查看完整版本 : 買手提電腦既要留意啦~P1揀機驗機~P8換MON~(現更新換mon光管)更新於08/02

[size=5]{買部電腦返呢用3年、用3分鐘了解下唔過份丫}(睇完幫手推推、方便想買機既人睇)>.< THX

買之前諗諗自已個用途先決定、帶出街既次數少、當然買大吋數好啦、反正重量唔係問題睇得又舒服同個散熱都好D啦！
成日要帶出街買細機要留意散熱問題、細機機內空間細風流通得唔好、功率越大熱量同樣會加大、姐係機底吸風位多又大、出風口又大、甘個通風實好啦！有D機個面板用金屬都對散熱有幫助！！

機身有幾種如底板、HD 呢D都緊哂重量架啦！睇用咩MON同機身物料啦！有D機個MON重量係人地既3倍、成大件玻璃你話幾重丫、想輕睇機身用料啦、鋁同碳纖維機身因為夠硬同輕、物料唔洗做甘厚！而用硬膠要有足夠既保護力、自然會做得厚過鋁同碳纖維、用膠既機身體積同重量自然大又重啦！

(SONY Z系掃毒、CPU100%1分鐘有成90幾度、CW系同樣環境先得50度)(機既體積決定熱量~價錢決定機既重量)
(輕機身~機身用鋁同碳纖維等輕硬物料、用ssd HD、走DVD盤)~(重機身~機身用硬膠等、磁盤HD、厚身既DVD盤)

同配置但牌子唔同價錢差500左右、如果部機既樣接受到甘當然要平既好過貴啦！當A既牌子夠響、機要$6000得1年全保、但B牌子$5500但牌子唔多夠響、呢個情形我會選擇要B機、5500+10%保費(550)=6050但有5年全保包人工零件啵、頭加尾點都有6年啦(第五年尾快到期返廠整整都有一年唔斷氣丫)、再講遲下賣舊機換新機有保都好賣D啦！

NB但維修費高到可以搞到你跟本唔想整、過保返廠齋人工都幾百、換個鍵盤又5百、點整丫甘呢真係一個黑洞呢架！所以加保我覺好緊要、機價既10%講真真係唔貴、街舖整機師傅質量又係一個問題、一開始買定5年保唔洗煩甘多、除非自已識整又穩到零件啦、原廠個保養只係廠家保自已機件既QC姐、人地唔會將新科技試一年機先推出市場架、好以HP CQ系個閃屏問題甘、都係MON個品質問題、隱病都要時間先出呢、過左原廠個保要整、街舖收人工6百+零件1千、原廠收7百人工+零件2千！當自已整人工唔洗、齋計零件都要1千、個保險都係幾百蚊、點決定好明顯啦！

好多時廠商向同等價格既機有唔同既配置如i3配1g獨顯或者係i5配512m獨顯、唔知揀i3跟1G顯卡好定i5跟512M顯卡好？宜家一般用途上網 睇高清 簡單整下相 同玩底配置既GAME 512m顯卡都夠用架啦、情願要反個CPU勁少少好過！但如果主要用呢打機多甘1G獨顯唔少得啦！

主要用呢打機齊睇3樣野得啦、MON要夠大、風扇要多至少倆個三至四個更好、顯卡G數要有甘大得甘大1G顯卡呢打機都算最基本架啦、機身溫度先係問題、要用多管多扇散熱、起碼風扇同出風口都要多、要呢打機獨顯都要有獨立風扇呢散熱架啦！而CPU唔洗諗甘多、宜家配備得1G既顯卡既機粒U又差得去邊丫！

個CPU同獨顯配置、個人覺得情願要張顯卡勁D好過粒U勁D！等部機過左保養後自已升級粒U其實都唔難、i3同i5個價都係差$5~800左右(用粒舊i3換新i5計)、平既新i7 CPU宜家都係千頭、一倆年後升左粒U部機都無甘快OUT丫。但要換顯卡甘會好煩同有危險(分分鐘燒底板全機玩完)人工都要$3~500重要未計顯卡價錢同NB顯卡都唔係甘好買。(顯卡個回收價底CPU好多架、顯卡回返唔係幾值錢)

