打印

【頂好廚房】講創意,講味道 (P.100)1月4日更新 五柳桂花魚 水煮魚

菠蘿炒雞球,鲍魚炆雞腳

[隱藏]
菠蘿炒雞球

一講起菠蘿,大家就會諗起咕嚕肉,菠蘿海鮮炒飯等等,市面上的菠蘿罐頭也頗受歡迎。但相對而論新鮮的菠蘿其營養價值會較高,
所以今次就用咗新鮮菠蘿。
材料與做法:雞脾三隻(約4~5人份量),菠蘿一個(去生果檔揀嗰d比較細嘅會甜好多,如相一),青椒,蕃茄。
雞脾洗淨去皮去骨(相三),切成塊狀,加一茶匙老抽,二茶匙生抽,少許花雕酒同雞粉腌20分鍾(相四)。菠蘿去皮之後用界刀將上面
的刺芒刻乾淨(相二),然後切去中間嘅果芯再切成塊狀放入鹽水浸20分鐘,青椒同樣切好備用。
起油鑊用炸粉輕拍雞塊,炸至熟透盛起(相五)。留少少油將青椒煸一煸盛起。燒熱鑊落少少油爆香蒜茸後放入雞塊加黑醋,片糖同
半碗清水炆雞塊至軟身,試味,等快將收水時加入菠蘿、青椒翻炒,最後再加蕃茄炒勻就搞掂喇

(相一)
菠蘿表面嘅凸起的粒狀,裹面有刺芒,一定要處理幹淨

(相二)

所有刺芒已經拜拜
(相三)
雖然係冰鲜雞,但如果識揀,一樣可以買到靚貨
(相四)

腌料要控制好,炸嘅時候表面就唔會黏住好多粉,最主要係雞塊好易熟,水分不會流失,雞肉都嫩d呀
(相五)
雞塊嘅表面幾乎睇唔到有粉,比較下面制成品大家卻可以見到雞球表面有一層透明狀嘅嘢,我冇另外再埋獻,炸粉一
經煮過,同樣有埋獻的效果




雞球嫩滑而帶有菠蘿的香甜,再加上淡淡的酸味,十分開胃


鮑螺炆雞腳

鮑汁鳳爪大家就聽得多la,無知有冇直接攞d鮑螺嚟炆雞腳呢?其實呢個做法用螺頭一樣得咖
材料與做法:智利螺(急凍)2~3隻,新鮮雞腳半斤,瘦肉約6兩。
鮑螺解凍洗淨粘液切成塊,瘦肉相同,雞腳則一開三就得啦,將雞腳氽一氽水,瀝乾水份。用瓦礃加二碗清水先將鲍魚炆二小時。(如
果有快速鍋最好,只要加二碗水煮10分鐘即可)。
燒熱油鑊落兩片薑,蒜頭兩粒拍碎爆香,放入雞腳、瘦肉一齊翻炒,灒花雕酒,落數個八角加兩碗清水,一小茶匙鹽蓋鑊蓋至水滚,倒入
瓦礃再加一碗清水煮滚轉中細火加生抽,老抽,蠔油,冰糖連同鮑螺一齊再炆40分鐘,上碟。



之前都用過呢隻鮑螺煲過湯,味道OK,只嫌縮水太勁,3隻唔算細但煮熟之後得嗰幾嚿仔



雞腳同鮑螺相配搭嘅滋味真係食極唔厭 連酒都飲多兩杯

[ 本帖最後由 dinghow 於 2010-9-4 11:06 AM 編輯 ]



實用相關搜尋: Spa 炒飯 blog yahoo

TOP

鲍魚炆雞腳 真係睇到相都巳經想食!!!!!!
好靚!!!



實用相關搜尋: Spa
just nothing.

