查看完整版本 : 兩星期前的夢

Monicamon 2012-4-23 02:29 PM

兩星期前的夢

呢個夢我記得應該係早兩個幾星期前既(大約6-4-2012), 開初都唔留意係咩用意, 但係review 番自己呢兩個星期做過既野又真係可以foresee 到出黎.

個夢既場景係響一間屋入面, 見到我老豆, 老豆仲介紹左個中年女人比我識, 「拿, 呢個你叫姑媽啦」(其實我都唔係好記得係姑媽定姑姐, 總之就姑X啦,我從來未見過的) 而我面對住果位女士, 身材高大, 略胖, 但係面目模糊, 果位女士仲介紹左佢兩個仔比我識, (佢兩個仔都係響間屋入面),個個都係面目模糊, 但係睇個外形都知, 一個係17-9歲, 另一個就細d12-4歲到啦.

介紹完之後, 好似有門鐘響, 於是個個都去開門, 見到一個類似速遞員/郵差之類既人, 就話有封信係比果位女士既(即係姑媽), 咁我就代佢收左封信, 行入屋, 再轉交比果位女士.
個信封有d鬼異, 形容一下啦. 個信封係長方形既, 感覺上d紙質好薄, 係薄到可以見到信封入面既野. 但係響我手上面果時, 淨係見到個信封既中間, 透左個三角形既野, 唔知係乜(個形狀就好似d護身符咁), 一面係紅色, 信封既背面係綠色, 尖角在上面. 因為我知道呢封信係比果位女士既, 咁我就轉手交番比佢啦, 唔知點解, 我又知呢封信好似係果位女士既老公寫比佢, 而且果位女士一接到封信就係咁喊, 喊到收唔到聲.

之後個場景一轉就轉左去屋既另一邊, 係一幅牆黎, 而且果幅牆感覺係有好多神位響度(應該係d天神黎, 好多, 成幅牆都係)
我自己呢就企左係度, 右後方旁邊仲有一個婆婆係度, (又係唔識既) 佢就問我, 「你係唔係想生仔呀?」「係呀!」我答.
之後果個婆婆就問「你想生幾多個呀?」「兩個掛」我答.
無啦啦我老豆就閃出黎就話, 生夠3個啦....之後我就再同果個婆婆講, 「生3個wor~ 生3個lo~」
之後果個婆婆就同我講「拿,你而家面前果位神呢, 就係懷孕神喇(其實我唔知咩神), 你跪低啦」之後我就跪左係度.同時, 我都同果位婆婆講「婆婆, 但係我唔識點求神wor, 你可唔可以幫下我?」「可以」「拿! 如果你想生3個呢, 你就xxxxxx......」婆婆繼續道.... 點知........響真實既世界........我個手提電話就響了............

而現實, 我屋企響4月15號番大陸拜山, 除左拜自己阿爺之外, 仲拜左第14同15代祖先既祖墳, 而且仲要係同其他d遠房親戚一齊去, 而且一路上山, 老豆就同其中一位姑媽?定姑姐? 就一路傾計, 記得果位姑姐既background 係之前響外國住而家就放假同兩個仔番來,個老公無番. <好似應驗左我個夢咁, 而且我唔expect 會有呢d遠房姑媽一齊去, 而且仲係第一次見添@@a>

另一件事就係, 4月21號果日去左青龍頭既金花廟度拜神, 果度真係有位婆婆係幫手求神的, 而且個感覺真係好似夢入面一樣, 企響我既右手邊, 而家果度真係有一幅牆有好多位神. (是日拜金花娘娘同十二奶娘)

真係無奇不有啊!!
頁: [1]
查看完整版本: 兩星期前的夢