如果唔會自已搞升級又唔係要打高階GAME、齋上網睇高清整下相甘i5加512M顯卡會好D、呢個用途512M顯卡都夠用、配i5又行得快D、但遲下想打高階GAME既話、甘未必理想啦、打機對顯卡既要求高D。

硬碟5400轉同7200轉其實唔洗太在意、大機14"以上通常用7200、細機通常用5400、只因5400轉HD無甘熱、一般用我覺得速度無乜分別、反而有人覺得5400轉會安全D添、而呢類HD有咩事壞左都有得整、有軟件同拆碟呢救資料。

SSD係非機械性硬碟唔怕震同MP3甘樣跑步都唔跳、平時所謂7200轉既硬碟同CD差唔多、用CD play跑步震都會跳同停左一樣！所以你想向震既環境用都係SSD HD好 震動對讀寫方面無影響部機自然咩環境都用得啦！SSD硬碟個好處係讀寫速度快又唔怕震(但都怕撞同唔好用呢BT)、如果成日要帶出街、用SSD當然安全D啦、日日羅出街震到硬碟壞真係唔奇、而SSD唔怕呢個問題、但SSD一壞資料係羅唔返架啦、所以要做好備份、同時價錢都係一個問題、最好既方法當然係倆種硬碟各一隻、SSD呢裝軟件、第二隻用呢放還原系統、做備份同放資料、有種DVD盤轉HD托架、只要放棄DVD便可加多個硬碟、裝拆得好係唔會影響保養、唔洗拆開機身！
(向移動既地方用如車上、呢倆種硬碟立即睇到分別向邊)

而插頭方面、HDMI VGA USB2.0 S40呢D通常都有架啦！而配置USB3.0既機實在唔多、同周邊配件都少用USB3.0、自覺未必要死追USB3.0、反而eSATA呢個插頭更值得留意、eSATA個速度都幾快、平價機好多都配有呢個接口、唔係USB3.0甘貴價機先有既。

決定買機時記得唔好齋記住個形號、要記實個配置(CPU/RAM/顯卡/硬碟)同一形號可以有好多唔同既配置要小心！！

個Windows7最好要64bit 甘樣RAM遲下可以升上4G以上 如果用32bit最多都係得3.95G(大多數軟件都支援到64bit、係用時要留意用返32bit既IE8、有D網頁未必支援到64bit既IE如銀行網站、可以開個32BIT既IE8上網、只係有D網站唔支援用64BIT既IE8！32 BIT既IE可以向 開始>所有程式到穩到有32BIT既IE8)

NB個RAM槽通常有倆個、留意下跟機RAM用左幾條槽、留到條槽方便升級！加RAM最好倆條同一樣G數、同一個牌子(如細鋪買最好當場升級個RAM、張本身條RAM回返俾佢、一出門口條RAM唔值錢架啦)

跟機送既野唔洗甘著意、反正好多野自已都會再買、向細鋪買機傾平D好過啦！！

買機時第一眼睇下個包裝有無問、封條有D底面都有呢D野其實唔洗點在意、細鋪開左封條再整返你都未必知、
大鋪都有權換部未開封條既機、賣果個多數都會同你講公司返貨驗機先開、其實咪又係睇完外觀要換既機。

打開紙箱後最好係你第一手羅住部機出呢、睇睇多唔多手指模、多姐係有人睇過啦！要留意啦！！

返轉個機底睇睇個形號、Windows封條、同機身號碼、再對下個紙箱睇睇係咪你要既機(CPU/RAM/顯卡/硬碟)

