查看完整版本 : 去馬代蜜月的朋友們請注意

sukisweets 2012-3-15 12:38

[size=5][color=blue]重要更新:[/color][/size][size=5]
[url=http://www.discuss.com.hk/viewthread.php?tid=18280062&page=97#pid336930487]#1448[/url][/size][size=5][color=blue],整理出各酒店的分析~
P.S. 新開幕酒店會清楚標示~
[/color][url=http://www.discuss.com.hk/viewthread.php?tid=18280062&page=110#pid341622772]#1645[/url][color=blue][size=5],[/size] 馬里市中心平價酒店推介~~
麻煩各會員仔細閱讀....[/color][/size][size=5]:smile_o05:[/size]


[size=5][u]建議各位會員發問之前, 可先參考本帖內容~[/u][/size]

首先聲明小妹並不是專業人士, 更不是賣廣告
所以希望各位擔當理性觀眾, 多多指教小妹
不要惡意批評:)

從今日開始會不定期更新馬代各大小RESORT的最新資料於#1
當然, 不包括實際價格
否則容易有賣廣告之嫌..

[size=4][color=darkorange]較為推介旅行社代理:
1. 安運
2. travel channel
3. sun n sea
4. SIA
5. 至尊假日
6. 安達旅運[/color][/size]

1. Cocopalm boduhithi現正推出優惠: 住4付3,適用日期4月15-10月31日,每人需付8美金床稅 入住Escape Water Villa的客人享有 150用餐券和接送8折優惠 入住Club Coco Palm Villa的客人享有250用餐券和接送免費

2. AV海龜島終於支持沙水混住, 以往AV島只可以單訂沙灘房/豪水房, 現開放混住套餐, 供2種房間都想嘗試的朋友們一個新選擇

3. Jumeirah Vittaveli島限時住4晚只需付3晚價錢

[color=red]攻略篇:   [/color]
[color=red]NIYAMA SPA和水上活動價格表見於[/color][url=http://www.discuss.com.hk/viewthread.php?tid=18280062&page=42#pid329452662][color=red]此處[/color][/url]
[color=red]W島攻略見於[/color][url=http://www.discuss.com.hk/viewthread.php?tid=18280062&page=43#pid329558193][color=red]此處[/color][/url]
[color=red]AV島攻略[/color][url=http://www.discuss.com.hk/viewthread.php?tid=18280062&page=44#pid329659995][color=red]此處[/color][/url]
[color=red]AK島攻略[/color][url=http://www.discuss.com.hk/viewthread.php?tid=18280062&page=44#pid329731666][color=red]此處[/color][/url]
[color=red]dusit thani島攻略[/color][url=http://www.discuss.com.hk/viewthread.php?tid=18280062&page=44#pid329737621]此處[/url][color=red], 部分水上活動價格[/color][url=http://www.discuss.com.hk/viewthread.php?tid=18280062&page=58#pid331169182]此處[/url][color=red]
NIYAMA島攻略[/color][url=http://www.discuss.com.hk/viewthread.php?tid=18280062&page=44#pid329740531]此處[/url][color=red]
COCO PALM BODU HITHI攻略[/color][url=http://www.discuss.com.hk/viewthread.php?tid=18280062&page=46#pid329763700]此處[/url][color=red]
CONRAD RANGALI ISLAND攻略[/color][url=http://www.discuss.com.hk/viewthread.php?tid=18280062&page=46#pid329766105]此處[/url][color=red]
LILY BEACH & SPA攻略[/color][url=http://www.discuss.com.hk/viewthread.php?tid=18280062&page=46#pid329770691]此處[/url][color=red]
CONSTANCE HALAVELI攻略[/color][url=http://www.discuss.com.hk/viewthread.php?tid=18280062&page=48#pid329919669]此處[/url][color=red]
CONSTANCE MOOFUSHI攻略[/color][url=http://www.discuss.com.hk/viewthread.php?tid=18280062&page=48#pid329922322]此處[/url][color=red]
WALDORF ASTORIA攻略[/color][url=http://www.discuss.com.hk/viewthread.php?tid=18280062&page=50#pid330028474]此處[/url][color=red], 於7月尾正式脫離hilton酒店集團旗下, 而且會易名為"the beach house at iruveli maldives"
JUMEIRAH DHEVANAFUSHI攻略[/color][url=http://www.discuss.com.hk/viewthread.php?tid=18280062&page=55#pid330889970]此處[/url][color=red]
AYADA攻略[/color][url=http://www.discuss.com.hk/viewthread.php?tid=18280062&page=58#pid331155294]此處[/url][color=red]
SIX SENSES LAAMU[/color][url=http://www.discuss.com.hk/viewthread.php?tid=18280062&page=60#pid331304067]此處[/url][color=red]
VADOO[/color][url=http://www.discuss.com.hk/viewthread.php?tid=18280062&page=76#pid333763782]此處[/url][color=red]

