查看完整版本 : 請各位俾意見...我應該鑽研中炮好,定另走偏鋒研究過宮炮或飛相局呢?

cleverboy138 2011-10-23 11:15 AM

請各位俾意見...我應該鑽研中炮好,定另走偏鋒研究過宮炮或飛相局呢?

最近想鑽研象棋,有機會想去參加下比賽(已經有3年冇玩比賽了),但始終無以前咁多時間研究了,但興趣仍然不減:loveliness:
我由識捉棋至宜家網上同人捉棋,都係行中炮居多,偶爾用下過宮炮,飛相局或起馬局
但最拿手都應該係中炮局
不過所謂最拿手,只係諗棋時間冇咁長,因為始終用慣左
但我係sina同人捉棋,無論對方用屏風馬,順炮,或者反宮馬,對方多數唔跟棋譜行
可能sina棋手的水平,比起奕天仲未入流,但我自問未夠班去奕天捉(而且聽聞奕天d人好鐘意用棋軟)
問題來了,中炮既然已經用慣,如果要研究,較大路的已經有屏風馬,順炮,反宮馬,半途列炮,單提馬
只係研究對屏風馬已經好頭痛(因為太多變化)
但如果唔研究,出到去比賽會好蝕底,因為分分鐘中左飛刀都唔知
我諗緊如果用過宮炮或飛相局彈性可能較大,亦相對地唔洗花咁多時間在佈局上
各位可唔可以俾下意見?
(當然,我明白走後手時,對方用中炮,如果我用屏風馬應對,都要熟悉有關變化,但比起先手用中炮時,變化較少)

[[i] 本帖最後由 cleverboy138 於 2011-10-23 12:11 PM 編輯 [/i]]
頁: [1]
查看完整版本: 請各位俾意見...我應該鑽研中炮好,定另走偏鋒研究過宮炮或飛相局呢?