形號、配置、外觀都無問題、可以選擇Windows既語言啦(語言只可選擇一次無得改、要改語言要去維修部整、重好大機會要收錢添、因你買既係硬件廠只保硬件、除WIN7旗䚀版有多語言可重覆選擇)等半個至一個鐘到啦……記得睇清楚部機係咪未裝Windows、一開始便係選擇語言個畫面、一早裝左Windows既機多數有問題唔好要(姐係開機後無得選擇語言直接入左Windows個畫面)、D SALE通常吹水話方便d客唔洗等甘耐！

我覺得裝左Windows既機唔好買。但有D牌子如SONY向專門店買會有裝好Windows架、裝好方便賣俾人、佢地要改語言好方便、但街既電器舖、裝完Windows要改又難又煩、賣剩一部簡體機你要繁體、電器舖佢地又轉唔到語言、甘人地點做生意丫、一係叫你等…裝個Windows一係收左你訂等一個鐘叫你返呢羅好過啦！…

裝完機重新啟動再開機、試試關機開機正唔正常、個DVD盤識唔識彈出呢、之後按開始~系統及安全性~系統~檢視RAM的大少及處理器速度。睇睇配置內容有無問題！睇睇個MON有無明顯既死點、再睇睇跟機D野(建議睇住說明書呢對配件)

俾完錢對下張單D資料 日期/形號/機身號碼！！返到屋企開機先裝防毒再更新所有軟件！！有d有系統還原光碟、係用呢重裝成個系統、返到出廠既設定！用呢個方法洗機最好既方法、因洗哂d資料乜病毒都無用、但要做好備份先

有D牌子要上網做保養、有d牌子重一定要有單添(如SONY上網登記保養加送一個月保)

吉X島個The Bxxx電器買有得加保、保費係機價既10%、從買機日開始計5年、原廠包零件人工(過左廠個保養後、要通知保險果邊、整機要自已先俾錢、倆星期後再同保險羅返)

留意下個MON有無死點！有羅返去鋪頭換、一星期後齋返廠整無得換(死點有幾多先有得換要睇牌子、有D牌子5點先換、有D牌子1點都換自已打去客務到了解下)

PS:保養問題(買左機記好個保養到期日、快到期好羅部機上維修到整整佢、部機無事清清D塵都好丫、理由咪話機好熱成日死機羅、有得換個風扇重好添、但記得羅返起自已後加既RAM、如換過硬碟都要裝返原來既先交機、無論你加RAM定換硬碟、都有可能影響保養)留買機單都好緊要、無單既話係用生產日期定保養時限、除時少半年有多架、新型號既機出左半年先買、唔見單又補唔返、甘廠商只計部電腦型號個出產日期呢定個保養開始日、遲半年買甘咪得返半年保養羅！

PS:買賣二手電腦既、有張買機正單好緊要、如在保期間可上原廠維修部交收、甘買賣雙方都有保障、但廠商知部機變左二手便唔會再保、而個保期開始日都係睇張買機單日期、如無單只會用部腦個出廠日計算保期！

PS:升級問題(好多廠都唔會幫你做硬件升級、做升級個價都會好貴、SONY加條2G RAM要收$800、要升級一係細鋪買機時傾下加幾錢)

ps:好好維護部機可以用到3~5年架、買14吋以上無甘快壞、散熱好無甘傷機、日後做後備又得做資料庫又得、好好keep啦係無用保養得好都可以俾有需要既人用丫 >.<

  我都係用開NB未買過台機因唔打機、有部HP2004都成5年啦、到宜家都夠用、上網FB游戲PPS一齊開哂都無問題、係要年年清下塵、有保返行清無保自已清、向吉之島個THE Bxxx電器買左保險、部機5年前買機價萬三、加5%保費$650(宜家加到10%)、羅機出街試過撞爆左底板同個MON、底殼、返廠整開價4千幾傾到收千三、第二年硬碟換過免費、同5年維護！每日都係1蚊同防毒軟件成本差唔多、但可以保到甘樣重想點！向街舖穩人清塵收$200一次、入面D損耗品好似導熱膏同硅膠質量同價錢都相差好大、平$10貴過百、要穩間信得過既、唔係個維護質量好難講啦、可以既話咪自已搞羅、但真係要諗清楚、搞唔好斷條接線事少、搞壞機燒板都有可能。


