查看完整版本 : 分享跟奶奶老爺的相處

jess1 2010-2-23 08:16 AM

分享跟奶奶老爺的相處

很開心是以分享的心態向大家說說與老爺奶奶的相處....而不是埋怨..聲討..

三月..我和男人的小窩就能入住了..心中充滿了期待...憧憬..

跟老爺奶奶共處了約一年多的時間..讓我有很多不同的體會和感受..

長輩..心態上我們一定是尊敬的..但年輕人有時很難避免上火...磨擦就會出現....

我也不例外..不過幸好只是小事一樁...

我的老爺奶奶的確是很好相處的人..不過我是一個新成員..生活習慣一定有不同的..

不過我很理解..這是人家的地方...我不應該去要求他們轉變,而是我去適應...

跟老爺相處上:

老爺是很喜歡說話的人..有一般老人家的問題..就是很多時都堅持自己的想法..一討論起來就會沒完沒了..而且對一些事很嘮叨.因此經常與我姑子吵架....我自己是很害怕吵架的人..我喜歡討論..但是我跟老爺從來都說家常而已..對他的意見只點頭示好就可以...我媽媽是很嘮叨的人..因此對我老爺的嘮叨..我可說是習以為常..我從不覺得煩...因為都是老人家關心而已....

跟奶奶的相處上:

奶奶是很時尚的女人..思想也很新潮..沒有什麼古老的思想..只是在我剛入門時告訴過我...千萬不要踏門檻..對男人不好的..我就緊記著.....

跟奶奶的相處很重要的一點就是:不要害怕相處..我在很多時候都跟奶奶獨處...就會兩個人扯扯家常...說說新聞..說說80後..一說可能就是幾小時......

跟奶奶相處久了..會知道她的大概性格..像她有時會說我死蠢...傻妹..這只不過是她的口頭禈,沒有任何罵的成份...你只要了解她性格...你就不會去介意....

曾經有一次..我是第一次,也是唯一一次對奶奶的話生氣..因為曾經男人跟我說奶奶說我洗東西不乾淨..叫我不用洗了..之後有一次..爺爺問奶奶我那飯盒洗了沒有..奶奶隨口說了句:無洗嫁..梗係唔會有洗啦!我聽起來就是在說我不洗東西..我不是不洗..是你嫌我洗不乾淨而已...我那次很氣....之後睡醒...覺得自己很傻..老人家說話是這樣的啦...自此我就努力去改進我洗東西的能力...不過很多時奶奶都會叫我唔好洗啦...因為工作辛苦....這就是語氣的誤會..不要上心...而且真的只是小事..可以輕易解決的...用不著心中有恨..

我自覺是很幸福的..我的老爺奶奶都是正常的人..沒有很多人形容的那種麻煩人...他們有的只是一般老人家的問題...嘮叨...長氣...過份緊張而已...

最後..一樣是只要男人的態度是在乎你..你自然會覺得在這個家庭你不是寄人籬下..而是共處..

我的男人就是很強調我不要我老婆受一點委屈...所以我奶奶說我男人很緊張我..連她準備給我的飯盒也怕不夠豐富....生活上總希望老爺奶奶可以照顧得我最好.....

我也跟老爺奶奶說過..很感謝他們接受我們同住..讓我們這一年省下了不少金錢..得到很好的照顧...我們也說好了..即使搬走了...也歡迎他們隨時過去一起住..我們也會經常回來食飯..過夜....


最後總結:

婆媳關係..要針對的對象不是你的奶奶..是你的男人...如果你的男人不理解你的難處..或對你的難處不加幫助...你的婆媳關係永遠都是一個死結...不要說奶奶唔尊重你...當你的男人都不尊重你....你在一個家庭中...你可能連隻狗的地位都不如...

一樣..男人在婆媳關係中是很重要的角色...當然是吃力不討好..不過你希望每次合家歡食飯都烽煙四起.還是有講有笑呢?這就看你的做化啦..不要去逃避問題..要記得兩個女人在一個家...都是因為愛著你這個男人而已...你是責無旁貸的....