[color=green]傳媒報導:[/color]
[color=green]Jumeirah vittaveli[/color][/color][url=http://www.discuss.com.hk/viewthread.php?tid=18280062&page=76#pid333765256]此處[/url][color=red][/color][color=red]
[color=teal]Dusit thani[/color][/color][url=http://hk.news.yahoo.com/%E9%A6%AC%E7%88%BE%E4%BB%A3%E5%A4%AB%E6%B3%B0%E8%B2%BC%E5%BF%83%E9%AB%94%E9%A9%97-215211043.html]此處[/url][color=red][color=teal]
Jumeirah Dhevanafushi[/color][/color][url=http://hk.news.yahoo.com/%E9%A6%AC%E7%88%BE%E4%BB%A3%E5%A4%AB-%E8%BA%BA%E6%B5%B7%E4%B8%8A%E8%B3%9E%E9%AD%94%E5%B9%BB%E8%97%8D-215212718.html]此處[/url]
[color=teal]Niyama[/color][url=http://www.discuss.com.hk/viewthread.php?tid=18280062&page=95#pid336799220]此處[/url]
[color=Green]Viceroy[/color][url=http://www.sunnseaholidays.com/zh-cht/features-maldives-viceroy][color=Green]此處[/color][/url]
[color=red]

[color=darkorange]會員反饋:[/color]
[color=darkorange]Jumeirah Vittaveli[/color][/color][url=http://www.discuss.com.hk/viewthread.php?tid=18280062&page=53#pid330500524]此處[/url][color=red][color=darkorange],  lingjoey7月新鮮[/color][/color][url=http://www.discuss.com.hk/viewthread.php?tid=18280062&page=83#pid335122643]遊記[/url][color=red][color=darkorange], 水上活動價目精華[/color][/color][url=http://www.discuss.com.hk/viewthread.php?tid=18280062&page=53#pid330646319]此處[/url][color=orange], fung新鮮[url=http://www.discuss.com.hk/viewthread.php?tid=18280062&page=99#pid337185540]遊記[/url][/color][color=orange], [url=http://www.discuss.com.hk/viewthread.php?tid=18280062&page=99#pid337464130]仲有...[/url][/color][color=red]
[color=darkorange]Lily Beach & spa[/color][/color][url=http://www.discuss.com.hk/viewthread.php?tid=18280062&page=69#pid332763079]此處[/url][color=red][color=darkorange], [/color][/color][url=http://www.discuss.com.hk/viewthread.php?tid=18280062&page=69#pid332772474]仲有....[/url] , 還有[url=http://www.discuss.com.hk/viewthread.php?tid=20279546&extra=page%3D1]馬代&吉隆坡遊遊記,[/url][url=http://www.discuss.com.hk/viewthread.php?tid=20279546&extra=page%3D1][url=http://www.discuss.com.hk/viewthread.php?tid=18280062&page=114#pid342539681]SYW小TIPS[/url][color=red][color=darkorange]與[/color][/color][url=http://www.discuss.com.hk/viewthread.php?tid=18280062&page=114#pid342569204]遊記[/url][color=red][color=darkorange]
