查看完整版本 : 【月入8000蚊就想娶我個女?!】人工低註定孤獨終老?

查老爺 2010-5-23 14:37

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
"你搵幾錢個月呀???"
"8000左右啦.."
"8000??咁你有冇諗過同我個女結婚呀??"
"暫時未有計劃,因為我覺得我地拍左唔係好耐,仲未了解得夠.."
"冇計劃???咁你同佢拍黎仲咩??"
呢個時候我已經覺得好唔妥架啦....咪話:
"咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
"OK,咁你話同父母住公屋,係咪??"
"係呀."
"係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
可以養到我地呀???我唔該你,?食完呢餐飯好走啦,唔好再搵我個女,知道未呀??"
嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
塊野鑲金架???你地都痴膠花GE...你食x啦..仲有,呢 兩合野我當俾乞兒啦....x@@杏加橙.."
果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
尋晚成晚就係咁自己一個係咁隊到啤啤夫..真係.........天啊..點解呀??????
就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢??

Torporman 2010-5-23 15:31

"呢個世界係咪已經變得咁樣..個個都狗眼看人低呢??"
呢個世界我唔知, 不過我諗香港起碼有一半家庭係咁.
o係香港搵得果8000蚊就預左食自己架喇, 我唔係寸你, 我都係搵得8,9千咁上下.

e234818 2010-5-23 16:38

現實是好現實的

不過, 如果你們真的一起
而又開心的話
無錢
又如何

f.A.n.N.y 2010-5-23 16:58

佢媽媽有問題
但我都覺得你唔應該話佢

查老爺 2010-5-30 16:44

點解唔可以話佢呢????:smile_27:

mstko 2010-5-30 16:58

點解唔攞返支酒同燕窩返屋企孝敬下你老豆老母呀?

你比一蚊個乞兒, 個乞兒都同你講聲多謝LA!

bodybutter 2010-5-30 21:03

咁你女友有咩反應?

查老爺 2010-5-30 22:38

咁會唔會冇人性d呢??:smile_44:

dcboy 2010-6-1 12:45

我好多個月前見過呢個post 架喎, 伱有冇問過人地可唔可以轉架.
仲要話係你嘅

求愛乞丐 2010-6-1 15:51

佢阿媽會唔會想試下你, 睇下你有冇決心改變或改善現在的生活呀, 你咁快就反台...... :funk:

白面神 2010-6-1 17:43

你咁勞氣都係冇用~唔需要同佢講任何粗口..因為咁樣只會你理虧..你下次只要同佢講一句就可以啦:我係冇錢..住公屋..係養唔起你地同你個女..但你個女鍾意我..咁點?

查老爺 2010-6-1 19:06

係咩??我未問喎:smile_27:

chriskfc 2010-6-1 19:28

心平氣和傾下...你女友有咩回應....
嘈係解決唔到...

sinead 2010-6-1 19:49

[quote]原帖由 [i]查老爺[/i] 於 2010-5-23 02:37 PM 發表 [url=http://www.discuss.com.hk/redirect.php?goto=findpost&pid=252243607&ptid=12266794][img]http://www.discuss.com.hk/images/common/back.gif[/img][/url]
我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
廢話少講,事緣尋晚終於能夠同拍左拖3個月的女友雙親見面啦 ... [/quote]
我都試過前男友阿媽睇我阿媽唔順眼.....


當時同樓主反應一模一樣!!!!
爆晒粗, 次後 cut 線!


都痴線既!
佢咁講得出口, 就預左俾人小!
使俾面佢?

