查看完整版本 : 殯儀館見聞

canon123 2011-10-23 01:06 AM

壽衣

由於中國人忌諱(可以的話就不要去)及時下年青人代溝,很多時部份青年到30歲仍未曾出席過一次葬禮...在這為您們輕輕講解一下吧!!

  由先人死那天開始,家屬就要為打點身後事,大部份由死亡至下葬的時間大約是7-20天!!!要視乎先人如何擇下葬方法,如火葬需預定焚化爐及買骨灰位,土葬需要買地。近年亦流行預先購買"長生位"留待死後用....

  中國人對先人的葬禮一航安排在晚上,可能是方便各親友下班來弔唁吧。
晚上在靈堂內出現的人有
1. 先人至親家屬
2. 先人部份朋友
3. 堂官(靈堂的導遊,一般是為各來賓解答問題及安排靈堂和活動的時間...簡單講句是總務吧。各人請於"堂官"先生講解時切勿私語)
4. 晚上才陸續到來的親友
5. 一班身穿道袍的道士,大約6-50個,視乎先人家屬的預算,除非先人家屬講求派頭。否則一般都只是6-8個.....這群人是為先人誦經超道,但求先人家屬安心
6. 靈堂後的先人遺體,一般親友到來需由先人至親或堂官帶領入內曕仰遺容....

家屬需當日中午抵達殯儀館,換上白衣及披麻,(孝服)為晚上來送別先人的親友準備,一般的備是...

1. 準備吉儀
吉儀是一個如NOKIA 8210手機般大小的白色直信封,中間一道紅間藍字寫著吉儀!!千萬不要帶回家!!!!!切記
內裡有一條白色毛巾(意是給來賓抺眼淚,現一般用紙巾代替)一元硬幣,一顆糖!!!
一元硬幣請於即日用掉....那糖請吃掉,如真的不杙吃糖請舔一下再掉!!
囉唆多講一次,吉儀請勿帶回家,否則會非常非常不吉利!!!

2. 記錄"帛金"的數簿,各來賓會以白信封放入現金以作對先人家屬的慰,金額與紅事相若,視乎閣下與先人交情,但唯一不同的是要加上一個一元硬幣,以取""只有一次"的意頭....帛金可減輕家人為先人做喪事的負擔。

3. 紙包飲品及香煙是用來招呼親友

4. 可以的話,當天出現在殯儀館的各路人仕盡量戒吃葷腥,即使不能素食也量戒食牛肉,否則不能減輕先人的罪孽及痛苦....

5. 各親友該不會沉悶,可以的話請幫手摺元寶,多摺幾個,先人到陰間可以幾個錢....但切勿摺角!!

6. 穿孝服的人需輪流為先人化寶(燒衣)
A. 保持先人遺體旁的古老油燈保持燃燒!!!
B. 手千萬不要碰到燈油!!!
以上是用來為引路,千萬不要有差錯!!!

7. 有時亦會為親友備素菜...

8. 各人除了靈堂上先人的祭品外,請勿帶酒進來喝!!尊重先人,尊重自己!!!

9. 家屬盡可能禁房事3天,先人一天未下葬亦不可食牛肉及理髮!!!

靈堂後有一玻璃房間,那是先人安躺在床上,一般做法是由"堂官"帶領先人至親為先人檢查貼身遺物,如手錶.耳環.及其貴重首飾......

benhohk 2011-10-23 11:00 PM

好多謝樓主咁詳細咁講

【豪鬼】 2011-10-24 05:08 PM

又知多D喇,謝樓主!:loveliness:

小三看天下 2011-10-25 09:44 PM

謝樓主!

由於中國人忌諱及老人家的代溝,很多時部份長輩對後生在殯葬的事上難免有誤解, ...在這順便為您們輕輕講解一下吧!! 講錯唔好怪。

在上年辦事時, 經常聽到長輩們在談阿某某上次辦事時無經驗, 好亂...之類的話, 大概就是沒問過世伯們如何辦事的意思吧!! 長輩有意無意借題發揮, 想你徵詢佢意見。

其實, 個人好理解D後生在辦事時為什麼會"好亂", 大概離不開一字咁"錢"字!

簡單講, 如果直接跟殯儀館接洽, 會有基本套餐, 土葬30萬到, 火葬3萬蚊到, 包殯儀館一晚守夜。如果經中介人, 多一至兩成, 即 火葬3萬(殯儀館), 就少不了3萬6千起碼(經紀), 相同水平。

好多時, 老人家過身, 就忽然多左好多"兄弟"問你點攪, 同鄉有兄弟好幫到手...