[/color][/color][/url][color=red][color=darkorange]Constance moofushi[/color][/color][url=http://www.discuss.com.hk/viewthread.php?tid=18280062&page=75#pid333661527]此處[/url][color=red][color=darkorange], [/color][/color][url=http://www.discuss.com.hk/viewthread.php?tid=18280062&page=74#pid333389203]仲有...[/url][color=red][color=darkorange]  仲有danchung兄的新加坡VS馬代[/color][/color][url=http://www.discuss.com.hk/viewthread.php?tid=19679279&page=1#pid333668588]遊記[/url][color=SandyBrown], 仲有[url=http://www.discuss.com.hk/viewthread.php?tid=18280062&page=82#pid334662858]pre-honeymooner小情侶遊記[/url][/color][color=SandyBrown], 仲有jelly貓[url=http://www.discuss.com.hk/viewthread.php?tid=20528756&page=1#pid339647740]6日不夜天之旅[/url][/color][color=Orange], 仲有[url=http://www.discuss.com.hk/viewthread.php?tid=18280062&page=107#pid340050129]私人浮潛教路小TIPS[/url][/color][color=red]
[color=sandybrown]Dusit thani[/color][/color][color=sandybrown][url=http://www.discuss.com.hk/viewthread.php?tid=18280062&page=98#pid337116376]此處[/url], [url=http://www.discuss.com.hk/viewthread.php?tid=18280062&extra=page%3D1&page=100][url=http://www.discuss.com.hk/viewthread.php?tid=18280062&extra=page%3D1&page=100][color=sandybrown]仲有...[/color][color=red]
[/color][/url][/url]  [/color][url=http://www.discuss.com.hk/viewthread.php?tid=20229065&extra=page%3D1]還有~[/url][color=sandybrown][url=http://www.discuss.com.hk/viewthread.php?tid=18280062&extra=page%3D1&page=100][color=red]
[/color][/url][/color][color=red][color=SandyBrown]Niyama[/color][/color][url=http://www.discuss.com.hk/viewthread.php?tid=18280062&page=111#pid341927863]此處[/url][color=red][color=SandyBrown], [/color][/color][url=http://www.discuss.com.hk/viewthread.php?tid=18280062&page=111#pid341960577]仲有[/url][color=red][color=SandyBrown], 較詳細REPORT[/color][/color][url=http://www.discuss.com.hk/viewthread.php?tid=18280062&page=112#pid342039682]補充[/url][color=red]
[color=SandyBrown]The residence[/color][/color][url=http://www.discuss.com.hk/viewthread.php?tid=18280062&page=111#pid341960577]此處[/url][color=red][color=SandyBrown], [/color][/color][url=http://www.discuss.com.hk/viewthread.php?tid=18280062&page=113#pid342146882]仲有..[/url][color=SandyBrown], 當然仲有[url=http://www.discuss.com.hk/viewthread.php?tid=20876683&page=1#pid343008769]fenmikam遊記[/url][/color][color=red]
[/color]

[[i] 本帖最後由 sukisweets 於 2012-9-30 10:58 AM 編輯 [/i]]

sukisweets 2012-3-17 11:25

Constance集團旗下的 Halaveli和Moofushi島夏季有住3付2,住6付4的活動了...
趕在夏季去密月旅行的朋友們有福了:smile_o09:
2個島都屬於水上飛機島, 有興趣乘搭水上飛機的可以密切留意

此外,
Park Hyatt Hadahaa同樣推出夏季特價4晚島上別墅住4付3優惠,

Baros 島夏季亦推廣住四付三 2沙+2水實惠套餐
2晚deluxe villa+2晚water villa:smile_o10:


番外:
近日留意到香討有couple對dusit島有好奇追問相關PACKAGE
所以決定講清楚少少:smile_o05:
DUSIT絕對屬於新島, 故此設施都會最完善最新淨
對於有要求高享受新婚人士好適合
不難理解到馬代蜜月份屬高消費城市, 就算挑選一價全包島也絕不便宜...尤其相比起其他比較相宜密月勝地
今次特價促銷主要基於新島開幕期限, 所以有大幅度優惠,

而所包含條件亦較優厚
即日起到4月30日,房價五五折優惠,接送不打折。
蜜月夫妻會得到一瓶香檳和燭光晚餐,還有酒店相框。- 蜜月需要預訂時申請,結婚證件須提供給酒店前台,6個月內期限。Early Bird Offer提前45天預定,可以享受房價95折.