你點對人, 人點對你!
:@


無仇無冤無神神起度評頭品足?
家陣你呢 d 叫無禮貌!!!!!!!!
做人最基本咩叫尊重都唔識!
真係俾人打得小, 罵得小!
:smile_15:

andy14011982 2010-6-1 20:38

如果因為佢老豆老母反對而分開
其實都幾無奈.....
只怪佢父母太現實,咩都講錢
又只怪你自己唔爭氣...搵得咁少
呢D真係無得好講.....
作為父母...咁係想自己個女嫁得好,
而事實上...你經濟能力又真係唔多OK喎
咁都冇辨法.....
如果你真係鍾意佢既....
一係你改變佢屋企人既觀念(呢個好難改)
二係改戀你自己...唔好再係度怨
同埋要裝備下自己....搵D野讀吓....上進D啦
其實我都同你一樣....
而家都開始要讀吓書...大家一齊努力啦

查老爺 2010-6-1 21:12

咪係囉,有兩個臭錢係度扮晒魚蝦蟹:smile_27:

30G 2010-6-1 21:31

8千蚊一個月有吔間題,最緊要2個人開心咪得,好過攞綜援,佢呀媽係咪有問題,狗眼看人低,有錢大哂,咁貪錢叫佢個女搵個億萬富翁!樓主!我支持你!

PAPER 2010-6-1 21:34

分開就分梗,不過唔使傷心,3個月貨JER , 唔係太深

andy14011982 2010-6-1 22:26

[quote]原帖由 [i]30G[/i] 於 2010-6-1 09:31 PM 發表 [url=http://www.discuss.com.hk/redirect.php?goto=findpost&pid=253298034&ptid=12266794][img]http://www.discuss.com.hk/images/common/back.gif[/img][/url]
8千蚊一個月有吔間題,最緊要2個人開心咪得,好過攞綜援,佢呀媽係咪有問題,狗眼看人低,有錢大哂,咁貪錢叫佢個女搵個億萬富翁!樓主!我支持你! [/quote]

8千蚊係唔多,但係如果肯公一份,婆一份,其實一樣過到生活,一樣可以好開心...
問題係而家呢個香港有幾多女仔肯同你一齊捱先得咖:smile_42:
當佢肯同你捱.....佢父母果關過唔到又係死!!

查老爺 2010-6-1 22:37

咪係囉,就算條女肯同你捱,佢老豆老母會肯俾個女同你捱咩???

ryo0829 2010-6-2 10:16

[quote]原帖由 [i]Torporman[/i] 於 2010-5-23 03:31 PM 發表 [url=http://www.discuss.com.hk/redirect.php?goto=findpost&pid=252248171&ptid=12266794][img]http://www.discuss.com.hk/images/common/back.gif[/img][/url]
"呢個世界係咪已經變得咁樣..個個都狗眼看人低呢??"
呢個世界我唔知, 不過我諗香港起碼有一半家庭係咁.
o係香港搵得果8000蚊就預左食自己架喇, 我唔係寸你, 我都係搵得8,9千咁上下. [/quote]
佢老母睇你唔順眼,搵野趕你走姐。仲有邊有老豆老母想個女同你捱窮。

好坦白講,你搵得個8-9千,夠自己駛定夠俾屋企先?

你做左幾耐野?如果你岩岩出黎做野咁只可以當時間上唔岩。

但係如果你做左4-5年野都仲係搵8-9千,你係時候考慮下自己既將來。

你認為搵8-9千夠你過世?你返左工咁耐你俾幾多錢屋企一個月?

定係你係餐餐清冇錢儲??

你唔好用d咩野冇時間做籍口唔增值

我都搵過8千一個月,個陣我都係俾一半屋企,自己有儲1-2千一個月。

而家雖然唔算高,都叫做差唔多跳左一倍。

如果你唔上進,俾人睇唔係你出咩野聲?

你自己唔生性,冇本事,係度埋怨人有咩用??

永遠係度固步自封,唔上進唔增值,睇你唔起又如何?

