金梭 2010-5-21 15:31
本版有不少想學樂器或初學樂器的版友對學樂器有一些常見的問題，希望本帖可以給予一些有用的建議。請記住，以下只為本人之意見，僅作參考。
各位版友亦可以參考版友iq_imbalance以下之文章（[url=http://www.discuss.com.hk/viewthread.php?tid=8647291]http://www.discuss.com.hk/viewthread.php?tid=8647291[/url]）。
以下為一些常見的問題︰
一、我已經XX歲，學樂器會唔會太遲？
答︰問呢個問題既人，應該諗一諗自己點解會想學呢樣樂器。為左自娛？可以演奏比朋友聽？想學好之後教琴？想做出色既演奏家？定立好自己既目標，就向住自己既目標努力，唔駛諗會唔會太遲既問題。當然，好多世界上出色既演奏家都係好細個已經開始學樂器，或者要做出色既演奏家會太遲；但係業餘玩樂器，就一定無分XX歲先學會唔會太遲。
二、去邊度可以搵到好老師？
答︰首先呢條問題係違反版規（可以參考[url=http://www.discuss.com.hk/viewthread.php?tid=12127830]http://www.discuss.com.hk/viewthread.php?tid=12127830[/url]），係呢度比d建議大家。搵老師既途徑，不外乎就係搵各大小琴行、朋友介紹、網上廣告等等。一般黎講，當然名氣越大既老師收費會越貴，但係教學質素有時亦唔一定同名氣成正比。
三、去邊度買樂器好？
答︰同上題，呢個問題都係違反版規。同樣，各位版友可以自行到各大小琴行或者樂器專門店查詢。樂器牌子或價錢係可以晌版面討論既，但小心唔好帶出琴行既業務資料或者一d拍賣網既連結。
四、點樣揀樂器？
答︰當然每種樂器有唔同既方法，但一般黎講初學者所遇既困難係因為自己未接觸個樂器所以唔識揀。其實，除左多d詢問朋友或者參考討論區對一d樂器牌子既睇法之外，亦只能搵信得過既朋友或者老師幫手。
我自己係玩小提琴既，以下#2將會講一講針對小提琴初學者既一d常見問題。
另外#3有比新學鼓既資料，#4係結他。
由於此帖旨在為初學者提供一d意見，唔想太多討論攪到個帖好亂，所以會關閉。
如果有會員有興趣為其他樂器提供一d意見，或者補充一下呢個帖既資料，歡迎大家PM我或者roytwh版主。
[[i] 本帖最後由 金梭 於 2010-7-16 11:46 AM 編輯 [/i]]
金梭 2010-7-5 12:39
一、一般要買幾多錢既小提琴？
答︰小提琴價格相差好遠，最平既可能三百蚊有齊弓、琴、琴盒、松香；最貴既當然係幾百萬甚至千萬既名琴。有d人建議，初學只需要買平既小提琴就可以（例如一千蚊以下），我自己就覺得，如果覺得自己好有決心學小提琴唔會半途而廢既，一開始買個好d既琴（例如幾千蚊至幾萬蚊）亦未嘗不可，當然要自己可以負擔得到，以及要學識好好保養小提琴。同樣，弓亦係同一道理，有好多平既琴都係買琴送埋弓，有d人會覺得用個d弓就ok，我就會覺得如果可以既話買個好少少既弓（初學就算買個幾千蚊既弓都唔會太過份）亦未嘗不可。不過，一開始買個好琴既問題係初學者通常唔識揀琴，比人呃既機會亦會大d。因此，除非有信得過既朋友或者老師幫手揀琴，否則買個平d既琴係會安全d（雖然以學琴既角度黎講用個好d既琴去學會好d）。
二、去邊度買小提琴？
答︰請留意上面#1問題三。一般黎講，一般香港各大小琴行都會有小提琴售賣（尤其是平價小提琴）。通利亦有d價錢稍高既小提琴。另外香港亦有唔少弦樂專門店（店名通常為XX Strings），裡面會有各個價位既小提琴售賣。
三、點樣揀小提琴？
答︰初學者因為唔識得拉琴同聽小提琴既聲，通常都係要搵老師幫手（前提當然係要信得過個老師）。一般黎講，我覺得兩三千蚊以下既琴，質素都係屬於差劣，唔會相差太遠，只需要check下個琴無穿無爛就可以。到學左幾年後，就可以自己就住自己既budget，晌個budget以內盡量試多d琴，然後揀自己最滿意個個就得。