希望大家都能有個和諧的婆媳關係....

jennynhk01 2010-2-23 09:07 AM

thanks for sharing!!

依家我都學習緊同老爺奶奶相處, 雖然只係開始左短短個多月...仲有at least 年半要住埋一齊..
但都希望我地相處得好好~~
好彩, 我老公都好體諒我, 不過都係得體諒...無乜實質行動....

all the best for your new life anyway!!!

悅香油 2010-2-23 09:24 AM

睇下係做奶奶的還是做新抱的難相處囉,
不過,時下有幾多女人係容易相處架,
那些在娘家做公主,夫家做女皇,
橫蠻、霸道、專權、無禮、傲慢、自私、自我、貪婪、計較、虛偽、無恥等既女人真係唔少啊。

若萌 2010-2-23 10:15 AM

[quote]原帖由 [i]悅香油[/i] 於 2010-2-23 09:24 AM 發表 [url=http://www.discuss.com.hk/redirect.php?goto=findpost&pid=241516151&ptid=11610183][img]http://www.discuss.com.hk/images/common/back.gif[/img][/url]
睇下係做奶奶的還是做新抱的難相處囉,
不過,時下有幾多女人係容易相處架,
那些在娘家做公主,夫家做女皇,
[color=red]橫蠻、霸道、專權、無禮、傲慢、自私、自我、貪婪、計較、虛偽、無恥等既女人真係唔少啊[/color]。 [/quote]

奶奶都係女人, 女人大部份都有呢d特質 ...
仲要兩個女人都深愛住個男人, 兩女爭一男, 唔火星撞地球就奇~
做男人, 就要好似以前d皇帝咁, 要有能力平衡自己東宮同西宮, 否則真係家無寧日~
不過男人都係唔明架啦~ 男人個心理結構根本就同女人唔一樣 :smile_39:

401 2010-2-23 10:27 AM

我覺得就好似打仗咁
策略和手法因對手而異
要考慮自己的實力和
與聯盟戰友的關係
戰鬥的目標和心態要明確

一定有以上準備
先好上戰場
千其唔好盲中中拋個身出黎
死咗都唔知咩事

悅香油 2010-2-23 10:46 AM

[quote]原帖由 [i]若萌[/i] 於 2010-2-23 10:15 AM 發表 [url=http://www.discuss.com.hk/redirect.php?goto=findpost&pid=241519838&ptid=11610183][img]http://www.discuss.com.hk/images/common/back.gif[/img][/url]


奶奶都係女人, 女人大部份都有呢d特質 ...
仲要兩個女人都深愛住個男人, 兩女爭一男, 唔火星撞地球就奇~
做男人, 就要好似以前d皇帝咁, 要有能力平衡自己東宮同西宮, 否則真係家無寧日~
不過男人都係唔明架啦 ... [/quote]
弊在依家唔少女人嫁人係當個老公係奴才呢,
因為依家女人有能力及有賺的就話離就離,話走就走,話唔鍾意奶奶就隨意地比面色及說話有骨,
老人家想見下抱下個孫,就忍氣吞馨都未夠,要睇新抱既心情。
家庭不是戰場吧,須要的是自然、和諧、安寧、安穩,
若不幸變成戰場,發動戰爭的咪好抵死囉。

Purple_Dino 2010-2-23 10:53 AM

夠正面.....支持支持............:loveliness:

若萌 2010-2-23 11:00 AM

[quote]原帖由 [i]Purple_Dino[/i] 於 2010-2-23 10:53 AM 發表 [url=http://www.discuss.com.hk/redirect.php?goto=findpost&pid=241523032&ptid=11610183][img]http://www.discuss.com.hk/images/common/back.gif[/img][/url]
夠正面.....支持支持............:loveliness: [/quote]