Free Night Offer
住 4 付 3 (5月1日-7月31日)適用於Beach Villa, Beach Villa with pool 和 Lagoon Villas with pool
住 4 付 3 ,免費升級半餐(5月1日-7月31日)適用於Ocean Villas with pool, Ocean Pavilion with pool and Beach Residence with pool

[[i] 本帖最後由 sukisweets 於 2012-3-17 03:45 PM 編輯 [/i]]

sukisweets 2012-3-17 15:50

其實介紹馬代優惠package同時, 大家會唔會想我順便介紹下度假村大致設施呢?

angeloheha 2012-3-19 00:20

好多謝你既介紹啊...我都好想去..不過因為怕果度食野好貴..所以打算去一價全包既LILY島..
想問下你有冇其他介紹??而如果9-10月去又會唔會平???
而你介紹既島..D野食大約幾錢???

sukisweets 2012-3-19 11:39

通常呢, 係非一價全包島食飯, 每餐大概4-10美金
當然某D島有特色餐廳, 例如水底餐廳嗰D會特別再貴D:smile_o10:
一價全包其實真係好抵買, 因為食嘢, 去玩都唔駛就住價錢, 少好多煩惱:smile_o12:
去度蜜月都係想開心, 如果餐餐都要睇餐牌價錢就住食幾唔暢快
一價全包島就無呢樣煩惱
LILY島浮潛設備好, 風景好, 大自然比較無受嚴重破壞, 基本上係VILLA裡面就可以直接落水, 已經可以見到好多魚同珊瑚
相對上好抵玩...仲有, 島上設有中文GO, 方便唔想講英文的遊客
有D人話LILY島特別多內地客, 其實都好視乎你邊段時間去...好嘢自然多人識欣賞, 呢樣唔難理解~
如果9-10月去都仲係淡季, 各RESORT都會平D
注意: 旺季同淡季房價格可以係一倍..仲有旺季係難BK房~
最好早2-3個月預訂房, 因為愈早訂愈平...仲有自己都安心D啦, 尤其是自己BK房的話, 愈早訂愈有機會佢因為有房而自動幫你UPGRADE房...當然你訂時候, 都可以問下酒店方面會唔會有得升級房..問下無壞, 唔駛擔心~
既然你特別問到LILY島, 我就講得詳細D:smile_o05:
基本上, 馬代係落地簽證所以唔駛太擔心簽證問題
LILY島屬於水上飛機型, 通常你地去到MALE都會係半夜時間, 一定要訂一晚機場酒店, RESORT飛機一定係第2朝先安排到~ *唔好打算慳錢唔訂酒店, 因為機場夜晚治安麻麻, 仲有地方細無位俾遊客長STAY幾個鐘~ 機場附近有好多酒店都係OK,訓一晚要求其實唔駛太高*
你預訂RESORT一定會派人去機場接你地, 然後帶你地去酒店休息..基本上第2朝水上飛機最早6點鐘有得飛, 不過係由當地人員安排, 如果為咗可以早D上島,我建議你地同佢地講一講想搭第1班機, 希望佢地儘量安排~~
一路由酒店去到內陸機機場都係唔駛自己拎行李, 有酒店人員代勞...建議你地可以俾1-2美金做小費
去馬代捨得俾小費做任何事都方便D...佢地真係會好勤力幫你安排所有事, 我上次去玩, 無啦啦想夜晚做SPA, 同咗管家講之後佢真係安排到.. 當然去玩幾日管家一直跟係身邊幫你打點事, 俾多D小費都值得~
建議去之前兌定多D散紙美金, 方便俾小費:smile_o01:
飛機都係快則半個鐘, 慢則45分鐘
上到島之後除簡單介紹, 通常會ASSIGN埋個人管家...咁呢幾日旅程有任何事都係打去前台搵管家同佢講就OK
仲有每日都會有當日活動清單, 自行決定行程
每日亦有定時人員清潔打理, 仲有補給食物用品
完全不用煩心~
蜜月couple都會有蜜月蛋糕, DINNER, 深海浮潛同埋夜釣...另外仲有好多活動可以參加, 唔駛怕悶..
LILY島有3種房型, 分別為沙屋, 普通水VILLA同埋豪華水VILLA
基本上我覺得可以混住, 即係訂4晚沙屋, 1晚水屋
通常去馬代都會STAY4-5日..你去到就知道, 到時會玩到唔捨得走
所以預5日係足夠~
我建議訂4晚沙屋, 1晚豪華水屋:smile_o12:
而普通水屋因為全島得16間, 好難訂.....而且價錢比沙屋貴少少, 個人覺得住沙屋都好OKAY, 雖然話係沙屋, 不過一出VILLA, 就已經對住一片海, 感覺就好似有私人海灘咁:smile_o15:  普通水屋反而比較遜色
而豪華水屋實在值得推薦