其實, D後生在辦事時為什麼會"好亂"? 多數都是家家有本難唸的經, 不是不想周到, 體面, 而是可以拿出來的數目有限, 再者誤信"叔伯兄弟", 大失預算, 收唔到科。

以下是一個基本參考:
佛堂/道堂的長生位(即每日有人裝香):          預算1萬
殯儀館1晚+打齋+包紮作:                           預算3萬
英雄宴3圍:                                               預算6千
雜項(例如:酒水, 利是, 孝服, 祭帳, 花籃, 衣紙...):  預算4千
日後骨灰龕:                                              預算7千
如果做齊, 大概要預6至7萬, 已經是最基本, 也不預"加野"了。

講解一下:
佛堂/道堂的長生位(即每日有人裝香):  預算1萬
長生位都有平有貴, 七八千少不免, 但有其他開支唔包, 例如開光費, 上位費, 師傅費另計, 臨時執幾份衣寶的費用, 擺回魂之類, [color=blue]總之有其他洗費唔包[/color], 多多少少都要你到時俾多二三千。

殯儀館1晚+打齋+包紮作:                   預算3萬
如果你改副壽, 當然要加錢; 改壽衣或加壽被, 加錢; 你要個大禮堂, 加錢; 要大壇人打齋, 加錢; 加扎作, 加錢; ... 總之你有任何要求都可以滿足你, 那怕你唔開聲姐。  [color=#0000ff]總之有其他洗費唔包[/color][color=#000000] , 多多少少都要你到時俾多一千幾百。[/color]

英雄宴3圍:                                       預算6千
旅遊車多數係45座位, 所以預3圍, 當然豐儉由人, 計2千蚊一圍, 你要求唔好咁高, 但係班"叔伯兄弟"通常當開大餐咁食, 慌失禮人。

雜項(例如:酒水, 利是, 孝服,  祭帳, 花籃, 衣紙..):     預算4千
應該唔止4千, 一切從簡就可以。

日後骨灰龕:                                      預算7千
公營骨灰龕唔過3千, 交石廠做工套餐當1比1, 都已經6千, 預多1千雜項。

頭一兩年, 生忌死忌清明重陽...拜神作福都會多D, 金紙衣寶洗費都多D...

大拿大六七萬銀, 其實又唔係好容易拿出來, 所以D後生做做下就會發慌, 同最初心目中的預算差了一個開都唔止。過來人的經驗, 唔好假手於人, 任由人地"幫"你做主意, 埋單係自己, 千祈咪上D""叔伯兄弟"當。

殯儀館的收費不同, 包D乜同唔包D乜, 都係要問。問左, 有個大概。例如: 包唔包金銀, 包幾多條金銀, 包唔包元寶一條? 如果你有扎作的話, 通常會有衣櫳兩個同一個夾萬, 咁你就當然要買番三四份金條金磚, 三四份衣包四季衣西裝晚禮服啦~ 唔通到時衣櫳連一套衫都無咩?

小三看天下 2011-10-25 11:20 PM

就樓主提的, 不完全的講多幾樣:

1.長生位, 古老野。

2.堂官越來越年青, 好多時會想結識下你的女親友。堂官都係打工, 你的親友有問題問佢, 例如我係XX關係要唔要買壽被, 佢當然一口話要! 例如我係XX關係, 要唔要帶孝,  佢當然一口話要!  你係主家, 你事先醒佢, 一句叫佢唔知親屬關係, 咪亂答人攪出個大鬧靈堂來! 唔該! 比如你見到唐英年身邊有位紅顏知己, 一句叫唐太就出事啦! :smile_30:

3.如果唔打齋, 就無樓主講的黃袍人。打齋分師姑和喃嘸先生, 人數通常4至6人。香港是個多元化城市, 各類打齋法事大有不同, 唔一定係黃袍道士。

4.香港的殯儀館通常建議主家當日中午二時後抵達, 三時左右先開爐, 當然是希望完成一切過數手續先。:loveliness:

5.至於誰披麻和穿孝服帶白, 主家最好事先定下來, 免得到時大鬧靈堂, 總不能任人上孝吧。建議原則, 二至三時開爐時第一批上孝的就是必須, 其他以後來可有可無, 不必麻煩; 明天不送出山的, 也不必上孝, 因為沒法參加除孝儀式。

6.香港人很少提供紙包飲品及香煙是用來招呼親友。反而堂官, 喃嘸先生, 習慣性都會攞水飲, 所以樽裝水最受歡迎, 一箱都唔夠大家飲。:smile_30:

7.各親友該不會沉悶, 因為見面有好多事非講。:smile_27:

8.香港地方貴, 唔係所有殯儀館都設有飯堂, 通常都係有阿姐上來問你要唔要訂快餐送上來。求其買兩打美心西餅就算, 等宵夜先食好過。

9.現在流行家屬在出山後理髮, 如果要等下葬, 香港可能要等三四年。:loveliness:
頁: [1]
查看完整版本: 殯儀館見聞