查看完整版本 : [樹仁新聞轉貼] 樹仁講 talk招兵 王維基豪請 U仔撼 TVB

tommychuvm2002 2012-3-4 04:06 PM

[樹仁新聞轉貼] 樹仁講 talk招兵 王維基豪請 U仔撼 TVB

FACE週刊 第249期
Main Camp

[size=4][b]樹仁講 talk招兵 王維基豪請 U仔撼 TVB
[/b][/size]2012年02月29日

上週五( 24日),「電訊魔童」王維基,帶同廖碧兒、周家怡、張可頤、黃日華、林文龍等前無綫藝人,於將軍澳工業邨進行其新電視製作中心的動土禮,選址只與無綫電視城隔幾條街,擺明車馬向 TVB宣戰。
王維基表明會再簽有分量藝人及幕後外,上週二( 21日)他更與一眾幕後及高層踩入樹仁大學開招聘會,希望收大量大學生撼無綫!王維基更好大信心話:「只要收視最高嘅劇集,全組會分 100至 150萬!」實行打銀彈戰!

[img]http://202.85.162.86//images/next-photos/face/249/640pixfolder/W1049_158_op.jpg[/img]

想 hea去將軍澳電視台!
舊世界對創作人唔重視!
人哋用膠片當玻璃窗、拉海報就當屋外街景,我就會用實景拍劇!
在兩個多小時的招聘講座,王維基除介紹新電視台規模,亦有不少暗寸無綫是舊世界及制度過時內容!
王維基連同正熱播的無綫劇《 On Call 36小時》前編審孫浩浩、潘漫紅,《潛行狙擊》前編導蘇萬聰等 10多名幕後 fit馬,浩浩蕩蕩到樹仁開招聘會,當王維基逐一介紹 fit馬之前在無綫主理過的電視劇,全場師生即報以歡呼聲。

[img]http://202.85.162.86/images/next-photos/face/249/640pixfolder/W1049_158_5197.jpg[/img]

迫爆社堂
難得王維基拖馬到樹仁請人,禮堂 400多個座位,早就坐爆,不少同學甚至要企在旁聽。

[img]http://202.85.162.86/images/next-photos/face/249/640pixfolder/W1049_158_211.jpg[/img]

眾星撐動土
上週五,一眾已加盟王維基的前無綫藝員,出席王的動土禮,齊齊為老闆造勢。

[img]http://202.85.162.86/images/next-photos/face/249/640pixfolder/W1049_158_02.jpg[/img]

前員工爆料
當日除了王維基上台介紹公司,前無綫《 On Call 36小時》編審孫浩浩、潘漫紅在席上就爆:「根本不想加楊怡及 黄智雯係親姊妹關係,不過上頭要求指定劇情,醫生劇根本唔應該加樣板內容!」

我有好多個 25億
甫上台王向在場 400多名同學大派定心丸,「我 5張( 50歲)啦,如果攞 20-25億放入銀行收息,可以食過世,但我好鍾意玩呢行(電視台),所以會投資 5年,大約 20-25億,雖然𠵱家仲未開始拍劇, 300員工幾萬蚊分量加器材,每個月 1千幾百萬唔算好多,我仲有好多個 25億!」

確實記者見王的電視台無論編劇及藝人的招聘薪金,比無綫都為高,好似無綫的編審,新入職有 11,000元,王則有 12,000元,而無綫新藝員只有幾千元,王就以 10,000元作起薪點,王解釋:「我哋出嘅價比其他電視台高,因為人才應該受到尊重,舊世界(無綫),觀眾永遠唔會知道幕後精英,但我覺得,應該同等看待!」

爭取表現
為了令王維基𥄫中簽為演員、司儀或幕後,各同學都有備而來,唱歌,唔收錢都出齊!

即場唱歌
美國西雅圖音樂學院學生
夏啟華

[img]http://202.85.162.86/images/next-photos/face/249/640pixfolder/W1049_158_5228.jpg[/img]

本來只是講座,但到發問環節我就主動舉手攞咪,我係學院學生,所以即場騷吓歌喉,唱一曲〈我真的受傷了〉,王維基都有讚我靚仔有歌藝。我諗我有七、八成能被取錄!獻唱完即場被工作人員拉到一邊影相、留電話。

免費打工
樹仁經濟及金融系 Yr.1
謝同學

[img]http://202.85.162.86/images/next-photos/face/249/640pixfolder/W1049_158_5386.jpg[/img]

我知自己未畢業,好難要求對方請我做全職,所以我咪主動提出,為了入電視台工作,就算唔收錢都肯做,當學嘢!
整靚 CV

樹仁新傳系 Yr.4
簡彩欣

[img]http://202.85.162.86/images/next-photos/face/249/640pixfolder/W1049_158_5414.jpg[/img]

我面試第一句就係話我不要做花瓶!
我覺得靚女都需要有才華,所以我不斷增值自己及參加多個司儀及 DJ比賽,亦喺港台節目〈 Teen Power〉做過,希望令自己履歷更豐富。

對鏡練戲
浸大電視電影系 Yr.3
何樂儀

[img]http://202.85.162.86/images/next-photos/face/249/640pixfolder/W1049_158_7729.jpg[/img]