TOP

好正呀樓主!~~





TOP

薑汁豬扒、菜幹炆腩肉

薑汁豬扒

材料與做法: 豬扒三件,洋蔥、黃椒各一個,薑。
先將豬扒揼鬆,用鹽一小茶匙、糖一茶匙、生抽一茶匙,老抽、雞粉各半茶匙、麻油少許醃15分鐘。洋蔥、黃椒切好備用。薑搾汁 (約2~3湯匙)
首先將洋蔥、黃椒一齊煸一煸盛起,豬扒輕拍炸粉用平底鑊慢火煎5分鍾盛起,切件。另起鑊用少少油爆香蒜茸後倒入豬扒,灒花雕酒加一茶匙黑醋連薑汁一齊翻炒,
再加洋蔥、黃椒炒至收水即可。


豬扒嗦咗薑汁之後好香口,洋蔥、黃椒甜甜哋,開胃又好味



菜乾炆腩肉

係淅江,上海一帶住過嘅朋友一定會好熟悉呢種菜乾,當地人稱之為"霉干菜",大家不要誤會,唔係將d菜幹擺到發霉先吃,其實同梅菜嘅味道都好接近咖
材料與做法:五花腩,菜幹。
菜乾揀去比較老d嘅菜梗,用水浸3~4小時,洗淨瀝乾水份待用。五花腩汆水後切成塊狀。
燒熱油鑊放入五花腩煸炒,加數粒八角,灒花雕酒加生抽、老抽各一湯匙,冰糖數粒連菜乾一齊炆2個鍾就得啦



五花腩軟腍,混入菜乾嘅香味,一d都唔肥腻,送飯一流

[ 本帖最後由 dinghow 於 2010-9-4 11:07 AM 編輯 ]



實用相關搜尋: Spa blog yahoo

TOP

回覆 1# 的帖子

[隱藏]
今餐好好餸喎樓主, 睇到D餸都流口水, 肚餓Tim


實用相關搜尋: Spa

TOP

樓主真係永冇失場!!!

支持!!!



實用相關搜尋: Spa
just nothing.

TOP

菠蘿炒雞球好吸引


實用相關搜尋: Spa

TOP

引用:
原帖由 abehead 於 2009-5-9 07:57 PM 發表
樓主真係永冇失場!!!

支持!!!
多謝贊賞 遲d好嘢陸續有來






TOP

樓主#1 0既鮑魚蒸13分鐘會唔會太老呀? 平時街市魚檔的鮑魚仔都係7-8分鐘左右已經ok 呀.

其他送都好靚.. 好好味咁!!



實用相關搜尋: Spa

TOP

[隱藏]
顏色夠晒吸引


實用相關搜尋: Spa

TOP

引用:
原帖由 dinghow 於 2009-5-9 05:17 PM 發表
薑汁豬扒

材料與做法: 豬扒三件,洋蔥、黃椒各一個,薑。
先將豬扒揼鬆,用鹽一小茶匙、糖一茶匙、生抽一茶匙,老抽、雞粉各半茶匙、麻油少許醃15分鐘。洋蔥、黃椒切好備用。薑搾汁 (約2~3湯匙)
首先將洋蔥、 ...
唔用薑汁用薑片得嗎



實用相關搜尋: Spa

TOP

好味啊  仲有沒啊 post多d丫


實用相關搜尋: Spa
做咩野好呢?

TOP

引用:
原帖由 ianchan3 於 2009-5-10 05:21 AM 發表
樓主#1 0既鮑魚蒸13分鐘會唔會太老呀? 平時街市魚檔的鮑魚仔都係7-8分鐘左右已經ok 呀.

其他送都好靚.. 好好味咁!!
嗰日買嘅鲍魚比較大隻,所以用多少少時間蒸。
通常10~12分鐘都OK,只不過宜家食海鮮用多少少時間去蒸、煮始終會穏陣d







TOP

引用:
原帖由 yoyoiu88 於 2009-5-10 01:04 PM 發表



唔用薑汁用薑片得嗎
用薑汁可令到豬扒均勻的吸收味道,吃起上來更惹味
用薑片嗰效果冇咁好,一來要煮得耐d薑先會出味,咁樣豬扒就會"嚡"。
二來成碟都係薑片又唔美觀,如果你冇時間整薑汁,市面上有"羌汁酒"賣,都可以代替薑汁咖



實用相關搜尋: Spa

TOP

回覆 42# 的帖子

[隱藏]
唔知wilson兄心中有d乜嘢喜愛嘅菜式,不妨告知,我會試吓整


實用相關搜尋: Spa

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.11