不過好似樓主呢種case真係唔太多 :smile_o06:

tsk1902 2010-2-23 11:57 AM

*** 作者被禁止或刪除 內容自動屏蔽 ***

tsk1902 2010-2-23 11:59 AM

*** 作者被禁止或刪除 內容自動屏蔽 ***

tsk1902 2010-2-23 12:07 PM

*** 作者被禁止或刪除 內容自動屏蔽 ***

UNGELA914 2010-2-24 06:14 AM

回覆 1# 的帖子

If your husband doesn't have any brother or sister that will be more easier for you to handle the relationship btw you and his family.  If yes, that will be much more complicated to handle; you are so lucky!  :smile_13:

iamhugo 2010-2-24 06:09 PM

我應該要俾老婆睇下呢個post..
多謝樓主既分享!!:smile_o12:

ckkpyy 2010-2-24 10:15 PM

樓主正正講出一家人,不止婆媳,體諒包容,已可化解好多不必要嘅矛盾!

jess1 2010-2-25 01:11 AM

[quote]原帖由 [i]jennynhk01[/i] 於 2010-2-23 09:07 AM 發表 [url=http://www.discuss.com.hk/redirect.php?goto=findpost&pid=241515448&ptid=11610183][img]http://www.discuss.com.hk/images/common/back.gif[/img][/url]
thanks for sharing!!

依家我都學習緊同老爺奶奶相處, 雖然只係開始左短短個多月...仲有at least 年半要住埋一齊..
但都希望我地相處得好好~~
好彩, 我老公都好體諒我, 不過都係得體諒...無乜實質行動....

a ... [/quote]

我相信你絕對是可以做到的..因為我覺得每個人都希望有和諧家庭生活
沒有任何一個媳婦或者奶奶是我志願做個壞媳婦或者壞奶奶的..
大家的關係是錯綜複雜..不過只要把心放寬點....把重點轉移..
很多事可以渡過的..最緊要是你的愛人的愛..讓你感覺幸福..

我工作很多時都受氣..回到家看不到男人..就會向奶奶訴苦..
曾經試過是抱著她哭..因為她就像我媽媽一樣..給我照顧..給我家..
不要心中有分別..也許有時覺得她偏心..但想深一層..人地鍚自己個女多d..人之常情..唔怪得咁多..

jess1 2010-2-25 01:15 AM

[quote]原帖由 [i]悅香油[/i] 於 2010-2-23 09:24 AM 發表 [url=http://www.discuss.com.hk/redirect.php?goto=findpost&pid=241516151&ptid=11610183][img]http://www.discuss.com.hk/images/common/back.gif[/img][/url]
睇下係做奶奶的還是做新抱的難相處囉,
不過,時下有幾多女人係容易相處架,
那些在娘家做公主,夫家做女皇,
橫蠻、霸道、專權、無禮、傲慢、自私、自我、貪婪、計較、虛偽、無恥等既女人真係唔少啊。 [/quote]


在娘家做公主就有什麼問題呢?這是娘家的愛..你在家一樣是皇帝仔..
你在上面形容的..男人一樣有很多...只是現在的人只著重港女這名詞而已..
大家都要以一個平和的態度看世界...永遠是相對的...
人無完美..少少包容..唔好將小事無限發大..永遠都好解決....

jess1 2010-2-25 01:17 AM

[quote]原帖由 [i]401[/i] 於 2010-2-23 10:27 AM 發表 [url=http://www.discuss.com.hk/redirect.php?goto=findpost&pid=241520873&ptid=11610183][img]http://www.discuss.com.hk/images/common/back.gif[/img][/url]
我覺得就好似打仗咁
策略和手法因對手而異
要考慮自己的實力和
與聯盟戰友的關係
戰鬥的目標和心態要明確

一定有以上準備
先好上戰場
千其唔好盲中中拋個身出黎
死咗都唔知咩事 [/quote]

所以溝通是很重要..不要去打一場沒把握的仗..
所以媳婦千萬不要害怕跟奶奶相處..了解愈多..勝數愈大..