我係港台節目〈 388放題〉的 DJ Edna, Henry哥哥的拍檔,當初入讀電視電影系,為了就是想在電視圈工作。對於這次面試,我早幾晚已在家對鏡練口才,雖然面試時有少少窒,但總算完成了,希望可以做到吧。
開 9組劇組

[img]http://202.85.162.86/images/next-photos/face/249/640pixfolder/W1049_158_03.jpg[/img]

直擊揀蟀
王維基及一眾高層,主力接見投考演員及司儀的同學,要得到 9位考官認同,絕不容易,加上在場有兩部攝錄機拍低同學靚樣,看看是否上鏡。

除了用高薪吸大學生,王亦豪推獎金啟發創作,「我將會開 9組劇組,當電視台開播後,會論收視行賞,如果收視最高嘅劇集,全組(台前幕後)會分 100至 150萬獎金作鼓勵,希望激勵員工!」不過王維基亦清楚向在場同學表示,「如果大家(同學)想 hea,請去將軍澳嗰個電視台,如果要搏殺,認真做啲嘢,咁就揀啱啦!」

請 700大學生
王表示會請近 700名同學入不同部門,但記者見單是樹仁應徵演員及司儀的同學已近 200名,見他們化行妝外,不少亦有備而來,除了有同學即時在王維基前獻唱,亦有考生帶齊以往演出履歷,希望吸引對方,本刊就直擊王維基揀蟀過程,他除了要求考生 2分鐘自我介紹外,亦預先給考生 1個臨時表演,全程亦會拍 video做紀錄,他向記者解釋:「希望了解考生之餘,亦了解考生反應及上唔上鏡。」

同場亦進行助導及編劇面試,負責面試的總導演蘇萬聰透露,「我會以 8人一組做小組討論,問佢哋鍾意咩電視劇或電影,再要求佢哋講出原因,藉此了解佢哋對電影認識及概念!不過我哋好睇對電視工作有冇熱誠,因為經過兩輪面試,成功取錄,會上 4個月培訓班,如果同學有心,唔該帶埋自己作品,等我哋認識你!」

余可穎 樹仁中文系 Yr.4

[img]http://202.85.162.86/images/next-photos/face/249/640pixfolder/W1049_158_05.jpg[/img]

之前做話劇都有幫過手做 P.A.,今次聽完呢個講座,覺得入面啲人際關係好好,返工應該會好開心,好想做助導。
MAX 浸大電影電視系 Yr.3

[img]http://202.85.162.86/images/next-photos/face/249/640pixfolder/W1049_158_39.jpg[/img]

見好多人排隊面試,我都喺度執靚份 CV,將做過嘅 freelance寫埋落去提升吓自己競爭力。

李芷慧 樹仁新傳系 Yr.4

[img]http://202.85.162.86/images/next-photos/face/249/640pixfolder/W1049_158_06.jpg[/img]

整個面試過程都好似同考官傾吓偈咁,我哋有幾個考生喺學校入面本身都有拍開劇,感覺都 ok!

小組應考
投考編劇及助導同學,分 8人一組, 15分鐘時限,回應 10條試題,考官再揀合適同學入第二輪面試。

[img]http://202.85.162.86/images/next-photos/face/249/640pixfolder/W1049_158_5326.jpg[/img]
[img]http://202.85.162.86/images/next-photos/face/249/640pixfolder/W1049_158__DSC5007.jpg[/img]

考官 總導演 《潛行狙擊》編導 蘇萬聰
我哋揀同學除咗睇對電視製作觸覺,最重要係有冇熱誠!

試題曝光
據知應考編劇及助導的同學需要解答 10條試題,以下就是部分內容,想應考同學請諗定答案!
1.請講出你最鍾意的電視劇及電影,並說明原因。
2.在大街上拍攝期間,被不少 fans影相打擾,應如何解決?
3. P.A.的工作做甚麼?
4.拍攝時如服裝不夠臨時演員穿着,應如何解決?

𥄫實面試
[img]http://202.85.162.86/images/next-photos/face/249/640pixfolder/W1049_158_table.jpg[/img]

王維基或其團隊將會去多間大學及大專院校招募新血,有心入行的同學,要睇實時間!

Source: [url=http://www.ihktv.com/face-249-rickywong.html]http://www.ihktv.com/face-249-rickywong.html[/url]





[size=5][color=magenta]我的感想[/color][/size]
[size=5][color=magenta]真俾面,第一站就是樹仁,各位樹仁同學請好好珍惜這些得來不易的機會。我入學個陣時,即幾年前,這些大型招聘簡直是天方夜譚,現在很多大企業都願意給機會我們樹仁的同學,這有賴於不少師兄師姐的努力,所以要做到最好,不要辜負前人們的心血。[/color][/size]
[size=5][color=#ff00ff][/color][/size]
:smile_o12:

[[i] 本帖最後由 tommychuvm2002 於 2012-3-4 04:09 PM 編輯 [/i]]

comecome123 2012-3-14 05:34 PM

佢都幾好丫!!!第一站樹仁!!
把握機會add oil!!!
頁: [1]
查看完整版本: [樹仁新聞轉貼] 樹仁講 talk招兵 王維基豪請 U仔撼 TVB