有問題再問我~

angeloheha 2012-3-19 23:23

@@ . 一價全包島連活動都唔洗再比錢架咩??
咁SPA果D呢??我完本諗住連3晚都住普通水屋...
我見住多一夜都要+多10K左右...9-10月去.如果要全島上訓4夜..每人30K...得唔得呢?XD

sukisweets 2012-3-19 23:50

係, 一價全包意思即是全包, 我之前提過每日會有張活動清單
仲有上島時候簡介完之後佢都會清楚講明有咩活動/設備係須要額外付錢
一定要留意~  不過一般計其實都唔駛再俾錢
做SPA係要額外俾錢...:smile_o13:  呢樣要注意~
其實普通水屋都OK, 我都係俾多少少意見大家
因為始終度蜜月, 相信好多couple都會想有最美好回憶
每樣都有可能會完美D
同埋體驗都會唔一樣~
如果你有留意官網, 我講緊個PACKAGE就正正係佢推廣個platinum package..
你可以自己睇下~
假若最後想混房住, 詳情最好EMAIL向酒店確認一下為妥
因為價格肯定有不同
唔知道你想點樣玩呢? 自己訂機票+酒店..還是向旅行社訂?
官網訂房同各大酒店綜合網訂房所包套餐內容都有不同, 條款不同, 精明消費者要小心:smile_o06:

sukisweets 2012-3-20 00:06

俾多個溫馨貼士你...
我有FD上年差不多時段去LILY BEACH..RESORT連一晚MALE酒店3萬左右..
未連機票....
佢嗰次就正正住4晚沙屋1晚豪華水屋, 而佢選擇馬航..2個人大概1萬左右機票~ *上次佢地都係訂platinum package但係有包SPA一次的...建議你可以問返LILY*
1個人預3萬幾應該夠用:smile_o15:
另外, 剛剛SEARCH到有位couple都係訂咗LILY蜜月假期PACKAGE, 你可以留意一下~
[url]http://blog.yahoo.com/_WKRDYKVV5TVEX2B4EWCLAE3EAE/articles/778184[/url]
有興趣的話可以留意下..因為佢真係剛剛BK咗, 不過係12月去...過咗旺季房價自然貴D, 你預算淡季去大概1半房價左右~
仲有,你地提到9-10月去...你地暑假前就要留意定有無旅行社有平PACKAGE..
有時旅行社會有荀嘢, 建議可以留意下有無雞執:smile_o13:

angeloheha 2012-3-20 00:19

30K未連機票??2個人既價錢定一個人價錢黎??
我都未定點買機票果D啊...如果唔係差好遠既..搵人幫訂都唔錯..XD.
因為結完婚都仲有大量錢要洗..XD
2個人大約只要55K-60K用...哈.
不過好怕有大陸人....果D地方食食下野..有人大大聲係你身邊講普通話都幾唔舒服...

sukisweets 2012-3-20 00:23

係2個人價錢....:smile_o10:
1個人價我就唔敢覆你啦~
你都知而家強國人消費水平分分鐘高過我地, 可能會有....
不過HK人聰明豆, 識得諗辦法自己舒服D..唔怕碰面
況且島咁大, 人地都係度假點會阻你..
島上私隱度高, 唔怕唔怕~
況且9-10月..內地人多數唔係呢段時間去~:smile_o13:

sukisweets 2012-3-20 00:27

剛剛又俾我搵到佢... 睇落有幾間OK抵住
有興趣再問我~  機票連酒店抵玩~~~
[url]http://www.wincastle.com.hk/c_dest/maldives.htm?ref=sitemap[/url]