jess1 2010-2-25 01:21 AM

[quote]原帖由 [i]悅香油[/i] 於 2010-2-23 10:46 AM 發表 [url=http://www.discuss.com.hk/redirect.php?goto=findpost&pid=241522509&ptid=11610183][img]http://www.discuss.com.hk/images/common/back.gif[/img][/url]

弊在依家唔少女人嫁人係當個老公係奴才呢,
因為依家女人有能力及有賺的就話離就離,話走就走,話唔鍾意奶奶就隨意地比面色及說話有骨,
老人家想見下抱下個孫,就忍氣吞馨都未夠,要睇新抱既心情。
家庭不是戰 ... [/quote]

一個幸福的家庭...幸福的因素都一樣...
一個不幸的家庭..不幸的因素確是不能細數..

所以很難去評定一個家庭的好壞..是由媳婦或是奶奶造成...
當兩者都水火不容時..男人就要出面去解決..
明白很多男人都害怕面對..但將問題扼殺在搖籃中..
是很重要.....

jess1 2010-2-25 01:22 AM

[quote]原帖由 [i]Purple_Dino[/i] 於 2010-2-23 10:53 AM 發表 [url=http://www.discuss.com.hk/redirect.php?goto=findpost&pid=241523032&ptid=11610183][img]http://www.discuss.com.hk/images/common/back.gif[/img][/url]
夠正面.....支持支持............:loveliness: [/quote]

thx...希望我能一直與大家分享我的正面訊息...

jess1 2010-2-25 01:22 AM

[quote]原帖由 [i]若萌[/i] 於 2010-2-23 11:00 AM 發表 [url=http://www.discuss.com.hk/redirect.php?goto=findpost&pid=241523642&ptid=11610183][img]http://www.discuss.com.hk/images/common/back.gif[/img][/url]


不過好似樓主呢種case真係唔太多 :smile_o06: [/quote]

有的..只是我比較得閒姐..呵呵...

jess1 2010-2-25 01:26 AM

[quote]原帖由 [i]tsk1902[/i] 於 2010-2-23 11:57 AM 發表 [url=http://www.discuss.com.hk/redirect.php?goto=findpost&pid=241528852&ptid=11610183][img]http://www.discuss.com.hk/images/common/back.gif[/img][/url]


我諗都有唔少架..只係太少人出來講...住住一講好..有d人心態總認為人地曬野..酸葡萄心態太多..:funk: [/quote]

呵呵...這種人任何地方都有的..但是我覺得這負面的東西太多了..
婚姻不是只有不快..悲哀才能與人訴說的..
快樂..幸福也是可以共享的.....

jess1 2010-2-25 01:28 AM

[quote]原帖由 [i]tsk1902[/i] 於 2010-2-23 12:07 PM 發表 [url=http://www.discuss.com.hk/redirect.php?goto=findpost&pid=241529808&ptid=11610183][img]http://www.discuss.com.hk/images/common/back.gif[/img][/url]


有時候磨擦都係因誤會而起...正如妳洗碗不乾淨..其實只係少事...如果妳一直放係心..只會慢慢化大件事情..只會讓大家關係惡化...

但婆媳關係不好..好似已經係註成事實咁..好像未嫁人或未做人奶奶的..都己經有個 ... [/quote]

誤會..真的會由一粒小沙變成一座山..愚公移山是不智的..
所以要在小沙時就掃除..讓那平原永遠是青綠的....
將心比心...顧自及人....

jess1 2010-2-25 01:30 AM

[quote]原帖由 [i]UNGELA914[/i] 於 2010-2-24 06:14 AM 發表 [url=http://www.discuss.com.hk/redirect.php?goto=findpost&pid=241624912&ptid=11610183][img]http://www.discuss.com.hk/images/common/back.gif[/img][/url]
If your husband doesn't have any brother or sister that will be more easier for you to handle the relationship btw you and his family.  If yes, that will be much more complicated to handle; you are so ... [/quote]