{記得唔好耳仔軟睇到眼花花時、俾人講倆講買左唔係自已本身想要既機、多睇多問同信下自已睇機既分析同喜好、上網睇機都唔止用左3日時間去諗啦！點解俾人講左幾句又改變主意呢…}

                  {下次話題~講下點樣幫自已部舊手提電腦清塵…}
                   ~~以更新在P.8 HP CQ40 換MON加基本維護~~
            {下次話題~講下點幫自已部手提電腦改裝散熱…待續…}
          (睇完幫手推推等想買新機既同維護電腦既方便睇呢個POST)
                          在此言謝各師兄既幫助及支持[/size] :smile_o12:

[size=6]注意:有待修改有關吉之島最好電器既保險計劃[/size]

[[i] 本帖最後由 hksbscyc 於 2011-8-2 01:14 PM 編輯 [/i]]

好有用 大力推一推

Push.......

thank you very much~!

樓主 可否幫幫小弟 揀notebook
[url]http://digital.discuss.com.hk/viewthread.php?tid=12901585&extra=page%3D1[/url]

其實我已經係澳洲...so..我有冇d乜 要更加注意

重有呢...
我之前用 卡巴斯
覺得佢幾食ram
有冇其他 防毒software好用?

[quote]原帖由 [i]lampk111[/i] 於 2010-8-20 05:45 PM 發表 [url=http://digital.discuss.com.hk/redirect.php?goto=findpost&pid=262630664&ptid=12900489][img]http://digital.discuss.com.hk/images/common/back.gif[/img][/url]
thank you very much~!

樓主 可否幫幫小弟 揀notebook
[url=http://digital.discuss.com.hk/viewthread.php?tid=12901585&extra=page%3D1]http://digital.discuss.com.hk/viewthread.php?tid=12901585&extra=page%3D1[/url]

其實我已經係澳洲...so..我有冇d乜 要更加注意

重有呢...
我之前用 卡 ... [/quote]
OS係注意個64bit姐、64bit先認到4G RAM以上 卡巴好好用啦！我都用緊閒置時食左2G RAM、食四份一咪理得佢、你用舊機計當然覺得吃力啦、我部HP 4年機齡2G RAM裝卡巴都好順丫、係要設定好個手動更新、閒置時先掃毒羅、上網FB游戲PPS無問題啵

[[i] 本帖最後由 hksbscyc 於 2010-9-4 01:36 PM 編輯 [/i]]

買機要注意的過程我都相當同意,不過我對你14吋散熱好,細機散熱唔好非常之有保留,可以你對的機種不多,在我手上因為散熱問題燒板,燒顯卡都係14吋以上大部份了!這上只是我個人經驗的結論,參考好了,你們的實際情況可以有別本人!!

*** 作者被禁止或刪除 內容自動屏蔽 ***

[quote]原帖由 [i]kuen1923[/i] 於 2010-8-20 07:41 PM 發表 [url=http://digital.discuss.com.hk/redirect.php?goto=findpost&pid=262641099&ptid=12900489][img]http://digital.discuss.com.hk/images/common/back.gif[/img][/url]
買機要注意的過程我都相當同意,不過我對你14吋散熱好,細機散熱唔好非常之有保留,可以你對的機種不多,在我手上因為散熱問題燒板,燒顯卡都係14吋以上大部份了!這上只是我個人經驗的結論,參考好了,你們的實際情況可以有 ... [/quote]

同意Ching講法唔係大一定唔燒、只係同樣既配置大機散熱一定好過細機、平時維護唔好溫度高打機熱過頭、燒板燒卡實架啦！14吋燒得多係多人用姐…7~8成用NB既都用緊14吋架啦！重要呢打機室溫又熱實死啦！再講有幾多部14吋以下既NB打機性能好丫！有都唔平得去邊啦…細機少人用、少用細機呢打機、少細機燒板正常丫…

