醫科大學亦出產過9位衛生部正副部長、11位中科院、工程院院士。係國內屬於一本線上既大學。

(4)揚州大學  (350分)。江蘇省重點大學,獸醫學係佢地既優勢學科,農學被評為A級。基礎獸醫學被評為A級,位列全國第六。預防獸醫學被評為A++,位列全國第一。臨床獸醫學被評為A級,位列全國第七。

(5)江西財經大學(300分)。一個深圳既內地同學同埋一個山東既內地同學,不約而同地指江西財經大學先係中國最好既財經大學,而唔係上海財經大學。由於未經廣泛求証,先暫時列上,供大家參考。








你可以不喜歡動物,但請別傷害牠們

回覆 引用 TOP

暨大、華大取錄港澳臺及華僑學生的各種方式

入學渠道

    * 考試入學:具中六或以上學歷者可報考暨大、華大兩校聯合招生考試
    * 面試入學
      本科課程:中七生在高等程度會考包括中、英文在內,及格科數目達2AL或2AS+1AL者或GCE獲2"A"3"O"成績者,可免筆試,直接申請大學本科各專業的入學資格;中六學生會考成績理科達18分或文科達15分可申請免筆試錄取入本科課程。
      預科課程:

          o a. 半年制預科:中六、中七學生可報讀(半年制)預科;
          o b. 中五會考生包括中、英文在內,有六科及格,其中兩科達到C級或六科達到10分以上者,可直接申請預科;
          o c. 5-9分可申請一年制預科先修班(預科C班);
          o d. 5分以下者可申請兩年制預科先修班(預科D班)。

            A班和B班修業期滿,校內考試成績合格可直接升讀大學一年班。大學先修班(C班)學習一年後可通過三個途徑升讀大學:①品學兼優者(20%)免試直升兩校本科有關專業 ②學業品行達一定要求者,可參加大學預科班結業考試,如成績達到大學預科生直升水平,亦可免試直升暨大有關專業③參加兩校聯合招生考試,成績達到錄取標準的也可進入兩校本科有關專業。

報名時間

    * 網上報名:2007年4月2日至5月18日   http://lxlz.jnu.cn
    * 面試報名:中五﹕8月8至15日﹔中六、中七﹕6月29至7月6日

關於考試

    * 考試時間:2007年6月18、20、21日(放榜時間---7月10日)
    * 考試地點:旺角勞工子弟中學及九龍塘香島中學
    * 費用:港幣 500元正
    * 考試科目:實行 "3+X"模式,3是指必考科目,即中、英、數三科,而X是考生按報考專業的要求,從歷史、地理、物理、化學、生物中任選一門到三門學科進行加試。
    * 輔導材料:考生可購買《暨南大學、華僑大學聯合招生考試複習大綱》及由暨南大學華文學院出版的《暨南大學、華僑大學聯合招生考試複習叢書》(分七個科目,每科一冊)進行複習,準備考試。

錄取情況

暨南大學和華僑大學聯合招收華僑、華人、港澳、臺灣青年學生的入學考試2006年報考兩校的學生共3876人,共錄取本科生3050人,其中,暨南大學2376人,華僑大學674人。



實用相關搜尋: 會考 考試 學習 英文 大學 會考 中五 中七


你可以不喜歡動物,但請別傷害牠們

回覆 引用 TOP

[隱藏]
中國一流大學介紹:(排名不分先後)

1.中國科學技術大學:http://www.huaue.com/gxph/20085891456.htm

2.西安交通大學:http://www.huaue.com/gxph/20085891422.htm

3.天津大學:http://www.huaue.com/gxph/20085891354.htm

4.南開大學:http://www.huaue.com/gxph/20085891325.htm

5.南京大學:http://www.huaue.com/gxph/20085891302.htm

6.華中科技大學:http://www.huaue.com/gxph/20085891239.htm

7.哈爾濱工業大學:http://www.huaue.com/gxph/20085891115.htm

8.浙江大學:http://www.huaue.com/gxph/20085890759.htm

9.上海交通大學:http://www.huaue.com/gxph/20085890834.htm

10.北京師範大學:http://www.huaue.com/gxph/20085891009.htm

擁有香港獨立招生權既內地一流大學介紹:(排名不分先後)


1.北京大學:http://www.huaue.com/gxph/20085890322.htm

2.清華大學:http://www.huaue.com/gxph/20085890708.htm

3.復旦大學:http://www.huaue.com/gxph/20085891215.htm

4.中山大學:http://www.huaue.com/gxph/20085891517.htm


[ 本帖最後由 wasing 於 2009-4-30 10:45 PM 編輯 ]



實用相關搜尋: 大學 科技 香港 科學


你可以不喜歡動物,但請別傷害牠們

回覆 引用 TOP

備用......................








你可以不喜歡動物,但請別傷害牠們

回覆 引用 TOP

good post! how are you now, wasing?

希望版主大大將此POST替換 置頂果個 內地升學post..



實用相關搜尋: 升學 OU

回覆 引用 TOP

just finished AL exam..

Do any other f7 guys sit this same exam.


add oil together






回覆 引用 TOP

如果想入北大理學系,果個試要幾多分先得?

同埋北大理學系入面有冇D科係ENG用教?
因為我係用ENG學PHY CHEM BIO AMAT.....







回覆 引用 TOP

[隱藏]
點解冇得考ACC ECON?
冇商科考?我想讀BUSINESS=]







回覆 引用 TOP

我讀完中5,想問"企"南大學 幾時係咪要去中旅社到報預科丫?
幾時可以報?



實用相關搜尋: 大學

回覆 引用 TOP

引用:
原帖由 annie330330 於 2009-5-1 10:30 PM 發表

點解冇得考ACC ECON?
冇商科考?我想讀BUSINESS=]
內地高中只有文/理科,唔會有商科的
商科去到大學先有

聯招文科考中英數 同 歷史 地理
理科考中英數 同 物理 化學
如果你冇讀過任何一科理科,勸你考文科好過
因為文科可以靠努力追到



實用相關搜尋: 大學 化學

回覆 引用 TOP

引用:
原帖由 烏烏同學 於 2009-5-1 10:29 PM 發表

如果想入北大理學系,果個試要幾多分先得?

同埋北大理學系入面有冇D科係ENG用教?
因為我係用ENG學PHY CHEM BIO AMAT.....
理論上除左個別的全英授課大學外,內地所有大學都用中文教
even你係from hk,都唔會有特別優待....







回覆 引用 TOP

引用:
原帖由 annie330330 於 2009-5-1 10:30 PM 發表

點解冇得考ACC ECON?
冇商科考?我想讀BUSINESS=]
系咯,內地要到大學先有business讀..
你系米都系今年嘅考生啊?



實用相關搜尋: 大學

回覆 引用 TOP

[隱藏]
引用:
原帖由 Mandami 於 2009-5-2 01:37 AM 發表


理論上除左個別的全英授課大學外,內地所有大學都用中文教
even你係from hk,都唔會有特別優待....
我所知的用英語授課的大學為寧波諾丁漢大學和北京大學-香港浸會大學聯合學院(UIC)。
部份內地高校的管理系和有“國際”字頭的學系以英語授課,請留意。



實用相關搜尋: 大學 香港

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。