我男人是有細妹的..即是我上文提的姑子..
雖然嫁了..但是我一星期都見她三次..因為回來食飯..
我跟她的關係很好..因為性格很相近...也是很樂觀的人..

jess1 2010-2-25 01:31 AM

[quote]原帖由 [i]iamhugo[/i] 於 2010-2-24 06:09 PM 發表 [url=http://www.discuss.com.hk/redirect.php?goto=findpost&pid=241679369&ptid=11610183][img]http://www.discuss.com.hk/images/common/back.gif[/img][/url]
我應該要俾老婆睇下呢個post..
多謝樓主既分享!!:smile_o12: [/quote]

你老婆也會是一個好媳婦..因為你是一個好老公...

jess1 2010-2-25 01:34 AM

[quote]原帖由 [i]ckkpyy[/i] 於 2010-2-24 10:15 PM 發表 [url=http://www.discuss.com.hk/redirect.php?goto=findpost&pid=241707005&ptid=11610183][img]http://www.discuss.com.hk/images/common/back.gif[/img][/url]
樓主正正講出一家人,不止婆媳,體諒包容,已可化解好多不必要嘅矛盾! [/quote]

人好奇怪..對有血緣的人..總是不知覺去包容..體諒..
但只要沒了血緣這牽紐..就會將那人的錯無限發大..

tsk1902 2010-2-25 08:32 AM

*** 作者被禁止或刪除 內容自動屏蔽 ***

victorkc 2010-2-25 01:09 PM

樓主真係懂得享受愛同懂得怎樣去愛,
正如樓主係工作上有唔開心,都可以同奶奶講,同佢分享,
如果個個人都識得咁做,咁做人都開心好多,
做人開心,自然同人少磨擦,家庭就會更和諧,
要記住,所有野都係雙向的,你對人點,人地自然會點對你,
多o的係對方立場度睇,關係自然會好。
更重要既係溝通,千祈唔好怕煩呀,尤其係老人家,
佢地最鍾意就係同樣既野講幾次,又長氣,佢地又未必明你講既野,
只要俾多少少心機同耐性,改善溝通就可以同佢地相處到嫁勒。

10chan 2010-2-25 04:17 PM

我已經決定唔再見我奶奶, 見親我就當正我係下人, 睇我又樣樣唔順超,
仲因為我初一冇買野俾佢, 就唔俾利是我, 老公個日放工返屋企俾佢狂罵, 罵咗幾日

天天使使 2010-2-25 06:37 PM

樓主~~
你話"我的男人就是很強調我不要我老婆受一點委屈...所以我奶奶說我男人很緊張我..連她準備給我的飯盒也怕不夠豐富....生活上總希望老爺奶奶可以照顧得我最好....."

我睇到你個post好感慨眼濕濕.唉

我廿幾歲
有個好好嘅男朋友
我地喺大學識咖
佢好純, 心地善良, 樂於助人, 人品好好, 有上進心, 孝順屋企
佢對我真係好好咖
我地喺埋一齊左1年左右
我地都係認真嘅
好耐之前我地已經講好左過3年結婚

好可惜, 佢媽咪覺得我搶左佢個仔
成日做好多好多小動作出嚟
不過我平時EQ都高
就算唔開心都會保持禮貌嘅笑容

例如 每次我地傾電話
佢都會入嚟打斷我地嘅對話
每次都係講相同嘅話題
連護膚品點用/係咩嚟...都要問佢個仔
我男朋友屋企有daddy有細佬, 細佬都25歲
點解一定要問我男朋友打擾我地
仲有將d話題不停"言"長, 沒完沒了...完全唔尊重我同佢個仔傾緊電話
有時仲要係俾說話我聽
話"你快d訓啦, 你唔訓人地都要訓啦"
有次我問我男朋友, 你媽咪喺你間room幫你執屋??
佢話唔係, 媽咪坐喺佢張床度咋嘛, 無野做咖
甘啫係聽我地講緊咩啦
做到甘明....
我男朋友間屋8百尺甘大,
點解佢媽咪要屈喺我男朋友間甘細嘅room度(5-60呎)
好多時我都想收線
因為我都想我男朋友早d訓
而且好多時我聽到佢媽咪把聲好無癒
我就會叫我男朋友收線同媽咪傾計啦
係我男朋友話無野同佢傾呀
唔想收線