四、咩牌子既小提琴好？
答︰係我眼中，小提琴係無所謂「牌子」既，只係有邊一個造琴師傅造出黎既琴。所謂牌子，通常係d大公司用機器大量生產既廉價小提琴，或者係一d名氣好大既師傅佢地晌大陸設廠然後大量生產既廉價小提琴。我自己個人既意見，係唔駛理咩牌子，只要晌自己budget裡面揀個最好聲既小提琴就可以。唯一我晌外國討論區睇過大家都覺得幾好既小提琴牌子，係Scott Cao（Scott Cao本身係一個著名既造琴師傅，佢個牌子係指佢晌大陸設廠生產既小提琴），但係我自己本身未用過，所以不予置評。
五、點樣保養小提琴？
香港空氣潮濕，小提琴係木造既，所以要小心保養。春夏季最好買d吸濕包放入琴盒入面，並且要定時更換。另外每次拉琴之後，用軟布抹走琴面上既松香漬及汗漬，將弓放鬆至弓毛岩岩好貼住弓桿。
[[i] 本帖最後由 金梭 於 2010-7-5 12:50 PM 編輯 [/i]]
roytwh 2010-7-5 23:41
新鼓手可到此帖
[url]http://www.discuss.com.hk/viewthread.php?tid=12275188&extra=page%3D5[/url]
roytwh 2010-7-5 23:48
結他新手可到
[url=http://www.discuss.com.hk/viewthread.php?tid=9965625&extra=page%3D1%26amp%3Bfilter%3Ddigest]http://www.discuss.com.hk/viewthread.php?tid=9965625&extra=page%3D1%26amp%3Bfilter%3Ddigest[/url]
[url=http://www.discuss.com.hk/viewthread.php?tid=12191645&page=1#pid251269241]http://www.discuss.com.hk/viewthread.php?tid=12191645&page=1#pid251269241[/url]
後者約略講下初學學乜，不過有無其他要注意的事，我就未夠班講，一來我係自學，二來我手結他都係麻麻地。鄰版有編精華，講得唔錯：
[url=http://www.discuss.com.hk/viewthread.php?tid=1177469&extra=page%3D1%26amp%3Bfilter%3Ddigest]http://www.discuss.com.hk/viewthread.php?tid=1177469&extra=page%3D1%26amp%3Bfilter%3Ddigest[/url]
至於買結他及音響設備注意的事，我都無乜心得分享。一來我不在香港，二來買乜都係撞手神，買結他都係揸上手彈下聽下，直覺話好feel就買，其他野都係睇review就盲中中上網買架，有時都會撞板。其實應該請Bluesrock寫，至多我將佢寫既譯做中文。仲有，鄰版有編置頂既係類似性質：
[url=http://www.discuss.com.hk/viewthread.php?tid=9803605&extra=page%3D1]http://www.discuss.com.hk/viewthread.php?tid=9803605&extra=page%3D1[/url]
多謝會員momotor提供
以下由pcfyiu版友提供關於選結他之要點︰
[url=http://www.discuss.com.hk/viewthread.php?tid=13406206]http://www.discuss.com.hk/viewthread.php?tid=13406206[/url]
[[i] 本帖最後由 金梭 於 2010-11-11 12:36 PM 編輯 [/i]]