查看完整版本 : [新手影評,少量劇透] - 整容天后

aR而 2012-10-23 06:59 PM

[新手影評,少量劇透] - 整容天后

[align=right][size=13px][size=12px][隱藏][/size][/size][/align][size=13px][/size]
「沒有攀不上的寶座,,只有退不下的舞台」
容許我藉助DIVA的Slogan
因為我看完之後,認為這句說話是為戲中的澤尻而設。

她由天之驕女變成眾人輿論的話題。
她由一線女星變成可有可無的明星。
她曾經擁有最完美的身段,最漂亮的面孔
但這一切,都只是過眼雲煙。

她因整容,由一個平平無奇的鄉下妹
變成一個萬人矚目的女神。
眾人看見完美的她都認為這是童話,
但她只是一個悲劇。

呢套戲撇除D咸野唔講,其實都真係好值得睇
人人都認為整容變靚係一件好容易既事,
靚左就可以上位做女神,發大達。
冇錯,整完容,靚左的確係可以上位做女神
但係戲中既澤尻話左比所有觀眾聽,冇野係永恆既
佢由天之驕女突然被一個新人拉番落黎
由所有雜誌既封面都係自己,到到所有封面都變晒個新人
佢接受唔到呢種打擊
因為佢一路一路都係企係最TOP既位置
突然比人拉左落黎,佢接受唔到
但當佢想東山再起既時候,發現自己既身體已經到左極限
整容既後遺症終於都出現。
佢知自己冇能力同人爭就開始不擇手段
男朋友,事業,佢都係不擇手段
「權力,會令人腐化」,呢句真係冇錯
到最後佢選擇左自毀黎到退出呢個冇保證既娛樂圈
呢一套戲真係一套好寫實既電影
講到娛樂圈有幾咁黑暗
D人為左上位可以有幾不擇手段
甚至連自己既身體都可以作賭注
乜,權力名利真係咁重要咩?
澤尻係戲入面講左一句,「只要漂亮,就能變強」
呢句的確冇錯,高登仔都成日講
你靚仔/女就乜都得咖啦
但係真係值得放棄自己既身體而變強咩?

呢套戲既另一個亮點就係個新人
雖然係搶晒澤尻既所有野
但當澤尻搵人想毀佢容既時候,佢冇反抗
佢大概意思係話「我上得呢度,就遇左落番去
只不過係遲定早,如果你而家劃落黎我咪早D落番去囉
人點解要戀盞權位?爭呢D野有咩用?」
當時,佢已經係搶晒澤尻所有野既另一個天之驕女

佢同澤尻係兩個極端,澤尻為求目的,不擇手段
而個新人安而現狀,活在當下。

當然呢套戲既主角係澤尻,但呢個新人亦都可以引起我地既反思
到底係咪曾經擁有權位既人就唔可以放低,要死攬一世?
有權有勢當然係好,但你又會唔會諗下你付出既會唔會比你得到既更
寶貴?

「沒有攀不上的寶座,只有退不下的舞台」
你肯付出既,你絕對可以攀上任何一個寶座
但係當你要退落黎時候,你可唔可以放棄你擁有緊既野?
退不下可能係身不由己,但有時你又可以諗下,
會唔會係你自己放唔低,唔肯落黎?

最後引用多DIVA一句
「你離開左呢個舞台,你咩都唔係!」
冇錯,每個人都係咁,你可以係公司係大老闆
但當你落到街,你都係要排隊買火腩飯
所以,我地係風光既背後,到底可唔可以接受到自己咩都唔係呢?

kakafish19 2012-10-24 10:14 PM

講得好好:smile_o12: ,有同感
頁: [1]
查看完整版本: [新手影評,少量劇透] - 整容天后