之前未同佢見面, 以為自己多心
見左面仲衰
佢唔會理我咖
淨係不斷同我男朋友講野
叫我男朋友食呢樣食果樣
完全唔當我存在
後來我打算做主動
有時見佢講野
加把口啦
點知佢就會同個仔講野轉移話題

有次我男朋友公公大壽
我男朋友一家人同佢公公影相, 我男朋友拉我埋去一齊影
行去影相嘅途中甩左手
原本我都唔打敢行埋去
不過公公就揮手叫我過嚟
果一刻真係好warm
公公好好人

影完之後我地坐番低食cake
過左一陣我男朋友行開左
原來佢去左影全家幅
我見到個心好up
好似頭先影相阻住左人地一家甘

佢又好驚男朋友洗$$喺我身上
(我同男朋友食飯AA制, 如果我買野我男朋友爭俾$$我會俾番佢)
我男朋友又咩都同佢主講
因為無戒心
例如我男朋友問佢邊度買電子藥保
佢就問長問短問點解要買呀
然後就喺親戚屋企拎左個用過同撞到裂左嘅藥保俾我
如果碎嘅話
整親我/我媽咪點算

前排我想搵頸錬買
但又唔知邊度價錢ok同埋純銀
佢媽咪就俾左一條帶左5日就斷嘅頸錬我
我唔係介意條頸錬質素唔好
我介意佢又唔信我唔信佢個仔嘅眼光
以為我會洗佢個仔d錢

佢又話唔想我男朋友甘快結婚, 唔好甘快搬出去wor
但我男朋友都30歲啦

我男朋友喺佢媽咪面前成日話我好好
然後問佢媽咪呢個女仔點呀
甘佢媽男咪同我朋友講, 呢個女仔好好呀
我男朋友就信以為佢阿媽好鐘意我
但我真係感覺唔到

我男朋友成日同我講, 佢媽咪成日話佢細佬女朋友好多野都唔好
話登自己個仔心痛
但係就話我好好,
所以我男朋友叫我唔洗擔心

我都信以為真
點知...................
有一次我, 男朋友, 細佬同細佬女朋友, 仲有男朋友媽咪一齊喺家食飯
佢媽咪坐喺我地2對情侶嘅中間
一住低就拎去細佬果邊, 主動不斷甘同細佬女朋友講野
講下d飯送點呀? 呢d家常便話
我同我男朋友呢邊就靜晒
講左好耐好耐(15分鐘左右)
然後就望過嚟我地呢邊同我講左一句客套說話
(果時我個心好up, 好唔開心, 所以唔記得佢講左咩)
我感覺真係好難受
果時我眼濕濕
心諗"原來我一直以嚟無feel錯, 佢真係唔鐘意我,
佢話唔鐘意細佬女朋友, 但都不停同佢講野,
甘佢啫係超級唔鐘意我啦..."
我好唔開心, 點解唔可以當我係一家人
果一刻, 我繼績保持微微嘅笑容....
但係勁想喊...我只想快d食完碗飯
我同男朋友都食完之後
佢地未食完 (我食完飯起身拎碗快入廚房, 打算洗碗碟, 不過佢阿媽搶番話唔好)
我同男朋友番入room
佢都見到我有d古怪
佢問我咩事, 我唔肯講
佢又估唔到...
唉.....

仲有我喺男朋友屋企
佢阿媽只會叫我男朋友
問佢飲唔飲湯呀 食唔食野呀
問幾次
甘我就企喺我男朋友身邊做聽眾

仲有好多野
都講唔多甘多...