angeloheha 2012-3-20 00:42

@@..咁又唔係好貴WOO...32K+12K都係44K...每人都係22K...
咁都唔錯WOO..XD..
你好熟行程..@@

sukisweets 2012-3-20 00:46

我自己去過2次, 一次仲要係上年暑假~
我FD都鍾意去陽光與海灘..唔鍾意SHOPPING:smile_o05:

sukisweets 2012-3-20 15:22

3月20更新...
其實大家有留意的話, travel channel.com都有好多不同地方優惠套票
馬代提供有35個不同酒店套票...某幾間酒店我覺得特別抵玩~
抵死在本身酒店平日訂房價格不菲, 再加上機票錢自己訂肯定和味
但而家佢一個價包起機票酒店費..蜜月夫婦仲有特別禮物...
有幾個寫明係HK直航馬里, 唔駛經新加坡/馬來西亞, 基本上如果由HK直航係早好多去到馬里
連係當地住一晚馬里酒店錢都可以慳返~

友情推介套票:
1. the residence maldives, 今年馬代會有幾個島新開幕, 而呢間係其中一間
新設施新享受..而且新張期間房價偏低, 而且仲有免費升級, 非常值得一試~
:smile_o12:
2. Jumeriah Vittaveli, 可算係超5星級酒店
平日訂房價長期高昂, 如今套票優惠價特別相宜
訂其他酒店差不多價錢可以享受到高一級的住宿, 事實上可以接受
3. AYADA, 呢間係新開幕第2間酒店
可能價格會比其他為貴, 不過其實有留意清楚細則會發覺...佢係有包早晚餐
相比起其他島要另外再付點餐費就比較化算
再加上有住4付3優惠, 實吸引更多新婚夫婦選擇
4. SIX SENSES LAMMU
亦屬於包早晚餐島之選, 不過要留意, 不同時段去晚餐都要收附加費...
不過佢有個優點,就係直航馬里, 絕不中途轉機
可以省卻好多時間, 可以直晚上島...省卻住當地馬里一晚酒店費~
仲有, 套票亦包含蜜月按摩, 不額外收費..實在比較吸引:smile_o10:
5. DUSIT MALDIVES, 呢間係第3間新開幕酒店
睇價格就知道呢間係同期最豪華設備最完善...房間和其他設備一應俱全
可以話一分價錢一分貨色
相信大家都會心裡有數~ 呢個PACKAGE總會平過自己訂..不過預算唔太多的couple們唔推介呢間~
除非你對住宿要求極高:smile_o06:

各位心思思想去馬代度蜜月又不欲自己訂機票酒店麻煩瑣碎的話, 訂package絕對係好選擇~
早訂早優惠~:smile_o07:

[[i] 本帖最後由 sukisweets 於 2012-3-20 03:38 PM 編輯 [/i]]

angeloheha 2012-3-20 15:38

哈..THX SUKI..
我定左2013年9月先去姐..而家做定功課..!!!

sukisweets 2012-3-20 15:40

2013年............:smile_o14:
你....真係早咗D:smile_o16:

MissLee 2012-3-20 21:40

今年12月聖誕假期o個陣, 有冇可能$20,000全包(一個人)呢?
有冇推介~?
想去馬爾代夫honey moon呀:loveliness:
thanks~~:smile_40: :smile_40:

[[i] 本帖最後由 MissLee 於 2012-3-20 09:45 PM 編輯 [/i]]

sukisweets 2012-3-20 22:14

12月已經係旺季...
仲有臨近聖誕節肯定加價加到:smile_o16:
我想知你本身有無planning? 想要一價全包還是自由行訂機票同酒店.....?
你講到明XMAS假期預算幾多預算先?:smile_o05:
只係2萬蚊似乎唔多夠~

sukisweets 2012-3-20 22:48

剛剛CHECK完.....
坦白講, 聖誕期間我絕對建議你買PACKAGE
因為唔係的話價格將會好貴:smile_o02:
你想2萬1個人絕對無可能~
不過, 我有資料係手...聖誕假期我想問你會唔會考慮紅字假期之前出發呢?
因為紅字假期之前會平D:smile_o05:
有幾間RESORT肯定有房, 你可以上網CHECK下睇下合唔合心水~
1. six senses laamu
2. lily beach
3. cocoa island
4. dusit thani maldives
5. four seasons maldives kuda huraa
全部包機票連酒店...