[[i] 本帖最後由 hksbscyc 於 2010-8-20 08:37 PM 編輯 [/i]]

[quote]原帖由 [i]tennishk[/i] 於 2010-8-20 08:07 PM 發表 [url=http://www28.discuss.com.hk/redirect.php?goto=findpost&pid=262643371&ptid=12900489][img]http://www28.discuss.com.hk/images/common/back.gif[/img][/url]


看來你應該係行內人，請問可否比點意見？

最後選擇，請問兩部邊部好？(LENOVO與ASUS)

LENOVO G460G $4688
INTEL CORE i3  (2.13GHz)
500GB SATA(5400)

ASUS X42F $4980
INTEL CORE i3 350(2.26GHz ... [/quote]

我只係做相關維修行業,論新機我還未有資格評級,未經自己親身體驗的事情也不會亂給意見,希望這方面會有使用相關機型的ching可以幫到你。

[quote]原帖由 [i]hksbscyc[/i] 於 2010-8-20 01:18 PM 發表 [url=http://digital.discuss.com.hk/redirect.php?goto=findpost&pid=262603990&ptid=12900489][img]http://digital.discuss.com.hk/images/common/back.gif[/img][/url]
{買部電腦返呢用3年、用3分鐘了解下唔過份丫}

爆左Windows既機多數有問題唔好要 ... [/quote]

請教師兄, 乜野叫 "爆左Windows既機"

:smile_41:

師兄，我想買手提電腦
主要輕同續航力強，但得$4000 budget
CPU 最好雙核..

請問呢兩部邊部好些呢？或有更好選擇？

[url]http://www.price.com.hk/product.php?p=112877[/url]

[url]http://www.price.com.hk/product.php?p=119480[/url]

另外，11.6吋D機，有幾長命呢？

唔該哂 樓主!!!!

請教師兄, 乜野叫 "爆左Windows既機":smile_41:

姐係裝Windows個作業系統…

[[i] 本帖最後由 hksbscyc 於 2010-8-21 01:35 AM 編輯 [/i]]

[quote]原帖由 [i]hksbscyc[/i] 於 2010-8-21 01:12 AM 發表 [url=http://digital.discuss.com.hk/redirect.php?goto=findpost&pid=262678516&ptid=12900489][img]http://digital.discuss.com.hk/images/common/back.gif[/img][/url]
請教師兄, 乜野叫 "爆左Windows既機":smile_41:

姐係裝Windoes個作業系統… [/quote]

小弟愚拙, 仍然唔明.

windoes 可以點爆 ?? 還是跟機無windoes 自己裝 ??

Acer Timeline 1810T Core 2 Solo SU3500 呢部行5.5w
Gateway EC1404k Pentium Processor SU4100呢部行10w
照計w數續航力Acer強d…有幾長命睇你點用啦！日日冷氣房用實長命架、夏天向室外cpu長期80%以上想長命都難！(有D離題想了解開新POST穩下其他CHING幫幫手！)

[[i] 本帖最後由 hksbscyc 於 2010-8-21 06:29 AM 編輯 [/i]]

小弟愚拙, 仍然唔明.

windows 可以點爆 ?? 還是跟機無windows 自己裝 ??

買行貨實有windows個軟件架、只係新機未裝個軟件、要等你決定用邊個語言、決定左語言先裝到合適你既視窗語言架嘛！

姐係部機如果裝阻windows , 就唔好買啦 :smile_13:  係咪咁呢 :smile_14:

我覺得係…但有D牌子如SONY向專門店買會有裝好Windows架、裝好方便賣俾人、佢地要換返部機既語言好方便、但街既電器舖、裝完Windows要改難好多又煩、賣剩一部英文你要中文、電器舖佢地又轉唔到語言、甘人地點做生意丫、一係叫你現場等裝個Windows一係收左你訂等一個鐘叫你返呢羅好過啦！