如果你都知道自己而家搵錢唔夠高,俾d心機搵多d錢,最少唔會俾人覺得你搵朝唔得晚。

查老爺 2010-6-2 11:35

咁就叫冇本事??咁點為之有呀??

pennyto 2010-6-2 11:37

點解呢呵:smile_41:
熟口熟面咁既:funk:
好似已經係第4次見添:smile_30:

ryo0829 2010-6-2 11:51

[quote]原帖由 [i]查老爺[/i] 於 2010-6-2 11:35 AM 發表 [url=http://www.discuss.com.hk/redirect.php?goto=findpost&pid=253352243&ptid=12266794][img]http://www.discuss.com.hk/images/common/back.gif[/img][/url]
咁就叫冇本事??咁點為之有呀?? [/quote]
唔需要你好本事,
只需要你養得 到自己養得到人
有能力俾返家用你屋企
有錢留到俾你既小朋友
8千你做到d咩,不如你自己講?

andy14011982 2010-6-2 13:14

28歲仲搵得8k真係少左d咖....
我同你其實都係一樣呀
又係8千一個月,又係28歲....
我而家都要增值自己....
我都唔想過多幾年仲係搵8-9千呢個人工
如果唔係點養家
我自己唔貪心的....我既目標2年後過到10k已經好好
雖然話就話....總有d好女仔係唔介意呢d野
但係有時不得不向現實低頭....
真係有得揀...點都想揀過條件好d既...
可以比自己生活過得安穩d既男人啦

ryo0829 2010-6-2 13:21

[quote]原帖由 [i]andy14011982[/i] 於 2010-6-2 01:14 PM 發表 [url=http://www.discuss.com.hk/redirect.php?goto=findpost&pid=253362659&ptid=12266794][img]http://www.discuss.com.hk/images/common/back.gif[/img][/url]
28歲仲搵得8k真係少左d咖....
我同你其實都係一樣呀
又係8千一個月,又係28歲....
我而家都要增值自己....
我都唔想過多幾年仲係搵8-9千呢個人工
如果唔係點養家
我自己唔貪心的....我既目標2年後過到10k已經好 ... [/quote]
增加自己收入,收善自己生活,要讚:smile_o12:

殘酷豬 2010-6-2 13:49

8千9千蚊  冇未來
註定  餓死老婆搵臭屋咩?

咁既人都有
佢地養住個女 為左咩  要錢唔要女

+上樓主 何必動氣  你可以証明比佢地睇下
8千9千蚊月  未來點樣好  儲錢為未來
我阿哥  一月搵萬幾月 我大嫂又返工7千月 應該有1萬8蚊月到

但係佢冇咩點用錢  因為買樓+為左女兒鋪路

如果你絛女  真係想同佢一齊 咁這一些苦 都捱不住嗎?
如果兩公婆  會捱   未來一定好

查老爺 2010-6-2 13:52

都話係佢老母唔俾個女捱咯:smile_27:

ryo0829 2010-6-2 14:19

[quote]原帖由 [i]殘酷豬[/i] 於 2010-6-2 01:49 PM 發表 [url=http://www.discuss.com.hk/redirect.php?goto=findpost&pid=253366217&ptid=12266794][img]http://www.discuss.com.hk/images/common/back.gif[/img][/url]
8千9千蚊  冇未來
註定  餓死老婆搵臭屋咩?

咁既人都有
佢地養住個女 為左咩  要錢唔要女

+上樓主 何必動氣  你可以証明比佢地睇下
8千9千蚊月  未來點樣好  儲錢為未來
我阿哥  一月搵萬幾月 我大嫂又返工 ... [/quote]
萬七萬八一個月,真係冇娛樂先叫做岩岩好
大家肯捱係好事,但係你身為一個男人,要個老婆同你一齊捱世界,你好唔好意思?

hin.bic 2010-6-2 15:16

假如樓主果一刻已經知道自己同女友再無運行
亦無意再纏繞落去

呢個絕對係一個正確既決定
人地都講到咁絕 無需要再俾面人
我覺得鬧唔夠添

但如果樓主有留戀想挽回 咁就係樓主終極on9喇
頁: [1] 2 3 4 5
查看完整版本: 【月入8000蚊就想娶我個女?!】人工低註定孤獨終老?