每次我唔開心, 我都唔敢話俾我男朋友知,
不過因為心情唔好
屈住屈住,
好多時因為甘而對我男朋友語氣唔好

1個月前我忍唔住講晒所有野俾我男朋友知,
點解我會講呢?
因為每次我同佢講, 你媽咪係咪唔鐘意我地拍拖呀
佢都會話我諗多左, 仲話我疑心重, 話佢媽咪對我好好

而佢媽咪仲當面同我講(和顏悅色果隻)
佢話我男朋友個婆婆以前都係精神病,
成日妄想人地害佢對佢唔好,
佢話如果你成日都訓唔到,
我俾張醫生嘅卡片你
你去睇下啦

就係因為佢兩母子甘話我
過左幾個月
我決定向我男朋友坦白點解我會覺得佢媽咪唔鐘意我

講嘅時候真係嬲嬲地
我用左10個月時間忍耐
甘多件事我覺得有問題
點解我男朋友一d感覺都無, 仲要以為我妄想???
最明顯嘅問題就係每次我地傾電話都打擾我地呢件事
好無禮貌
但我男朋友話慣左
所以無咩感覺wor
佢仲傻到話”你唔訓人地都要訓”呢句話, 係佢媽咪擔心佢阻住我訓覺而講
然後佢又話以前同fd講電話 佢媽咪都會講呢句
甘我問, 你媽咪係咪擔心你d fd唔訓覺呀??
佢話唔係
甘我話佢啫係單打我阻住你啦
係你要傾電話咖
佢就話都係得呢一句啫
點會甘大個人都唔識分是與非咖



我男朋友好錫我, 從來唔會鬧我
我講出嚟, 佢初初唔出聲
我見佢唔出聲好嬲
我問你而家仲覺唔覺得你媽咪對我好好
佢話個心好亂, 唔識答
甘啫係覺得有問題果個係我啦 ?
只不過因為錫我, 所以後來話明白我感受??
呢件事我地2個唔開心左幾日
我成日追問我男朋友意見
我愈講愈多
我問佢我有咩做錯
佢話無
甘我話啫係佢有問題啦
佢又唔出聲
我真係好嬲
我唔係想要d咩
唔係想我男朋友為左我 話佢媽咪 對佢媽咪唔好
我想要嘅就係得到男朋友嘅體諒同理解我嘅感受
我希望話俾我男朋友知
你媽咪係錫你對你好
但唔等於佢對我都好好
我覺得佢唔鐘意我唔係我妄想出嚟咖

我最想講嘅係
我好擔心我地嘅將來
我覺得我男朋友好遲鈍
唔識保護我
樣樣都要我講先知
但好多事令我唔開心其實好明顯
每樣野都要我講佢先知
佢好錫佢媽咪
而佢亦好愛我

我認為而家拍拖
其實佢對呢件事嘅睇法同我唔一致
佢都因為錫我而唔敢講出嚟

但將來呢??
將來我地會點呀??
好多事都係我提出有問題
然後我男朋友先有所行動
每次都係我提出嘅時候
我地一齊生活會好辛苦
因為係我覺得有問題但我男朋友覺得無問題
甘長久落去我男朋友一定覺得好煩

[[i] 本帖最後由 天天使使 於 2010-2-25 06:44 PM 編輯 [/i]]

jess1 2010-2-26 12:26 AM

[quote]原帖由 [i]tsk1902[/i] 於 2010-2-25 08:32 AM 發表 [url=http://www.discuss.com.hk/redirect.php?goto=findpost&pid=241746178&ptid=11610183][img]http://www.discuss.com.hk/images/common/back.gif[/img][/url]


呢個道理有幾多人明吖...正如我所講..某啲人一聽到婆媳..唉...根本唔理智啦..但我相信仍然有好多好奶奶好新抱..只係無人知啫..
希望呢個區多啲正面既消息啦..呢度太負面啦...:loveline ... [/quote]

正能量是可以傳播的...一定可以...
頁: [1] 2 3
查看完整版本: 分享跟奶奶老爺的相處