[[i] 本帖最後由 hksbscyc 於 2010-8-21 05:12 PM 編輯 [/i]]

非常有用,讚:loveliness:

聽日買notebook啦 , 有d緊張tim :smile_13:

[quote]原帖由 [i]tennishk[/i] 於 2010-8-20 20:07 發表 [url=http://digital.discuss.com.hk/redirect.php?goto=findpost&pid=262643371&ptid=12900489][img]http://digital.discuss.com.hk/images/common/back.gif[/img][/url]


看來你應該係行內人，請問可否比點意見？

最後選擇，請問兩部邊部好？(LENOVO與ASUS)

LENOVO G460G $4688
INTEL CORE i3  (2.13GHz)
500GB SATA(5400)

ASUS X42F $4980
INTEL CORE i3 350(2.26GHz ... [/quote]

display 對你黎講重要啲
如果兩個都係onboard display(即係無分開的display card)

我會選擇asus，因為個硬盤至小係7200轉
寫入/輸出速度點都會快過5400轉

好post一推    仲有響細鋪買野真係要check清楚
唔係到頭來係自己蝕抵

有部機想問下ching 的意見 thx

Sony eb27
其實佢的散熱功能如何? 聽講sony 機d 機通常都好熱..
而呢部機合適用黎打機的嗎?
曾經去過d 細鋪去睇nb ... 但成日都唔見有sony  機買,難到要去到大型電器店先有?

學到野,
多謝分享.  :)

[quote]原帖由 [i]eric-vv[/i] 於 2010-8-21 03:37 PM 發表 [url=http://digital.discuss.com.hk/redirect.php?goto=findpost&pid=262723787&ptid=12900489][img]http://digital.discuss.com.hk/images/common/back.gif[/img][/url]
有部機想問下ching 的意見 thx

Sony eb27
其實佢的散熱功能如何? 聽講sony 機d 機通常都好熱..
而呢部機合適用黎打機的嗎?
曾經去過d 細鋪去睇nb ... 但成日都唔見有sony  機買,難到要去到大型電器店先有? [/quote]

SONY 公價無乜肉食細鋪好少做舊貨好多、新機代理都要俾大行先啦！

SONY Z系機身細用呢打機熱量真係好難接受 CPU 100%10分鐘溫度96
SONY CW25 機身大通風口多內部通風點都好D CPU 100% 10分鐘先得70
SONY EB27 個底部通風位都算大唔會熱得去邊、有幾熱睇你點用、
上網睇戲無問題架、打機都係冷氣架散熱板啦、熱得耐機件易老化。
(想無甘熱機底通風最重要、開冷氣如加散熱板要留意塵呢個問題)

[[i] 本帖最後由 hksbscyc 於 2010-8-21 04:49 PM 編輯 [/i]]

有乜好緊張細心D慢慢睇好過啦…

大行細舖都係一樣、同商家打交道小心d好、一同錢有關乜牛鬼蛇神都現影…

NB個RAM槽通常有倆個、留意下跟機RAM用左幾條槽、留到條槽方便升級！(如細鋪買最好當場升級個RAM、張本身條RAM回返俾佢、一出門口條RAM唔值錢架啦)

RAM係咩黎?:smile_44:

[quote]原帖由 [i]hksbscyc[/i] 於 2010-8-21 01:39 AM 發表 [url=http://digital.discuss.com.hk/redirect.php?goto=findpost&pid=262681011&ptid=12900489][img]http://digital.discuss.com.hk/images/common/back.gif[/img][/url]
小弟愚拙, 仍然唔明.

windows 可以點爆 ?? 還是跟機無windows 自己裝 ??

買行貨實有windows個軟件架、只係新機未裝個軟件、要等你決定用邊個語言、決定左語言先裝到合適你既視窗語言架嘛！ [/quote]

多謝指教,
小弟用開desktop自己間中重灌windows. 估唔到notebook係未裝要個客等.