[[i] 本帖最後由 sukisweets 於 2012-3-20 11:28 PM 編輯 [/i]]

sukisweets 2012-3-21 11:16

有會員頻頻聯絡我問預訂酒店最佳時段..
其實我相當鼓勵大家早3-6個月前就要落訂:smile_o05:
可能會有人覺得太早, 可能遲少少會有更優惠套票
我並不排除稍後時間可能會有較優惠價格, 不過須知道各VILLA房間有限
愈遲訂房愈大機會無房..
如果因為節省一千幾百而最終訂不到最喜歡酒店, 度蜜月心情都會受影響
打算節日前後去當地度蜜月的朋友亦須留意, 酒店價格會輕微調整
所以訂房時最好問清楚~
另外,
我認為大家除仔細參閱各大旅行社推出套票外, 亦應該查一下當時機票和酒店預訂價錢
好讓大家心裡有預算, 從而作出明智選擇~
去馬代相信大家都知道多數要轉機, 馬航/斯航/新航都絕對係為人熟悉往返馬代航機公司
不過, 近年來其他航班公司亦推出了直航馬里機票
各位可以留意一下有套票列明直航班次, 對於想省時又想享受多半天的蜜月夫婦其實最適合不過:smile_o12:

此外, 有個別會員向我查詢見到有旅行社公司推出套票
見到首晚住宿列明"香格里拉盛貿+3/4晚指定酒店" , 對所指的盛貿酒店有所誤解
簡單說明一下
鑑於一般來往馬代航班均須要轉機方能到達馬里, 所以每每抵步已經夜深, 有某些航班到達當地甚至已經三更半夜, 必須要在當地機場酒店留宿1晚, 香格里拉盛貿其實只是其中1間酒店...
根據我自己個人立場, 我覺得住1晚馬里酒店其實都可以接受, 馬里市雖然不太大, 不過亦可以逛一逛,感受一下當地人情風味~

[[i] 本帖最後由 sukisweets 於 2012-3-21 11:18 AM 編輯 [/i]]

angeloheha 2012-3-21 14:55

我想問多一問...LILY島..你之前話佢會包活動既..
咁唔洗錢既活動係每日可以玩一個??定係話你成個行程送2個咁??

sukisweets 2012-3-21 15:37

其實佢係無限制...
只要你見到行程表有興趣想玩, 就當日盡早同前台服務人員聯絡等佢地幫你地安排
假若安排到, 其實1日係可以玩到多於1樣活動
可能會係...下午出海浮潛, 夜晚再有碼頭餵魔鬼魚/夜釣
仲有, 更正一點....每天行程表係前一晚已經有信封裝好俾你地, 所以建議各位要仔細plan好時間同行程~
此外, 套票裡面寫明會包括嘅活動基本上一定可以安排玩到一次, 如果要再玩就需要額外付費~
講多少少,
活動其中有項係參觀居民島, 該項安排只限週1,3,5先有...各位有興趣了解當地風土人情就要留意~
LILY島係比較遠離馬里, 所以除了搭水上飛機外, 仲要搭多尼船
怕水土不服人士最好備一點藥物... 當然除此之外, 一般出門藥品都要帶上~
貼士:
1. 基本上一個大隊活動已經佔上半天時間, 所以如果1日想玩2項活動, 一定一定要plan好~ 仲要預算埋可能會DELAY
2. 島上的活動基本上就是那些跟海有關的,日落巡遊、夕陽海釣、深海珊瑚花園浮潛、游覽居民島,這4個活動裡面隨便挑兩個免費的,如果還有空閒時間,想再選擇活動,那就要付費了,一般每個活動都是40-70美金一個人....
通常珊瑚礁浮潛屬必去, 日落巡遊同夕陽海釣其實意思上差不多, 大可2擇其1:smile_o12:
浮潛用品一概可以島上免費借到, 不用自備~  
不過去馬代一定一定要備好防曬用品, 否則蜜月回來會變烤燒豬:smile_o03:

angeloheha 2012-3-21 16:32

深海珊瑚花園浮潛 這個不會游泳的人可以玩嗎?@@

sukisweets 2012-3-21 16:39

其實呢, 講起浮潛好多人會有誤解
浮潛不只限識游水人士玩
唔識游水都可以玩, 只要著好安全服就OKAY
仲有, 租借潛水服時候都會有人員指導你地...
唔識游水/第1次玩可以同佢地講, 佢地會指導你租借合適器具同安全服
深海浮潛會複雜少少, 但係一般自己玩就唔駛咁多裝備~~~
當然, 深海浮潛係屬於大隊活動, 所以有專人從旁協助, 絕對唔駛太擔心:smile_o05:

MissLee 2012-3-21 22:20

我未知聖誕紅日前幾多可以出發呀,
如果假設22/12出發,
邊個島會比較貼近我o既budget呢~?
(最盡去到30k一個人全包啦.....:smile_42: )

麻煩你俾多o的details我o丫,
thanks thanks thanks:loveliness:

sukisweets 2012-3-21 22:36

詳細package你揀好想要邊個島我再PM你啦..我唔想係度公開,免得有賣廣告之嫌,惹人誤會:smile_o10:
基本上我介紹俾你幾個島都有12月尾套票, 酒店連機票全包價
之前我問你大概預計幾多號可以出發, 因為5個島當中有2個島優惠套餐只做到12月20號 *分別是four seasons resort同six senses laamu*
而嗰2個套票價格的確比較相宜, 而另外3個島優惠價就平均做到23,24號..
價格方面全部都below 3萬1個人..可以放心
不如你話我知你想要邊個島詳細資料~:smile_o05:

[[i] 本帖最後由 sukisweets 於 2012-3-21 10:45 PM 編輯 [/i]]

MissLee 2012-3-21 23:16

咁就麻煩你俾four seasons resort同six senses laamu o的資料我先啦,
thanks:loveliness: :loveliness:

sukisweets 2012-3-21 23:23

剛剛PM你, 可以上網check相關套票~
鑑於其他旅行社雖然亦有開辦馬代套餐, 不過提供酒店質素比較一般...
我認為TC相對上就有優勢, 多選擇, 清楚價格...
最重要日期適合你...
能夠做優惠做到12月尾好難得, 因為嗰時已經屬於旺季:smile_o06:

syyc 2012-3-22 03:53

Thank you for sharing



[url=http://m.discuss.com.hk][img=100,23]http://i1.hk/d/images/r10/mobile.jpg[/img][/url]

sukisweets 2012-3-22 09:43

3月22號更新:
3月24, 27號超劈價套餐*以下優惠只限2天*,
美人蕉島Thulhagiri $7880/1 可享受2晚沙灘屋加2晚水上屋+送早晚餐+免費快艇接送+來回斯里蘭卡航空機票特惠套餐:smile_o10:
手快有手慢無....
有關詳情麻煩有興趣的會員個別聯絡我~

此外, 美人蕉島現正進行推廣[b]6日4夜[/b], [b]4月29號後至6月[/b]都有優惠價...7月打後還會有更低價
注意: 4月份香港出發航班時間會為17:15分...非早上班次~
套票包括:斯航機票來回, 加4晚沙灘屋住宿
包半餐, 即是早晚餐, 連快艇接送往返島上~
8890/1, 純沙灘屋價格..
[font=宋體][color=#000000][size=10pt]2晚水上屋2晚沙灘屋9460/1   
4晚水上屋10020元/1[/size][/color][/font]

美人蕉島官網: [url=http://www.thulhagiri.com.mv/nature.html]http://www.thulhagiri.com.mv/nature.html[/url]
[font=宋體][color=#000000][size=10pt]去程HX6723 香港17:15——馬里20:30
回程HX6724 馬里21:30——香港07:00+1[/size][/color][/font]



同時, 各位對馬爾代夫航線/旅行團行程有任何疑問都歡迎問我..我會盡量為大家解答

[[i] 本帖最後由 sukisweets 於 2012-3-22 12:56 PM 編輯 [/i]]
頁: [1] 2 3 4 5 6 7 8 9 10
查看完整版本: 去馬代蜜月的朋友們請注意